ខេត្តស្ទឹងត្រែង ៖ សមត្ថកិច្ចខេត្តស្ទឹងត្រែង បានឱ្យដឹងថា មានអ្នកទោសយ៉ាងតិច ៧នាក់ បានលួចរត់ចេញពីពន្ធនាគារ កាលពីវេលាទៀបភ្លឺឈានចូលថ្ងៃទី៨ ខែវិច្ឆិកា ឆ្នាំ២០២១ ហើយខណនេះ សមត្ថកិច្ចខេត្តស្ទឹងត្រែងកំពុងដាក់កម្លាំងជាច្រើនស្ថាប័នតាមចាប់អ្នកទោសដែលរត់គេចខ្លួននោះផងដែរ។ សមត្ថកិច្ចបានបញ្ជាក់ថា អ្នកទោសទាំង៧នាក់ ដែលរត់ចេញពីពន្ធនាគារនេះ ជាមេខ្លោងជួញដូរគ្រឿងញៀន និងបទល្មើសផ្សេងទៀត បាននាំគ្នាប្រើឧបករណ៍ដើម្បីរំដោះខ្លួនចេញពីបន្ទប់ខាងក្នុង រួចបន្តយកត្រសេះ និងដុំឈើបុកទម្លុះរបងថ្មគេចខ្លួនបាត់អស់។ យ៉ាងណាក៏ដោយភ្លាមៗនោះ មន្ត្រីពន្ធនាគារដែលយាមការពារឃើញអ្នកទោសរត់ចេញក៏បានផ្ទុះអាវុធជាច្រើនគ្រាប់ដេញតាមចាប់ តែចាប់មិនបាននោះទ្បើយ ហើយបង្កឱ្យមានការភ្ញាក់ផ្អើលតែម្តង។ប៉ុន្តែខណនេះសមត្ថកិច្ចក៏កំពង់សហការតាមចាប់ខ្លួន អ្នកទោសទាំងនោះមកវិញផងដែរ ខណដែលគេដឹងថាជនជាប់ចោទដែលលួចរត់ចេញនោះគឺជាប់ចោទពីបទជួញដូរគ្រឿងញៀន និងករណីផ្សេងទៀតក្នុងនោះក៏មានជនជាតិឡាវ ផងដែរ៕
ព័ត៌មានសន្តិសុខសង្គម
រថយន្តហ៊ីយ៉ាន់ដាយ និងម៉ូតូ បុកគ្នាពេញទំហ៊ឹង ធ្វើឱ្យភាគីខាងម៉ូតូស្លាប់ និងអ្នកបើកបររថយន្ត រងរបួសស្រាល
ខេត្តស្វាយរៀង ៖ នៅថ្ងៃទី ២៧ ខែតុលា ឆ្នាំ ២០២១ វេលាម៉ោង ៧ និង១០នាទីយប់ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្ដ និង ម៉ូតូ លើផ្លូវជាតិលេខ ១៣ Km ០២/០៣ ស្ថិតក្នុងភូមិព្រះទន្លេ សង្កាត់សង្ឃ័រ ក្រុងស្វាយរៀង ។ បើតាមសមត្ថកិច្ចបានឲ្យដឹងថា អ្នកបើកបររថយន្ដម៉ាក្ស ហ៊ីយ៉ានដាយ ពណ៏ ស ពាក់ផ្លាក់លេខ ក៧១៥៤.ភព៣ បើកបរដោយឈ្មោះ សៀក សាម័យ ភេទប្រុស អាយុ ៤១ ឆ្នាំ មុខរបរ បើកបរ រស់នៅភូមិគោកមន ឃុំដំដែក ស្រុកសៀមរាប ខេត្តសៀមរាប បើកបរពីជើងទៅត្បូង អ្នកបើកបរគ្មានរបួស រថយន្ដខូចខាតស្រាល ។ រីឯអ្នកបើកបរម៉ូតូម៉ាក Wave ពណ៏ខៅ្ម គ្មានពាក់ផ្លាកលេខ បើកបរដោយឈ្មោះ សួន ស៊ីចូច ភេទប្រុស អាយុ […]
ពុទ្ធោអើយ គ្រោះថ្នាក់ចរាចរណ៏ ដ៏រន្ធត់មួយ ស្លាប់៥នាក់ របួស០១នាក់ ទាំងព្រឹកនៅស្រុកមោងឫស្សី
ខេត្តបាត់ដំបង ៖ នៅព្រឹកនៅថ្ងៃទី២៨ ខែតុលា ឆ្នាំ២០២១ យ៉ាងហោចណាស់មនុស្ស៥នាក់ស្លាប់បាត់ជីវិត និងរបួស០១នាក់ក្នុងហេតុការណ៍គ្រោះថ្នាក់ចរាចរណ៍យ៉ាងរន្ធត់ ។ហេតុការណ៍នេះកើតឡើងនៅលើកំណាត់ផ្លូវជាតិលេខ៥ ដែលកំពុងស្ថាបនា ស្ថិតនៅចំណុចក្រុមទី៧ ភូមិមោង ឃុំមោង ស្រុកមោងឫស្សី ខេត្តបាត់ដំបង ។ ប្រភពពីកន្លែងកើតហេតុបានឲ្យដឹងថាហេតុការណ៍គ្រោះថ្នាក់ដ៍រន្ធត់ខាងលើនេះកើតឡើងរវាងរថយន្តគ្រឿងម៉ាកហ៊ីណូ ធុនដឹកជញ្ជូនពាក់ស្លាកលេខ កំពង់ឆ្នាំង 3A-1566 អ្នកបើកបរមិនស្គាល់អត្តសញ្ញាណ(រត់គេចខ្លួន) បើកបរក្នុងទិសដៅពីកើតទៅលិច លុះពេលមកដល់ចំណុចកើតហេតុខាងលើ បានបុកនឹងរថយន្ត១គ្រឿងម៉ាក នីសសាន់ ធុនដឹកទំនិញ ពាក់ស្លាកលេខ បាត់ដំបង 2B-2211អ្នកបើកបរ មិនស្គាល់អត្តសញ្ញាណ (ស្លាប់) ដែលកំពុងបើកបរច្រាស់ទិសគ្នា។ ក្រោយកើតហេតុអ្នកបើកបររដយន្តធុនធំរត់គេចខ្លួនបាត់ស្រមោល ចំណែកឯអ្នកបើកបររថយន្តនីសាន់ស្លាប់បាត់បងជីវិត។ យោងតាមសមត្ថកិច្ចចុះពិនិត្យទីតាំងកើតហេតុគឺមានមនុស្សស្លាប់ចំនួន៥នាក់ប្រុស ដោយកៀបជាប់ក្នុងរថយន្តទាំងអស់ និងរងរបួសធ្ងន់១នាក់ ប្រុស បានបញ្ជូនទៅមន្ទីរពេទ្យបង្អែកស្រុកមោងឬស្សីហើយ ។ កម្លាំងការិយាល័យចរាចរណ៍ខេត្ត កំពុងចុះទៅអន្តរាគមន៍ដោយសារតែសពមនុស្សទាំង៥នាក់ ត្រូវគាបជាប់មិនទាន់យកចេញបាននៅឡើយ៕
សង្ស័យមាន វិបត្តិក្នុងក្រុមគ្រួសារ ព្រះសង្ឃ១អង្គ គង់នៅ វត្តសាមគ្គីរង្សី ដាច់ចិត្តចងកធ្វើអត្តឃាត
រាជធានីភ្នំពេញ ៖ កាលពីវេលាម៉ោង៦នឹង៣០ នាទីព្រឹកថ្ងៃទី២៥ ខែតុលាឆ្នាំ២០២១ ស្ថិតនៅត្រង់ចំណុចវត្តសាមគ្គីរង្សី សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។មានករណីបង្កឲ្យមានការភ្ញាក់ផ្អើលទៅដល់ព្រះសង្ឃគង់នៅវត្តសាមគ្គីរង្សីនិងញាតិញោមពុទ្ធបរិស័ទជើងវត្ត ដោយសារព្រះសង្ឃមួយអង្គគង់នៅវត្តសាមគ្គីរង្សីមានវិបត្តិនៅក្នុងក្រុមគ្រួសារដាច់ចិត្តចងកធ្វើអត្តឃាតសម្លាប់ខ្លួនសុគតនៅក្នុងបន្ទប់លោកស្នាក់នៅ។ សពព្រះសង្ឃរងគ្រោះមានព្រះនាម សួន សូនិច មុខរបរ ព្រះសង្ឃ ព្រះជន្ម១៩ព្រះវស្សា ស្នាក់នៅវត្តសាមគ្គីរង្សី សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ មានស្រុកកំណើតនៅឃុំកំពុងលង់ ខេត្តកណ្ដាល។ តាមប្រភពព័ត៌មានពីបុរសម្នាក់ដែលជាអ្នកឌុបលោកទៅបិណ្យបាត្ររាល់ព្រឹកបានឲ្យដឹងថា មុនពេលកើតហេតុគាត់ទៅវត្តសាមគ្គីរង្សី ដើម្បីឌុបលោកទៅដូចសព្វដង ដោយឡែកនៅព្រឹកនេះមិនឃើញលោកចេញមកក្រៅ ក៏គោះទ្វាស្រែកហៅតែលោកមិនឆ្លើយតប គាត់ក៏ចេញមកវិញ ។ដោយមានការសង្ស័យមិនឃើញលោកចេញមកក្រៅក៏នាំគ្នាទៅកាត់ស័ង្កសីបង្អួចបង្ហើទើបប្រទះឃើញលោកចងកធ្វើអត្តឃាតសុគតបាត់ទៅហើយ ក៏ប្រញាប់រាយការជូនដល់កម្លាំងសមត្ថកិច្ចមូលដ្ឋានដើម្បីចុះមកដល់ទីតាំងកន្លែងកើតហេតុ។ បើតាមប្រភពពីព្រះតេជគុណដែលគង់នៅបន្ទប់ជាប់គ្នាបានឲ្យដឹងថា នៅល្ងាច២៤ ខែតុលា ឆ្នាំ២០២១ វេលាម៉ោងប្រហែលជា៨យប់ លោកបានយំស្រែកហើយត្អូញត្អែប្រាប់ថា លោកពិបាកចិត្តដោយសារញោមស្រីលោកមានប្ដីក្រោយទៀត ក្រោយមកលោកចូលទៅសឹងទៅ លុះព្រឹកឡើងក៏មិនឃើញលោកចេញក្រៅបន្ទប់រហូតវេលាកើតហេតុក៏ប្រទះឃើញលោកចងកធ្វើអត្តឃាតសម្លាប់ខ្លួនសុគតបាត់ទៅហើយ។ ក្រោយកើតហេតុកម្លាំងសមត្ថកិច្ចមូលដ្ឋានបានចុះមកដល់កន្លែងកើតហេតុធ្វើការទំនាក់ទំនងទៅសមត្ថកិច្ចជំនាញកោសល្យវិច័យ នៃស្នងការនគរបាលរាជធានីភ្នំពេញចុះមកធ្វើកោសល្យវិច័យសពនិងធ្វើកំណត់ហេតុប្រគល់សពជូនក្រុមគ្រួសារសាច់ញាតិធ្វើបុណ្យទៅតាមប្រពៃណី៕
អាសូរណាស់ បុរសម្នាក់ រងរបួសធ្ងន់ធ្ងរ ករណីផ្ទុះមីន ខណៈដែលកំពុងដើរ បោចផ្តៅក្នុងព្រៃ
ខេត្តឧត្តរមានជ័យ ៖យោងតាមផេកអាជ្ញាធរមីន បានឲ្យដឹងថា នៅថ្ងៃទី២៤ ខែតុលា ឆ្នាំ២០២១ វេលាម៉ោង ១២.០០នាទីថ្ងៃត្រង់ មានករណីគ្រោះថ្នាក់ដោយសារមីនប្រឆាំងមនុស្ស ដែលបានបណ្តាលឱ្យប្រជាពលរដ្ឋម្នាក់ ឈ្មោះ រឿន ថន អាយុ២៥ឆ្នាំ រស់នៅភូមិខ្ទុំ សង្កាត់កូនក្រៀល ក្រុងសំរោង ខេត្តឧត្តរមានជ័យ បានរងរបួសដាច់ជើងម្ខាង និងរបួសដៃម្ខាង នៅពេលដែលគាត់កំពុងដើរបោចផ្តៅក្នុងព្រៃ នៅចំនុចដងទង់ ក្នុងភូមិដងទង់ សង្កាត់កូនក្រៀល ក្រុងសំរោង ខេត្តឧត្តរមានជ័យ។ បច្ចុប្បន្នជនរងគ្រោះត្រូវបានបញ្ជូនមកព្យាបាលនៅមន្ទីរពេទ្យបង្អែកខេត្តសៀមរាប។ អាជ្ញាធរមីនក៏បានអំពាវនាវដល់បងប្អូនប្រជាពលរដ្ឋទាំងអស់ត្រូវសាកសួរអាជ្ញាធរមូលដ្ឋាន ឬអ្នកដែលដឹងច្បាស់អំពីព័ត៌មាន មុនពេលចូលតំបន់ណាដែលមិនទាន់បានធ្វើការបោសសម្អាតមីន និងគ្រាប់មិនទាន់ផ្ទុះ។ សូមកុំប៉ះពាល់នៅពេលឃើញគ្រាប់ទាំងនោះហើយត្រូវរាយការណ៍ជាបន្ទាន់ដល់អាជ្ញាធរមានសមត្ថកិច្ច និងប្រតិបត្តិករបោសសម្អាតមីនដែលនៅជិតទីនោះដើម្បីយកគ្រាប់ទាំងនោះទៅកំទេចចោល៕
នគរបាល ខេត្តស្វាយរៀង បញ្ជូនជនសង្ស័យ ជាមុខសញ្ញាជួញដូរ ដឹកជញ្ជូនគ្រឿងញៀន ឆ្លងដែន ចំនួន០២នាក់ ទៅសាលាដំបូង
ខេត្តស្វាយរៀង ៖ ជនសង្ស័យជាមុខសញ្ញាជួញដូរ ដឹកជញ្ជូនគ្រឿងញៀនឆ្លងដែន ចំនួន០២នាក់(ជនជាតិវៀតណាម០១នាក់) រួមជាមួយវត្ថុតាងថ្នាំញៀនចំនួន ១៩kg៤៨៨g អាវុធខ្លីK54០១ដើម ត្រូវបានកម្លាំងជំនាញផែនការងារប្រឆាំងគ្រឿងញៀន នៃស្នងការដ្ឋាននគរបាលខេត្តស្វាយរៀង បញ្ជូនទៅកាន់សាលាដំបូងខេត្តដើម្បីចាត់ការបន្តតាមច្បាប់។ អនុវត្តតាមបទបញ្ជាដ៍ខ្ពង់ខ្ពស់របស់ឯកឧត្តម នាយឧត្តមសេនីយ៍សន្តិបណ្ឌឹត នេត សាវឿន អគ្គស្នងការនគរបាលជាតិ និងក្រោមការដឹកនាំចង្អុលបង្ហាញពីឯកឧត្តម នាយឧត្តមសេនីយ៍ ម៉ក់ ជីតូ អគ្គស្នងការរង ទទូលផែនប្រឆាំងបទល្មើសគ្រឿងញៀន និងក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង ដោយមានការសម្របសម្រូលនីតិវិធីពីឯកឧត្តម ខាំ សុផារី ព្រះរាជអាជ្ញា និងលោក ឈីវ អ៊ិចគង់ ព្រះរាជអាជ្ញារងអមសាលាដំបូងខេត្តស្វាយរៀង កាលពីថ្ងៃទី១៣ ខែតុលា ឆ្នាំ២០២១ វេលាម៉ោង១៩.៣០នាទី នៅចំណុចផ្លូវបេតុង ស្ថិតក្នុងភូមិតាបិប សង្កាត់បាវិត ក្រុងបាវិត ខេត្តស្វាយរៀង កម្លាំងអធិការដ្ឋាននគរបាលក្រុងបាវិត ដឹកនាំដោយលោកវរសនីយ៍ទោ អែម សុវណ្ណារិទ្ធិ អធិការនគរបាលក្រុងបាវិត សហការជាមួយកម្លាំងជំនាញការិយាល័យប្រឆាំងគ្រឿងញៀនខេត្ត បានបើកប្រតិបត្តិការស្រាវជ្រាវបង្ក្រាបករណីជួញដូរ ដឹកជញ្ជូនគ្រឿងញៀនឆ្លងដែន០១លើក ដោយបានឃាត់ខ្លួនជនសង្ស័យចំនួន០២នាក់ ១.ឈ្មោះ ឡេ […]
ជំនន់ទឹកស្ទឹងសង្កែ បីថ្ងៃ លិចផ្ទះប្រជាពលរដ្ឋ ជាង២ពាន់ខ្នង និងផលដំណាំ ជាង២៣២ហិកតា
ខេត្តបាត់ដំបង ៖ លោក សឿម ប៊ុនរិទ្ធិ អភិបាលរងខេត្ត និងជាអ្នកនាំពាក្យរដ្ឋបាលខេត្តបាត់ដំបង បានឱ្យដឹងនៅថ្ងៃ១២កើត ខែអស្សុជ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃចន្ទ ទី១៨ ខែតុលា ឆ្នាំ២០២១ថា ត្រឹមតែរយៈពេល៣ថ្ងៃ គីចាប់ពីថ្ងៃទី១៥ដល់ថ្ងៃទី១៧ ខែតុលា ឆ្នាំ២០២១កន្លងមក ដោយសារខេត្តបាត់ដំបងបានទទួលរងនូវព្យុះកំណាចមួយបានបោកបក់មកលើតំបន់ខ្ពង់រាប នៅតំបន់ក្បាលស្ទឹងសង្កែ និង លិចតាមបណ្តាស្ទឹងនានានៅភាគខាលើ បណ្តាលឱ្យលិចផ្ទះប្រជាពលរដ្ឋជាង២ពាន់ខ្នង និងផលដំណាំជាង២៣២ហិកតា។ លោក សឿម ប៊ុនរិទ្ធិ បានឱ្យដឹងទៀតថា ទឹកជំនន់រយៈពេលបីថ្ងៃនេះ បានបង្កនូវផលប៉ះពាល់លំនៅឋានរបស់ប្រជាពលរដ្ឋសរុបចំនួន ២ ៤៦០ខ្នងផ្ទះ ផលដំណាំឧស្សាហកម្ម ដំណាំបន្លែ និងដំណាំរួមផ្សំ សរុបចំនួនជាង ២៣២ហិកតា ផ្ទៃដីដំណាំស្រូវចំនួន ១ ៣០០ហិកតា ហើយដំណាំស្រូវកំពុងច្រូតចំនួន ១៣ហិកតា លិចម៉ាស៊ីនបូមទឹកចំនួន៣៧គ្រឿង ផ្លូវលំប្រវែង ១៦ ១០០ម៉ែត្រ និងផ្លូវកៅស៊ូប្រវែង ១ ១ ២០០ម៉ែត្រ។ លោកអភិបាលរងខេត្ត បន្តថា […]
ទំនិញខូចគុណភាព ហួសកាលកំណត់ ជាង២តោន ដែលរឹបអូសទុក ត្រូវបានមន្ត្រីជំនាញ ក.ប.ប ខេត្តបន្ទាយមានជ័យ បំផ្លាញចោល
ខេត្តបន្ទាយមានជ័យ ៖ ទំនិញខូចគុណភាព ,ហួសកាលកំណត់ប្រើប្រាស់ គ្មានស្តង់ដារដឹកជញ្ជូននិងវេចខ្ចប់ ជាច្រើនប្រភេទ សរុបទម្ងាន់ជាង២តោន ត្រូវបានមន្ត្រីជំនាញសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ឬ ក.ប.ប ខេត្តបន្ទាយមានជ័យ ដឹកនាំដោយលោក សាន វិជ្ជាសារ៉ាវុធ ប្រធានសាខា សហការជាមួយមន្ទីរពាណិជ្ជកម្មខេត្ត ដឹកនាំដោយលោក ដុំ វណ្ណឌី អនុប្រធាន ដុតកំទេចចោល ។ ការដុតកម្ទេចចោលនេះ បានធ្វើឡើងនៅក្បែរមន្ទីរពិសោធខា្នតតូច របស់មន្ត្រីជំនាញក.ប.ប នៅក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ហើយមានការសម្របសម្រួលនិតិវិធីពីលោកព្រះរាជអាជ្ញានៃអយ្យការអមសាលាដំបូងខេត្តបន្ទាយមានជ័យផងដែរ ។ និងក៏ក្រោយពីជំនាញបានអនុវត្តនិតិវិធីអោយម្ចាស់ទំនិញបង់ប្រាកផាកពិន័យរួចហើយដែរ ។ ទំនិញជាច្រើនមុខដែលត្រូវដុតកម្ទេចចោលរួមមានដូចជា៖ ១/នំធុងមានចំនួន ៦៨ធុង ស្មើ២៧២គីឡូក្រាម ២/ទឹកដោះគោហូឡង់Dutch Millមានចំនួន២.០៧០ដប ស្មើ១.៧១៨,១០គីឡូក្រាម ,៣/ទឹកដោះគោស្រស់ Maji មាន ចំនួន៣០០ដប ស្មើ ៦០០លីត្រ ,និង៤/យ៉ាអ៊ួរ Dutch Nata De Coco មានចំនួន ២១យួរ ស្មើ៦៥,៥២គីឡូក្រាម […]
ទីតាំងរក្សាទុក និងប្រើប្រាស់ សារធាតុញៀន ត្រូវបានបំបែកសំបុក និងឃាត់ខ្លួនជនសង្ស័យ ១២នាក់
ខេត្តបាត់ដំបង ៖ កម្លាំងការិយាល័យនគរបាលប្រឆាំងគ្រឿងញៀនបានសហការជាមួយកម្លាំងអធិការដ្ឋាននគរបាលក្រុងបាត់ដំបងបានចុះប្រតិបត្តិការបង្ក្រាបករណីរក្សាទុក និងប្រើប្រាស់ដោយខុសច្បាប់នូវសារធាតុញៀន០១ករណីក្នុងបទល្មើសជាក់ស្តែង។ លោកវរសេនីយ៍ឯក សុខ និមល នាយការិយាល័យនគរបាលប្រឆាំងគ្រឿងញៀនបានអោយដឹងថា កិច្ចប្រតិបត្តិការខាងលើនេះធ្វើឡើងកាលពីវេលាម៉ោង ១៤និង៣០នាទី ថ្ងៃទី១២ ខែតុលា ឆ្នាំ២០២១ នៅចំណុចក្នុងរ៉ាជង្រុក ស្ថិតក្នុងក្រុមទី០២ ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។ ជាមួយកិច្ចចុះប្រតិបត្តិការខាងលើនេះដែរក្នុងបទល្មើសជាក់ស្តែង សមត្ថកិច្ចជំនាញបានធ្វើការឃាត់ខ្លួនជនសង្ស័យប្រុសស្រីចំនួន១២នាក់រួមមាន ៖ ១-ឈ្មោះ ផល្លា វិសេន ភេទប្រុស អាយុ ២០ឆ្នាំ ២-ឈ្មោះ ផល្លា សុភ័ក្រ ភេទប្រុស អាយុ ២៥ឆ្នាំ អ្នកទាំងពីររស់នៅភូមិកម្មករ សង្កាត់ស្វាយប៉ោ ក្រុងបាត់ដំបង ៣-ឈ្មោះ នាង សាត ភេទប្រុស អា យុ ២៧ឆ្នាំ មានទីលំនៅភូមិស្លក្រាម ឃុំវត្តតាមិម ស្រុកសង្កែ ខេត្តបាត់ ដំបង ៤-ឈ្មោះ លឿន ចន្ថា ភេទប្រុស […]
នគរបាល ស្រុកមង្គលបូរី និងស្រុកស្វាយចេក ចុះជួយជម្លៀសពលរដ្ឋ ពីទឹកជំនន់ ទៅកាន់ទីទួលមានសុវត្ថិភាព និងជួយធ្វើចរាចរណ៍ តាមគោលដៅ ផ្លូវដែលជន់លិច
ខេត្តបន្ទាយមានជ័យ ៖ ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅរសៀលថ្ងៃទី២៨ ខែកញ្ញា ឆ្នាំ២០២១ នេះ លោកវរសេនីយ៍ឯក ស៊ិន ណារ៉ាក់ អធិការនៃអធិការដ្ឋាននគរបាលស្រុកមង្គលបុរី បានដឹកនាំមន្ត្រីក្រោមឱវាទ នាំយកម៉ាស៊ីនជាច្រើនគ្រឿងចុះជួយដឹកជញ្ជូនប្រជាពលរដ្ឋជាច្រើនគ្រួសារ និងសម្ភារៈ ជម្លៀសទៅកាន់ទីទួលមានសុវត្ថិភាព ខណៈទឹកជំនន់នៅបន្តជន់លិច។ ទន្ទឹមគ្នាដែរ លោកវរសេនីយ៍ឯក ជា ស្លូញ អធិការនៃអធិការដ្ឋាននគរបាលស្រុកស្វាយចេក ក៏បានដឹកនាំកម្លាំងជាច្រើនចុះល្បាតទ្រោលសភាពការណ៍ទឹកជំនន់ និងបានចាត់កម្លាំងនគរបាលច្រើនក្រុម ចុះទៅជួយធ្វើចរាចរណ៍តាមគោលដៅផ្លូវដែលត្រូវទឹកជន់លិចខ្លាំងជូនប្រជាពលរដ្ឋផងដែរ ដើម្បីទប់ស្កាត់ហានិភ័យឬគ្រោះថ្នាក់ផ្សេងៗកើតឡើងជាយថាហេតុ ខណៈដែលប្រជាពលរដ្ឋធ្វើដំណើរដោយថ្មើរជើងដោយម៉ូតូ គោយន្ត និងរថយន្ត។ លោកឧត្តមសេនីយ៍ទោ សិទ្ធិ ឡោះ ក៏បានសូមអំពាវនាវដល់ប្រជាពលរដ្ឋដែលកំពុងរងការលិចលង់ដោយទឹកជំនន់ ត្រូវបង្កើនការប្រុងប្រយ័ត្នឲ្យបានខ្ពស់ ត្រូវរាយការណ៍មកសមត្ថកិច្ចដែលនៅជិតជាបន្ទាន់ ដើម្បីងាយស្រួលក្នុងការជួយសង្គ្រោះឲ្យបានទាន់ពេលវេលា។ ហើយក៏ត្រូវបន្តអនុវត្តគោលការណ៍សុខាភិបាល 3 កុំនឹង 3 ការពារ ដើម្បីគេចផុតពីការឆ្លងជំងឺកូវីដ 19 ផងដែរ៕