ព័ត៌មានជាតិ

សម្តេចតេជោ ហ៊ុន សែន បញ្ជាក់ថា ស្ថានីយប្រេង PPT នៅកម្ពុជា មិនចាំបាច់ដោះឈ្មោះនោះឡើយ តែអាចទិញប្រេងពីប្រទេសផ្សេង លើកលែងតែទិញពីថៃប៉ុណ្ណោះ

July 8, 2025 spean Comment(0)

រាជធានីភ្នំពេញ ៖ សម្តេចតេជោហ៊ុន សែន ប្រធានព្រឹទ្ធសភាកម្ពុជាបានបញ្ជាក់កាលពីថ្មីៗនេះថា ស្ថានីយប្រេងភីធីធី( PPT ) នៅកម្ពុជា មិនចាំបាច់ដោះឈ្មោះ យីហោនោះឡើយ ដោយគ្រាន់តែក្រុមហ៊ុនអាចទៅទិញប្រេងពីវៀតណាម ម៉ាឡេស៊ី ឬសិង្ហបុរី ដោយលើកលែងតែពីថៃប៉ុណ្ណោះ។សម្តេចថ្លែងដូច្នេះ ដែលជាសញ្ញានៃការបន្ធូរបន្ថយស្ថានភាពតឹងតែង ស្មុគ្រស្មាញនិងជួយកាតបន្ថយការខាតបង់ទាំងម្ចាស់ក្រុមហ៊ុនរថៃមួយនេះ ក៏ដូចជានិងពិសេសដល់ម្ចាស់ស្ថានីយ៍ដែលជាជនជាតិខ្មែរ និងអោយស្ថានីយ៍ក៏នៅដំណើរការ ផ្សារ 7eleven កាហ្វេអាម៉ាហ្សូន និងអាជីវកម្មសេវាផ្សេងនៅក្នុងបណ្តុំស្ថានីយ៍ ព្រមទាំងបុគ្គលិក កម្មករនៅមានការងារធ្វើដដែល។

សូមរំលឹកថា សាររបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់អំពីការផ្អាកទាំងស្រុងនូវការនាំចូលប្រេងឥន្ធនៈ និងឧស្ម័នគ្រប់ប្រភេទពីប្រទេសថៃ នៅត្រឹមម៉ោង១២យប់ថ្ងៃទី២២ខែមិថុនាឆ្នាំ២០២៥ កន្លងមក តទៅ។

សម្តេចធិបតីនាយករដ្ឋមន្ត្រីបានថ្លែងនាយប់ថ្ងៃទី២២ខែមិថុនាថា ៖ ចាប់ពីម៉ោង ១២យប់នេះទៅ ( ២២មិថុនា) ការនាំចូលប្រេងឥន្ធនៈនិងឧស្ម័នគ្រប់ប្រភេទពីប្រទេសថៃ ត្រូវផ្អាកទាំងស្រុង។

សម្តេចបានបញ្ជាក់ថា : បណ្ដាក្រុមហ៊ុនចែកចាយប្រេងឥន្ធនៈនៅកម្ពុជា មានលទ្ធភាពនាំចូលប្រេងឥន្ធនៈនិងឧស្ម័នពីប្រភពផ្សេង គ្រប់គ្រាន់ដើម្បីផ្គត់ផ្គង់តម្រូវការប្រើប្រាស់ក្នុងស្រុករបស់ប្រជាពលរដ្ឋយើង កុំថាឡើយត្រឹមមួយខែ ទោះជារៀងរហូតក៏មិនជាបញ្ហា៕

spean

ព័ត៌មានជាតិ

ថ្នាក់ដឹកនាំសង្ឃកម្ពុជា ចូលរួមពិធីដង្ហែ ក្បួនធម្មយាត្រា បើកកម្មវិធីសូធ្យ ព្រះត្រៃបិដកអន្តរជាតិ លើកទី១៩ នៅពុទ្ធគយា ប្រទេសឥណ្ឌា

December 2, 2024 spean

ថ្នាក់ដឹកនាំសង្ឃកម្ពុជា និងពុទ្ធបរិស័ទចម្រុះជាតិសាសន៍ជាង១ម៉ឺននាក់ ចូលរួមដង្ហែក្បួនធម្មយាត្រា បើកកម្មវិធីសូធ្យព្រះត្រៃបិដកអន្តរជាតិលើកទី១៩ ដែលមានរយៈពេល១០ថ្ងៃ នៅស្រុកគយា រដ្ឋប៊ីហារ សាធារណរដ្ឋឥណ្ឌា នាព្រឹកថ្ងៃទី០២ ខែធ្នូ ឆ្នាំ២០២៤ ដោយមានការនិមន្ត និងអញ្ជើញចូលរួមពី សម្តេចព្រះពុទ្ធជ័យមុនីបណ្ឌិត ឃឹម សន ព្រះប្រធានលេខាធិការដ្ឋាន គណៈសង្ឃនាយក និងជាព្រះមេគណរាជធានីភ្នំពេញ សម្តេចព្រះមហាអរិយវង្សបណ្ឌិត យ៉ន សេងយៀត ព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហនុរាជ សម្តេចព្រះមង្គលមុនីរង្សី ហ៊ូ ឈីវនាថ ព្រះអនុប្រធានអចិន្ត្រៃយ៍លេខាធិការដ្ឋានគណៈសង្ឃនាយក និងជាព្រះនាយកពុទ្ធិកវិទ្យាល័យព្រះសុរាម្រឹត ព្រះមហាសង្សាធិបតី ឥទ្ធិមុនី ម៉ឹង សាង ព្រះប្រធានពុទ្ធិកសមាគម ព្រះសង្ឃខ្មែរ នៅសហរដ្ឋអាមេរិក ឯកឧត្តម នាក់ សំបូរ រដ្ឋលេខាធិការ ក្រសួងធម្មការ និងសាសនា និងមហាឧបាសិកា Dr. Wangmo Dixey ប្រធានមូលនិធិពន្លឺពុទ្ធិធម៌អន្តរជាតិ (LBDFI) ព្រមទាំងតំណាង ITCC។ប្រភពអាកាប៉េ

ព័ត៌មានជាតិ

នាយកដ្ឋានប្រឆាំងបទល្មើសបច្ចេកវិទ្យា អំពាវនាវ សូមកុំថត ចែករំលែក ឬបង្ហោះតាម បណ្តាញសង្គម បង្ហាញរូបភាព ឬវីដេអូ ពីទីតាំងឈរជើង ពីការចល័តកងទ័ព ឬសកម្មភាពនានា របស់កងទ័ព ដើម្បីជៀសវាង ការកំណត់បានទីតាំងរបស់ កងទ័ពយើងពីសត្រូវ

July 27, 2025 spean

ក្នុងអំឡុងពេលមានសង្រ្គាមតាមព្រំដែន ដែលជាការឈ្លានពានពីភាគីសៀមមកលើកម្ពុជា ចាប់តាំងពីថ្ងៃទី២៤ ខែកក្កដា ឆ្នាំ២០២៥ មកដល់បច្ចុប្បន្ន នាយកដ្ឋានប្រឆាំងបទល្មើសបច្ចេកវិទ្យា សង្កេតឃើញថា ប្រជាពលរដ្ឋកម្ពុជាបានរួបរួមសាមគ្គីភាពផ្ទៃក្នុងយ៉ាងអស្ចារ្យក្រោមរូមភាពផ្សេងៗ ក្នុងការលើកទឹកចិត្តដល់វីរៈកងទ័ពជួរមុខដែលកំពុងជាប់ដៃប្រយុទ្ធយ៉ាងមោះមុតជាមួយសត្រូវឈ្លានពានសៀម ក្នុងនោះក៏សង្កេតឃើញមានការកៀរគរថវិការពីជនដែលមានប្រជាប្រិយដល់សប្បុរសជន ដើម្បីទិញជាសម្ភារៈ ឧបភោគ បរិភោគ និងឧបករណ៍ប្រើប្រាស់ចាំបាច់ផ្សេងៗ ឧបត្ថម្ភជូនដល់វីរៈកងទ័ពជួរមុខ និងប្រជាពលរដ្ឋដែលភៀសខ្លួនចេញពីតំបន់ក្តៅកំពុងប្រឈមនឹងការធ្វើសង្រ្គាមរកទីទួលមានសុវត្ថិភាព។ ទន្ទឹមនឹងមានទឹកចិត្តដ៏ល្អប្រពៃរបស់បងប្អូនសប្បុរសជននេះ នាយកដ្ឋានក៏សូមអំពាវនាវ និងសំណូមពរដល់សាធារណជនទាំងអស់÷ – ចំពោះប្រជាពលរដ្ឋ និងអ្នកយកសារព័ត៌មាន សូមកុំថត ចែករំលែក ឬបង្ហោះតាមបណ្តាញសង្គមបង្ហាញរូបភាព ឬវីដេអូ ពីទីតាំងឈរជើង ពីការចល័តកងទ័ព ឬសកម្មភាពនានារបស់កងទ័ព ដើម្បីជៀសវាងការកំណត់បានទីតាំងរបស់កងទ័ពយើងពីសត្រូវ។ – ដើម្បីបង្កា និងការពារ ពីសុវត្ថិភាពទីតាំង ពីការថតរូបបង្ហោះ សូមធ្វើការបិទ Location Service នៅក្នុងទូរស័ព្ទ របស់បងប្អូន។ នាយកដ្ឋានសូមគោរពថ្លែងអំណរគុណដល់បងប្អូនប្រជាពលរដ្ឋយើងទាំងអស់ ដែលបានរួមសាមគ្គីគ្នាយ៉ាងពេញទំហឹងគាំទ្រដល់វីរៈកងទ័ពយើងក្នុងពេលដែលសត្រូវកំពុងឈ្លានពាន។ប្រភពអាកាប៉េ

ព័ត៌មានជាតិ

ព្រះពុទ្ធបដិមាដ៏ធំស្កឹមស្កៃ កម្ពស់ ១០៨ម៉ែត្រ នឹងផុសទ្បើងនៅលើ កំពូលភ្នំបូកគោ

June 12, 2024 spean

នៅលើកំពូលភ្នំបូកគោខេត្តកំពតដែលមានកម្ពស់ ១០៧៥ម៉ែត្រ ក្រុមវិស្វករជំនាញបាននិងកំពុងមមាញ៉ឹកសាងសង់ព្រះពុទ្ធបដិមាដ៏ធំស្កឹមស្កៃកម្ពស់១០៨ម៉ែត្រ ដែលគ្រោងនឹងចំណាយថវិការហូតដល់ ៦០លានដុល្លារអាមេរិក។ តាមការបញ្ជាក់ពីក្រុមវិស្វករជំនាញ ព្រះពុទ្ធបដិមាលើកំពូលភ្នំបូកគោ គឺមានកម្ពស់ខ្ពស់ជាងគេនៅតំបន់អាស៊ីអាគ្នេយ៍។ ក្រោមគំនិតផ្តួចផ្តើមរបស់អ្នកឧកញ៉ា សុខ គង់ ប្រធានក្រុមហ៊ុន សុខាអូតែល ការសាងសង់ព្រះពុទ្ធប្បដិមាកម្ពស់១០៨ម៉ែត្រដ៏ស្កឹមស្កៃនៅលើខ្នងភ្នំបូកគោ ដើម្បីរំលឹកគុណដល់ព្រះសម្មាសម្ពុទ្ធជាព្រះបរមគ្រូនៃយើង ដែលព្រះអង្គបានត្រាស់ដឹងចម្លងសត្វលោកឱ្យរួចផុតចាកទុក្ខ និងដើម្បីរក្សានូវអត្តសញ្ញាណវប្បធម៌សាសនាជាតិខ្មែរ សម្រាប់ជាទីគោរពសក្ការៈដ៏ថ្លៃថ្លាឧត្តុងឧត្តមរបស់បងប្អូនពុទ្ធសាសនិកជនទាំងអស់គ្នាគោរពប្រណិប័តន៍ ហើយព្រះពុទ្ធបដិមាដ៏ស្កឹមស្កៃនេះនឹងគង់ជាសម្បត្តិវប្បធម៌សាសនាជាតិខ្មែរជារហូតតរៀងទៅ។ ប៉ុន្តែដើម្បីផ្តល់ឱកាសដល់ពុទ្ធសាសនិកទាំងក្នុង និងក្រៅប្រទេសដែលមានបំណង និងមានសទ្ធាជ្រះថ្លាហើយចង់ភ្ជាប់និស្ស័យជាមួយការកសាងព្រះពុទ្ធបដិមាដើម្បីទទួលបានមគ្គផលកុសលផលបុណ្យនោះ អាជ្ញាធរ ព្រះសង្ឃ និងពុទ្ធបរិស័ទក៏បានមូលមតិគ្នាផ្តើមធ្វើបុណ្យមហាផ្កាប្រាក់សាមគ្គី ដែលនឹងត្រូវប្រារព្ធធ្វើទ្បើងរយៈពេល ៣ ថ្ងៃគឺចាប់ពីថ្ងៃទី២៨ ដល់ថ្ងៃទី៣០ ខែមិថុនា ឆ្នាំ២០២៤ នៅសណ្ឋាគារសុខាសៀមរាប។ ដូច្នេះពុទ្ធសាសនិកទាំងក្នុង និងក្រៅប្រទេសដែលមានសទ្ធាជ្រះថ្លា និងចង់ភ្ជាប់និស្ស័យនឹងព្រះពុទ្ធសាសនា សំខាន់ចង់ភ្ជាប់និស្ស័យនឹងការកសាងព្រះពុទ្ធប្បដិមាដ៏ធំលើកំពូលភ្នំបូកគោនោះ អាចអញ្ជើញចូលរួមក្នុងពិធីបុណ្យមហាផ្កាប្រាក់សាមគ្គីខាងលើដោយក្តីសោមនស្សរីករាយ។ ទន្ទឹមនោះ ក្នុងរយៈពេល ៣ ថ្ងៃនៃពិធីបុណ្យមហាផ្កាប្រាក់សាមគ្គី ក្រុមហ៊ុនសុខាអូតែលក៏មានរៀបចំស្តង់លក់ទំនិញ អាហារ ភេសជ្ជៈ និងមានកម្មវិធីសម្តែងល្ខោនស្បែកតូច ល្ខោនស្បែកធំដែលជាបេតិកភណ្ឌពិភពលោក ដែលសម្តែងដោយក្រុមសិល្បៈវត្តរាជបូណ៌ ខេត្តសៀមរាបផងដែរ។ ជាងនេះទៀតក្រុមហ៊ុនសុខាអូតែលនឹងមានការរៀបចំតម្លៃពិសេសសម្រាប់បន្ទប់ស្នាក់នៅក្នុងសណ្ឋាគារសុខាលំដាប់ផ្កាយ ៥ ដើម្បីផ្តល់ឱកាសដល់ពុទ្ធបរិស័ទដែលចូលរួមក្នុងពិធីបុណ្យមហាផ្កាប្រាក់សាមគ្គី […]

Leave a Reply Cancel reply

មាតិការ

ទំានាក់ទំនង

Related Articles

Leave a Reply Cancel reply