អង្គការសុខភាពពិភពលោក (WHO) សម្រេចដាក់ឈ្មោះផ្លូវការ ឲ្យវីរុសកូវីដ១៩បំប្លែងខ្លួន អង់គ្លេស អាហ្វ្រិកខាងត្បូង និងឥណ្ឌា

June 1, 2021 spean Comment(0)

អន្តរជាតិ ៖ អង្គការសុខភាពពិភពលោក (WHO) បានប្រកាសដាក់ឈ្មោះថ្មីសម្រាប់វីរុសបំប្លែងខ្លួនកូវីដ-១៩ ដោយចាប់ពីពេលនេះទៅនឹងប្រើតួអក្សរក្រិកដែលសំដៅលើវីរុសបំប្លែងខ្លួនថ្មីរកឃើញដំបូងនៅក្នុងប្រទេសនានាដូចជា ចក្រភពអង់គ្លេស អាហ្វ្រិកខាងត្បូង និងឥណ្ឌា។

ឧទាហរណ៍ ៖ វីរុសបំប្លែងខ្លួនចក្រភពអង់គ្លេសដាក់ឈ្មោះ Alpha, វីរុសបំប្លែងខ្លួនអាហ្វ្រិកខាងត្បូងដាក់ឈ្មោះ Beta និងវីរុសបំប្លែងខ្លួនឥណ្ឌាដាក់ឈ្មោះ Delta ។ WHO បាននិយាយថា ការដាក់ឈ្មោះបែបនេះដើម្បីឲ្យភាពងាយស្រួលក្នុងការពិភាក្សា ប៉ុន្តែដើម្បីជួយលុបបំបាត់ទុទិដ្ឋិនិយមដែលអាចកើតចេញពីឈ្មោះទាំងនោះ ៕

spean

ព័ត៌មានអន្តរជាតិ

រដ្ឋមន្ត្រីការបរទេសអាមេរិក លោកBlinken ជំរុញឱ្យអ៊ីស្រាអែល បង្កើនជំនួយដល់ តំបន់ហ្គាហ្សា

November 6, 2024 spean

អន្តរជាតិ ៖ ខណៈថ្ងៃផុតកំណត់សន្យាជាមួយអាមេរិកជិតមកដល អន្តរជាតិរដ្ឋមន្ត្រីការបរទេសអាមេរិក លោក Antony Blinken បានជំរុញឱ្យអ៊ីស្រាអែល បង្កើននិងនិរន្តរភាពជំនួយមនុស្សធម៌នៅទូទាំងតំបន់ហ្គាហ្សា ជាមួយនឹងរយៈពេល ៣០ ថ្ងៃដែលបានកំណត់នៅក្នុងលិខិតមួយកាលពីថ្ងៃទី ១៣ ខែតុលា ឆ្នាំ២០២៤ ដែលអំពាវនាវឱ្យមានការកែលម្អការផ្តល់ជំនួយមនុស្សធម៌នោះបានខិតជិតដល់ទីបញ្ចប់ហើយគឺនៅថ្ងៃទី១៣ ខែវិច្ឆិកា។ នៅក្នុងការសន្ទនាតាមទូរស័ព្ទជាមួយរដ្ឋមន្ត្រីការពារជាតិអ៊ីស្រាអែលលោក Yoav Gallant នោះ រដ្ឋមន្ត្រីការបរទេសអាមេរិកលោក Blinken បានពិនិត្យមើលសកម្មភាពដែលអ៊ីស្រាអែលបានធ្វើរហូតមកដល់បច្ចុប្បន្ន និងបានជំរុញឱ្យមានសកម្មភាពបន្ថែមទៀតដើម្បីបង្កើន និងនិរន្តរភាពជំនួយមនុស្សធម៌ រួមទាំងអាហារ ឱសថ និងការផ្គត់ផ្គង់សំខាន់ៗផ្សេងទៀតដល់ជនស៊ីវិលនៅទូទាំង Gaza ។ នេះបើតាមអ្នកនាំពាក្យអាមេរិក លោក Matthew Miller បាននិយាយក្នុងសេចក្តីថ្លែងការណ៍មួយ។ នៅក្នុងកិច្ចសន្ទនានោះ លោក Blinken ក៏បានសង្កត់ធ្ងន់លើសារៈសំខាន់នៃ ការបញ្ចប់សង្រ្គាមនៅហ្គាហ្សា និងការនាំយកចំណាប់ខ្មាំងទាំងអស់មកផ្ទះ ក៏ដូចជាការគូសផែនទីផ្លូវឆ្ពោះទៅមុខក្នុងដំណាក់កាលក្រោយជម្លោះ ដែលអនុញ្ញាតឱ្យប្រជាជនប៉ាឡេស្ទីននៅតំបន់ហ្គាហ្សា កសាងជីវិតរបស់ពួកគេឡើងវិញ និងជំរុញអភិបាលកិច្ច សន្តិសុខ និងការកសាងអ្វីៗឡើងវិញថែមទៀត។ លោក Miller បាននិយាយថា អ្នកទាំងពីរក៏បានពិភាក្សាអំពីកិច្ចខិតខំប្រឹងប្រែងសម្រាប់ដំណោះស្រាយការទូតនៅក្នុងប្រទេសលីបង់ផងដែរ។ ប៉ុន្តែ លោក […]

ព័ត៌មានអន្តរជាតិ

គណៈកម្មាធិការជាតិកំណែទម្រង់ និងអភិវឌ្ឍន៍ចិនថ្លែងថា ប្រទេសចិន កំពុងខិតខំប្រឹងប្រែង ដើម្បីដាក់ចេញ កញ្ចប់គោលនយោបាយ ជំរុញកំណើនសេដ្ឋកិច្ចដែលផ្តោតលើ៥វិស័យ

October 9, 2024 spean

អន្តរជាតិ ៖ ការិយាល័យព័ត៌មានរបស់ក្រុមប្រឹក្សាកិច្ចការរដ្ឋចិនបានបើកធ្វើសន្និសីទសារព័ត៌មាននៅថ្ងៃទី៨ ខែតុលានេះ លោក Zheng Shanjie ប្រធានគណៈកម្មាធិការជាតិកំណែទម្រង់ និងអភិវឌ្ឍន៍ចិនបានថ្លែងថា ទាក់ទិននឹងស្ថានភាព និងបញ្ហាថ្មីៗនៃប្រតិបត្តិការសេដ្ឋកិច្ចបច្ចុប្បន្ន ប្រទេសចិន បានខិតខំប្រឹងប្រែងដើម្បីដាក់ចេញកញ្ចប់គោលនយោបាយជំរុញកំណើនសេដ្ឋកិច្ច ដើម្បីស្តារសេដ្ឋកិច្ចឱ្យបន្តងើបឡើងវិញ។ ទាក់ទិននឹងសម្ពាធបណ្តាលមកពីការធ្លាក់ចុះក្នុងប្រតិបត្តិការសេដ្ឋកិច្ច យើងនឹងពង្រឹងការកែសម្រួល គោលនយោបាយម៉ាក្រូសេដ្ឋកិច្ច ហើយគ្រប់ផ្នែទាំងអស់ត្រូវតែបន្តធ្វើកិច្ចខិតខំប្រឹងប្រែងឱ្យមានប្រសិទ្ធភាពជាងមុន។ ទាក់ទិននឹងបញ្ហាដូចជាតម្រូវការក្នុងស្រុកដែលមានប្រសិទ្ធភាពមានសភាពមិនគ្រប់គ្រាន់ ត្រូវផ្តោតសំខាន់គោលនយោបាយពង្រីកតម្រូវការក្នុងស្រុកដែលផ្តល់អត្ថប្រយោជន៍កាន់តែច្រើនដល់ជីវភាពរស់នៅរបស់ប្រជាជន និងជំរុញការប្រើប្រាស់ ព្រមទាំងធ្វើឱ្យការវិនិយោគដើរតួនាទីយ៉ាងសកម្មក្នុងការជំរុញកំណើនសេដ្ឋកិច្ច។ ទាក់ទិននឹងករណីដែលសហគ្រាសមួយចំនួនជួបការលំបាកក្នុងការផលិត និងធ្វើអាជីវកម្ម នាពេលបច្ចុប្បន្ន យើងនឹងបង្កើនការផ្តល់ជំនួយដល់សហគ្រាស ដើម្បីធ្វើឱ្យបរិយាកាសអាជីវកម្មកាន់តែល្អប្រសើរ និងជួយសហគ្រាសជម្នះការលំបាក។ ទាក់ទិននឹងករណីទីផ្សារអចលនទ្រព្យបន្តមានភាពទន់ខ្សោយ ត្រូវចាត់វិធានការនិងដាក់ចេញគោលនយោបាយចម្រុះ ដើម្បីជំរុញទីផ្សារអចលនទ្រព្យឱ្យបញ្ឈប់ការធ្លាក់ចុះ និងមានស្ថិរភាព។ ទាក់ទិននឹងបញ្ហាដូចជាការរង្គោះរង្គើ និងការធ្លាក់ចុះនៃទីផ្សារមូលបត្រកាលពីមុន ត្រូវដាក់ចេញនូវវិធានការដ៏ខ្លាំងក្លា និងមានប្រសិទ្ធភាព ខិតខំប្រឹងប្រែងដើម្បីជំរុញការស្តារទីផ្សារមូលធន៕

ព័ត៌មានអន្តរជាតិ

អង្គការសហប្រជាជាតិ ជំរុញឲ្យ ម្ចាស់ជំនួយអន្តរជាតិ បង្កើនការគាំទ្រដល់ ប្រទេសអាហ្វហ្គានីស្ថាន

July 16, 2021 spean

អន្តរជាតិ៖ អង្គការសហប្រជាជាតិ (UN) បានជំរុញឲ្យម្ចាស់ជំនួយអន្តរជាតិ បង្កើនការជួយគាំទ្រ ចំពោះប្រទេសអាហ្វហ្គានីស្ថាន ខណៈគ្រោះរាំងស្ងួតកំពុងតែកើនឡើង និងការដកកងទ័ពបរទេសចេញ ដែលនាំឲ្យប្រជាជនជាច្រើនត្រូវបង្ខំចិត្ត ជម្លៀសខ្លួនដើម្បីសុវត្ថិភាព ។ លោក Ramiz Alakbarov អ្នកសម្របសម្រួល កិច្ចការមនុស្សធម៌ដល់អាហ្វហ្គានីស្ថានប្រចាំនៅ UN បានថ្លែងថា ប្រជាជនអាហ្វហ្គានីស្ថានប្រមាណ ១៨លាននាក់ (ស្មើពាក់កណ្តាលចំនួននៃប្រជាជនសរុប) កំពុងត្រូវការជំនួយ ហើយ ១ ភាគ ៣ នៃចំនួនប្រជាជនក្នុងប្រទេសអាស៊ីខាងត្បូងមួយនេះ កំពុងខ្វះអាហាររូបត្ថម្ភ ជាពិសេសគឺកុមារអាយុក្រោម ០៥ឆ្នាំនោះតែម្តង។ រហូតមកទល់នឹងពេលនេះ ទឹកប្រាក់ជំនួយប្រមាណ ៤៥០លានដុល្លារប៉ុណ្ណោះដែលត្រូវបានផ្តល់ ហើយវាពិតជាតិចជាងតម្រូវការជាក់ស្តែងខ្លាំងណាស់។ ដោយឡែកសម្រាប់ការដកកងទ័ពអាមេរិកទាំងស្រុង នៅត្រឹមថ្ងៃទី៣១ ខែសីហា ឆ្នាំ២០២១ ត្រូវបានអ្នកឃ្លាំមើលព្រួយបារម្ភថា នឹងបង្កឲ្យប្រទេសនេះ ធ្លាក់ចូលក្នុងបញ្ហាអសន្តិសុខខ្លាំងឡើងវិញ ព្រោះតែការបង្កើនឥទ្ធិពលនៃក្រុមឧទ្ទាមតាលីបង់ ក្នុងការប្រយុទ្ធដណ្តើមយកទឹកដី៕

Leave a Reply Cancel reply

មាតិការ

ទំានាក់ទំនង

Related Articles

Leave a Reply Cancel reply