ព័ត៌មានជាតិ

កងយោធពលខេមរភូមិន្ទ និងកងទ័ពរំដោះប្រជាជនចិន ចាប់ផ្តើមដំណើរការ សមយុទ្ធនាគមាស-២០២៥

May 18, 2025 spean Comment(0)

ខេត្តកំពង់ឆ្នាំង ៖ នាព្រឹកថ្ងៃសៅរ៍ទី១៧ ខែឧសភា ឆ្នាំ២០២៥ ពិធីបើកសមយុទ្ធនាគមាស-២០២៥ ក្រោមប្រធានបទ «ប្រតិបត្តិការប្រឆាំងភេរវកម្មរួមគ្នា និងការងារសង្គ្រោះមនុស្សធម៌» រវាងកងយោធពលខេមរភូមិន្ទ និងកងទ័ពរំដោះប្រជាជនចិន បានចាប់ផ្តើមដំណើរការហ្វឹកហាត់សមយុទ្ធរួមគ្នា មិត្តភាពកម្ពុជា-ចិន នាគមាស-២០២៥(DRAGON GOLD-2025) ។

កម្មវិធីធ្វើនៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ដែលមានលោកនាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ និង លោកឧត្តមសេនីយ៍ទោ លី ក្វាងឃុន ឧបការី នាយសេនាធិការ តំបន់ភូមិភាគខាងត្បូង នៃកងទ័ពរំដោះប្រជាជនចិន បានអញ្ជើញជាអធិបតីភាព ៕

spean

ព័ត៌មានជាតិ

ក្រសួងធនធានទឹក ជូនដំណឹងស្ដីពី ស្ថានភាព ទឹកទន្លេមេគង្គ

July 26, 2021 spean

រាជធានីភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី២៦ ខែកក្កដា ឆ្នាំ២០២១ បានចេញសេចក្ដីជូនដំណឹង ស្ដីពីស្ថានភាពទឹកទន្លេមេគង្គ។ សេចក្ដីជូនដំណឹងបានឲ្យដឹងថា នៅក្នុងរយៈពេលកន្លងមក ព្យុះទី៧ សេមប៉ាកា (CEMPAKA) និងបណ្ដាឥទ្ធិពល នៃព្យុះផ្សេងៗទៀត និងប្រព័ន្ធនានា ដែលមានឥទ្ធិពលមកលើអាងទន្លេមេគង្គ បានធ្វើឲ្យមានភ្លៀងធ្លាក់ក្នុងកម្រិត ពីបង្អួរ ទៅច្រើន ក្នុងអាងទន្លេមេគង្គភាគខាងលើ រួមមាន៖ ប្រទេសចិន ថៃ និងប្រទេសឡាវ ព្រមទាំងតំបន់ខ្ពង់រាប ភាគឥសានប្រទេសកម្ពុជាផងដែរ ៕

ព័ត៌មានជាតិ

ឯកឧត្តម ឡាំ ជា រដ្ឋលេខាធិការ ក្រសួងមហាផ្ទៃ អញ្ជើញជាអធិបតីភាព ក្នុងកិច្ចប្រជុំផ្សព្វផ្សាយ និងណែនាំអំពី នីតិវិធី បែបបទ ក្នុងការបំពេញសាលាកបត្រព័ត៌មាន ដើម្បីពិនិត្យវាយតម្លៃ នៃការដំឡើងឋានន្តរសក្តិថ្នាក់ ជូនមន្ត្រីនគរបាលជាតិ មន្ត្រីពន្ធនាគារ និងមន្ត្រីរាជការស៊ីវិល

August 23, 2023 spean

ខេត្តកំពង់ស្ពឺ ៖ កាលពីថ្ងៃទី១៦ ខែសីហា ឆ្នាំ២០២៣ ឯកឧត្តម ឡាំ ជា រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារចំពោះកិច្ច ដើម្បីពិនិត្យ វាយតម្លៃ លើដំណើរការប្រព្រឹត្តទៅនៃការដំឡើងឋានន្តរស័ក្តិ ថ្នាក់ ជូនមន្ត្រីនគរបាលជាតិ មន្ត្រីពន្ធនាគារ និងមន្ត្រីរាជការស៊ីវិល ចំណុះក្រសួងមហាផ្ទៃ បានអញ្ជើញជាអធិបតី ដឹកនាំកិច្ចប្រជុំផ្សព្វផ្សាយ និងណែនាំ អំពីបែបបទ និតិវិធីនៃការបំពេញ សាលាកបត្រព័ត៌មាន មន្ត្រីរាជការស៊ីវិល និងមន្ត្រីពន្ធនាគារ ចំណុះក្រសួង មហាផ្ទៃ សម្រាប់ភូមិភាគ៧ រួមមាន ខេត្តកំពង់ស្ពឺ ខេត្តកណ្តាល និងខេត្តតាកែវ។ ជាកិច្ចចាប់ផ្តើម ឯកឧត្តម រដ្ឋលេខាធិការ បានមានមតិស្វាគមន៍យ៉ាងកក់ក្តៅជូនចំពោះគណៈអធិបតី និង អង្គពិធី ទាំ ងមូល និងបានពាំនាំអនុសាសន៍ណែនាំដ៏ខ្ពង់ខ្ពស់របស់ សម្តេចក្រឡាហោម ស ខេង ឧបនាយក រដ្ឋមន្រ្តី រដ្ឋមន្ត្រី ក្រសួងមហាផ្ទៃ ដែលតែងយកចិត្តទុកដាក់ខ្ពស់ ផ្តល់ការលើកទឹកចិត្ត […]

ព័ត៌មានជាតិ

សម្ដេចបវរធិបតី ហ៊ុន ម៉ាណែត ៖ សមិទ្ធផលសម្រាប់ វិស័យអប់រំ ឆ្លុះបញ្ចាំងពី កិច្ចខិតខំប្រឹងប្រែង របស់រាជរដ្ឋាភិបាល នៅក្នុងការ អភិវឌ្ឍគុណភាព អប់រំនៅកម្ពុជា

July 8, 2025 spean

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាមានប្រសាសន៍ថា សមិទ្ធផលសម្រាប់វិស័យអប់រំ បានឆ្លុះបញ្ចាំងពីកិច្ចខិតខំប្រឹងប្រែងរបស់រាជរដ្ឋាភិបាលនៅក្នុងការអភិវឌ្ឍគុណភាពអប់រំនៅកម្ពុជា ជាពិសេសការផ្តល់ការអភិវឌ្ឍគ្រប់ជ្រុងជ្រោយដល់អ្នកសិក្សា និងការលើកកម្ពស់សុខុមាលភាពរបស់គ្រូបង្រៀន សំដៅផលិតធនធានមនុស្សដែលមានចំណេះដឹងទូលំទូលាយ ជំនាញបច្ចេកទេសច្បាស់លាស់ និងជំនាញទន់គ្រប់ប្រភេទ។ ការលើកឡើងរបស់សម្តេចធិបតីនាយករដ្ឋមន្ត្រីដូចនេះធ្វើឡើងក្នុងពិធីសម្ពោធដាក់ឱ្យប្រើប្រាស់នូវអគារសិក្សា អគារទីចាត់ការ និងអគារស្នាក់នៅរបស់គ្រូបង្រៀនទូទាំងខេត្តកំពង់ស្ពឺ នៅវិទ្យាល័យឧដុង្គ ស្ថិតនៅភូមិក្រាំងពន្លៃ សង្កាត់វាំងចាស់ ក្រុងឧដុង្គម៉ែជ័យ ខេត្តកំពង់ស្ពឺ នាព្រឹកថ្ងៃទី០៨ ខែកក្កដា ឆ្នាំ២០២៥។ សម្តេចធិបតី ហ៊ុន ម៉ាណែត បានថ្លែងថា សមិទ្ធផលថ្មីនៃវិស័យអប់រំក្នុងខេត្តកំពង់ស្ពឺដែលបានសម្ពោធដាក់ឱ្យដំណើរការជាផ្លូវការនាពេលនេះនឹងរួមចំណែកក្នុងការលើកស្ទួយវិស័យអប់រំ លើកកម្ពស់សុខុមាលភាពរបស់លោកគ្រូ អ្នកគ្រូ និងជំរុញការអភិវឌ្ឍសមត្ថភាពរបស់សិស្សានុសិស្ស ជាពិសេសពូនជ្រុំមូលធនមនុស្សនៅក្នុងខេត្តកំពង់ស្ពឺឱ្យកាន់តែសម្បូរបែបសម្រាប់ការអភិវឌ្ឍសង្គម សេដ្ឋកិច្ចខេត្តឱ្យបានជឿនលឿនតាមរយៈការទាក់ទាញការវិនិយោគ និងការលើកកម្ពស់ភាពប្រកួតប្រជែង និងនវានុវត្តន៍។ សម្តេចធិបតីនាយករដ្ឋមន្រ្ដីបានគូសបញ្ជាក់ថា មូលធនមនុស្សបានដើរតួនាទីយ៉ាងសំខាន់នៅក្នុងការប្រែក្លាយចក្ខុវិស័យកម្ពុជាឱ្យទៅជាការពិតនៅឆ្នាំ២០៥០ខាងមុខ ពីព្រោះការអភិវឌ្ឍធនធានមនុស្សធានាបាននូវ សមត្ថភាពនៃការប្រកួតប្រជែងប្រកបដោយភាពជោគជ័យរបស់ប្រទេសជាតិ ជាពិសេសនៅក្នុងបរិការណ៍តំបន់ និងសកលលោក។ សម្ដេចធិបតីបានបន្ដថា អាស្រ័យហេតុនេះការពង្រីកធនធានមនុស្ស និងការពង្រឹងមូលធន មនុស្សនៅតាមបណ្តាខេត្ត គឺមានភាពចាំបាច់ និងបន្ទាន់ ដើម្បីឆ្លើយតបទៅនឹងតម្រូវការចំពោះមុខ ក៏ដូចជានិន្នាការតំបន់ និងសកល ហើយចំពោះព្រឹត្តិការណ៍នាពេលនេះគឺជាសក្ខីកម្មថ្មីមួយទៀតនៃការខិត ខំរបស់រាជរដ្ឋាភិបាលក្នុងការបោះជំហានទៅមុខជាវិជ្ជមាន ក្នុងការផលិតធនធានមនុស្សសម្រាប់ប្រើបម្រើឱ្យវិស័យនានានៅក្នុងខេត្តកំពង់ស្ពឺក៏ដូចជានៅកម្ពុជាទាំងមូលប្រកបដោយនវានុវត្តន៍ បច្ចេកវិទ្យាទំនើប […]