រាជធានីភ្នំពេញ ៖ នៅថ្ងៃទី២៧ ខែសីហា ឆ្នាំ២០២១ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន៣លើក បណ្ដាលឲ្យមនុស្សស្លាប់៤នាក់។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ ។ មូលហេតុបង្កគ្រោះថ្នាក់ចរាចរណ៍ ភាគច្រើនអ្នកបើកបរល្បឿនលឿន មិនប្រកាន់ស្តាំ ប្រជែង ស្រវឹង និងបត់គ្រោះថ្នាក់ ៕
ព័ត៌មានសន្តិសុខសង្គម
អាជ្ញាធរក្រុងព្រះសីហនុ សហការគ្នាស្រាវជ្រាវ ករណីមនុស្សម្នាក់ ហូរតាមទឹកទៅបាត់ ពេលភ្លៀងធ្លាក់ខ្លាំង នៅល្ងាចមិញ
ខេត្តព្រះសីហនុ ៖ នៅវេលាម៉ោងប្រហែល១៧និង៣០នាទីយប់ ថ្ងៃទី២៤ ខែសីហា ឆ្នាំ២០២១ ស្ថិតលើផ្លូវមិត្តភាព ក្បែរដុនបូស្កូ មានមនុស្សម្នាក់ មិនស្គាល់អត្តសញ្ញាណ និងជនជាតិ បានធ្លាក់ទៅក្នុងទឹកប្រឡាយអូរប្រាំ បាត់ខ្លួនតែម្តង នេះបើតាមសេចក្តីរាយការណ៍ពីប្រជាពលរដ្ឋបានឲ្យដឹង ។ យ៉ាងណាក៏ដោយ ភ្លាមៗ លោក ជួន ណារិន្ទ ស្នងការនគរបាលខេត្តព្រះសីហនុបានចេញបញ្ជាឲ្យកម្លាំងអធិកាដ្ឋាននគរបាលក្រុងសហការជាមួយកម្លាំងទីបញ្ជាការស្រាល គណៈបញ្ជាការឯកភាពក្រុង និង ក្រុមការងារជួយសង្គ្រោះ ស្រាវជ្រាវរកជនរងគ្រោះនៅចំណុចកើតហេតុ ។ ដោយមានភ្លៀងធ្លាក់ខ្លាំងនៅខេត្តព្រះសីហនុ, អាជ្ញាធរបញ្ចេញកម្លាំងជួយសង្គ្រោះកន្លែងលិចលង់ និងអំពាវនាវពលរដ្ឋបង្កើនការប្រុងប្រយ័ត្ន ។ បើតាមមន្រ្តីមន្ទីរធនធានទឹក បានបញ្ជាក់ថា កម្រិតទឹកភ្លៀងនៅក្រុងព្រះសីហនុ កាលពីព្រលប់ថ្ងៃម្សិលមិញ មានកម្ពស់រហូតដល់កម្រិតទឹកភ្លៀងមានកម្ពស់ ២៤៩មីល្លីម៉ែត្រ ដែលបណ្តាលឲ្យទឹកជន់លិចនៅតំបន់ទំនាបមួយចំនួន នៅក្រុងព្រះសីហនុ ខេត្តព្រះសីហនុ ។
សូមប្រយ័ត្ន ដុតខ្សែភ្លើងយកស្ពាន់ រាលឆេះផ្ទះពលរដ្ឋអស់ ៥ខ្នង នៅសង្កាត់ទួលសង្កែ
រាជធានីភ្នំពេញ ៖ កាលពីវេលាយប់ ថ្ងៃទី២៣ ខែសីហា ឆ្នាំ២០២១ ករណីអគ្គិភ័យមួយ បានកើតឡើង បណ្តាលឲ្យឆេះផ្ទះប្រជាពលរដ្ឋអស់ចំនួន ៥ខ្នង នៅផ្លូវរថភ្លើង ក្រុម៣ ភូមិទួលសង្កែ សង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ ។ សមត្ថកិច្ចមូលដ្ឋាន បានឲ្យដឹងថា ម្ចាស់ឈ្មោះ មួង សារិទ្ធ ភេទប្រុស អាយុ៤៥ឆាំ្ន។ អ្នកជួលឈ្មោះចាន់ សំណាង ភេទប្រុស អាយុ៤១ឆ្នាំ មុខរបររើសអេតចាយ។ សមត្ថកិច្ចបានបន្តថា មូលហេតុ ដុតខ្សែភ្លើងយកស្ពាន់បង្ករជាអគ្គិភ័យ។ ក្នុងហេតុការណ៍នេះ បណ្តាលឲ្យឆេះសម្ភារៈប្រើប្រាស់អស់ទាំងស្រុងចំនួន ៥ខ្នងផ្ទះ ស្មើរនឹង ១២គ្រួសារ។ សមត្ថកិច្ច ក៏បានប្រើប្រាស់រថយន្តពន្លត់អគ្គិភ័យចំនួន១៧គ្រឿង ប្រើប្រាស់ទឹកអស់១៧ឡានស្មើ ៧០ម៉ែត្រគូប ទើបគ្រប់គ្រងស្ថានការណ៍បានទាំងស្រុង ៕
ដំណាំកញ្ឆាជាច្រើនកន្លែង ដែលជនខិលខូច លួចដាំខុសច្បាប់ ត្រូវបាននគរបាលស្រុកគិរីវង់ កាប់ដុតបំផ្លាញចោល
ខេត្តតាកែវ ៖ នគរបាលខេត្តតាកែវ បានបន្តចុះបង្ក្រាបបទល្មើសដំណាំកញ្ឆាខុសច្បាប់ដែលជនខិលខូចលួចដាំខុសច្បាប់ចំនួន ០៥ទីតាំង នៅចំណុចខាងលើទឹកទូងៗ ស្ថិតក្នុងភូមិសាស្ត្រ ឃុំតាអូរ ស្រុកគិរីវង់ កាលពីថ្ងៃទី១១ ខែសីហា ឆ្នាំ២០២១ ។ ក្នុងប្រតិបត្តិការនោះ នគរបាលខេត្តតាកែវ បានកាប់បំផ្លាញដំណាំកញ្ឆាចំនួន ៥ទីតាំង ដែលមានផ្ទៃដីដាំដុះប្រមាណ ៣១៨៩ម៉ែត្រការ៉េ និងអាងស្តុបទឹកចំនួន០៤អាងផងដែរ ។ បច្ចុប្បន្នកម្លាំងជំនាញកំពុងស្រាវជ្រាវស្វែងរកម្ចាស់ទីតាំងជាអ្នកដាំដំណាំកញ្ឆាខាងលើ ដើម្បីយកមកផ្តន្ទាទោសតាមផ្លូវច្បាប់ ៕
អាល់កុលមាន សារធាតុមេតាណុល ចំនួន៦៩០លីត្រ និងទំនិញ ហួសកាលបរិច្ឆេទ ចំនួន៣២,៥គីឡូក្រាម ត្រូវបានមន្ត្រីជំនាញ ដកហូត
រាជធានីភ្នំពេញ ៖ មន្ត្រីជំនាញសាខា ក.ប.ប. រាជធានីភ្នំពេញ និងខេត្តស្ទឹងត្រែង កាលពីម្សិលមិញបានចុះត្រួតពិនិត្យគុណភាព សុវត្ថិភាព ទំនិញដែលបានដាក់លក់តាមបណ្តាផ្ទះ ម៉ាត នៅទីតាំងភូមិសាស្ត្ររាជធានីភ្នំពេញ និងខេត្តស្ទឹងត្រែង ។ ជាលទ្ធផលមន្ត្រីជំនាញរកឃើញ ដូចតទៅ ៖ – រាជធានីភ្នំពេញ បានចុះឃាត់ទុក និងដកហូតអាល់កុលប្រភេទមេតាណុល ចំនួន១០ប៊ីដុង ស្មើនឹង៣០០លីត្រ ដោយរក្សាទុកនៅទីតាំងលក់ជាបណ្តោះអាសន្ន ដោយបិទសៀលហ៊ុមព័ន្ធ។ – ខេត្តស្ទឹងត្រែង បានរកឃើញទំនិញហួសកាលបរិច្ឆេទចំនួន ៣២,៥គីឡូក្រាម និងអាល់កុលក្លែងក្លាយចំនួន ៣៩០លីត្រ។ បន្ទាប់មកមន្ត្រីជំនាញសាខា ក.ប.ប. បានធ្វើកំណត់ហេតុដកហូតទំនិញទាំងនោះយកទៅរក្សាទុកដើម្បីដោះស្រាយតាមនីតិវិធី៕
សមត្ថកិច្ចដោះស្រាយ ករណីជម្លោះរវាង ឈ្មួញស្រូវដណ្តើម ផែទូក កាណូត ផ្ទេរស្រូវ លក់ឲ្យឈ្មួញវៀតណាម នៅប្រឡាយទាហាន
ខេត្តស្វាយរៀង ៖ មានករណីឈ្មួញស្រូវបានផ្ទុះជម្លោះ ឈ្លោះដណ្តើមបេន ផែ ទូកកាណូតគ្នា ដោយម្ខាងយកទូកកាណូតដាក់ត្រួតគ្នា បិទព្រែកមិនឲ្យ ទូកកាណូតភាគីម្ខាងទៀតចូលមកដឹកស្រូវធ្វើឲ្យជម្លោះផ្ទុះឡើង ចំណែកអ្នកមានបេនរថយន្តនៅដើមផ្លូវយករថយន្តដឹកស្រូវដាក់បិទផ្លូវរថយន្តមិនឲ្យរថយន្តភាគីខាងចុងផ្លូវចូលរថយន្តទៅបេន ផែកាណូត វិញ បង្កឲ្យមានការកកស្ទះរថយន្តពេញដងផ្លូវរយៈពេល១២ម៉ោង តាំងពីវេលាម៉ោង ៧ ព្រឹក រហូតដល់ម៉ោង ២រសៀល ថ្ងៃទី ៤ ខែសីហា ឆ្នាំ ២០២១ នៅចំណុចប្រឡាយទាហាន ស្ថិតនៅភូមិព្រៃវល្លិ៍ ឃុំថ្មី ស្រុកកំពង់រោទិ៍ ជិតច្រកទ្វារព្រំដែនអន្តរជាតិព្រៃវល្លិ៍ ។ បើតាមសមត្ថកិច្ចនគរបាលប៉ុស្ត៍រដ្ឋបាលឃុំថ្មី បានឲ្យដឹងថា ករណីជម្លោះរវាងឈ្មួញស្រូវ និងឈ្មួញស្រូវនេះ គឺដណ្តើមផែទូក កាណូត ផ្ទេរស្រូវលក់ឲ្យ ម៉ូយវៀតណាម ។ មុនពេលកើតហេតុ គឺឈ្មោះ ឡុង លាភ ភេទប្រុស អាយុ២៥ឆ្នាំ និងឪពុក មានស្រុកកំណើតនៅខេត្តព្រៃវែងបានមកទិញដីធ្វើបេន ចំណតរថយន្ត ជាប់ប្រឡាយទាហាន ក្បែរព្រែកព្រៃវល្លិ៍ ជាប់ព្រំដែន ហើយនៅព្រឹកកើតហេតុ ២នាក់ឪពុកនិងកូន បានឲ្យវៀតណាមចតទូកពេញប្រឡាយ ចត […]
គួរអាណិតណាស់ មេធាវីម្នាក់ បានលង់ទឹកស្លាប់ នៅឆ្នេរអូរត្រេះ១ ក្រុងព្រះសីហនុ ពេលមានរលកធំ ខណៈចុះលេងទឹក ជាមួយមិត្តភ័ក្រ្ត
ខេត្តព្រះសីហនុ ៖ សាកសពមេធាវីវ័យក្មេង ដែលបានលង់ទឹកស្លាប់ កាលពីរសៀលថ្ងៃទី០៣ ខែសីហា កន្លងមក ត្រូវបានរកឃើញហើយ នៅចម្ងាយពីកន្លែងកើតហេតុ ជិតពីរគីឡូម៉ែត្រ ស្ថិតក្នុងភូមិប្រាំមួយ សង្កាត់៤ ក្រុងនិងខេត្តព្រះសីហនុ នៅវេលាម៉ោង៦និង១០នាទីព្រឹកថ្ងៃទី០៤ ខែសីហា ឆ្នាំ២០២១នេះ។ ជនរងគ្រោះលោកមេធាវីខាងលើ ត្រូវបានអាជ្ញាធរមានសមត្ថកិច្ចឲ្យដឹងថា លោកមេធាវីខាងលើមានឈ្មោះ ជូ ជាគុយ ភេទប្រុស អាយុ ២៩ ឆ្នាំ ជនជាតិខ្មែរ មានមុខរបរជាមេធាវី ទីលំនៅរាជធានីភ្នំពេញ បានមកក្រុងព្រះសីហនុ ក្នុងបេសកកម្មការងារ និងទេសចរណ៍។ ជនរងគ្រោះ នាវេលា រសៀល ថ្ងៃទី០៣ ខែសីហា ឆ្នាំ ២០២១ រូមនិងមិត្តភ័ក្រ មានគ្នាចំនួន ០៤នាក់ គឺជាភ្ញៀវទេសចរជនជាតិខ្មែរ មកពីរាជធានីភ្នំពេញ បាននាំគ្នាចុះទៅលេងទឹកសមុទ្រ នៅត្រង់ចំណុចឆ្នេរអូរត្រេះ១ ស្ថិតក្នុងភូមិលេខ៦ សង្កាត់លេខ៤ ក្រុងព្រះសីហនុ ។ ជនរងគ្រោះ ចុះទៅលេងទឹកពេលមានរលកបោកបក់ខ្លាំង ជាហេតុធ្វើឲ្យជនរងគ្រោះបានបាត់ខ្លួនក្នុងពេលនោះតែម្តង ។ […]
ក្លិនសំណាកនៃ អ្នកជម្ងឺកូវីដ១៩ ត្រូវបានសុនខ៣ក្បាល ហិតរកឃើញ ប្រកបដោយជោគជ័យ ក្នុងដំណាក់កាល ហ្វឹកហ្វឺនបឋម
ខេត្តកំពង់ឆ្នាំង ៖ នៅវិទ្យាស្ថានបច្ចេកទេសសកម្មភាពកំចាត់មីន (ស៊ីម៉ាក់ខេត្តកំពង់ឆ្នាំង) មន្ត្រីស៊ីម៉ាក់បានចុះមកពិនិត្យនិងវាយតំលៃការងារសិក្សាស្រាវជ្រាវនិងអភិវឌ្ឍន៍បច្ចេកទេសសុនខ ហិតរកអ្នកផ្ទុកវីរុសកូវីដ-១៩ នាថ្ងៃចន្ទ័ ទី២ ខែសីហា ឆ្នាំ២០២១ នេះ។ ក្រោយពីបានទទួលសំណាកក្លិន(VOC)អ្នកជម្ងឺកូវីដ-១៩ចំនួន៤៨សំណាក ពីក្រុមការងារបច្ចេកទេសនៃសាកលវិទ្យាល័យវិទ្យាសាស្ត្រសុខាភិបាល ដែលសំណាកទាំង៤៨បានឆ្លងកាត់ត្រួតពិនិត្យPCR និងការបណ្តុះមេរោគ (cell culture)ដើម្បីធានាសុវត្ថិភាពសំណាកក្នុងការបំរើការងារហ្វឹកហ្វឺន ក្រុមជំនាញសុនខស៊ីម៉ាក់បានដំណើរការហ្វឹកហ្វឺនសុនខហិតក្លិនអ្នកផ្ទុកវីរុសកូវីដ+១៩នេះតាមផែនការ ។ សូមអបអរសាទរចំពោះសុនខក្រុមទី១ចំនួន៣ក្បាលដែលបានហិតរកឃើញក្លិនសំណាកនៃអ្នកជម្ងឺកូវីដ-១៩ប្រកបដោយជោគជ័យក្នុងដំណាក់កាលហ្វឹកហ្វឺនស្រាវជ្រាវបឋមនេះ។រីឯសុនខក្រុមទី២ចំនួន៧ក្បាលទៀត កំពុងមានវឌ្ឍនភាពគួរឱ្យកត់សំគាល់ ។ ជាលក្ខណ:បច្ចេកទេសសុនខអាចហិតរកឃើញក្លិនសំណាកក្នុងរយ:ពេលប្រមាណតែ១០-១៥វិនាទី។ ការប្រើប្រាស់សុនខហិតអ្នកផ្ទុកវីរុសកូវីដ-១៩មានប្រសិទ្ធភាពសំរាប់ហ្វូងមនុស្សប្រមូលផ្តុំច្រើនដូចជាព្រលានយន្តហោះ ច្រកទ្វារអន្តរជាតិ និងពហុកីឡាដ្ឋានជាដើម។ ជាមួយនេះដែរផ្អែកតាមអ្នកជំនាញ ឱ្យបានដឹងថា មិនទាន់មានភស្តុតាងផ្លូវការណាមួយបញ្ជាក់ថាមានការឆ្លងវីរុសកូវីដ-១៩ពីមនុស្សទៅសុនខឡើយ ៕
នគរបាល ចុះបង្ក្រាបទីតាំង ស្តុកទុកនិងចែកចាយ អាកុល-ម៉ាស់ របស់ជនជាតិវៀតណាម និងខ្មែរ ចំនួន១០កន្លែង ដែលគ្មានច្បាប់អនុញ្ញាត្ត
ខេត្តកណ្តាល ៖ ទីតាំងស្តុបទុកលក់ និងចែកចាយនូវអាកុល-ម៉ាស់របស់ជនជាតិវៀតណាម និងខ្មែរចំនួន10កន្លែង ដែលសង្ស័យគ្មានច្បាប់អនុញាតពីក្រសួងសុខាភិបាល ត្រូវបានកម្លាំងប៉ូលិសសេដ្ឋកិច្ចខេត្តកណ្តាល ដឹកនាំដោយលោកឧត្តមសេនីយ៍ត្រី លី សុជាតិ ស្នងការរងនគរបាលខេត្តកណ្តាល សហការជាមួយកម្លាំងគណៈបញ្ជាការឯកភាពស្រុកលើកដែក មានអភិបាលរងស្រុក សុខាភិបាលស្រុក មេឃុំ មេភូមិ ប៉ូលិស ប៉េអឹម ប្រជាការពារភូមិ ដឹកនាំដោយលោក ចាប ច័ន្ទវិទ្យា អភិបាលស្រុកលើកដែក ចុះបង្ក្រាបជាបន្តបន្ទាប់។ ប្រតិបត្តិការនេះធ្វើរយៈពេល3ថ្ងៃពេញ គឺចាប់ពីថ្ងៃទ31 ខែកក្កដា ដល់ថ្ងៃទី2 ខែសីហា ឆ្នាំ2021 នៅចំណុចភូមិស្ពានដែក និងភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្ដាល។ ដោយនៅភូមិស្ពានដែក មាន៧ទីតាំង ៖ ១-ផ្ទះឈ្មោះ ដង ធីសឿង ភេទស្រី អាយុ៥០ឆ្នាំ ជនជាតិវៀតណាម -ដកហូត អាកុល=៦៩កាន -ម៉ាស់=២១២កេស ២-ឈ្មោះ ង្វៀង ធីជាង ភេទស្រី អាយុ៣៩ឆ្នាំ ជនជាតិវៀតណាម -ដកហូត […]
សមត្តកិច្ច បង្ក្រាបនិង ដុតកំទេចចោល សត្វជ្រូកចំនួន ៨ក្បាល ដែលនាំចូលតាម ច្រករបៀង ក្នុងភូមិសាស្រ្ត ស្រុកអូជ្រៅ គ្មានច្បាប់អនុញ្ញាតិ
ខេត្តបន្ទាយមានជ័យ ៖នៅថ្ងៃទី២៧ ខែកក្កដា ឆ្នាំ២០២១ សមត្តកិច្ចបង្ក្រាប ហើយដុតកំទេចចោលសត្វជ្រូកចំនួន ៨ក្បាល ដែលឈ្មួញលួចនាំចូលតាមច្រករបៀងមកលក់នៅតាមភូមិតាមតំបន់ព្រំដែនកម្ពុជា-ថៃ នៅភូមិជោគជ៍យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។ ការឃាត់ចាប់នេះធ្វើឡើង ក្រោមការបញ្ជារដោយផ្ទាល់ពីឯកឧត្តម តាន់ ផាន់ណារ៉ា ប្រតិភូរាជារដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានសុខភាពសត្វនិងផលិតកម្មសត្វ ឲ្យក្រុមការងារអន្តរាគមន៍បង្ក្រាបបទល្មើសចលនាសត្វនៃអគ្គនាយកដ្ឋានសុខភាពសត្វនិងផលិតកម្មសត្វ សហការជាមួយក្រុមការងារអន្តរាគមន៌បង្ក្រាបបទល្មើសចរាចរសត្វ ផលិតកម្មនិងបសុព្យាបាល នៃមន្ទីរកសិកម្មរុក្ខាប្រមាញ់និងនេសាទខេត្តបន្ទាយមានជ័យ ដោយមានការសម្របសម្រួលនីតិវិធីពីឯកឧត្តម កើត វណ្ណារ៉េត អយ្យការអមសាលាដំបូងខេត្តបន្ទាយមានជ័យ។ ក្រុមការងារបានរកឃើញជ្រូកសាច់ចាក់រួច (ជ្រូកបានសម្លាប់ស្រាប់) ចំនួន៨ក្បាលដែលនាំចូលតាមច្រករបៀងមកលក់នៅតាមភូមិតាមតំបន់ព្រំដែនកម្ពុជា-ថៃ នៅភូមិជោគជ៍យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។ សមត្តកិច្ចប្រាប់ថា សត្វជ្រូកនេះនាំចូលមកពីប្រទេសថៃឡង់ដ៍ សម្រាប់លក់ចែកចាយបន្តតាមភូមិក្បែព្រំដែនកម្ពុជា-ថៃ ពុំមានលិខិតអនុញ្ញាតពីក្រសួងកសិកម្ម រុក្ខាប្រមាញ់ និងនេសាទ ។ តំណាងម្ចាស់សត្វឈ្មោះ វន្នី វន្ថា នៅស្រុកអូជ្រៅ។ ក្រុមការងារបានបញ្ជូនវត្ថុតាងបទល្មើសខាងលើនេះ ទៅដុតកំទេចចោលនៅភូមិខ្លាកូនថ្មី សង្កាត់កំពុងស្វាយ ៕