ព័ត៌មានអន្តរជាតិ

ប្រធានាធិបតីអ៊ុយក្រែន លោក Volodymyr Zelensky បញ្ជាក់ថា រុស្ស៊ីបានវាយប្រហារធំសម្បើម ចូលរដ្ឋធានីគៀវ ក្រោយអាមេរិក បន្តជំនួយវិញ

អន្តរជាតិ ៖ ប្រធានាធិបតីអ៊ុយក្រែន លោក Volodymyr Zelensky បានឲ្យដឹងថា យោធារុស្ស៊ី បើកការវាយប្រហារដ៏សាហាវមួយមកលើរដ្ឋធានីគៀវ ក្នុងនោះសម្លាប់មនុស្សយ៉ាងហោចណាស់ ២ នាក់ និងរងរបួស ១៦ នាក់។ លោក Zelensky បាននិយាយថា ការវាយប្រហារនេះប្រើប្រាស់មីស៊ីលចំនួន ១៨ គ្រាប់ និងយន្តហោះគ្មានមនុស្សបើកប្រហែល ៤០០គ្រឿង ដែលផ្តោតសំខាន់លើរដ្ឋធានីគៀវ តែម្ដង។ លោកបានបន្ថែមថា ការប៉ះទង្គិចគ្នាកើតឡើងរយៈពេល ៣ម៉ោង ខណៈដែលយន្តហោះគ្មានមនុស្សបើក និងកាំជ្រួចរុស្ស៊ី សម្រុកវាយប្រហារលើរដ្ឋធានីគៀវ។ ទន្ទឹមនោះ អាជ្ញាធរក្រុងគៀវ បានបញ្ជាក់ថា បំណែកនៃយន្តហោះគ្មានមនុស្សបើក ធ្លាក់ពាសពេញទីក្រុង។ គួរបញ្ជាក់ថា នេះជាការវាយប្រហារដ៏ខ្លាំងក្លាលើកដំបូងរបស់រុស្ស៊ីលើអ៊ុយក្រែន ចាប់តាំងពីលោកប្រធានាធិបតី ដូណាល់ ត្រាំ ប្រកាសជាសាធារណពីការបន្តជំនួយឡើងវិញ សម្រាប់ក្រុងគៀវ៕

ព័ត៌មានអន្តរជាតិ

ប្រធានាធិបតីសសហរដ្ឋអាមេរិក លោកត្រាំ ថាមិនចង់ប្រឆាំងអ៊ីរ៉ង់ទៀតទេ ដោយចង់លុបចោលទណ្ឌកម្មឯកតោភាគី

អន្តរជាតិ ៖ ប្រធានាធិបតីលោក ដូណាល់ ត្រាំ បាននិយាយថា លោកត្រូវការពេលវេលាដ៏ត្រឹមត្រូវមួយក្នុងការដកទណ្ឌកម្មឯកតោភាគីរបស់សហរដ្ឋអាមេរិក ដែលដាក់លើប្រទេសអ៊ីរ៉ង់។ លោកអះអាងថា យើងបានដកសម្ពាធចេញពីប្រទេសស៊ីរី ហើយពេលនេះលោកចង់លុបចោលទណ្ឌកម្មលើអ៊ីរ៉ង់ម្ដង ប៉ុន្តែនៅពេលដ៏ត្រឹមត្រូវណាមួយជាមុនសិន។ លោក ត្រាំ បានលើកឡើងថា ពេលវេលាសមស្របណាមួយ យើងនឹងដកទណ្ឌកម្មលើអ៊ីរ៉ង់ដោយបន្ថែមថា ខ្ញុំសង្ឃឹមថាសង្រ្គាមជាមួយអ៊ីរ៉ង់ នឹងត្រូវបញ្ចប់ ហើយពួកគេក៏ចង់ស្វែងរកសន្តិភាពផងដែរ។ ទន្ទឹមនោះ បេសកជនលោក Steve Witkoff បញ្ជាក់ថា ការចរចាជាមួយមន្ត្រីអ៊ីរ៉ង់ អាចនឹងកើតឡើងនៅសប្តាហ៍ក្រោយនេះ បើមិនមានអ្វីប្រែប្រួល។ ជាមួយគ្នានោះ លោក ត្រាំ ក៏បានកត់សម្គាល់ថា មកដល់ពេលនេះ ការវាយប្រហារជាថ្មីម្ដងទៀតណាមួយលើអ៊ីរ៉ង់ មិនមានក្នុងសេណារីយ៉ូរបស់សហរដ្ឋអាមេរិកនោះទេ។ គួររំលឹកថា អ៊ីស្រាអែល បានបើកប្រតិបត្តិការយោធាប្រឆាំងនឹងប្រទេសអ៊ីរ៉ង់កាលពីយប់ថ្ងៃទី១៣ ខែមិថុនា។ មិនដល់មួយថ្ងៃក្រោយមក សាធារណរដ្ឋអ៊ីស្លាម បានធ្វើការវាយប្រហារសងសឹក។ រំលងប៉ុន្មានថ្ងៃក្រោយមក សហរដ្ឋអាមេរិក បានលូកដៃចូលជម្លោះដែលបង្កឲ្យមានការភ្ញាក់ផ្អើល ដោយវាយប្រហារលើទីតាំងនុយក្លេអ៊ែរអ៊ីរ៉ង់ចំនួន៣កន្លែង ៕

ព័ត៌មានអន្តរជាតិ

លោកស្រី Paetongtarn នាយករដ្ឋមន្ត្រីថៃ ត្រូវបានតុលាការធម្មនុញ្ញថៃ សម្រេចព្យួរតំណែងហើយ

តុលាការធម្មនុញ្ញរបស់ប្រទេសថៃ នៅថ្ងៃអង្គារនេះ បានបើកកិច្ចប្រជុំទទួលយកញត្តិប្រឆាំងនឹងនាយករដ្ឋមន្ត្រី លោកស្រី Paetongtarn Shinawatra ជុំវិញការសង្ស័យថាបំពានរដ្ឋធម្មនុញ្ញ ។ ជាលទ្ធផលគឺ តុលាការធម្មនុញ្ញថៃ បានសម្រេចព្យួរតំណែងរបស់លោកស្រី Paetongtarn ។ អន្តរជាតិកំពុងតាមដានសភាពវឹកវររបស់នយោបាយផ្ទៃក្នុងថៃ៕

ព័ត៌មានអន្តរជាតិ

កាន់តែធ្ងន់ធ្ងរ បាតុករថៃ ព្រមានពង្រីកបាតុកម្ម កាន់តែធំ បើនាយករដ្ឋមន្ត្រី មិនព្រមចុះចេញពីតំណែង

លោក Pichit Chaimongkol អ្នកដឹកនាំក្រុមបង្រួបបង្រួមអំណាចនៃទឹកដីដើម្បីការពារអធិបតេយ្យភាពថៃ បានបដិសេធការចោទប្រកាន់របស់អ្នកនយោបាយគណបក្សភឿថៃថា បាតុកម្មដែលបង្កឡើងដោយក្រុមនេះគឺជាការអំពាវនាវឱ្យមានរដ្ឋប្រហារយោធា។ លោក Pichit បានទទូចថា ក្រុមនេះមិនដែលទាមទារ ឬគាំទ្ររដ្ឋប្រហារឡើយ ដោយបញ្ជាក់ថា ការទាមទារតែមួយគត់របស់ពួកគេគឺដើម្បីឲ្យលោកស្រីនាយករដ្ឋមន្ត្រី Paetongtarn Shinawatra ចុះចេញពីតំណែង និងឲ្យគណបក្សចម្រុះដកការគាំទ្រពីរដ្ឋាភិបាល។ លោកបានបន្ថែមថា វាជាការអំពាវនាវយ៉ាងពិតប្រាកដ ដើម្បីការការពារអធិបតេយ្យភាពជាតិ។ លោកបានអំពាវនាវដល់សមាជិកសភាគណបក្សភឿថៃ ដែលចោទប្រកាន់ចលនានេះថា ជំរុញឱ្យមានរដ្ឋប្រហារ បំភ្លឺការអះអាង ដោយព្រមានថា ការចោទប្រកាន់បែបនេះមានផលប៉ះពាល់យ៉ាងធ្ងន់ធ្ងរដល់ការតវ៉ា។ លោកបន្ថែមថា បាតុកម្មនឹងកាន់តែខ្លាំងឡើង ដើម្បីចាប់ផ្តើមយុទ្ធនាការជាផ្លូវការក្នុងការទម្លាក់រដ្ឋាភិបាល នៅថ្ងៃទី១ ខែកក្កដា ដោយបន្តថា ការតវ៉ានឹងត្រូវពង្រីក ហើយរំកិលទៅជិតវិមានរដ្ឋាភិបាល។ ទន្ទឹមនោះ លោកបានឲ្យដឹងថា នឹងមានការដាក់ញត្តិជាផ្លូវការទៅកាន់គណបក្សចម្រុះរដ្ឋាភិបាល ដោយអំពាវនាវឲ្យគណបក្សប្រជាធិបតេយ្យ និងគណបក្ស Chartthaipattana ដកខ្លួនចេញពីក្រុមចម្រុះ។ គួរបញ្ជាក់ថា ផ្ទុះបាតុកម្មតវ៉ា ក្នុងទីក្រុងបាងកក កាលពីថ្ងៃសៅរ៍សប្ដាហ៍មុន ដោយទាមទារឲ្យលោកស្រីនាយករដ្ឋមន្ត្រីថៃ Paetongtarn ចុះចេញពីតំណែង ៕

ព័ត៌មានអន្តរជាតិ

ក្រុមប្រឆាំង ពហិការមិនចូលរួម នៅពេលប្រមុខយោធាមីយ៉ាន់ម៉ា បញ្ជាក់ផែនការបោះឆ្នោតចុងឆ្នាំនេះ

អន្តរជាតិ ៖ មេដឹកនាំរបបយោធាមីយ៉ាន់ម៉ា បាននិយាយថា ប្រទេសនេះគ្រោងនឹងរៀបចំការបោះឆ្នោតនៅក្នុងខែធ្នូ និងខែមករា។ នេះបើតាមប្រព័ន្ធផ្សព្វផ្សាយរដ្ឋ បានរាយការណ៍នៅថ្ងៃព្រហស្បតិ៍នេះ។ របបយោធា បានទម្លាក់រដ្ឋាភិបាលស៊ីវិលរបស់មីយ៉ាន់ម៉ា នៅក្នុងរដ្ឋប្រហារឆ្នាំ ២០២១ ដែលបង្កឱ្យមានសង្រ្គាមស៊ីវិលជាច្រើនភាគី។ ទោះជាយ៉ាងណា ក្រុមប្រឆាំង គ្រោងធ្វើពហិការមិនចូលរួមការបោះឆ្នោត រួមទាំងតំបន់ធំៗដែលគ្រប់គ្រងដោយពួកឧទ្ទាមប្រឆាំងរបបយោធានេះ ខណៈអ្នកសង្កេតការណ៍ អះអាងថា ការបោះឆ្នោតនេះ នឹងមិនយុត្តិធម៌នោះទេ។ កាសែតរដ្ឋ The Global New Light of Myanmar រាយការណ៍ថា មេដឹកនាំរបបយោធាលោក Min Aung Hlaing បានលើកឡើង នៅក្នុងសន្និសីទមួយក្នុងរដ្ឋធានី Naypyidaw កាលពីថ្ងៃពុធ ដោយសន្យាថាការបោះឆ្នោតនឹងធ្វើឡើង នៅខែធ្នូឆ្នាំនេះ និងខែមករា ឆ្នាំក្រោយ ដើម្បីឆ្ពោះទៅរកសន្តិភាពពេញលេញ។ កាលពីថ្ងៃពុធ អ្នករាយការណ៍ពិសេសរបស់អង្គការសហប្រជាជាតិទទួលបន្ទុកស្ថានភាពសិទ្ធិនៅក្នុងប្រទេសមីយ៉ាន់ម៉ា លោក Tom Andrews បាននិយាយថា របបយោធា កំពុងព្យាយាមប្រើល្បិច ដើម្បីរៀបចំការបោះឆ្នោតបង្កើតរដ្ឋាភិបាលស៊ីវិលស្របច្បាប់របស់ខ្លួន៕

ព័ត៌មានអន្តរជាតិ

អ៊ីស្រាអែល ព្រមានលើ សាធារណរដ្ឋអ៊ីស្លាមអ៊ីរ៉ង់ថា ឥទ្បូវនេះបាន ឆ្លងកាត់បន្ទាត់ក្រហមហើយ

អន្តរជាតិ ៖ ការឆ្លើយតបរបស់ក្រុងតេអេរ៉ង់ចំពោះការវាយឆ្មក់តាមអាកាសរបស់អ៊ីស្រាអែលលើសាធារណរដ្ឋអ៊ីស្លាម ឥទ្បូវនេះបានឆ្លងកាត់បន្ទាត់ក្រហមហើយ។ នេះជាការថ្លែងព្រមានរបស់រដ្ឋមន្ត្រីការពារជាតិរបស់រដ្ឋជ្វីហ្វលោក Israel Katz ។ លោកក៏បានបង្ហាញនូវប្តេជ្ញាថានឹងធ្វើឱ្យអ៊ីរ៉ង់បង់តម្លៃដ៏ធ្ងន់សម្រាប់សកម្មភាពរបស់ពួកគេ។ អ៊ីរ៉ង់បានបាញ់បង្ហោះរបាំងកាំជ្រួចដ៏ធំមួយកាលពីល្ងាចថ្ងៃសុក្រ ដើម្បីជាការឆ្លើយតបនឹងការវាយប្រហារផ្លូវអាកាសរបស់អ៊ីស្រាអែលជាបន្តបន្ទាប់ដែលសំដៅលើទីតាំងយោធា និងនុយក្លេអ៊ែរនៅក្នុងសាធារណរដ្ឋអ៊ីស្លាមមួយនេះ។ យោងតាមប្រព័ន្ធផ្សព្វផ្សាយអ៊ីរ៉ង់បានឲ្យដឹងថា យោធារបស់ប្រទេសនេះ បានបាញ់បង្ហោះកាំជ្រួចរាប់រយគ្រឿងទៅអ៊ីស្រាអែល ក្នុងរលកដ៏កក្រើកជាច្រើនទីតាំង។ ទោះជាយ៉ាងណាក៏ដោយ កងកម្លាំងការពារអ៊ីស្រាអែលបានអះអាងថា កាំជ្រួចមីស៊ីលតិចជាង ១០០គ្រាប់ត្រូវបានបាញ់មកលើអ៊ីស្រាអែលនៅក្នុងបន្ទាយពីរ។យ៉ាងហោចណាស់មនុស្ស ៣៥ នាក់បានរងរបួសនៅក្នុងការវាយប្រហាររបស់អ៊ីរ៉ង់ នេះបើយោងតាមអាជ្ញាធរវេជ្ជសាស្ត្រអ៊ីស្រាអែល ហើយក្នុងនោះស្ត្រីម្នាក់ស្ថិតក្នុងស្ថានភាពធ្ងន់ធ្ងរ។ ទីក្រុង Tel Aviv ទំនងជាជាគោលដៅសំខាន់មួយសម្រាប់ការវាយប្រហាររបស់អ៊ីរ៉ង់។ អាជ្ញាធរអ៊ីស្រាអែលបានបញ្ជាក់ពីទីតាំងប៉ះពាល់យ៉ាងហោចណាស់ចំនួនប្រាំពីរក្នុងតំបន់នៃទីក្រុង។ លោក Katz បាននិយាយថា អ៊ីរ៉ង់បានឆ្លងផុតបន្ទាត់ក្រហម នៅពេលដែលវាហ៊ានបាញ់មីស៊ីលទៅកាន់មជ្ឈមណ្ឌលប្រជាជនស៊ីវិលក្នុងប្រទេសអ៊ីស្រាអែល។ យើងនឹងបន្តការពារពលរដ្ឋអ៊ីស្រាអែល និងធានាថារបបរបស់ ayatollahs បង់ថ្លៃយ៉ាងធ្ងន់ធ្ងរសម្រាប់សកម្មភាពឧក្រិដ្ឋកម្មរបស់ខ្លួន។ យ៉ាងណាក៏ដោយលោករដ្ឋមន្ត្រីមិនបានប្រកាសពីជំហានជាក់លាក់ណាមួយដែលក្រុងហ្សេរុយសាឡឹមខាងលិចអាចធ្វើជាការឆ្លើយតប។ ការវាយប្រហាររបស់អ៊ីស្រាអែលកាលពីព្រឹកថ្ងៃសុក្របានសម្លាប់ឧត្តមសេនីយលោម Hossein Salami មេបញ្ជាការកងឆ្មាំបដិវត្តន៍ឥស្លាមវរជនអ៊ីរ៉ង់ (IRGC) និងឧត្តមសេនីយលោក Mohammad Bagheri ដែលជាប្រធានបុគ្គលិកនៃកងកម្លាំងប្រដាប់អាវុធអ៊ីរ៉ង់ យោងតាមអាជ្ញាធរអ៊ីរ៉ង់។ ប្រព័ន្ធផ្សព្វផ្សាយជាច្រើនបានអះអាងថា មេបញ្ជាការយោធាអ៊ីរ៉ង់ជាន់ខ្ពស់មួយចំនួនទៀត និងអ្នកវិទ្យាសាស្ត្រនុយក្លេអ៊ែរក៏ត្រូវបានគេសម្លាប់ផងដែរ។ ទីក្រុងតេអេរ៉ង់បានវាយលុកការវាយប្រហារតបនេះថាជា“ការឈ្លានពានដោយឥតលាក់លៀម” និងបានសច្ចាថាជាការឆ្លើយតប […]

ព័ត៌មានអន្តរជាតិ

តុលាការចេញដីកា ឃុំខ្លួនដាក់ពន្ធនាគារ នាយនគរបាល២នាក់ ម្នាក់ជាអធិការរង និងម្នាក់ជាមន្រ្តី នគរបាលស្រុកបវេល ដែល ACU ឃាត់ខ្លួន ពាក់ព័ន្ធការដោះលែង ជនជាតិថៃ ជាថ្នូរលុយរាប់ម៉ឺនដុល្លារ

រាជធានីភ្នំពេញ ៖ អង្គភាពប្រឆាំងអំពើពុករលួយ (ACU) បានសម្រេចឃាត់ខ្លួនមន្រ្តីនគរបាល២នាក់ ហើយបានបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់ ពាក់ព័ន្ធករណីលួចដោះលែងជនជាតិថៃក្នុងរឿងបទល្មើស ជាថ្នូរលុយរាប់ម៉ឺនដុល្លារ។ នេះបើតាមសេចក្តីរាយការណ៍ពីតុលាការ ដែលបណ្តាញសារព័ត៌មានក្នុងស្រុក ទទួលបាននៅថ្ងៃទី២៦ ខែឧសភា ឆ្នាំ២០២៥នេះ។ លោក ប្លង់ សុផល អ្នកនាំពាក្យតំណាងអយ្យការអមសាលាដំបូងរាជធានីភ្នំពេញ បានប្រាប់បណ្តាញសារព័ត៌មានក្នុងស្រុក នៅរសៀលថ្ងៃនេះថា ជនសង្ស័យទាំង២នាក់ ត្រូវបានចោទប្រកាន់ពីបទ «ប៉ុនប៉ងសូកប៉ាន់ និងបទ សម្អាតប្រាក់ តាមមាត្រា ៣២ នៃច្បាប់ស្តីពីប្រឆាំងអំពើពុករលួយ មាត្រា ២៧ មាត្រា ៦០៥ នៃក្រមព្រហ្មទណ្ឌ និងមាត្រា ៣៨ នៃច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម»។ សេចក្តីរាយការណ៍ បានបញ្ជាក់ថា ក្រោយបញ្ចប់បើកការស៊ើបសួរលើជនត្រូវចោទទាំង២នាក់ ពីតំណាងអយ្យការលោក ទុង រតនា, លោក ធន់ ដារិទ្ធ ចៅក្រមស៊ើបសួរ បានសម្រេចឃុំខ្លួនជនជាប់ចោទទាំង២នាក់ ដាក់ពន្ធនាគារព្រៃស នៅថ្ងៃទី២៦ ខែឧសភា ឆ្នាំ២០២៥នេះ។ តាមសេចក្តីរាយការណ៍បានឲ្យដឹងថា មន្រ្តីនគរបាលទាំង២នាក់ […]

ព័ត៌មានអន្តរជាតិ

លោក ដូណាល់ ត្រាំ ព្រមាន ពូទីន កំពុងតែលេងជាមួយភ្លើង ក្រោយបើកការវាយប្រហារ លើអ៊ុយក្រែន

អន្តរជាតិ ៖ លោក ដូណាល់ ត្រាំ បានព្រមានលោក វ្ល៉ាឌីមៀ ពូទីន ថាកំពុងតែលេងជាមួយភ្លើង បន្ទាប់ពីរុស្ស៊ីបើកការវាយប្រហារដ៏ធំលើអ៊ុយក្រែន។ ការរិះគន់ជាថ្មីរបស់លោក Trump លើ Putin ដោយសំដៅទៅកាន់សមភាគីរុស្ស៊ីជុំវិញកិច្ចខិតខំប្រឹងប្រែងសន្តិភាពអ៊ុយក្រែនដែលកំពុងជាប់គាំង។ ការអត្ថាធិប្បាយចុងក្រោយបំផុតរបស់លោក Trump បានកើតឡើងបន្ទាប់ពីលោកបានហៅមេដឹកនាំវិមានក្រឹមឡាំងថា “CRAZY” នៅចុងសប្តាហ៍កន្លងទៅ បន្ទាប់ពីការវាយប្រហារតាមអាកាសដ៏ធំរបស់រុស្ស៊ីលើទីក្រុង Kyiv ហើយបានព្រមានថាទីក្រុងម៉ូស្គូកំពុងប្រថុយនឹងទណ្ឌកម្មថ្មី។ លោក Trump បាននិយាយនៅលើបណ្តាញសង្គម Truth Social របស់គាត់កាលពីថ្ងៃអង្គារថា “ អ្វីដែលលោក Vladimir Putin មិនដឹងនោះគឺថា ប្រសិនបើវាមិនមែនខ្ញុំទេ រឿងអាក្រក់ជាច្រើននឹងកើតឡើងរួចហើយចំពោះប្រទេសរុស្ស៊ី ហើយសម្រាប់ខ្ញុំទង្វើរបស់រុស្ស៊ីពេលនេះគឺមានន័យថាពិតជាអាក្រក់ណាស់..ហើយគាត់កំពុងលេងជាមួយភ្លើង”។ប៉ុន្តែលោក Trump មិនបានបញ្ជាក់ថាអ្វីទៅជារឿង “អាក្រក់” ឬក៏ធ្វើការគំរាមកំហែងជាក់លាក់ណាមួយនៅឡើយទេ។ យ៉ាងណាក៏ដោយកាសែត Wall Street Journal និង CNN បានរាយការណ៍ថា ឥឡូវនេះលោក Trump កំពុងពិចារណាដាក់ទណ្ឌកម្មថ្មីប្រឆាំងនឹងរុស្ស៊ីនៅដើមសប្តាហ៍នេះ ខណៈដែលការសែតដដែលនោះបានសង្កត់ធ្ងន់ថា Trump នៅតែអាចផ្លាស់ប្តូរចិត្តរបស់គាត់។ លោក […]

ព័ត៌មានអន្តរជាតិ

កិច្ចចរចានុយក្លេអ៊ែរ ចម្រាញ់សារធាតុអ៊ុយរ៉ាញ៉ូម អ៊ីរ៉ង់-អាមេរិក បានបញ្ចប់ដោយគ្មាន កិច្ចព្រមព្រៀងណាមួយទ្បើយ

អន្តជាតិ ៖ កិច្ចពិភាក្សារវាងអ៊ីរ៉ង់ និងសហរដ្ឋអាមេរិក ថាតើអ៊ីរ៉ង់នឹងត្រូវបានអនុញ្ញាតឱ្យបន្តការចម្រាញ់សារធាតុអ៊ុយរ៉ាញ៉ូម នៅក្នុងប្រទេសនេះ បានបញ្ចប់ដោយគ្មានកិច្ចព្រមព្រៀងណាមួយទ្បើយ ប៉ុន្តែជាក់ស្តែងដោយគ្មានការបែកបាក់ដែលគួរឱ្យភ័យខ្លាចនោះទេ។ កិច្ចចរចាដោយប្រយោលរវាងភាគីទាំងពីរត្រូវបានសម្របសម្រួលដោយ អូម៉ង់ ហើយបានធ្វើឡើងនៅទីក្រុងរ៉ូម។ រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយកាលពីយប់ថ្ងៃសុក្រថា”ខ្ញុំសង្ឃឹមថា នៅក្នុងកិច្ចប្រជុំមួយ ឬពីរបន្ទាប់ យើងអាចសម្រេចបាននូវដំណោះស្រាយ ដែលនឹងអនុញ្ញាតឱ្យការចរចាមានដំណើរការទៅមុខ។ កិច្ចចរចានៅអូម៉ង់ គឺដើម្បីដកចេញនូវឧបសគ្គ និងមានលទ្ធភាពនៃវឌ្ឍនភាព ប៉ុន្តែការចរចាគឺស្មុគស្មាញពេកដែលមិនអាចដោះស្រាយបាននៅក្នុងកិច្ចប្រជុំមួយ ឬពីរនោះទេ”។ មន្ត្រីអាមេរិកម្នាក់បាននិយាយថា ភាគីទាំងពីរបានយល់ព្រមប្រជុំឡើងវិញនៅពេលខាងមុខ។ មន្ត្រីរូបនេះបាននិយាយថា “កិច្ចពិភាក្សានៅតែបន្តមានលក្ខណៈស្ថាបនា យើងបានធ្វើឱ្យមានវឌ្ឍនភាពបន្ថែមទៀត ប៉ុន្តែនៅតែមានការងារត្រូវធ្វើ។ ភាគីទាំងពីរបានយល់ព្រមជួបគ្នាម្តងទៀតនាពេលខាងមុខ។ យើងសូមថ្លែងអំណរគុណចំពោះដៃគូ Omani របស់យើងសម្រាប់ការសម្របសម្រួលបន្តរបស់ពួកគេ” ។ ក្រសួងការបរទេសអូម៉ង់បាននិយាយនៅក្នុងសេចក្តីថ្លែងការណ៍មួយថា “យើងសង្ឃឹមថានឹងបញ្ជាក់ពីបញ្ហាដែលនៅសេសសល់ក្នុងរយៈពេលប៉ុន្មានថ្ងៃខាងមុខ ដើម្បីអនុញ្ញាតឱ្យយើងបន្តឆ្ពោះទៅរកគោលដៅរួមនៃការសម្រេចបាននូវកិច្ចព្រមព្រៀងប្រកបដោយនិរន្តរភាព និងកិត្តិយស”។ កិច្ចពិភាក្សាកំពុងធ្វើឡើងប្រឆាំងនឹងការគំរាមកំហែងម្តងហើយម្តងទៀតដោយអ៊ីស្រាអែល ដើម្បីវាយប្រហារទីតាំងនុយក្លេអ៊ែររបស់អ៊ីរ៉ង់។ អ៊ីស្រាអែលបានភ័យខ្លាចជាយូរមកហើយថា អ៊ីរ៉ង់កំពុងរៀបចំបង្កើតគ្រាប់បែកនុយក្លេអ៊ែរ ហើយមិនមែនដូចដែលខ្លួនអះអាងថាបន្តកម្មវិធីនុយក្លេអ៊ែរស៊ីវិលនោះទេ។ លោក Donald Trump ត្រូវបានប្រាប់ដោយរដ្ឋឈូងសមុទ្រថា ពួកគេមិនចង់មានជម្លោះបន្ថែមទៀតនៅមជ្ឈិមបូព៌ា ដែលនឹងបង្កឡើងដោយការប៉ុនប៉ងរបស់អ៊ីស្រាអែលក្នុងការទម្លាក់គ្រាប់បែកលើអ៊ីរ៉ង់ ហើយប្រធានាធិបតីអាមេរិកបានបង្ហាញឆន្ទៈដ៏គួរឱ្យភ្ញាក់ផ្អើលមួយក្នុងការឈានដល់កិច្ចព្រមព្រៀងជាមួយទីក្រុងតេអេរ៉ង់។ មុនពេលកិច្ចចរចា អាមេរិកបានលើកទ្បើងថា វាជាខ្សែបន្ទាត់ក្រហម […]

ព័ត៌មានអន្តរជាតិ

ប្រទេសឥណ្ឌាប្រើ កងទ័ពជើងទឹកឥណ្ឌា នៅសមុទ្រអារ៉ាប់ រៀបក្បួនសងសឹកប៉ាគីស្ថាន វិញហើយ

អន្តរជាតិ ៖ កងទ័ពជើងទឹកឥណ្ឌា នៅសមុទ្រអារ៉ាប់ បានចាប់ផ្តើមការវាយប្រហារសងសឹកលើប៉ាគីស្ថាន ជាការឆ្លើយតបទៅនឹងការប៉ុនប៉ងរបស់ទីក្រុងអ៊ីស្លាម៉ាបាដ ក្នុងការវាយប្រហារមូលដ្ឋានយោធា។ ទូរទស្សន៍ឥណ្ឌា NDTV រាយការណ៍ នៅថ្ងៃសុក្រនេះថា កងនាវាចរឥណ្ឌា ចាប់ផ្តើមប្រតិបត្តិការសងសឹក បន្ទាប់ពីការវាយប្រហររបស់ប៉ាគីស្ថាន លើមូលដ្ឋានយោធាក្រុងដេលី ។ មកទល់ពេលនេះ មិនមានព័ត៌មានលម្អិតបន្ថែមទាក់ទងនឹងប្រតិបត្តិការរបស់កងទ័ពជើងទឹកឥណ្ឌា នៅសមុទ្រអារ៉ាប់ នោះទេ។ គួរបញ្ជាក់ថា កាលពីថ្ងៃទី៨ ខែឧសភា បុគ្គលិកការពារជាតិរួមបញ្ចូលគ្នា (HQ IDS) របស់ឥណ្ឌា បានរាយការណ៍នៅលើគណនីបណ្តាញទំនាក់ទំនងសង្គម X ថា ប៉ាគីស្ថាន បានវាយប្រហារមូលដ្ឋានយោធានៅ Jammu និង Kashmir ភាគខាងជើងប្រទេសឥណ្ឌាដោយប្រើកាំជ្រួច និងយន្តហោះគ្មានមនុស្សបើក៕

ព័ត៌មានអន្តរជាតិ

ប្រធានាធិបតីសសហរដ្ឋអាមេរិក លោកត្រាំ ថាមិនចង់ប្រឆាំងអ៊ីរ៉ង់ទៀតទេ ដោយចង់លុបចោលទណ្ឌកម្មឯកតោភាគី

លោកស្រី Paetongtarn នាយករដ្ឋមន្ត្រីថៃ ត្រូវបានតុលាការធម្មនុញ្ញថៃ សម្រេចព្យួរតំណែងហើយ

កាន់តែធ្ងន់ធ្ងរ បាតុករថៃ ព្រមានពង្រីកបាតុកម្ម កាន់តែធំ បើនាយករដ្ឋមន្ត្រី មិនព្រមចុះចេញពីតំណែង

ក្រុមប្រឆាំង ពហិការមិនចូលរួម នៅពេលប្រមុខយោធាមីយ៉ាន់ម៉ា បញ្ជាក់ផែនការបោះឆ្នោតចុងឆ្នាំនេះ

អ៊ីស្រាអែល ព្រមានលើ សាធារណរដ្ឋអ៊ីស្លាមអ៊ីរ៉ង់ថា ឥទ្បូវនេះបាន ឆ្លងកាត់បន្ទាត់ក្រហមហើយ

លោក ដូណាល់ ត្រាំ ព្រមាន ពូទីន កំពុងតែលេងជាមួយភ្លើង ក្រោយបើកការវាយប្រហារ លើអ៊ុយក្រែន

ប្រទេសឥណ្ឌាប្រើ កងទ័ពជើងទឹកឥណ្ឌា នៅសមុទ្រអារ៉ាប់ រៀបក្បួនសងសឹកប៉ាគីស្ថាន វិញហើយ

មាតិការ

ទំានាក់ទំនង