អ៊ុយក្រែន ស្ទាក់ចាប់បាន និងកំទេច មីស៊ីលលឿនជាងសំឡេង របស់រុស្ស៊ី បាញ់សំដៅមកក្រុងគៀវ

October 8, 2024 spean Comment(0)

អន្តរជាតិ៖ អាជ្ញាធរទីក្រុងគៀវ ប្រទេសអ៊ុយក្រែន បាននិយាយថា កំទេចកំទីនៃគ្រាប់មីស៊ីល ធ្លាក់ក្នុងសង្កាត់ចំនួន ៣ នៃរដ្ឋធានី ក្នុងអំឡុងការស្ទាក់ចាប់ ក្រោយមានការវាយប្រហារពីរុស្ស៊ី។

លោក Serhiy Popko ប្រមុខរដ្ឋបាលយោធាទីក្រុង បានលើកឡើង ដោយដកស្រង់ការវាយតម្លៃបឋមថា មិនមានការខូចខាត ឬរបួសធ្ងន់ធ្ងរណាមួយត្រូវកត់សម្គាល់ទេ បន្ទាប់ពីការវាយប្រហារដែលរុស្ស៊ី ប្រើមីស៊ីល Kinzhal ល្បឿនលឿនជាងសំឡេង ។

ទន្ទឹមនោះ រដ្ឋបាលរបស់លោក Popko ក៏បានឲ្យដឹងថា កំទេចកំទីមីស៊ីលទាំងនោះហោះទៅប៉ះដំបូលអគារលំនៅដ្ឋានច្រើនជាន់មួយ នៅក្នុងសង្កាត់ Solomianskyi ភាគខាងលិចទីក្រុង ។

កំទេចកំទីមីស៊ីលក៏បានធ្លាក់ទៅលើតំបន់មួយក្នុងសង្កាត់ Shevchenkivskyi កណ្តាល និងធ្វើឱ្យខូចខាតដំបូលរថយន្តនៅក្នុងស្រុក ភាគខាងត្បូងនៃទីក្រុង Holosiivskyi ផងដែរ។

គួរបញ្ជាក់ថា រុស្ស៊ី បានធ្វើការវាយប្រហារមីស៊ីលរយៈចម្ងាយឆ្ងាយលើអ៊ុយក្រែន ជារឿយៗ ចាប់តាំងពីសង្គ្រាម កាលពីខែកុម្ភៈ ឆ្នាំ ២០២២ មក ៕

spean

ព័ត៌មានអន្តរជាតិ

ប្រធានាធិបតី និងរដ្ឋមន្ត្រីការបរទេសអ៊ីរ៉ង់ បានទទួលមរណភាពហើយ ក្នុងឧប្បត្តិហេតុធ្លាក់ឧទ្ធម្ភាគចក្រ នៅក្បែរតំបន់ព្រំដែន ជាមួយអាស៊ែបៃហ្សង់

May 20, 2024 spean

អន្តរជាតិ ៖ ប្រធានសមាគមអឌ្ឍចន្ទក្រហមអ៊ីរ៉ង់ លោក Pir Hossein Kolivand បានប្រកាសថា អ្នកដំណើរទាំងអស់ និងនាវិកនៃឧទ្ធម្ភាគចក្ររបស់ប្រធានាធិបតីអ៊ីរ៉ង់ លោក Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រ។ លោកបាននិយាយនៅលើប៉ុស្តិ៍ទូរទស្សន៍ IRIB ថា “គ្មានសញ្ញានៃអ្នកដំណើរដែលនៅរស់ត្រូវបានរកឃើញទេ បន្ទាប់ពីការរកឃើញទីតាំងឧទ្ធម្ភាគចក្រដែលបានធ្លាក់នោះ។ តាមមន្ត្រីអ៉ីរ៉ង់ម្នាក់ ប្រាប់ទីភ្នាក់ងារសារព័ត៌មាន Reutersថា ប្រធានាធិបតីអ៉ីរ៉ង់ លោក Ebrahim Raisiនិងរដ្ឋមន្ត្រីការបរទេសរបស់លោក បានទទួលមរណភាពហើយ បន្ទាប់ពីឧទ្ធម្ភាគចក្ររបស់លោកបានធ្លាក់ នៅពេល ហោះឆ្លងកាត់តំបន់ព្រៃភ្នំមួយស្ថិតនៅក្បែរតំបន់ព្រំដែនជាមួយអាស៊ែបៃហ្សង់ កាលពីថ្ងៃអាទិត្យ ទី១៩ ខែឧសភា។ លោក រ៉ៃស៊ី និងក្រុមមន្ត្រីអមដំណើររូបលោកបានធ្វើដំណើរត្រឡប់មកពីធ្វើទស្សនកិច្ចនៅឯតំបន់ព្រំដែនអ៉ីរ៉ង់ជាមួយ អាស៊ែបៃហ្សង់ កាលពីថ្ងៃអាទិត្យ ដើម្បីចូលរួមសម្ពោធទំនប់ទឹកមួយកន្លែងជាមួយប្រធានាធិបតីអាស៊ែបៃហ្សង់ លោក Ilham Aliyev។ ប្រព័ន្ធផ្សព្វផ្សាយអ៉ីរ៉ង់ IRNA បានឱ្យដឹងទៀតថា ឧទ្ធម្ភាគចក្រដែលលោក រ៉ៃស៊ី ជិះគឺជាឧទ្ធម្ភាគចក្រប្រភេទ Bell 212 ផលិតដោយសហរដ្ឋអាមេរិក រីឯមូលហេតុធ្លាក់ត្រូវបានអះអាងជាបឋមថាមកពីអាកាសធាតុអាក្រក់៕

ព័ត៌មានអន្តរជាតិ

ឯកឧត្តម រដ្ឋមន្ត្រីក្រសួងព័ត៌មាន អញ្ជើញថ្លែងសុន្ទរកថា ក្នុងកិច្ចប្រជុំកំពូល ប្រព័ន្ធផ្សព្វផ្សាយអាស៊ីប៉ាស៊ីហ្វិក លើកទី១៨ នៅប្រទេសឥណ្ឌូនេស៊ី

May 23, 2023 spean

អន្តរជាតិ ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន អញ្ជើញថ្លែងសុន្ទរកថា ក្រោមប្រធានបទ៖ ”តួនាទីប្រព័ន្ធផ្សព្វផ្សាយក្នុងការស្តារសេដ្ឋកិច្ចឡើងវិញ” ក្នុងកិច្ចប្រជុំកំពូលប្រព័ន្ធផ្សព្វផ្សាយអាស៊ីប៉ាស៊ីហ្វិក លើកទី១៨ ឆ្នាំ២០២៣ នាព្រឹកថ្ងៃទី២៣ ខែឧសភា ឆ្នាំ២០២៣ នៅសណ្ឋាគារ Grand Hayatt កោះបាលី ប្រទេសឥណ្ឌូនេស៊ី ដែលនៅក្នុងកិច្ចប្រជុំនោះ ក៏មានការអញ្ជើញថ្លែងសុន្ទរកថាពីរដ្ឋមន្ត្រីក្រសួងព័ត៌មាន នៃសហភាពមីយ៉ាន់ម៉ា រដ្ឋមន្ត្រីក្រសួងទំនាក់ទំនង ព័ត៌មាន និងបច្ចេកវិទ្យា នៃប្រទេស Samoa រដ្ឋមន្ត្រីក្រសួងព័ត៌មាន និងផ្សព្វផ្សាយ ប្រទេសបង់ក្លាដេស និងជំនួយការរដ្ឋមន្ត្រី នៃការិយាល័យនាយករដ្ឋមន្ត្រីប្រទេសហ្វីជី៕ដកស្រង់ពីអាកាប៉េ

ព័ត៌មានអន្តរជាតិ

ប្រទេសអ៊ីស្រាអែល នៅតែបន្តវាយប្រហារ នៅភាគខាងត្បូងហ្គាហ្សា សម្លាប់មនុស្ស ១៣ នាក់ បន្ថែមទៀត

January 6, 2024 spean

អន្តរជាតិ ៖ ការវាយប្រហារដោយកងកម្លាំងការពារអ៊ីស្រាអែល (IDF) បានសម្លាប់មនុស្ស ១៣ នាក់នៅក្នុងទីប្រជុំជន Khan Yunis ភាគខាងត្បូងហ្គាហ្សាស្ទ្រីប ។ នេះបើយោងតាមទូរទស្សន៍កាតា Al Jazeera រាយការណ៍។ យោងតាមប៉ុស្តិ៍នេះ បន្ថែមថា យន្តហោះរបស់ IDF ក៏បានធ្វើការវាយប្រហារលើទីក្រុង Rafah ជិតខាងនោះ ដែលស្ថិតនៅជាប់ព្រំដែនជាមួយអេហ្ស៊ីប។ ទន្ទឹមនោះ ក្រសួងសុខាភិបាលនៃតំបន់ប៉ាឡេស្ទីន បានរាយការណ៍ថា ចំនួនអ្នកស្លាប់ជាលទ្ធផលនៃប្រតិបត្តិការយោធារបស់អ៊ីស្រាអែលនៅហ្គាហ្សា បានកើនឡើងដល់ ២២,៦០០ នាក់ ហើយមនុស្សជិត ៥៨,០០០ នាក់រងរបួស។ គួរបញ្ជាក់ថា ស្ថានការណ៍នៅមជ្ឈិមបូព៌ាមានការកើនឡើងយ៉ាងខ្លាំងបន្ទាប់ពីការលុកលុយរបស់ពួកសកម្មប្រយុទ្ធហាម៉ាសពីតំបន់ហ្គាហ្សាស្ទ្រីបចូលទៅក្នុងអ៊ីស្រាអែល កាលពីថ្ងៃទី ៧ ខែតុលា ៕