ព័ត៌មានជាតិ

ការចាក់វ៉ាក់សាំង កូវីដ១៩ ទូទាំងប្រទេស សរុបបានចំនួន ២,៧៩៤,៨៩៤ នាក់

June 11, 2021 spean Comment(0)

រាជធានីភ្នំពេញ ៖ គិតត្រឹមយប់ថ្ងៃទី១០ ខែមិថុនា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ជូន មន្ត្រីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ២,៧៩៤,៨៩៤នាក់។ សម្រាប់លទ្ធផលចាក់វ៉ាក់សាំងគោលដៅ១០លាននាក់ បានចំនួន២៧.៩៥%។នេះបើយោងតាមសេចក្ដីប្រកាសរបស់ក្រសួងសុខាភិបាល៕

spean

ព័ត៌មានជាតិ

សម្ដេចធិបតី ហ៊ុន ម៉ាណែត ថ្លែងថា ៖ ថ្នាក់ក្រោមទទួលសិទ្ធិហើយ ត្រូវមានម្ចាស់ការដោះស្រាយ ទៅតាមលទ្ធភាព កុំរង់ចាំបទបញ្ជា

November 6, 2023 spean

រាជធានីភ្នំពេញ ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានថ្លែងបញ្ជាក់ថា មន្ត្រីថ្នាក់ក្រោមជាតិ មានខេត្ត ស្រុក ក្រុង ឃុំ សង្កាត់ ទទួលបានសិទ្ធិធ្វើការងារហើយ ត្រូវមានម្ចាស់ការដោះស្រាយទៅតាមលទ្ធភាព កុំរង់ចាំបទបញ្ជាពីថ្នាក់លើ។ ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារថ្មី នៃទីស្តីការក្រសួងមហាផ្ទៃ នាព្រឹកថ្ងៃទី៦ ខែវិច្ឆិកា ឆ្នាំ២០២៣នេះ សម្តេចធិបតី បានស្នើឱ្យថ្នាក់មូលដ្ឋានក្ដាប់បញ្ហាឱ្យជាប់ សម្រួលបញ្ហាឱ្យអស់លទ្ធភាព ចំណែកថ្នាក់លើបើដោះស្រាយបញ្ហាចប់ហើយ ត្រូវជូនដំណឺងឱ្យបានទូលំទូលាយទៅថ្នាក់ក្រោមនិងប្រជាពលរដ្ឋ ចៀសវាងពួកគាត់មិនដឹង នាំគ្នាលើកបដាតវ៉ាមកលើ ខណៈបញ្ហាបានធ្វើរួចរាល់ស្រេចបាច់អស់ហើយនោះ។ សម្ដេចធិបតីថ្លែងម្ដងហើយម្ដងទៀត« ម្ចាស់ការដោះស្រាយទៅតាមលទ្ធភាព កុំរង់ចាំបទបញ្ជា វិមជ្ឈការនេះគឺការប្រគល់សិទ្ធិ ចឹងប្រគល់សិទ្ធត្រូវការដោះស្រាយ មិនមែនតែទំនាស់រឿងនោះទេ ប៉ុន្តែបញ្ហាផ្ដល់សេវារដ្ឋបាលផ្សេងៗ ម្ចាស់ការដោះស្រាយ កុំចាំបាទ បើឱ្យសិទ្ធិហើយចាំទទួល ចាំសួរលើសិន ពេលណាខ្ញុំដោះ អាហ្នឹងវាផ្ដើមចេញពីការកំណត់ឱ្យច្បាស់»។ សម្ដេចធិបតី បានជំរុញឱ្យ ក្រសួង ស្ថាប័ននីមួយៗ ត្រូវចេញណែនាំឱ្យច្បាស់នូវគោលការណ៍ណែនាំបច្ចេកទេសឱ្យច្បាស់ បទដ្ឋានការងារឱ្យច្បាស់ថា សិទ្ធិអ្វី ដែលមូលដ្ឋានកម្រិតណាមានសិទ្ធិដោះ កុំឱ្យគាត់អត់ច្បាស់ មិនហ៊ានធ្វើ ប្រគល់សិទ្ធិហើយបំពាក់បំប៉នគាត់ ហើយប្រគល់សិទ្ធិឱ្យគាត់ យើងផ្ដល់ការគាំទ្រ។ […]

ព័ត៌មានជាតិ

មន្រ្តីបរិស្ថាន និងសមត្ថកិច្ចជំនាញ ចុះរុះរើចេញខ្ទម ដែលសង់លើ ដីព្រៃឧទ្យានជាតិ បូទុមសាគរ

September 3, 2021 spean

ខេត្តកោះកុង ៖ ការសាងសង់ខ្ទម និងបោះបង្គោលព័ទ្ធរបងក្នុងដីព្រៃឈើឧទ្យានជាតិបូទុមសាគរ យ៉ាងអាណាធិប្បតេយ្យរបស់ពលរដ្ឋមួយចំនួន ត្រូវបានមន្រ្តីបរិស្ថាន និងសមត្ថកិច្ចជំនាញចុះរុះរើចេញតាម សាលដីការរបស់តុលាការអមសាលាដំបូងខេត្តកោះកុង ។ ប្រតិបត្តិការអនុវត្តច្បាប់មួយថ្ងៃពេញនេះ ដឹកនាំដោយលោក វ៉េត សុនីម អនុប្រធានមន្ទីរបរិស្ថាន ខេត្តកោះកុង ដោយសហការជាមួយកងកម្លាំងអាវុធហត្ថ គណៈបញ្ជាការឯកភាពស្រុកបូទុមសាគរ ដឹកនាំដោយលោក ក្រូច បុរីសីហា អភិបាលរងស្រុកបូទុមសាគរ និងជាអនុប្រធានគណៈបញ្ជាការឯកភាព ស្រុក បូទុមសាគរ ដោយមានការចូលរួមសម្របសម្រួលការងារច្បាប់ ដោយលោក អេង ចាន់ភារ៉ា ព្រះរាជអាជ្ញារង នៃអយ្យាកាអមសាលាដំបូងខេត្តកោះកុង កាលពីថ្ងៃទី១ ខែសីហា ឆ្នាំ២០២១។ បើតាមលោក វ៉េត សុនីម អនុប្រធានមន្ទីរបរិស្ថានខេត្តកោះកុង បានឱ្យដឹងថា ខ្ទមចំនួន២៧ ដំណាំចម្ការ និងបង្គោលរបងឈើជាង២.០០០ដើម ស្ថិតនៅចំណុចអូរយ៉ូយ៉ា ភូមិថ្មស ឃុំថ្មស ដែលបានពលរដ្ឋខិលខូចមួយចំនួនតូចបន្តលួចសាងសង់គ្មានច្បាប់នោះទេ រីឯអាជ្ញាធរមូលដ្ឋានក៏មិនទទួលស្គាល់តាមលិខិតលក់-ទិញផ្លូវការ ដែរ។ អនុប្រធានមន្ទីរបរិស្ថាន អះអាងទៀតថា មុននឹងឈានដល់មានចំណាត់ការច្បាប់នៅពេលនេះ មន្រ្តីអាជ្ញាធរពាក់ព័ន្ធធ្លាប់បានចុះអប់រំណែនាំជាច្រើនលើកច្រើនសារមកហើយដែរ តែពលរដ្ឋទាំងនោះហាក់មិនចូលរួមទាល់តែសោះ ដោយជឿតាមការញុះញង់ពីមេខ្លោងនៅក្រោយខ្នងឲ្យបន្តទន្រ្ទាន។ […]

ព័ត៌មានជាតិ

លោកអភិបាលស្រុកបាណន់ រៀបចំកម្មវិធី ចាប់លេខរៀងដីឡូ ចែកជូនដល់ប្រជាពលរដ្ឋ ដែលត្រូវបានរុះរើ នៅជើងភ្នំសំពៅ

May 17, 2025 spean

ខេត្តបាត់ដំបង ៖ នៅព្រឹកថ្ងៃទី១៦ ខែឧសភា ឆ្នាំ២០២៥ ដោយបានគោលការណ៍ដឹកនាំពីឯកឧត្ដម សុខ លូ អភិបាលនៃគណៈអភិបាលខេត្តបាត់ដំបង រដ្ឋបាលស្រុកបាណន់ បានសហការជាមួយរដ្ឋបាលឃុំភ្នំសំពៅ រៀបចំពិធីចាប់លេខរៀងដីឡូត៍ ផ្តល់ជូនប្រជាពលរដ្ឋដែលត្រូវរុះរើផ្ទះចេញពីជើងភ្នំសំពៅ នៃភូមិភ្នំសំពៅកើត និងភូមិភ្នំសំពៅលិច មកទទួលដីឡូត៍លំនៅឋាននៅភូមិក្រពើជើង ឃុំភ្នំសំពៅ ។ ពិធីនេះបានប្រព្រឹត្តទៅក្រោមបរិយាកាសរីករាយ ស្និទ្ធស្នាល និងសាទរក្រៃលែង ព្រមទាំងមានតំណាងពលរដ្ឋឡើងថ្លែងអំណរគុណដល់រាជរដ្ឋាភិបាល និងអាជ្ញាធរគ្រប់ថ្នាក់ ដែលជានិច្ចកាលតែងគិតដល់ផលប្រយោជន៍ប្រជាពលរដ្ឋជាធំ ៕ដោយម៉ា ស៊ីណា