ខេត្តសៀមរាប ៖ កាលពីថ្ងៃទី១៩ ខែកញ្ញា ឆ្នាំ២០២១ នៅចំណុចភូមិរំដេង ឃុំស្រណាល ស្រុកក្រឡាញ់ ខេត្តសៀមរាប បុរសវ័យចំណាស់ម្នាក់ស្លាប់ភ្លាមៗនៅនឹងកន្លែងកើតហេតុ ក្នុងករណីផ្ទុះផ្ទុះគ្រាប់បែកបង្កៃ ដែលជនមិនស្គាល់អត្តសញ្ញាណ បានយកទៅបង្កៃជាប់នឹងទ្រូដាក់ត្រីរបស់ជនរងគ្រោះ ដែលកំពុងដាក់ត្រីក្នុងស្រែ។ សមត្ថកិច្ច បានឱ្យដឹងថា ក្រោយពីទទួលព័ត៌មានពីប្រជាពលរដ្ឋ នៅភូមិរំដេង ដែលបានរាយការណ៍ថា នៅវេលាម៉ោងប្រហែល ៩:៤០នាទីព្រឹក រូបគាត់បានទៅស្ទូង(ជួស)ស្រូវនៅវាលស្រែខាងលិចភូមិប្រហែល ៣០០ម៉ែត្រ ដែលមានព្រំប្រទល់ជាប់នឹងភូមិត្រាំកង់ ឃុំចន្លាសដៃ ស្រុកក្រឡាញ់។ប្រជាពលរដ្ឋបានឲ្យដឹងថា ពេលគាត់ទៅដល់ស្រែ ឃើញមានធុងពណ៌សនៅលើភ្លឺស្រែដែលមានចម្ងាយប្រហែល ៨០ម៉ែត្រ ប៉ុន្តែមិនឃើញមានមនុស្សទេ ពេលនោះគាត់ក៏បានដើរទៅមើល ក៏ឃើញមនុស្សដេកស្លាប់ក្បែរធុងពណ៌សនោះ គាត់ក៏បានទៅប្រាប់គ្នីគ្នាមកមើល និងបានរាយការណ៍ទៅសមត្ថកិច្ចឲ្យចុះមកពិនិត្យ។តាមប្រជាពលរដ្ឋរស់នៅកន្លែងកើតហេតុ បានឲ្យដឹងថា នៅវេលាម៉ោងប្រហែល ៧៖២០នាទី ពួកគាត់បានឮសំឡេងផ្ទុះដែរ ប៉ុន្តែស្មានថាផ្ទុះកង់រថយន្ត ឬជាស្នូរផ្គររន្ទះ ព្រោះពេលនោះមេឃកំពុងតែភ្លៀងថែមទៀត។ ក្រោយសមត្ថកិច្ចចុះធ្វើការត្រួតពិនិត្យទើបដឹងថា ជនរងគ្រោះឈ្មោះ ឆាវ រ៉ាយ ភេទប្រុសអាយុ៧៨ឆ្នាំ រស់នៅភូមិត្រាំកង់ ឃុំចន្លាសដៃ ស្រុកក្រឡាញ់ ខេត្តសៀមរាប(ស្លាប់ដោយកាផ្ទុះគ្រាប់បែក) ដោយជនមិនស្គាល់មុខលួចបង្កៃគ្រាប់បែក ដាក់ជាប់នឹងទ្រូរបស់ជនរងគ្រោះ។ យោងតាមការបំភ្លឺពីកូនបង្កើតរបស់ជនរងគ្រោះគឺ ឈ្មោះ […]
ព័ត៌មានសន្តិសុខសង្គម
គួរអោយអាណិត បុរសវ័យចំណាស់ម្នាក់ ស្លាប់នៅនឹងកន្លែង ដោយសារបាក់ដីដំបូក ធ្លាក់សង្គត់ចំក្បាល
ខេត្តបន្ទាយមានជ័យ ៖ មានការភ្ញាក់ផ្អើលឡើង កាលពីរសៀល ថ្ងៃទី០៧ ខែកញ្ញា ឆ្នាំ២០២១ នៅភូមិតាគង់ ឃុំណាំតៅ ស្រុកភ្នំស្រុក ខេត្តបន្ទាយមានជ័យ បុរសវ័យ៥៧ឆ្នាំម្នាក់ បានស្លាប់ភ្លាមៗ ខណៈពេលទៅជីកដីដំបូកយកមកបិទឡដុតធ្យូង ត្រូវដីដំបូកបាក់សង្កត់លើគួរអោយអាណិត។ នគរបាលស្រុកភ្នំស្រុក បានឲ្យដឹងថា ជនរងគ្រោះឈ្មោះ ឈន់ ឈៀង ភេទប្រុស អាយុ៥៧ឆ្នាំ រស់នៅភូមិតាគង់ ឃុំណាំតៅ ស្រុកភ្នំស្រុក ខេត្តបន្ទាយមានជ័យ។ ជនរងគ្រោះ បានទៅជីកដីដំបូកនៅចំណុចក្រោយផ្ទះចម្ងាយប្រហែល២០ម តែម្នាក់ឯងយកដីបិទឡដុតធ្យូង នៅពេលកំពុងតែជីកដី ស្រាប់តែដីដំបូកមានកម្ពស់ប្រហែល៣ម៉ែត្រ បានបាក់ធ្លាក់មកសង្កត់ចំក្បាលបណ្តាលឲ្យស្លាប់ភ្លាមៗនៅនឹងកន្លែង។ ប្រភពថា ពេលបាក់ដីធ្លាក់សង្កត់នោះ គ្មានអ្នកណាដឹងនឹងជួយនោះទេ លុះប្រពន្ធដើរទៅមើលប្តី ក៏ស្រាប់តែឃើញប្តីដេកស្លាប់ផ្គាប់មុខដោយដីដំបូកដ៏ធំសង្កត់ក្បាលស្លាប់ក្បែរឡ។ សព ត្រូវបានក្រុមគ្រួសារចាត់ចែងធ្វើបុណ្យតាមប្រពៃណី៕
មេព្រៃ បង្ក្រាបរិបអូស ឈើច្រើនសន្លឹក នៅក្រុងស្ទឹងត្រែង
ខេត្តស្ទឹងត្រែង ៖ ប្រភេទឈើសុក្រំជាង ៦០សន្លឹក ដែលក្រុមឈ្មួញដឹកយកទៅលាក់ទុក បម្រុងសាងដឹកបន្តនៅពេលយប់ស្ងាត់ ក្នុងពេលដែលអាជ្ញាធរបិទបម្រាមគោចរ ដើម្បីទប់ស្កាត់ជំងឺកូវីដ-១៩ ទើបធ្វើឱ្យក្រុមឈ្មួញអាក់ខាន ត្រូវសម្ថកិច្ចបង្ក្រាបបាននៅត្រង់ចំណុចផ្ទះសំណង់យោធិនចូលនិវត្តន៍ ស្ថិតនៅក្នុងភូមិគីឡូ៨ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង នៅរសៀលថ្ងៃទី៧ ខែកញ្ញា ឆ្នាំ២០២១ ម្សិលមិញ។ លោក សួន ម៉េង លី នាយសង្កាត់រដ្ឋបាលព្រៃឈើដុងក្រឡ បានឱ្យដឹងថា ឈើដែលបង្ក្រាបបាននេះ ជាប្រភេទឈើសុគ្រំជាឈើប្រភេទលេខ១ផងថែរ។លោកបន្តថាពេល រាប់រួចរាល់មានចំនួន ៥០សន្លឹក ប្រភេទខ្លុំមុខកាត់ ២៥×២៥×២,២ម៉ែត្រ ចំនួន៥ដុំ ក្នុងនោះប្រភេទកូនក្រឡឹងចំនួន ៧ដុំ។ សរុបចំនួន ១២ដុំ និង៥០សន្លឹក។ លោកបញ្ជាក់ថា ក្រោយពីបង្ក្រាបបាន ឈើទាំងនោះត្រូវបានដឹកជញ្ជូនយកទៅរក្សាទុកនៅខណ្ឌរដ្ឋបាលព្រៃឈើខេត្ត នៅល្ងាចថ្ងៃដដែល។ ប៉ុន្តែសាធារណជនបានលើកទ្បើងដូចៗគ្នាថា ទីតាំងដែលឈ្មួញដឹកជញ្ជូនឈើយកទៅលាក់ទុកនៅចំណុចខាងលើនោះ ជាកន្លែងចាស់ដែលក្រុមឈ្មួញដឹកតាមម៉ូតូ ចល័តយកទៅលាក់ទុកជាប្រចាំ និងស្ទើររាល់ថ្ងៃ ហើយអាចនិយាយថាជាកន្លែងសុខស្រួល របស់ក្រុមឈ្មួញរកស៊ីដុសស្លែប្រចាំតំបន់នោះ៕
ប្រជាពលរដ្ឋ អ្នកលក់ខ្យង បានប្រទះឃើញ សាកសពស្ត្រីម្នាក់ នៅមាត់ទន្លេវ៉ៃគោ ក្រុងស្វាយរៀង ជាករណីគ្រោះថ្នាក់ចរាចរណ៍
ខេត្តស្វាយរៀង ៖ នៅវេលាម៉ោង៦និង១០នាទីព្រឹកថ្ងៃទី០៦ កញ្ញា ២០២១ ប្រជាពលរដ្ឋអ្នកលក់ខ្យងបានប្រទះឃើញសពស្ត្រីម្នាក់ដេកស្លាប់នៅមាត់ច្រាំងព្រែកទន្លេវ៉ៃគោ ជាប់កន្លែងលក់ខ្យង ដោយមានរបួសដាច់ក្បាលប្រវែងជិត១ចង្អាម ដំបូងទ្បើយសង្ស័យជាអំពើឃាតកម្ម ។ ករណីបង្កនេះបានការភ្ញាក់ផ្អើលដល់អ្នកធ្វើដំណើរតាមដងផ្លូវនិងសមត្ថកិច្ចចុះទៅពិនិត្យដល់កន្លែងនៅលើកំណាត់ផ្លូវជាតិលេខ១ ត្រង់ចំណុចខាងកើតស្ពានហាយវ៉េចម្ងាយប្រមាណ១០០ម៉ែត្រស្ថិតនៅភូមិក្បាលស្ពាន សង្កាត់ពោធិតាហោ ក្រុងស្វាយរៀង។ លោកពុត កយ ស្នងការរង នៃស្នងការដ្ឋាននគបាលខេត្តបានដឹកនាំកម្លាំងអធិការដ្ឋាននគបាលក្រុងស្វាយរៀងមកពិនិត្យសព ស្ត្រីរងគ្រោះ លទ្ធផល ធ្វើការសន្និដ្ឋានថា ជាករណីគ្រោះថ្នាក់ចរាចរណ៍ ពុំមែនជាអំពើឃាតកម្មនោះទេ ។ស្ត្រីរងគ្រោះ គឺជាជនអនាថា អាយុប្រមាណជាង៤០ឆ្នាំ ក៏ប៉ុន្តែមិនទាន់ស្គាល់អត្តសញ្ញាណនិងសាច់ញាតិនៅឡើយទេ។ក្រោយពីពិនិត្យនិងធ្វើកោសល្យវិច្ច័យរួច សមត្ថកិច្ចបានហៅរថយន្តសាមុយដឹកសពជនរងគ្រោះទៅតម្កល់នៅវត្តពោធិតាហោ ដើម្បីស្រាវជ្រាវរកសាច់ញាតិមកទទួលធ្វើបុណ្យតាមប្រពៃណី។ សមត្ថកិច្ចក៏បានប្រកាសដល់មហាជន ដែរមានបាត់សមាជិកគ្រួសារ ដែលជាស្ត្រីអនាថា ដែលមានអាយុប្រមាណជា៤០ឆ្នាំនេះសូមមកទាក់ទងសមត្ថកិច្ចនគបាលប៉ុស្ត៍រដ្ឋបាលសង្កាត់ពោធិតាហោ សពតម្កល់នៅវត្តពោធិតាហោ សង្កាត់ពោធិតាហោក្រុងស្វាយរៀង៕
មន្ត្រីជំនាញ រកឃើញ ជាបន្តបន្ទាប់ និងដកហូត អាល់កុលក្លែងក្លាយ ជាង ០៦ តោន នៅស្រុកគីរីវង្ស
ខេត្តតាកែវ ៖ មន្ត្រីជំនាញសាខាក.ប.ប.ខេត្តតាកែវ ក្រោមកិច្ចសម្របសម្រួលដោយព្រះរាជអាជ្ញាអមសាលាដំបូងខេត្តតាកែវ និងមានការចូលរួមពីសមត្ថកិច្ចពាក់ព័ន្ធនិងអាជ្ញាធរដែនដី បានចុះត្រួតពិនិត្យ និងឆែកឆេរឃ្លាំងស្តុកទំនិញមួយកន្លែង ដែលមានទីតាំងស្ថិតនៅភូមិផ្សារ ឃុំភ្នំដិន ស្រុកគីរីវង្ស ខេត្តតាកែវ នៅថ្ងៃទី០៦ ខែកញ្ញា ឆ្នាំ២០២១ ។ បន្ទាប់ពីបានត្រួតពិនិត្យ មន្ត្រីជំនាញបានរកឃើញសារធាតុមេតាណុល ចំនួន២៣០ប៊ីដុង ស្មើនឹង ៦,៩០០លីត្រ ដែលត្រូវបានស្តុកទុកដោយគ្មានលិខិតស្នាមពីស្ថាប័នពាក់ព័ន្ធ។ វត្ថុតាងទាំងអស់ត្រូវបានដកហូតមករក្សាទុក ដើម្បីអនុវត្តនីតិវិធីបន្ត។ សូមរំលឹកផងដែរថា កាលពីថ្ងៃទី០៥ ខែកញ្ញា ឆ្នាំ២០២១ មន្ត្រីជំនាញសាខា ក.ប.ប. ខេត្តតាកែវ ក៏បានចាប់ឃាត់ទុកសារធាតុមេតាណុលចំនួន៧១៤ ប៊ីដុង ស្មើនឹង ២១,៤២០លីត្រ នៅលើកំណាត់ផ្លូវជាតិលេខ ០២ ត្រង់ចំណុចឃុំភ្នំដិន ស្រុកគីរីវង្ស ខេត្តតាកែវ ខណៈដែលកំពុងត្រូវបានដឹកជញ្ជូនពីព្រំដែន ក្នុងបំណងយកមកចែកចាយនៅលើទីផ្សារប្រទេសកម្ពុជា៕
អាល់កុលក្លែងក្លាយ ជិត៣ម៉ឺនលីត្រ ដាក់លក់នៅក្នុង រាជធានីភ្នំពេញ ត្រូវបានមន្ត្រីជំនាញរិបអូស
រាជធានីភ្នំពេញ ៖ កាលពីរសៀលថ្ងៃទី៣០ ខែសីហា ឆ្នាំ២០២១ នៅតាមបណ្តោយផ្លូវសហព័ន្ធរុស្សី ក្នុងភូមិសាស្ត្រខណ្ឌពោធិសែនជ័យមន្ត្រីស៊ើបអង្កេតរបស់អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» បានចុះបង្ក្រាបអាល់កុលក្លែងក្លាយ ។ បន្ទាប់ពីបានត្រួតពិនិត្យ មន្ត្រីជំនាញបានរកឃើញអាល់កុលក្លែងក្លាយ(មេតាណុល) ចំនួន ១ ១៨៦.៥០លីត្រ ដែលបានដាក់តាំងលក់នៅតាមបណ្តាឱសថស្ថាន និងផ្ទះលក់ទំនិញនានា។ បន្ទាប់ពីបានរកឃើញការចរាចរណ៍អាល់កុលក្លែងក្លាយទាំងនេះ មន្ត្រីជំនាញបានធ្វើការស្រាវជ្រាវរកប្រភពផ្គត់ផ្គង់ និងឈានទៅកំណត់ទីតាំងឃ្លាំងស្តុកនិងចែកចាយមួយកន្លែងដែលស្ថិតនៅសង្កាត់ទឹល្អក់៣ ខណ្ឌទួលគោក រាជធានីភ្នំពេញ។ ដោយទទួលបានកិច្ចសហការពីស្នងការដ្ឋាននគរបាល រាជធានីភ្នំពេញ ទទួលផែនសេដ្ឋកិច្ច អាជ្ញាធរមូលដ្ឋាន មន្ត្រីមន្ទីរពាណិជ្ជកម្មរាជធានីភ្នំពេញ និងដោយមានការសម្របសម្រួលពីលោកព្រះរាជអាជ្ញារង អមសាលាដំបូងរាជធានីភ្នំពេញ មន្ត្រីជំនាញបានចុះត្រួតពិនិត្យទីតាំងស្តុកខាងលើ ដោយបានរកឃើញ អាល់កុលក្លែងក្លាយឬមេតាណុលចំនួន ៧៥៦ប៊ីដុង និង៧៩១យួរ ស្មើនឹង ២៧ ៤២៦ លីត្រ បន្ថែមទៀត។ សរុបអាល់កុលក្លែងក្លាយដែលបង្ក្រាបបាននៅថ្ងៃនេះ មានចំនួន២៨ ៦១២.៥០លីត្រ ដែលមានទម្ងន់ប្រមាណជាង២៨តោន។ បច្ចុប្បន្ន អាល់កុលក្លែងក្លាយខាងលើត្រូវបានឃាត់ទុកជាបណ្តោះអាសន្ន រង់ចាំអនុវត្តនីតិវិធីបន្ត៕
នគរបាលស្រុកមោងឬស្សី ឃាត់ខ្លួនបុរសម្នាក់ ពីបទប៉ុនប៉ងរំលោភសេពសន្ថវៈ លើស្រី្តអាយុ២៦ឆ្នាំ
ខេត្តបាត់ដំបង ៖ មានករណីប៉ុនប៉ងរំលោភសេពសន្ថវៈ មួយបានកើតឡើង បង្កដោយជនសង្ស័យ ឈ្មោះខុម សុឃឿន ភេទប្រុស អាយុ៣០ឆ្នាំ រស់នៅឃុំព្រៃស្វាយ ស្រុកមោងឫស្សី ខេត្តបាត់ដំបង បានធ្វើសកម្មភាពចូលទៅក្នុងមុងប៉ុនប៉ងរំលោទសេពសន្ថវៈលើជនរងគ្រោះឈ្មោះ ស.អ ភេទស្រី អាយុ២៦ឆ្នាំ ទីលំនៅកន្លែងកើតហេតុខាងលើ ប៉ុន្តែត្រូវបានជនរងគ្រោះរើបម្រាស់ស្រែកឆោឡោឡើង ទើបជនសង្ស័យមិនអាចប្រព្រឹត្តសកម្មភាពបានសម្រេច រួចរត់គេចខ្លួនពីទីនោះតែម្ដង នៅវេលាយប់ថ្ងៃទី៣០ ខែ សីហា ឆ្នាំ២០២១ វេលាម៉ោង២៣និង៣០នាទី នៅចំណុចភូមិព្រៃស្វាយ ឃុំព្រៃស្វាយ ស្រុកមោងឫស្សី ខេត្តបាត់ដំបង។ ភ្លាមៗជនរងគ្រោះបានរាយការណ៍មកសមត្ថកិច្ចនគរបាល។សមត្ថកិច្ចនគរបាលស្រុកមោងឬស្សីក៏បានបើកការស្រាវជ្រាវរហូតនាំខ្លួនជនសង្ស័យខាងលើ នៅថ្ងៃទី៣១ខែសីហាឆ្នាំ ២០២១ វេលាម៉ោង៩និង០០នាទីព្រឹកនៅចំណុចមូលដ្ឋានកើតហេតុបញ្ជូនមកអធិការដ្ឋាននគរបាលស្រុកមោងឫស្សី ដើម្បីចាត់ការតាមផ្លូវច្បាប់៕
ការបើកយុទ្ធនាការ ចាក់វ៉ាក់សាំង ជម្ងឺដុំពកស្បែក គោ ក្របី (Lumpy Skin Disease) នៅកម្ពុជា
លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ បានថ្លែងឲ្យដឹងថា ដូចខ្ញុំបានជម្រាបជូនសាធារណៈជន និងបងប្អូនកសិករ បានជ្រាបពីដំណើរវិវត្តន៍ និងវិធានការនៃការទប់ស្កាត់ការឆ្លងរាលដាលជំងឺដុំពកស្បែកគោក្របី នៅកម្ពុជា កាលពីថ្ងៃទី៣១ ខែកក្កដា ឆ្នាំ២០២១ កន្លងទៅ រួមទាំងបានជម្រាបជូនពីបទពិសោធនិងវិធីសាស្ត្រព្យាបាលផងដែរ ។ ទន្ទឹមនឹងការខិតខំប្រឹងប្រែងក្នុងការតាមពិនិត្យនិងព្យាបាលសត្វគោដែលបានឆ្លងជម្ងឺដុំពកនៅលើស្បែកកន្លងមក ក្រសួងក៏បានខិតខំប្រឹងប្រែងស្វះស្វែងរកបញ្ជាទិញវ៉ាក់សាំងការពារជំងឺដុំពកស្បែកគោក្របី ក៏បានដំណើរការព្រមគ្នាផងដែរ ។ ប៉ុន្តែអ្វីដែលក្រសួងមិននឹកស្មានដល់នោះ ការរីរាលដាលនៃជំងឺឆ្លងនេះបានរាលដាលយ៉ាងលឿនពីបណ្តាខេត្តជាប់ព្រំដែនថៃ មកតំបន់ទំនាបកណ្តាលនៃប្រទេសកម្ពុជា ជាពិសេសនៅខេត្តត្បូងឃ្មុំ កំពង់ចាម និងខេត្តព្រៃវែង ដែលមកទល់ពេលនេះ ជំងឺឆ្លងនេះបានធ្វើឲ្យប៉ះពាល់និងធ្វើឲ្យសត្វគោឈឺចំនួនជាង ៣០ ០០០ ក្បាលហើយ ជាពិសេសបានឆ្លងទៅលើកូនគោ ដែលបានធ្វើឲ្យសត្វគោបានងាប់មួយចំនួន និងដែលធ្វើឲ្តក្រសួងមានការព្រួយបារម្ភជាខ្លាំង ។ ប៉ុន្តែអ្វីដែលយើងទទួលបានដំណឹងល្អនាចុងសប្តាហ៍នេះ គឺក្រោយពីដែលក្រសួងកសិកម្ម រុក្ខាប្រមាញ់និងនេសាទ ដែលមានអគ្គនាយកដ្ឋានសុខភាពសត្វ និងផលិតកម្មសត្វ ជាសេនាធិការនោះ ដោយមានការគាំទ្រថវិកាពីសប្បុរសជនផងនោះ យើងទទួលបានវ៉ាក់សាំងចំនួន ពីរម៉ឺន ដុស នៅក្នុងដៃរួចហើយ ដែលបានបង្កលក្ខណៈគ្រាប់គ្រាន់សម្រាប់ក្រសួងមានលទ្ធភាពចាប់ផ្តើមបើកយុទ្ធនាការចាក់វ៉ាក់សាំងទប់ស្កាត់ជំងឺដុំពកស្បែកគោក្របី ដែលដឹកនាំដោយលោក តាន់ ផាន់ណារ៉ា ប្រតិភូរាជរដ្ឋាភិបាលកម្ពុជា ទទួលបន្ទុកអគ្គនាយកដ្ឋានផលិតកម្មសត្វ និងសុខភាពសត្វ […]
បើកបរសូមប្រយ័ត្ន ស្លាប់៤នាក់ ក្នុងគ្រោះថ្នាក់ចរាចរណ៍ ទូទាំងប្រទេស ថ្ងៃម្សិលមិញ
រាជធានីភ្នំពេញ ៖ នៅថ្ងៃទី២៧ ខែសីហា ឆ្នាំ២០២១ មានករណីគ្រោះថ្នាក់ចរាចរណ៍ នៅទូទាំងប្រទេស កើតឡើងចំនួន៣លើក បណ្ដាលឲ្យមនុស្សស្លាប់៤នាក់។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ ។ មូលហេតុបង្កគ្រោះថ្នាក់ចរាចរណ៍ ភាគច្រើនអ្នកបើកបរល្បឿនលឿន មិនប្រកាន់ស្តាំ ប្រជែង ស្រវឹង និងបត់គ្រោះថ្នាក់ ៕
អាជ្ញាធរក្រុងព្រះសីហនុ សហការគ្នាស្រាវជ្រាវ ករណីមនុស្សម្នាក់ ហូរតាមទឹកទៅបាត់ ពេលភ្លៀងធ្លាក់ខ្លាំង នៅល្ងាចមិញ
ខេត្តព្រះសីហនុ ៖ នៅវេលាម៉ោងប្រហែល១៧និង៣០នាទីយប់ ថ្ងៃទី២៤ ខែសីហា ឆ្នាំ២០២១ ស្ថិតលើផ្លូវមិត្តភាព ក្បែរដុនបូស្កូ មានមនុស្សម្នាក់ មិនស្គាល់អត្តសញ្ញាណ និងជនជាតិ បានធ្លាក់ទៅក្នុងទឹកប្រឡាយអូរប្រាំ បាត់ខ្លួនតែម្តង នេះបើតាមសេចក្តីរាយការណ៍ពីប្រជាពលរដ្ឋបានឲ្យដឹង ។ យ៉ាងណាក៏ដោយ ភ្លាមៗ លោក ជួន ណារិន្ទ ស្នងការនគរបាលខេត្តព្រះសីហនុបានចេញបញ្ជាឲ្យកម្លាំងអធិកាដ្ឋាននគរបាលក្រុងសហការជាមួយកម្លាំងទីបញ្ជាការស្រាល គណៈបញ្ជាការឯកភាពក្រុង និង ក្រុមការងារជួយសង្គ្រោះ ស្រាវជ្រាវរកជនរងគ្រោះនៅចំណុចកើតហេតុ ។ ដោយមានភ្លៀងធ្លាក់ខ្លាំងនៅខេត្តព្រះសីហនុ, អាជ្ញាធរបញ្ចេញកម្លាំងជួយសង្គ្រោះកន្លែងលិចលង់ និងអំពាវនាវពលរដ្ឋបង្កើនការប្រុងប្រយ័ត្ន ។ បើតាមមន្រ្តីមន្ទីរធនធានទឹក បានបញ្ជាក់ថា កម្រិតទឹកភ្លៀងនៅក្រុងព្រះសីហនុ កាលពីព្រលប់ថ្ងៃម្សិលមិញ មានកម្ពស់រហូតដល់កម្រិតទឹកភ្លៀងមានកម្ពស់ ២៤៩មីល្លីម៉ែត្រ ដែលបណ្តាលឲ្យទឹកជន់លិចនៅតំបន់ទំនាបមួយចំនួន នៅក្រុងព្រះសីហនុ ខេត្តព្រះសីហនុ ។