កីឡា ៖ កីឡាការិនីជឺជីតស៊ូជម្រើសជាតិកម្ពុជា ខាន់ ចេសា មិនបានប្រកួតក្នុងព្រឹត្តិការណ៍កីឡាស៊ីហ្គេម លើកទី៣១ ឆ្នាំ២០២២ នៅប្រទេសវៀតណាមទេ ដោយសារធ្វើទម្ងន់មិនត្រូវតាមការកំណត់។
ទាក់ទងនឹងការត្រៀមមុនពេលស៊ីហ្គេមឆ្នាំ២០២៣នៅប្រទេសកម្ពុជា កីឡាការិនី ខាន់ ចេសា ៖ រហូតស៊ីហ្គេម ឆ្នាំក្រោយ ខ្ញុំត្រូវតែគិតលើអ្វីដែលខ្ញុំបានធ្វើកន្លងមកដើម្បីរកវិធីធ្វើឲ្យស្ថានភាពល្អប្រសើរ។ ដូចខ្ញុំបាននិយាយអំពីបបអាហារគឺជាអ្វីដែលយើងអាចធ្វើឲ្យខុសប្លែកដើម្បីជួយឲ្យខ្ញុំត្រៀមខ្លួនបានល្អសម្រាប់ព្រឹត្តិការណ៍បន្ទាប់ដើម្បីធានាបានថា គ្មានរឿងកើតឡើងទៀត ហើយខ្ញុំនឹងព្យាយាមប្រកួតដើម្បីឲ្យទទួលបានបទពិសោធន៍កាន់តែច្រើនតាមដែលអាចទៅរួច។ ដូច្នេះខ្ញុំអាចប្រកួតបានល្អសម្រាប់ស៊ីហ្គេមបន្ទាប់។
ជាមួយគ្នានោះដែរ កីឡាការិនី ខាន់ ចេសា បាននិយាយថា ខ្ញុំពិតជាអរគុណខ្លាំងណាស់ចំពោះអ្នករាល់គ្នាដែលបានគាំទ្រខ្ញុំ។ខ្ញុំពិតជាសុំទោសដែលខ្ញុំមិនអាចប្រកួតដើម្បីទទួលបានមេដាយមាសជូនកម្ពុជា។ ខ្ញុំពិតជាចង់ធ្វើឲ្យបានសម្រាប់អ្នករាល់គ្នា និងប្រកួតព្រឹត្តិការណ៍ផ្សេងៗទៀតតំណាងឲ្យកម្ពុជារហូតដល់ស៊ីហ្គេមបន្ទាប់៕
