ប្រទេសវៀតណាម បានដាក់សំណើ សម្រេចពន្យារពេល ព្រឹត្តិការណ៍ស៊ីហ្គេម រហូតដល់ឆ្នាំក្រោយ

June 15, 2021 spean Comment(0)

អន្តរជាតិ ៖ គណៈកម្មាធិការអូឡាំពិកវៀតណាមបានដាក់សំណើទៅគណៈកម្មាធិការអូឡាំពិកអន្តរជាតិ និងក្រុមប្រឹក្សាអាស៊ីអាគ្នេយ៍ ដើម្បីពន្យាពេលព្រឹត្តិការណ៍ស៊ីហ្គេមនៅប្រទេសនេះដល់ខែកក្កដាឆ្នាំ ២០២២ ។

ការប្រកួតកីឡាអាស៊ីអាគ្នេយ៍លើកទី ៣១ ដែលគ្រោងនឹងធ្វើនៅប្រទេសវៀតណាមក្នុងឆ្នាំនេះ ត្រូវបានពន្យារពេលរហូតដល់ឆ្នាំក្រោយចំពេលមានក្តីបារម្ភអំពីជំងឺកូវីដ១៩ ។

គួររំឭកថា ព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម) គ្រោងនឹងធ្វើឡើងនៅខែវិច្ឆិកា និងធ្នូ ឆ្នាំនេះនៅទីក្រុងហាណូយ ប្រទេសវៀតណាម ។

ចាប់តាំងពីខែមេសា ចំនួនករណីឆ្លងជំងឺកូវីដ ១៩ នៅវៀតណាម មានច្រើនជាង ៣ ដង ពោលមានដល់ជាង ៩,០០០ ករណី ទោះបីមានកម្រិតទាប បើប្រៀបធៀបទៅនឹងប្រទេសជិតខាង នៅអាស៊ីអាគ្នេយ៍ភាគច្រើនក៏ដោយ ប៉ុន្តែអត្រាចាក់វ៉ាក់សាំងនៅវៀតណាមទាបបំផុត នៅក្នុងតំបន់ និងទាបបំផុតនៅអាស៊ី ។

ទន្ទឹមនោះ ប្រទេសនេះក៏កំពុងផ្ទុះព្រឹត្តិការណ៍ឆ្លងក្នុងសហគមន៍នាពេលថ្មីៗនេះផងដែរ នៅខេត្ត Bac Giang ខេត្ត Bac Ninh ទីក្រុងហូជីមិញ និងខេត្ត Ha Tinh ជាដើម ។

គិតត្រឹមពេលនេះ ប្រទេសវៀតណាម មានករណីឆ្លងជំងឺកូវីដ ១៩ សរុប ១០,៨៨១ ករណី និងមានអ្នកស្លាប់ ៥៩ នាក់ ខណៈមានអ្នកជាសះស្បើយ ៤,២៣៦ នាក់ ៕

spean

ព័ត៌មានអន្តរជាតិ

ចាប់ខ្លួនមនុស្ស ៧ នាក់ អំឡុងការតវ៉ាដ៏ធំមួយ ផ្ទុះឡើងនៅទីក្រុងឡុងដ៍

November 13, 2023 spean

អន្តរជាតិ ៖ ប៉ូលីស បានចាប់ខ្លួនមនុស្ស ៧ នាក់ បន្ទាប់ពីការប៉ះទង្គិចគ្នាផ្ទុះឡើង កាលពីថ្ងៃចុងសប្ដាហ៍មុន រវាងអ្នកអនុវត្តច្បាប់ បាតុករគាំទ្រប៉ាឡេស្ទីន និងក្រុមអ្នកប្រឆាំងជាតិនិយម។ ការប៉ះទង្គិចគ្នានេះ បានផ្ទុះឡើង នៅទីក្រុងឡុងដ៍ ខណដែលការប្រមូលផ្តុំដ៏ធំបំផុតមួយក្នុងការគាំទ្រប្រជាជនប៉ាឡេស្ទីន ស្របពេលជាមួយនឹងថ្ងៃឈប់បាញ់ដើម្បីគោរពដល់ការលះបង់របស់អតីតយុទ្ធជនអង់គ្លេស។ មន្ត្រីប៉ូលិស បានឲ្យដឹងថា បទចោទពាក់ព័ន្ធបទល្មើសមួយចំនួនលើបុគ្គលទាំង ៧ រួមមានបទល្មើសប្រឆាំងនឹងការចាប់ខ្លួន បទកាន់កាប់អាវុធ បទល្មើសគ្រឿងញៀនស្រវឹង និងគ្មានសណ្ដាប់ធ្នាប់ រួមទាំងអំពើហិង្សា៕

ព័ត៌មានអន្តរជាតិ

ក្រុមប្រឹក្សាអាមេរិក អនុម័តឲ្យ ចាក់វ៉ាក់សាំងកូវីដ របស់ក្រុម Pfizer-BioNTech ហើយ

December 11, 2020 spean

អន្តរជាតិ ៖ ទីបំផុតក្រុមប្រឹក្សាយោបល់របស់រដ្ឋាភិបាលសហរដ្ឋអាមេរិកបានអនុម័តឲ្យចាក់វ៉ាក់សាំងបង្ការជំងឺកូវីដ១៩ របស់ក្រុមហ៊ុន Pfizer-BioNTech ហើយ នេះជាជំហានសំខាន់មួយឆ្ពោះទៅរកការអនុម័តចុងក្រោយរបស់វ៉ាក់សាំងនេះសម្រាប់ការចែកចាយនៅទូទាំងប្រទេស។ ក្រុមទីប្រឹក្សាខាងក្រៅនៃរដ្ឋបាលចំណីអាហារនិងឪសថអាមេរិក (FDA) កាលពីល្ងាចថ្ងៃព្រហស្បតិ៍ បានបោះឆ្នោតគាំទ្រដោយសម្លែង ១៧ទល់៤ ចំពោះវ៉ាក់សាំងនេះដោយសម្រេចថា គុណប្រយោជន៍របស់វាមានច្រើនជាងហានិភ័យសម្រាប់ការប្រើប្រាស់ដោយបុគ្គលដែលមានអាយុចាប់ពី១៦ឆ្នាំឡើងទៅ។ រដ្ឋបាលចំណីអាហារនិងឪសថត្រូវបានគេរំពឹងថានឹងផ្តល់សិទ្ធិចែកចាយការចាក់វ៉ាក់សាំងនេះនៅប៉ុន្មានថ្ងៃខាងមុខ។ នោះមានន័យថាក្នុងពេលឆាប់ៗវ៉ាក់សាំងរាប់លានដូស អាចត្រូវបានចែកចាយនៅទូទាំងសហរដ្ឋអាមេរិកស្របពេលដែលខ្លួនគឺជាប្រទេសដែលមានអ្នកស្លាប់និងឆ្លងច្រើនជាងគេបំផុតដោយសារវីរុសកូរ៉ូណានៅលើពិភពលោក៕

ព័ត៌មានអន្តរជាតិ

លោក Xi ប្រាប់លោក Scholz ថា ចិន និងអាល្លឺម៉ង់ គួរតែធ្វើការជាមួយគ្នាក្នុងអំឡុងមានភាពចលាចល

November 4, 2022 spean

អន្តរជាតិ ៖ ប្រធានាធិបតីចិន លោក Xi Jinping បានលើកឡើងពីតម្រូវការសម្រាប់កិច្ចសហប្រតិបត្តិការកាន់តែខ្លាំងរវាងចិន និងអាល្លឺម៉ង់ ស្របពេលមានការផ្លាស់ប្តូរ និងភាពចលាចល នៅក្នុងកិច្ចប្រជុំលើកដំបូងរបស់លោក ជាមួយអធិការបតីអាល្លឺម៉ង់លោក Olaf Scholz ដោយទំនងជានឹងពិភាក្សាពីវិបត្តិអ៊ុយក្រែន ការប្រែប្រួលអាកាសធាតុ និងការអភិវឌ្ឍទំនាក់ទំនងសេដ្ឋកិច្ច។ ក្រុមអ្នកវិភាគ បាននិយាយថា ដំណើរទស្សនកិច្ចរបស់លោក Scholtz នៅថ្ងៃសុក្រនេះ គឺជាលើកទីដំបូងរបស់មេដឹកនាំនៃប្រទេស G7 ទៅកាន់ប្រទេសចិន ក្នុងរយៈពេល ៣ ឆ្នាំ ។ ក្នុងអំឡុងពេលនៃកិច្ចប្រជុំទល់មុខគ្នាជាលើកដំបូង លោក Xi បាននិយាយថា ក្នុងនាមជាប្រទេសធំដែលមានឥទ្ធិពល ប្រទេសចិន និងអាល្លឺម៉ង់ គួរតែធ្វើការជាមួយគ្នាបន្ថែមទៀតក្នុងអំឡុងពេលមានការផ្លាស់ប្តូរ និងភាពចលាចល។ ទន្ទឹមនោះ លោក Scholz បានប្រាប់លោក Xi ថា វាជាការល្អដែលមេដឹកនាំទាំង ២ បានជួបប្រជុំគ្នាក្នុងគ្រាដ៏តានតឹង ដោយរុស្ស៊ី ឈ្លានពានអ៊ុយក្រែន ដែលកំពុងបង្កើតបញ្ហាសម្រាប់សណ្តាប់ធ្នាប់ពិភពលោកដោយផ្អែកលើច្បាប់៕