ព័ត៌មានជាតិ

ដល់ម៉ោងបទឈប់បាញ់ នៅសមរភូមិជួរមុខ ស្ងាត់ការប្រយុទ្ធគ្នា គិតត្រឹមម៉ោង០០៖៣០នាទី

July 28, 2025 spean Comment(0)

រាជធានីភ្នំពេញ ៖ បទឈប់បាញ់ រវាងរដ្ឋាភិបាលកម្ពុជា-ថៃ បានចូលជាធរមានហើយ នៅម៉ោង១២៖០០យប់ ថ្ងៃទី២៨ ខែកក្កដា ឆ្នាំ២០២៥នេះ។ បទឈប់បាញ់នេះ ត្រូវបានឯកភាពគ្នា ក្នុងកិច្ចប្រជុំបន្ទាន់នៅប្រទេសម៉ាឡេស៊ី នារសៀលថ្ងៃទី២៨ ខែកក្កដា ឆ្នាំ២០២៥នេះ រវាងមេដឹកនាំកម្ពុជា សម្តេចបវរធិបតី ហ៊ុន ម៉ាណែត និង នាយករដ្ឋមន្រ្តីស្តីទីថៃ លោក Phumtham Wechayachai ក្រោមការសម្របសម្រួលរបស់ លោក អានវ៉ា អ៉ីប្រាហ៉ីម នាយករដ្ឋមន្រ្តីម៉ាឡេស៊ី ហើយដោយមានការចូលរួមជាសាក្សីពីតំណាងសហរដ្ឋអាមេរិក និងចិន។

បណ្តាញព័ត៌មានព័ត៌មានបានអោយដឹងថា គិតត្រឹមម៉ោង០០៖៣០នាទី ចូលថ្ងៃទី២៩ ខែកក្កដា ឆ្នាំ២០២៥នេះ នៅសមរភូមិជួរមុខទាំងអស់ទាហានកម្ពុជា និងថៃ មិនមានការផ្ទុះអាវុធដាក់គ្នានោះទេ៕

spean

ព័ត៌មានជាតិ

នគរបាលខេត្តបាត់ដំបង ចុះផ្សព្វផ្យាយពី ច្បាប់ចរាចរណ៍ផ្លូវគោក គ្រឿងញៀន ការជួញដូរតាមប្រព័ន្ធអនឡាញ និងបញ្ហាក្មេងទំនើង ជូនដល់សិស្សានុសិស្ស នៅសាលាចំណេះដឹងទូទៅអន្តរជាតិឌូវី

May 28, 2025 spean

ខេត្តបាត់ដំបង ៖ ថ្ងៃទី២៦ ខែឧសភា ឆ្នាំ២០២៥ ដោយអនុវត្តតាមបទបញ្ជារបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបង មន្រ្តីនគរបាលនៃផែនការងារសណ្តាប់ធ្នាប់ ផែនការងារប្រឆាំងគ្រឿងញៀន និងផែនការងារប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តបាត់ដំបង បានចុះធ្វេីការអប់រំផ្សព្វផ្សាយច្បាប់ចរាចរណ៍ គ្រឿងញៀន អំពើហឹង្សាក្នុងគ្រួសារ ផលប៉ះពាល់នៃគ្រឿងញៀន ការរំលោភបំពានផ្លូវភេទគ្រប់ទង្រង់ ការជួញដូរតាមប្រព័ន្ធអនឡាញ និងបញ្ហាក្មេងទំនើង ដល់សិស្សានុសិស្សនៅសាលាចំណេះដឹងទូទៅអន្តរជាតិឌូវី ស្ថិតនៅភូមិរំចេក៤ សង្កាត់រតនៈ ក្រុង ខេត្តបាត់ដំបង ដោយមានការចូលរួមពី លោកគ្រូអ្នកគ្រូ៩៨នាក់ ស្រី៥៣នាក់ សិស្សានុសិស្សចូលរួមសរុបចំនួន៩១៧នាក់ ស្រី៤៥៤នាក់ បានចែកសៀវភៅច្បាប់៦០ក្បាល ខិតប័ណ្ណចំនួន២០០សន្លឹក ព្រមទាំងឯកសារជំនួយស្មារតី១០០សន្លឹក។ស៊ីណា

ព័ត៌មានជាតិ

សាច់ក្របីបង្កក នាំចូលពី ប្រទេសឥណ្ឌា ចំនួន២កុងតឺន័រ ត្រូវរកឃើញមានផ្ទុក ជំងឺកូវីដ១៩ ត្រូវដុតកម្ទេចចោលហើយ

July 28, 2021 spean

រាជធានីភ្នំពេញ ៖ ក្រសួងសុខាភិបាលបានធ្វើតេស្តទៅលើសាច់ក្របីបង្កកចំនួន៥កុងតឺន័រ ដែលនាំចូលពីប្រទេសឥណ្ឌា បានរកឃើញសាច់ក្របីចំនួន ២កុងតឺន័រ មានផ្ទុកវីរុសកូវីដ១៩ ។ យោងតាមលិខិតរបស់លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកគយ និងរដ្ឋាករកម្ពុជា បានបញ្ជាក់ សាច់ក្របីទាំង២ កុងតឺន័រ ដែលរកឃើញមានកូវីដ១៩នោះ ត្រូវដុតកម្ទេចចោលហើយ នៅថ្ងៃទី២៧ ខែកក្កដា ឆ្នាំ២០២១នេះ ឯស្រុកឱរ៉ាល់ ខេត្តកំពង់ស្ពឺ ។ ប៉ុន្តែស្ថានទូតឥណ្ឌាស្នើសុំធ្វើតេស្តម្តងទៀត ព្រោះតែមិនអស់ចិត្ត ករណីសាច់ក្របីនាំចូលពីប្រទេសឥណ្ឌាមកកម្ពុជា មានផ្ទុកវីរុសកូវីដ១៩ ៕

ព័ត៌មានជាតិ

នៅក្នុងឆ្នាំ២០២៣ ពលរដ្ឋកម្ពុជា ចេញទៅព្យាបាល នៅក្រៅប្រទេស ចន្លោះពី២០-២៥ម៉ឺននាក់ បើធៀបនឹងការទទួលពិនិត្យព្យាបាល នៅក្នុងស្រុក ប្រមាណជិត១៤លាននាក់

September 12, 2024 spean

រាជធានីភ្នំពេញ ៖ នៅព្រឹកថ្ងៃទី១១ ខែកញ្ញា ឆ្នាំ២០២៤ នៅឯសាលប្រជុំនៃមន្ទីរពេទ្យកាល់ម៉ែត លោកសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានអញ្ជើញជាអធិបតីក្នុងវេទិកាពិភាក្សាលើប្រធានបទ «ស្ថានភាពសុខាភិបាលកម្ពុជា បញ្ហាប្រឈម និងឱកាស» ដោយមានការសម្របសម្រួលផ្ទាល់ពីលោក ពុយ គា ប្រធានក្លឹបអ្នកកាសែតកម្ពុជា ដោយមានការអញ្ជើញចូលរួមពីលោក លោកស្រី ក្រុមអ្នកនាំពាក្យក្រសួងសុខាភិបាល រដ្ឋលេខាធិការក្រសួងសុខាភិបាល និងមន្រ្តីជំនាញពាក់ព័ន្ធ និង មានការចូលរួមពីសមាជិក សមាជិកា នៃក្លឹបអ្នកកាសែតកម្ពុជា ដែលអញ្ជើញមកពីបណ្តាអង្គភាព ស្ថាប័នសារព័ត៌មានចំនួន ៥៦ និងអ្នកសារព័ត៌មានសរុបចំនួន ៧០រូប ដើម្បីបានស្វែងយល់កាន់តែច្បាស់ពីវិស័យសុខាភិបាល ដែលជាផ្នែកដ៏សំខាន់មួយ ក្នុងការចូលរួមផ្សព្វផ្សាយពីការលើកកម្ពស់សុខុមាលភាពប្រជាពលរដ្ឋឱ្យកាន់តែប្រសើរឡើង។ លោក ឈាង រ៉ា រដ្ឋមន្ត្រីក្រសួងសុខាភិបាល បានកំណត់សកម្មភាពក្នុងបរិបទទូទៅនៃកម្មវិធីនយោបាយដាក់ចេញខែសីហា ឆ្នាំ២០២៣ ដោយបានដាក់បញ្ចូលសុខភាពក្នុងចំណោមកម្មវិធីនយោបាយអាទិភាពទាំង៦។ លោករដ្ឋមន្ត្រី ក៏បានរម្លឹកផងដែរថា យុទ្ធសាស្ត្របញ្ចកោណ-ដំណាក់កាលទី១ បានដាក់បញ្ចូលសុខភាពក្នុងចំណោមអាទិភាព ក្នុងមុំទី៣ នៃយុទ្ធសាស្ត្របញ្ចកោណដំណាក់កាលទី១ ស្ដីពីការអភិវឌ្ឍមូលធនមនុស្ស។ សកម្មភាពទាំងនេះបានអនុវត្តតាមសេចក្ដីណែនាំ និងអនុសាសន៍ដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី […]