ខេត្តកំពង់ឆ្នាំង ៖ លោកឧត្តមសេនីយ៍ត្រី អ៊ុំ សុភា មេបញ្ជាការតំបន់ប្រតិបតិ្តការសឹងរងខេត្តកំពង់ឆ្នាំង បាននាំយកអំណោយរបស់ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោគ ជូនគ្រួសាប្រជាពលរដ្ឋដែលរងគ្រោះដោយសារភ្លើងឆេះផ្ទះចំនួន០៣ គ្រួសារ កាលពីថ្ងែទី១៤ ខែវិច្ឆិកា ឆ្នាំ២០២២ នៅភូមិឆ្នុកទ្រូ ឃុំឆ្នុកទ្រូ ស្រុកបរិបូណ៍ ខេត្តកំពង់ឆ្នាំង ។
ក្នុងឱកាសនោះផងដែរ លោកឧត្តមសេនីយ៍ត្រី អ៊ុំ សុភា ក៍បានពាំនាំនវការសួរសុខទុក្ខ និងក្តីអាណិតអាសូរ ពីសំណាក់ ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោគ ចំពោះបងប្អូនប្រជាពលរដ្ឋរងគ្រោះ ។
អំណោយដែលនាំយកទៅចែកជូនប្រជាពករដ្ឋនាពេលនេះក្នុងមួយគ្រួសារៗ: អង្ករ 50គីឡូ ស័ង្គសី 50សន្លឹក មីចំនួន01កេះ មុងចំនួន01 ទឹកត្រីចំនួន01យួរ ទឹកស៊ីអ៊ីវវចំនួន01យួរ ជែលចំនួន05ដប ត្រីខចំនួន01យួរ និង ថវិកាមួយចំនួនទៀត។
សូមរម្លឹកថា: កាលពីវេលាម៉ោង១០និង២៩នាទី ថ្ងៃទី១៤ ខែវិច្ឆិកា ឆ្នាំ២០២២ នៅភូមិឆ្នុកទ្រូ ឃុំឆ្នុកទ្រូ ស្រុកបរិបូណ៍ ខេត្តកំពង់ឆ្នាំងអគ្គីភ័យបានលេបត្របាក់ផ្ទះប្រជាពលរដ្ឋអស់៣ខ្នង នៅភូមិឆ្នុកទ្រូ ។
ផ្ទះដែលរងការឆាបឆេះខាងលើនេះ ជា ផ្ទះរបស់ឈ្មោះ ឡេ យ៉ាំងសា ភេទ ប្រុស អាយុ ៦៣ ឆ្នាំ ជនជាតិ វៀតណាម ផ្ទះបណ្ដោយ 12×4,70ម៉ែត្រ ជញ្ជាំង ស័ង្កសី ដំបូល ប្រក់ស័ង្កសី រនាបក្ដារ ឆេះអស់ទាំងស្រុង តម្លៃប្រហែល 10.000$ និងផ្ទះរបស់ឈ្មោះ សុខា ប៊ុណ្ណារិទ្ធិ ភេទ ប្រុស អាយុ ៥៤ឆ្នាំ ជនជាតិ ខ្មែរ ផ្ទះចំនួន ២ខ្នង ផ្ទះទី១ ទំហំ 18×11 ម៉ែត្រ រនាបក្ដារ ជញ្ជាំងក្ដារ ដំបូលប្រក់ស័ង្កសី ជាផ្ទះរស់នៅ និងដាក់សម្ភារះលក់ដូរ ផ្ទះទី២ទំហំ 11×9,50ម៉ែត្រ រនាបក្ដារ ជញ្ជាំងក្ដារ ដំបូលប្រក់ស័ង្កសី ជាផ្ទះដាក់ឥវ៉ាន់លក់ ត្រូវឆេះអស់ទាំងស្រុង សរុបការខូចខាតប្រហែល 250.000$ ៕
