ព័ត៌មានជាតិ

សម្តេចធិបតី នាយករដ្ឋមន្ត្រី ទទួលជួបស្វាគមន៍ ព្រះតេជគុណ ស៊ុច នៅវិមានសន្តិភាព

July 4, 2025 spean Comment(0)

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ទទួលជួបស្វាគមន៍ព្រះតេជគុណ ស៊ុច ឬលោកឪ ស៊ុច នាព្រឹកថ្ងៃទី០៤ ខែកក្កដា ឆ្នាំ២០២៥ នៅវិមានសន្តិភាព រាជធានីភ្នំពេញ ខណៈដែលលោកឪ ស៊ុច បាននិមន្តមកដល់ទឹកដីកម្ពុជា កាលពីថ្ងៃម្សិលមិញ ហើយសម្តេចធិបតីបានស្វាគមន៍យ៉ាងកក់ក្តៅ និងសង្ឃឹមថាព្រះអង្គនឹងជួយដល់ប្រជាជនកម្ពុជា លើវិថីនៃការអប់រំតាមព្រះធម៌នៃមាគាព្រះពុទ្ធសាសនា៕

spean

ព័ត៌មានជាតិ

សម្តេចតេជោ ហ៊ុន សែន បញ្ជាក់ថា ស្ថានីយប្រេង PPT នៅកម្ពុជា មិនចាំបាច់ដោះឈ្មោះនោះឡើយ តែអាចទិញប្រេងពីប្រទេសផ្សេង លើកលែងតែទិញពីថៃប៉ុណ្ណោះ

July 8, 2025 spean

រាជធានីភ្នំពេញ ៖ សម្តេចតេជោហ៊ុន សែន ប្រធានព្រឹទ្ធសភាកម្ពុជាបានបញ្ជាក់កាលពីថ្មីៗនេះថា ស្ថានីយប្រេងភីធីធី( PPT ) នៅកម្ពុជា មិនចាំបាច់ដោះឈ្មោះ យីហោនោះឡើយ ដោយគ្រាន់តែក្រុមហ៊ុនអាចទៅទិញប្រេងពីវៀតណាម ម៉ាឡេស៊ី ឬសិង្ហបុរី ដោយលើកលែងតែពីថៃប៉ុណ្ណោះ។សម្តេចថ្លែងដូច្នេះ ដែលជាសញ្ញានៃការបន្ធូរបន្ថយស្ថានភាពតឹងតែង ស្មុគ្រស្មាញនិងជួយកាតបន្ថយការខាតបង់ទាំងម្ចាស់ក្រុមហ៊ុនរថៃមួយនេះ ក៏ដូចជានិងពិសេសដល់ម្ចាស់ស្ថានីយ៍ដែលជាជនជាតិខ្មែរ និងអោយស្ថានីយ៍ក៏នៅដំណើរការ ផ្សារ 7eleven កាហ្វេអាម៉ាហ្សូន និងអាជីវកម្មសេវាផ្សេងនៅក្នុងបណ្តុំស្ថានីយ៍ ព្រមទាំងបុគ្គលិក កម្មករនៅមានការងារធ្វើដដែល។ សូមរំលឹកថា សាររបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់អំពីការផ្អាកទាំងស្រុងនូវការនាំចូលប្រេងឥន្ធនៈ និងឧស្ម័នគ្រប់ប្រភេទពីប្រទេសថៃ នៅត្រឹមម៉ោង១២យប់ថ្ងៃទី២២ខែមិថុនាឆ្នាំ២០២៥ កន្លងមក តទៅ។ សម្តេចធិបតីនាយករដ្ឋមន្ត្រីបានថ្លែងនាយប់ថ្ងៃទី២២ខែមិថុនាថា ៖ ចាប់ពីម៉ោង ១២យប់នេះទៅ ( ២២មិថុនា) ការនាំចូលប្រេងឥន្ធនៈនិងឧស្ម័នគ្រប់ប្រភេទពីប្រទេសថៃ ត្រូវផ្អាកទាំងស្រុង។ សម្តេចបានបញ្ជាក់ថា : បណ្ដាក្រុមហ៊ុនចែកចាយប្រេងឥន្ធនៈនៅកម្ពុជា មានលទ្ធភាពនាំចូលប្រេងឥន្ធនៈនិងឧស្ម័នពីប្រភពផ្សេង គ្រប់គ្រាន់ដើម្បីផ្គត់ផ្គង់តម្រូវការប្រើប្រាស់ក្នុងស្រុករបស់ប្រជាពលរដ្ឋយើង កុំថាឡើយត្រឹមមួយខែ ទោះជារៀងរហូតក៏មិនជាបញ្ហា៕

ព័ត៌មានជាតិ

ឯកឧត្តមអភិសន្តិបណ្ឌិត ស សុខា និងអគ្គរដ្ឋអាជ្ញារុស្សី វាយតម្លៃខ្ពស់ចំពោះ កិច្ចសហប្រតិបត្តិការ ប្រទេសទាំងពីរ រួមទាំងវិស័យមហាផ្ទៃ

May 28, 2025 spean

រាជធានីភ្នំពេញ ៖ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្ដម អ៊ីហ្គ័រ ក្រាស្នូវ (Igor Krasnov) អគ្គរដ្ឋអាជ្ញា នៃសហព័ន្ធរុស្ស៊ី បានអញ្ជើញនិងទទួលជួបពិភាក្សាការងារ នៅទីស្ដីការក្រសួងមហាផ្ទៃ នារសៀលថ្ងៃទី២៧ ខែឧសភា ឆ្នាំ២០២៥ ដោយក្នុងជំនួបនោះ ភាគីទាំងពីរ បានរម្លឹកឡើងវិញអំពីសវតានៃចំណងការទូតជាប្រវត្តិសាស្រ្តរវាងប្រទេសទាំងពីរ រួមវាយតម្លៃជាវិជ្ជមានចំពោះសមិទ្ធផលនៃកិច្ចសហប្រតិបត្តិការ កម្ពុជា-រុស្សុី រួមទាំងក្នុងវិស័យមហាផ្ទៃ។ ជាក់ស្ដែងក្នុងជំនួបនោះ ឯកឧត្ដមអភិសន្តិបណ្ឌិត ស សុខា បានវាយតម្លៃខ្ពស់ចំពោះទំនាក់ទំនងរវាងព្រះរាជាណាចក្រកម្ពុជា និងសហព័ន្ធរុស្ស៊ី ចាប់តាំងពីឆ្នាំ១៩៥៦ សម័យសហភាពសូវៀត និងរដ្ឋកម្ពុជា ដោយបានរួមចំណែកយ៉ាងសំខាន់ដល់ការស្តារ កសាង និងអភិវឌ្ឍសង្គមជាតិ បម្រើដល់ផលប្រយោជន៍ទៅវិញទៅមកនៃភាគីទាំងពីរ។ ក្នុងនាមរាជរដ្ឋាភិបាលកម្ពុជា ឯកឧត្ដមអភិសន្តិបណ្ឌិត ក៏បានថ្លែងអំណរគុណដល់រដ្ឋាភិបាលរុស្ស៊ី ដែលនៅតែបន្តគាំទ្រដល់កិច្ចសហប្រតិបត្តិការលើវិស័យអប់រំរវាងប្រទេសទាំងពីរ ដែលចាប់តាំងពីរឆ្នាំ១៩៨០ រហូតមក ភាគីរុស្ស៊ី បានទទួលសិស្សនិស្សិតកម្ពុជា ទៅបន្តការសិក្សាអប់រំលើមុខជំនាញផ្សេងៗ។ ក្នុងឱកាសនោះដែរ ឯកឧត្ដមអភិសន្តិបណ្ឌិត ស សុខា បានកោតសរសើរ និងវាយតម្លៃខ្ពស់ចំពោះកិច្ចប្រជុំលើកទី១១ នៃគណៈកម្មការអន្តររដ្ឋាភិបាលកម្ពុជា-រុស្ស៊ី ស្ដីពីកិច្ចសហប្រតិបត្តិការពាណិជ្ជកម្ម […]

ព័ត៌មានជាតិ

ប្រទេសអ៊ីរ៉ង់ ឲ្យកងទ័ពប្រុងជើងការខ្ពស់ សម្រាប់សង្រ្គាមជាមួយ សហរដ្ឋអាមេរិក

April 7, 2025 spean

អន្តរជាតិ ៖ អ៊ីរ៉ង់បានចេញបញ្ជាដោយដាក់កម្លាំងយោធារបស់ខ្លួនលើការប្រុងប្រយ័ត្នខ្ពស់ ហើយបានព្រមានប្រទេសជិតខាងដែលមានមូលដ្ឋានទ័ពអាមេរិកកុំឱ្យគាំទ្រការវាយប្រហាររបស់សហរដ្ឋអាមេរិកដែលមានសក្តានុពលលើអ៊ីរ៉ង់។ នេះបើយោងតាមការចេញផ្សាយរបស់កាសែត Reuters កាលពីថ្ងៃអាទិត្យ ដោយដកស្រង់សម្តីមន្ត្រីដែលដឹងអំពីបញ្ហានេះ។ ចំណាត់ការដែលកាសែតបានរាយការណ៍ខាងលើនេះធ្វើឡើងបន្ទាប់ពីលិខិតរបស់ប្រធានាធិបតីអាមេរិកលោក Donald Trump ទៅកាន់មេដឹកនាំកំពូលអ៊ីរ៉ង់លោក Ayatollah Ali Khamenei ដែលជំរុញឱ្យមានការចរចាដោយផ្ទាល់ក្នុងគោលបំណងបញ្ឈប់កម្មវិធីនុយក្លេអ៊ែររបស់ទីក្រុង Tehran ខណដែលលោក Trump ក៏បានគំរាមយុទ្ធនាការទម្លាក់គ្រាប់បែកលើអ៊ីរ៉ង់ ប្រសិនបើកិច្ចព្រមព្រៀងថ្មីមិនត្រូវបានសម្រេច។ ក្រុងតេអេរ៉ង់ដែលបដិសេធថា ខ្លួនមិនបានស្វែងរកអាវុធនុយក្លេអ៊ែរនោះទេ ហើយក៏បានច្រានចោលការទាមទារឲ្យមានការចរចាផ្ទាល់ជាមួយអាមេរិកផងដែរ។ រដ្ឋមន្ត្រីការបរទេសលោក Abbas Araghchi បានហៅសំណើរបស់Trump ថា វាគ្មានន័យអ្វីទាំងអស់ ហើយក៏បានចោទសួរថា តើលោកTrump មានភាពស្មោះត្រង់របស់ដែរឬទេ ចំពោះបញ្ហានេះ។ លោកបន្តថា ប្រសិនបើអ្នកចង់ចរចា តើអ្វីទៅជាការគំរាមកំហែងដែលចេញពីមាត់របស់លោក?។ យោងតាមទីភ្នាក់ងារព័ត៌មាន Reuters បានឲ្យដឹងថា ទីក្រុងតេអេរ៉ង់ បានចេញសេចក្តីជូនដំណឹងដល់អ៊ីរ៉ាក់ គុយវ៉ែត អេមីរ៉ាតអារ៉ាប់រួម កាតា តួកគី និងបារ៉ែន ដោយព្រមានថា ការអនុញ្ញាតឱ្យកងកម្លាំងអាមេរិកប្រើប្រាស់ដែនអាកាស ឬទឹកដីរបស់ពួកគេនឹងត្រូវបានចាត់ទុកថាជាអំពើអរិភាពជាមួយអ៊ីរ៉ង់។ មន្ត្រីមិនបញ្ចេញឈ្មោះម្នាក់ត្រូវបានកាសែតដកស្រង់សម្ដីមកផ្សាយថា “ទង្វើខាងលើបែបនេះនឹងមានផលវិបាកធ្ងន់ធ្ងរសម្រាប់ពួកគេ”។ ប្រភពបានបញ្ជាក់ថា លោក Khamenei […]