ធ្លាក់យន្តហោះយោធា នៅភាគខាងត្បូង ប្រទេសហ្វីលីពីន បណ្តាលឲ្យមាន អ្នកស្លាប់កើនដល់ ៥០នាក់ហើយ

July 5, 2021 spean Comment(0)

អន្តរជាតិ ៖ យន្តហោះយោធាមួយគ្រឿងដែលបានធ្លាក់នៅភាគខាងត្បូងប្រទេសហ្វីលីពីន បានធ្វើឲ្យចំនួនអ្នកស្លាប់កើនឡើងដល់៥០នាក់ហើយ ខណៈបុគ្គលិកយោធាចំនួន៤៩នាក់ រងរបួស។ យោងតាមប្រភពពីសារព័ត៌មាន BBC។

យន្តហោះ Lockheed C-130 កំពុងដឹកមនុស្សចំនួន ៩៦ នាក់ដែលភាគច្រើនជាកងទ័ព នៅពេលវាចុះខុសផ្លូវនៅអាកាសយានដ្ឋាន Jolo ក្នុងខេត្ត Sulu។ ទាហានទាំងនោះស្ថិតក្នុងចំណោមកម្លាំងជំនួយដែលត្រូវបានបញ្ជូនទៅប្រយុទ្ធនឹងក្រុមសកម្មប្រយុទ្ធអ៊ីស្លាមដូចជាក្រុម Abu Sayyaf ជាដើម។

ក្រសួងការពារជាតិហ្វីលីពីន បាននិយាយថា អ្នកស្លាប់ភាគច្រើនជាបុគ្គលិកយោធា ប៉ុន្តែជនស៊ីវិល ៣ នាក់នៅលើដីក៏បានស្លាប់ផងដែរ៕

spean

ព័ត៌មានអន្តរជាតិ

ព្រះមហាក្សត្រម៉ាឡេស៊ី ប្រកាសដាក់ ប្រទេសក្នុងគ្រាអាសន្ន ដើម្បីទប់ស្កាត់ ការឆ្លងរាតត្បាត ជំងឺកូវីដ១៩

January 12, 2021 spean

អន្តរជាតិ ៖ សេចក្តីថ្លែងការណ៍មួយពីព្រះបរមរាជវាំងបាននិយាយថា ព្រះមហាក្សត្រម៉ាឡេស៊ី ព្រះចៅស៊ុលតង់ Al-Sultan Abdullah នៅថ្ងៃអង្គារនេះបានប្រកាសដាក់ប្រទេសទាំងមូលក្នុងគ្រាមានអាសន្ន ដើម្បីទប់ស្កាត់ការឆ្លងរាតត្បាតជំងឺកូវីដ១៩។ នេះបើយោងតាមប្រភពពីសារព័ត៌មាន CNA ។ សេចក្តីប្រកាសដាក់ប្រទេសក្នុងគ្រាអាសន្ននេះ នឹងមានសុពលភាពរហូតដល់ថ្ងៃទី០១ ខែសីហា ឆ្នាំ២០២១ ឬក៏អាច លឿនជាងនេះអាស្រ័យទៅលើស្ថានភាពកូវីដ១៩។ ការសម្រេចចិត្តនេះត្រូវបានធ្វើឡើងបន្ទាប់ពីព្រះចៅស៊ុលតង់ Al-Sultan Abdullah បានជួបពិភាក្សាជាមួយនាយករដ្ឋមន្ត្រីលោក Muhyiddin Yassin នៅវិមានជាតិកាលពីថ្ងៃចន្ទម្សិលមិញ បានប្រកាសដាក់ចេញចាត់វិនការរឹតបន្តឹងលើការធ្វើដំណើរ ចាប់ពីថ្ងៃពុធ ទី១៣ ខែមករា ដើម្បីទប់ស្កាត់ការឆ្លងរីករាលដាលនៃជំងឺ COVID-19 ដែលកំពុងរីករាលដាលយ៉ាងឆាប់រហ័ស នៅក្នុងប្រទេសអាស៊ានមួយនេះ។ ក្នុងអំឡុងពេលនៃការប្រជុំគ្នារយៈពេល៤៥នាទី ព្រះមហាក្សត្រម៉ាឡេស៊ី បានអនុញ្ញាតឱ្យរដ្ឋាភិបាលម៉ាឡេស៊ី បង្កើតគណៈកម្មាធិការឯករាជ្យមួយ ដែលមានសមាសភាពនៃមន្ត្រីរដ្ឋាភិបាល និងសមាជិកសភាមកពីគណបក្សប្រឆាំង រួមទាំងអ្នកជំនាញសុខាភិបាល ដើម្បីគ្រប់គ្រងស្ថានការណ៍កូវីដ១៩។បន្ថែមពីលើនេះ ព្រះអង្គក៏បានស្នើឱ្យប្រជាជនម៉ាឡេស៊ី រក្សាភាពស្ងៀមស្ងាត់ និងអត់ធ្មត់ផងដែរ កំឡុងការអនុវត្តវិធានការដាក់ប្រទេសក្នុងគ្រាអាសន្ននេះ។ បើតាមគេហទំព័រ worldometers គិតត្រឹមព្រឹកនេះម៉ាឡេស៊ីមានករណីឆ្លង COVID-19 សរុប ១៣៨,២២៤ករណី ក្នុងនោះមានអ្នកស្លាប់សរុប ៥៥៥នាក់ និងជាសះស្បើយឡើងវិញ ១០៩,១១៥នាក់៕

ព័ត៌មានអន្តរជាតិ

នាវាចម្បាំង មួយគ្រឿងរបស់ ប្រទេសកូរ៉េខាងត្បូង ឆ្លងកូវីដ១៩ ជាចង្កោម ទ្រង់ទ្រាយធំ

July 19, 2021 spean

អន្តរជាតិ ៖ យោធារបស់ប្រទេសកូរ៉េខាងត្បូងបានកត់ត្រានូវការឆ្លងវីរុសកូវីដ១៩ដ៏ធំបំផុតមិនធ្លាប់មាន ដោយបុគ្គលិកជាង ៨០ ភាគរយនៅលើនាវាពិឃាតមួយគ្រឿង ដែលកំពុងល្បាតប្រឆាំងនឹងចោរកម្មតាមសមុទ្រក្នុងឈូងសមុទ្រអាដេន បានធ្វើតេស្តវិជ្ជមាន ។ ខណៈពេលដែលករណីឆ្លងចំនួន ២៤៧ ករណីមិនត្រូវបានផ្សារភ្ជាប់ទៅនឹងករណីឆ្លងក្នុងសហគមន៍ថ្មីៗក៏ដោយ ប៉ុន្តែការរកឃើញនេះ បានកើតឡើងចំពេលប្រទេសកូរ៉េខាងត្បូង កំពុងប្រយុទ្ធប្រឆាំងនឹងការរីករាលដាលនៃជំងឺកូវីដ-១៩ ធ្ងន់ធ្ងរបំផុតមិនធ្លាប់មានក្នុងប្រទេសនេះ។ នាវាចម្បាំងនេះ បានចាកចេញពីប្រទេសកូរ៉េខាងត្បូង ដើម្បីចាប់ផ្តើមបេសកកម្មរបស់ខ្លួន កាលពីខែកុម្ភៈ។ កាលពីថ្ងៃអាទិត្យ ទី១៨ ខែកក្កដា កូរ៉េខាងត្បូង បានរាយការណ៍ការឆ្លងកូវីដថ្មី ចំនួន១,២៥២ករណី ។ អគ្គសេនាធិការចំរុះរបស់ប្រទេសបាននិយាយនៅថ្ងៃច័ន្ទនេះថា មានតែ៥០នាក់ប៉ុណ្ណោះក្នុងចំណោមបុគ្គលិក ៣០១ នាក់ ដែលធ្វើតេស្តអវិជ្ជមាន នៅក្នុងការផ្ទុះឡើងដំបូងដែលត្រូវបានរាយការណ៍កាលពីថ្ងៃទី ១៥ ខែកក្កដា។ សូមជម្រាបថា គិតត្រឹមពេលនេះ ប្រទេសកូរ៉េខាងត្បូង បានកត់ត្រាករណីឆ្លងកូវីដចំនួន ១៧៩,២០៣ ករណីនិងមានអ្នកស្លាប់ចំនួន ២.០៥៨ នាក់៕

ព័ត៌មានអន្តរជាតិ

មូលដ្ឋានយោធាអាមេរិក មួយកន្លែងនៅ ភាគឦសាន ប្រទេសស៊ីរី រងការវាយប្រហារ ដោយគ្រាប់មីស៊ីល

January 2, 2024 spean

អន្តរជាតិ ៖ ប្រភពពត៌មានក្នុងតំបន់បានប្រាប់សារពត៌មាន Anadolu ថា វាមិនត្រូវបានគេដឹងថាតើមានអ្នកស្លាប់និងរបួសនៅក្នុងការវាយប្រហារលើមូលដ្ឋានយោធាអាមេរិកមួយកន្លែងនៅទីក្រុង Al-Shaddad ក្នុងការគ្រប់គ្រងរបស់ Al-Hasakah ដែរឬទេ? ខណដែលសហរដ្ឋអាមេរិកក៏មិនបានធ្វើសេចក្តីថ្លែងការណ៍ណាមួយអំពីឧបទ្ទវហេតុនោះដែរ ។ យ៉ាងណាក៏ដោយ នាពេលថ្មីៗនេះ មានការវាយប្រហារមួយត្រូវកើតធ្វើឡើងលើមូលដ្ឋានយោធាអាមេរិកក្នុងតំបន់ Tenef ស្រុក Malikiyye ក្បែរព្រំដែនអ៊ីរ៉ាក់ ស្រុក Shaddadi ក្នុងខេត្ត Hasakah និងខេត្ត Deir ez-Zor ដោយសត្រូវបានប្រើយន្តហោះគ្មានមនុស្សបើក និងអាវុធផ្លោងពីដី ខណមិនស្គាល់ប្រភពដើមនៃការវាយប្រហារនោះទ្បើយ។ ទឹកដីនៅ Deir ez-Zor ភាគខាងកើតនៃទន្លេ Euphrates គឺស្ថិតនៅក្រោមការកាន់កាប់របស់ក្រុមភេរវករ PKK/YPG ខណៈដែលមជ្ឈមណ្ឌលខេត្ត និងតំបន់ជនបទផ្សេងទៀតស្ថិតនៅក្រោមការគ្រប់គ្រងរបស់របប Bashar al-Assad និងក្រុមគាំទ្រដោយអ៊ីរ៉ង់។ . ក្រុមដែលគាំទ្រដោយអ៊ីរ៉ង់ម្តងម្កាលបានបើកការវាយប្រហារដោយគ្រាប់រ៉ុក្កែត និងយន្តហោះគ្មានមនុស្សបើកលើមូលដ្ឋានទ័ពអាមេរិកនៅលើច្រាំងខាងកើតនៃ Euphrates ។ កាលពីថ្ងៃទី ១៩ ខែតុលា ឆ្នាំ២០២៣ កន្លងទៅ ទូរទស្សន៍រដ្ឋអ៊ីរ៉ង់បានចាក់ផ្សាយរបាយការណ៍ព័ត៌មានដែលពន្យល់ពីរបៀបប្រសិនបើការវាយប្រហាររបស់អ៊ីស្រាអែលលើតំបន់ហ្គាហ្សាមិនបញ្ឈប់ សម្ព័ន្ធមិត្តក្នុងតំបន់របស់ទីក្រុងតេអេរ៉ង់ដែលហៅថា កងកម្លាំងតស៊ូ អាចបើកការវាយប្រហារក្នុងពេលដំណាលគ្នាដោយប្រើកាំជ្រួចនិងយន្តហោះគ្មានមនុស្សបើកពីក្រុមហេសបូឡានៅភាគខាងជើង […]