ខេត្តបន្ទាយមានជ័យ ៖ នៅថ្ងៃទី០២ ខែមីនា ឆ្នាំ ២០២២ វេលាម៉ោង ១០.៤០ នាទីព្រឹកផ្ទះ ២ខ្នងនៅផ្សារតូចស្ថិតក្នុងភូមិកំពង់ស្វាយសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ត្រូវបានអគ្គីភ័យលេបត្របាក់ដោយសារទុស្សេបារ៉ែតភ្លើង ។
សមត្ថកិច្ចនគរបាលក្រុងសិរីសោភ័ណបានឲ្យដឹងថា ៖ ករណីអគ្គីភ័យនោះបានឆាបឆេះផ្ទះប្រជាពលរដ្ឋអស់ចំនួន២ខ្នង: ទី១ឈ្មោះ ឌិត រ៉ាម៉ាចន្ត្រា អាយុ៦៧ឆ្នាំ និងប្រពន្ធឈ្មោះ គឹម ហឿន អាយុ៦៤ឆ្នាំ មានផ្ទះទំហំផ្ទះ៦x៧ម៉ែត្រ សង់អំពីឈើក្រាលក្តារ ជញ្ជាំងក្តារ ប្រក់សង្ក័សី សម្ភារ:ប្រើប្រាស់ក្នុងផ្ទះត្រូវឆេះខូចខាតទាំងស្រុងដោយ ឡែកលុយកាក់មាសប្រាក់គ្មានទេ ។ទី២ ឈ្មោះ អឿន ខឿន ភេទស្រីអាយុ៥៥ឆ្នាំ មានផ្ទះទំហំ៥x៦ម៉ែត្រ សង់ពីឈើ ក្រាលក្តារ ជញ្ជាំងសង្ក័សី ប្រក់សង្ក័សី ឆេះខូច ខាត៣០% សម្ភារ:ប្រើប្រាស់ក្នុងផ្ទះខូចខាតមួយចំនួន និងលុយ១លានរៀល ។
ក្នុងកិច្ចប្រត្តិបត្តិការសង្គ្រោះនិងអន្តរាគមន៍នគរបាលប្រើប្រាស់ឡានទឹកអស់ចំនួន៣ គ្រឿង ក្នុងនោះស្នងការដ្ឋាន២គ្រឿង និងរថយន្តនគរបាលក្រុង១គ្រឿង ដោយប្រើ ប្រាស់ទឹកអស់៤រថយន្ត ទើបគ្រប់គ្រងបានទាំងស្រុង ការពារផ្ទះដែលនៅជាប់ៗគ្នានោះចំនួនជាង១០ខ្នង និងបញ្ជៀសគ្រោះថ្នាក់ដល់អាយុជីវិតនិងរបួសពលរដ្ឋផងដែរ ៕