ព័ត៌មានអន្តរជាតិ

ទោះបីក្នុង កាលៈទេសៈដែល កំពុងខ្វះខាតស្បៀង ធ្ងន់ធ្ងរ ក៏ដោយ កូរ៉េខាងជើង នៅតែបាញ់បង្ហោះ មីស៊ីល ១ គ្រាប់ទៀត

អន្តរជាតិ ៖ រដ្ឋាភិបាលជប៉ុន បានឲ្យដឹងថា កូរ៉េខាងជើង បានបាញ់បង្ហោះនូវមីស៊ីលផ្លោង ១ គ្រាប់ទៀត នៅថ្ងៃអង្គារនេះ។ ទន្ទឹមនោះ ការបាញ់បង្ហោះលើកចុងក្រោយបង្អស់ ត្រូវបានប្រព័ន្ធផ្សព្វផ្សាយរដ្ឋរបស់កូរ៉េខាងជើង បញ្ជាក់ថា ប្រទេសនេះ បានសាកល្បងដោយជោគជ័យនូវមីស៊ីលដែលមានល្បឿនលឿនជាងសំឡេង ទើបតែអភិវឌ្ឍថ្មីផងដែរ ។ ដោយឡែក ប្រភពពីរដ្ឋាភិបាលជប៉ុន បានបញ្ជាក់ថា មីស៊ីលផ្លោងនោះ បានធ្លាក់ចូលទៅក្នុងសមុទ្រ នៅខាងក្រៅតំបន់សេដ្ឋកិច្ចផ្តាច់មុខរបស់ប្រទេសជប៉ុន ហើយមិនមានរបាយការណ៍បង្ហាញពីការខូចខាតដល់កប៉ាល់ ឬយន្តហោះនោះទេ៕ គួរបញ្ជាក់ថា ក្នុងរយៈពេលតិចជាង ១ សប្ដាហ៍ កូរ៉េខាងជើងបាញ់បង្ហោះមីស៊ីលបានដល់ទៅ ២ គ្រាប់ ដែលសុទ្ធសឹងតែជាមីស៊ីល ទើបតែនឹងអភិវឌ្ឍបានថ្មីៗ ៕

ព័ត៌មានអន្តរជាតិ

ករណីឆ្លង Omicron ជាចង្កោមលើកដំបូង នៅខេត្តភាគឦសាន ប្រទេសថៃ

អន្ទរជាតិ ៖ ក្រុមមន្ត្រីសុខាភិបាលថៃ បាននិយាយកាលពីថ្ងៃសុក្រថា ប្រទេសថៃបានរាយការណ៍ពីករណីឆ្លងជាចង្កោមលើកដំបូងរបស់ខ្លួននៃវីរុសបំប្លែងខ្លួន Omicron នៅក្នុងខេត្ត Kalasin ភាគឦសានប្រទេស។ យោងតាមមជ្ឈមណ្ឌលការគ្រប់គ្រងស្ថានភាពកូវីដ១៩(CCSA) បានឲ្យដឹងថាមានករណីឆ្លង Omicron ចំនួន២២ករណីដែលភ្ជាប់ទៅនឹងចង្កោមនៅខេត្ត Kalasin ។ អ្នកនាំពាក្យរបស់ CCSA លោកស្រី Apisamai Srirangsan បាននិយាយថា សន្ទស្សន៍នៃករណីឆ្លងជាចង្កោមត្រូវបានគេជឿថាជាប់ទាលទងទៅនឹងប្តីប្រពន្ធ២នាក់ដែលបានធ្វើដំណើរមកពីប្រទេសបែលហ្ស៊ិក ហើយបានធ្វើតេស្តវិជ្ជមាន Omicron កាលពីដើមខែនេះពេលមកដល់ប្រទេសថៃ។ លោកស្រី Apisamai បាននិយាយថា ចាប់តាំងពីពួកគេមកដល់ ប្តីប្រពន្ធនេះបានទៅលេងកន្លែងជាច្រើនរួមទាំង បារ ផ្សារទំនើប និងការិយាល័យរដ្ឋក្នុងខេត្តនេះ ហើយមនុស្សប្រហែល ១០០នាក់នៅតែត្រូវបានគេចាត់ទុកថាមានហានិភ័យខ្ពស់ដោយសារតែទំនាក់ទំនងជិតស្និទ្ធជាមួយអ្នកជំងឺ។ យោងតាមរបាយការណ៍ពីក្រុមមន្ត្រីបានឲ្យដឹងថា ករណីឆ្លងសរុបនៃវីរុស Omicron នៅក្នុងប្រទេសថៃបានកើនឡើងដល់ ២០៥ករណីហើយ គិតត្រឹមយប់ថ្ងៃព្រហស្បតិ៍៕

ព័ត៌មានអន្តរជាតិ

អ្នកកាសែតអាមេរិក ដែលជាប់ទោសនៅ មីយ៉ាន់ម៉ា ត្រូវបានដោះលែងហើយ

អន្តរជាតិ ៖ អតីតអភិបាលរដ្ឋ New Mexico លោក Bill Richardson បានចូលខ្លួនជួយអន្តរាគមន៍ ដើម្បីឲ្យមានការដោះលែងអ្នកកាសែតជនជាតិអាមេរិកឈ្មោះ Danny Fenster ពីពន្ធនាគារក្នុងប្រទេសមីយ៉ាន់ម៉ា កាលពីថ្ងៃច័ន្ទ ហើយការដោះលែងអ្នកកាសែតនេះដែរ គឺជាការងារចុងក្រោយបង្អស់របស់លោក Richardson ក្នុងការដោះស្រាយជាមួយមេដឹកនាំផ្តាច់ការដ៏ល្បីល្បាញលើពិភពលោកផងដែរ ។ លោក Danny Fenster អាយុ ៣៧ ឆ្នាំ ជនជាតិអាមេរិក ជានាយកគ្រប់គ្រងនៃកាសែតអនឡាញ Frontier Myanmar ត្រូវបានកាត់ទោសឲ្យជាប់ពន្ធនាគាររយៈពេល ១១ ឆ្នាំពីបទញុះញង់ឲ្យមានការតវ៉ា រំលោភច្បាប់អន្តោប្រវេសន៍ និងប្រព្រឹត្តិអំពើភេរវកម្ម នៅមីយ៉ាន់ម៉ា។ លោកត្រូវបានគេចាប់ឃុំខ្លួនចាប់តាំងពីខែឧសភា មក។ គួរបញ្ជាក់ថា លោក Fenster ស្ថិតក្នុងចំណោមអ្នកសារព័ត៏រាប់សិបនាក់ ដែលត្រូវបានឃុំខ្លួននៅក្នុងប្រទេសមីយ៉ាន់ម៉ា ចាប់តាំងពីរដ្ឋប្រហារថ្ងៃទី ១ ខែ កុម្ភៈ។ យោធាមីយ៉ាន់ម៉ា បានចោទប្រកាន់គ្រប់ប្រព័ន្ធផ្សព្វផ្សាយក្នុងស្រុកជាច្រើនពីបទញុះញង់ និងផ្សព្វផ្សាយព័ត៌មានក្លែងក្លាយ៕ ប្រភព៖ CNA NEWS

ព័ត៌មានអន្តរជាតិ

ប្រទេសវៀតណាម បន្តរកឃើញ អ្នកឆ្លងកូវីដ១៩ ចំនួន ៣,៥៩៥ ករណីទៀត និងស្លាប់៦៤នាក់

អន្តរជាតិ ៖ ក្រសួងសុខាភិបាលវៀតណាមនៅថ្ងៃអង្គារម្សិលមិញ បានប្រកាសបន្តរកឃើញករណីឆ្លងជំងឺកូវីដ១៩ ចំនួន៣,៥៩៥ករណី និងអ្នកស្លាប់ថ្មី ដោយសារជំងឺដ៏កាចសាហាវនេះចំនួន៦៤នាក់បន្ថែមទៀត ក្នុងរយៈពេល២៤ម៉ោងចុងក្រោយនេះ។ នេះបើតាមតាមការចេញផ្សាយ ដោយទីភ្នាក់ងារសារព័ត៌មាន Viet Nam News។ បើតាមក្រសួងសុខាភិបាលវៀតណាមបញ្ជាក់ថា ក្នុងចំណោមករណីឆ្លងថ្មីៗខាងលើ មាន០៣ករណីជាករណីនាំចូល ក្រៅពីនោះជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលនៃជំងឺនេះមានចំនួន៧៨៣នាក់។ សូមជម្រាបថា គិតត្រឹមយប់ថ្ងៃទី២៦ ខែតុលា ឆ្នាំ២០២១នេះ វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៨៩៦,១៧៤នាក់ ក្នុងនោះអ្នកជំងឺជាសះស្បើយចំនួន ៨១០,២៩០នាក់ ចំណែកចំនួនអ្នកស្លាប់សរុបចំនួន ២១,៨០២នាក់៕

ព័ត៌មានអន្តរជាតិ

រកឃើញ អ្នកឆ្លងកូវីដ១៩ ចំនួន ៣,៦៣៦ ករណី និងស្លាប់៧១នាក់ នៅប្រទេសវៀតណាម

អន្តរជាតិ ៖ ក្រសួងសុខាភិបាលវៀតណាមនៅថ្ងៃព្រហស្បតិ៍ម្សិលមិញបានប្រកាសរកឃើញករណីឆ្លងថ្មីៗ នៃជំងឺកូវីដ១៩ ចំនួន ៣,៦៣៦ ករណី និងអ្នកស្លាប់ថ្មី ដោយសារជំងឺដ៏កាចសាហាវនេះ ចំនួន៧១នាក់បន្ថែមទៀត ក្នុងរយៈពេល២៤ម៉ោងចុងក្រោយនេះ។ នេះបើតាមការចេញផ្សាយ ដោយទីភ្នាក់ងារសារព័ត៌មាន Viet Nam News។ បើតាមក្រសួងសុខាភិបាលវៀតណាមគូសបញ្ជាក់ថា ក្នុងចំណោមករណីឆ្លងថ្មីៗខាងលើ សុទ្ធតែជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលនៃជំងឺនេះបានរ៉ាប់រងករណីឆ្លងថ្មីតែឯងរហូតដល់១,២៥៥នាក់។ សូមជម្រាបថា គិតត្រឹមយប់ថ្ងៃទី២១ ខែតុលា ឆ្នាំ២០២១នេះ វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៨៧៧,៥៣៧នាក់ ក្នុងនោះអ្នកជំងឺជាសះស្បើយចំនួន ៧៩៨,១២៤នាក់ ចំណែកចំនួនអ្នកស្លាប់សរុបចំនួន ២១,៤៨៧នាក់៕

ព័ត៌មានអន្តរជាតិ

ប្រទេសវៀតណាម បន្តរកឃើញ អ្នកឆ្លងកូវីដ១៩ ចំនួន ៣,៦១៩ករណី និងស្លាប់១១៥នាក់

អន្តរជាតិ ៖ ក្រសួងសុខាភិបាលវៀតណាមកាលពីម្សិលម៉ិញ បានប្រកាសរកឃើញករណីឆ្លងថ្មីៗ នៃជំងឺកូវីដ១៩ ចំនួន ៣,៦១៩ករណីបន្ថែមទៀត ក្នុងរយៈពេល២៤ម៉ោងចុងក្រោយនេះ ។ នេះបើតាមតាមការចេញផ្សាយ ដោយទីភ្នាក់ងារសារព័ត៌មាន Viet Nam News ។ ក្នុងចំណោមករណីឆ្លងថ្មីៗខាងលើ មាន០២ករណីជាករណីនាំចូល ក្រៅពីនោះសុទ្ធតែជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលនៃជំងឺនេះបានរ៉ាប់រងករណីឆ្លងថ្មីតែឯងរហូតដល់ ១,៥២៧នាក់។ក្នុងរបាយការណ៍ថ្ងៃចន្ទនេះដែរ ក្រសួងសុខាភិបាលវៀតណាមក៏បានប្រកាសពីករណីអ្នកស្លាប់ថ្មី ដោយសារជំងឺដ៏កាចសាហាវនេះទេចំនួន១១៥នាក់បន្ថែមទៀតផងដែរ។ សូមជម្រាបថា គិតត្រឹមយប់ថ្ងៃទី១១ ខែតុលា ឆ្នាំ២០២១នេះ វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៨៤៣,២៨១នាក់ ក្នុងនោះអ្នកជំងឺជាសះស្បើយចំនួន ៧៨៤,៧៤៨នាក់ ចំណែកចំនួនអ្នកស្លាប់សរុបចំនួន ២០,៦៧០នាក់៕

ព័ត៌មានអន្តរជាតិ

ប្រទេសថៃ រកឃើញមានករណី ឆ្លងកូវីដចំនួន ១៣.២៥៦ ខណអ្នកស្លាប់ចំនួន ១៣១ នាក់ បន្ថែមទៀត

អន្តរជាតិ ៖ ក្រសួងសុខាភិបាលថៃបានប្រកាសនៅព្រឹកថ្ងៃព្រហស្បតិ៍នេះថា ប្រទេសថៃបានរកឃើញករណីឆ្លងថ្មីនៃជំងឺកូវីដ ១៩ ចំនួន ១៣.២៥៦ នាក់និងមានអ្នកស្លាប់ចំនួន ១៣១ នាក់បន្ថែមទៀតក្នុងរយៈពេល ២៤ ម៉ោងមុននេះ។. ដោយឡែកក្នុងចំនួនឆ្លងខាងលើនេះគឺមានចំនួន ១២.៧៧៨ សម្រាប់ប្រជាជនទូទៅនិង ៤៧៨ ករណីដែលជាអ្នកទោសក្នុងពន្ធនាគារ។ទន្ទឹមនឹងនេះនៅថ្ងៃពុធម្សិលមិញអ្នកជំងឺកូវីដ -១៩ ចំនួន ១៣.៨២៩ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។ គួរបញ្ជាក់ថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៤៩៥.៧៥០ នាក់ដែលក្នុងនោះ ១.៣៥២.៩៣៦ នាក់បានជាសះស្បើយ។ ចំណែកចំនួនអ្នកស្លាប់មានចំនួន ១៥.៧៩០ នាក់ក្នុងកំឡុងពេលរលកទី ៣ និង ១៥.៨៨៤ នាក់ចាប់តាំងពីការចាប់ផ្តើមនៃជំងឺរាតត្បាតនេះ៕ប្រភព៖ Bangkok Post

ព័ត៌មានអន្តរជាតិ

ប្រទេសថៃ មានករណីឆ្លង កូវីដថ្មីចំនួន ១២.៧០៩ និងមានអ្នកស្លាប់ ចំនួន ១០៦ នាក់

អន្តរជាតិ ៖ ក្រសួងសុខាភិបាលថៃបានប្រកាសនៅព្រឹកថ្ងៃច័ន្ទនេះថា ប្រទេសថៃបានរកឃើញករណីឆ្លងថ្មីនៃជំងឺកូវីដ ១៩ ចំនួន ១២.៧០៩ នាក់និងមានអ្នកស្លាប់ចំនួន ១០៦ នាក់បន្ថែមទៀតក្នុងរយៈពេល ២៤ ម៉ោងមុននេះ។ ដោយឡែកក្នុងចំនួនឆ្លងខាងលើនេះគឺមានចំនួន ១១.៨៥១ សម្រាប់ប្រជាជនទូទៅនិង ៨៥៨ ករណីដែលជាអ្នកទោសក្នុងពន្ធនាគារ។ទន្ទឹមនឹងនេះនៅថ្ងៃអាទិត្យម្សិលមិញអ្នកជំងឺកូវីដ -១៩ ចំនួន ១១.១២៥ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។ គួរបញ្ជាក់ថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៤៦០.៣២៣ នាក់ដែលក្នុងនោះ ១.៣១៣.៧៨១ នាក់បានជាសះស្បើយ។ចំណែកចំនួនអ្នកស្លាប់មានចំនួន ១៥.៣៧៥ នាក់ក្នុងកំឡុងពេលរលកទី ៣ និង ១៥.៤៦៩ នាក់ចាប់តាំងពីការចាប់ផ្តើមនៃជំងឺរាតត្បាតនេះ។.

ព័ត៌មានអន្តរជាតិ

ប្រជាជនថៃ ប្រមាណ ៩៩.៧% នៅរដ្ឋធានីបាងកក អនុវត្តការពាក់ម៉ាស់ បានត្រឹមត្រូ វហើយជំរុញឲ្យ អ្នកដែលរស់នៅ តាមបណ្តាខេត្ត ឱ្យអនុវត្តតាម

អន្តរជាតិ ៖ មជ្ឈមណ្ឌលគ្រប់គ្រង Covid-19 (CCSA) បាននិយាយកាលពីថ្ងៃសុក្រថា ប្រជាជនដែលរស់នៅទីក្រុងបាងកកស្ទើរតែទាំងអស់បានអនុវត្តការពាក់ម៉ាស់បានត្រឹមត្រូវហើយក៏ជំរុញឲ្យអ្នកដែលរស់នៅតាមបណ្តាខេត្តឱ្យអនុវត្តតាមផងដែរ។ តាមការបញ្ជាក់របស់ លោកវេជ្ជបណ្ឌិត Taweesilp Visanuyothin អ្នកនាំពាក្យ CCSA បាននិយាយថាមនុស្សប្រមាណ ៩៩,៧% ដែលត្រូវបានស្ទង់សិត្ថិនៅទីក្រុងបាងកកដោយអង្គការ “ AI Mask” របស់ក្រសួងស្រាវជ្រាវវិទ្យាសាស្ត្រ ត្រូវបានគេសង្កេតឃើញថាការពាក់ម៉ាស់របស់ពួកគេគឺបានត្រឹមត្រូវទៅតាមស្ដង់ដាសុវត្តិភាព។ យោងតាមការស្ទង់សិត្ថិដែលបានអនុវត្តជាប្រចាំសប្តាហ៍បានបង្ហាញថាប្រជាជនប្រមាណ ០,២៦% ដែលពាក់ម៉ាស់មិនបានត្រឹមត្រូវនិង ០.០២% មិនគោរពតាមវិធានការត្រួតពិនិត្យសុខភាព។ ការស្ទង់មតិនេះត្រូវបានធ្វើឡើងនៅក្នុងស្រុកចំនួន ២៩ ដោយប្រើប្រាស់មនុស្សចំនួន ៦១៣០ នាក់។ លោកក៏បានបន្ថែមទៀតផងដែរថា “ប្រជាជនដែលរស់នៅតាមបណ្ដាខេត្តផ្សេងៗ គួរតែយកគំរូអ្នករស់នៅក្នុងក្រុង ទើបជាការល្អ”៕ ប្រភព៖ Bangkok Post

ព័ត៌មានអន្តរជាតិ

ពន្ធនាគារមួយកន្លែង នៅឥណ្ឌូណេស៊ី មានមនុស្សជាច្រើននាក់ ស្លាប់និងរងរបួស ដោយអគ្គិភ័យឆាបឆេះ

អន្តរជាតិ ៖ ប៉ូលីសកំពុងស៊ើបអង្កេតរកមូលហេតុនៃការឆាបឆេះពន្ធធនាគារតាន់ហ្គ្រេង (Tangerang) ដែលមនុស្សយ៉ាងហោចណាស់ ៤១ នាក់បានស្លាប់និង ៧៣ នាក់ផ្សេងទៀតបានរងរបួស។ អ្នកនាំពាក្យរដ្ឋាភិបាលនិងរបាយការណ៍ប្រាប់ប្រព័ន្ធផ្សព្វផ្សាយថាមានអគ្គិភ័យមួយបានឆាបឆេះប្លុកដែលមានមនុស្សច្រើនកុះករនៅក្នុងពន្ធនាគារមួយនៅខេត្ត Banten ភាគខាងលិចប្រទេសឥណ្ឌូណេស៊ីដោយបានសម្លាប់មនុស្សយ៉ាងតិច ៤១ នាក់និងរាប់សិបនាក់ទៀតរងរបួស។ លោកស្រី Rika Aprianti អ្នកនាំពាក្យនាយកដ្ឋានកែតម្រូវបាននិយាយថា ភ្លើងដែលបានឆាប់ឆេះឡើងនៅចន្លោះម៉ោង ១ ដល់ម៉ោង ២ រំលងអាធ្រាត្រនោះគឺបានផ្ទុះឡើងនៅប្លុក C នៃពន្ធនាគារតាន់ហ្គ្រេង (Tangerang) ដែលត្រូវបានអាជ្ញាធរកំពុងពន្លត់នឹង ជម្លៀសមនុស្សចេញពីកន្លែងនោះ។ ក្រុមអ្នកស៊ើបអង្កេតមកពីនាយកដ្ឋានពន្លត់អគ្គីភ័យបាននិយាយថាពួកគេក៏កំពុងពិនិត្យមើលខ្សែភ្លើងដែលខូចដែលជាប្រភពនៃការឆេះនេះផងដែរ។ លោកស្រី Rika មិនបានបញ្ជាក់ថាមានមនុស្សប៉ុន្មាននាក់នៅក្នុងមណ្ឌលនោះទេនៅពេលអគ្គិភ័យបានឆាបឆេះ ប៉ុន្តែបានបញ្ជាក់ថាពន្ធនាគារនោះមានមនុស្សច្រើនកុះករ។ យោងតាមគេហទំព័រព័ត៌មាន Beritasatu បានឱ្យដឹងថាអ្នកដែលរងរបួសត្រូវបានគេបញ្ជូនទៅមន្ទីរពេទ្យពីរនៅតាន់ហ្គឺង (Tangerang) ខណៈអ្នកដែលមិនមានរបួសត្រូវបានបញ្ជូនទៅកន្លែងផ្សេងនៅក្នុងបរិវេណពន្ធនាគារ៕