ព័ត៌មានជាតិ

ផលិតផលខូចគុណភាព ៩១កេស ទឹកដោះគោ Dutch Mill ត្រូវបានកម្លាំងជំនាញចម្រុះ រឹបអូសនិងដុតបំផ្លាញចោល

March 17, 2025 spean Comment(0)

ខេត្តកំពង់ធំ ៖ កម្លាំងសមត្ថកិច្ចជំនាញបានអន្តរាគមន៍ និងរឹបអូសវត្ថុតាងជាសរុប ៩១កេស (ស្មើនឹង ៣,៨១៥ដប) នៃផលិតផលទឹកដោះគោ Dutch Mill ដែលខូចគុណភាព និងសម្រេចដុតបំផ្លាញចោលនៅទីលានចាក់សំរាម ចំណុចវាលវង្ស, ភូមិវល្លិ៍យាវ, ឃុំត្រពាំងឬស្សី, ស្រុកកំពុងស្វាយ, ខេត្តកំពង់ធំ។

ការដុតបំផ្លាញនេះ ធ្វើឡើងក្រោមការដឹកនាំផ្ទាល់របស់ លោកឧត្តមសេនីយ៍ត្រី វ៉ា ចាន់កុសល, ស្នងការរងនគរបាលខេត្តកំពង់ធំ ដែលបានដឹកនាំកម្លាំងនគរបាលប្រឆាំងបទល្មើសសេដ្ឋកិច្ចចំនួន ៨នាក់ និងសហការជាមួយ ការិយាល័យ ក.ប.ប។ ដំណើរការនេះបានអនុវត្តតាមដីការសម្រេចរឹបអូសវត្ថុតាងខូចគុណភាព លេខ ៨៨ អ.ក ចុះថ្ងៃទី ១២ មីនា ២០២៥ របស់ សាលាដំបូងខេត្តកំពង់ធំ។

លោកឧត្តមសេនីយ៍ត្រី វ៉ា ចាន់កុសល បានឱ្យដឹងថា ផលិតផលដែលខូចគុណភាពនៅលើទីផ្សារ អាចប៉ះពាល់ដល់សុខភាព និងអាយុជីវិតអ្នកប្រើប្រាស់។ ជាពិសេសទឹកដោះគោជាផលិតផលដែលកុមារចូលចិត្តប្រើប្រាស់ បើពុំបានត្រួតពិនិត្យត្រឹមត្រូវអាចនាំឲ្យមានការប៉ះពាល់ដល់សុខភាពយ៉ាងខ្លាំង។

ដើម្បីចូលរួមការពារសុខភាពសាធារណៈ និងទប់ស្កាត់ការលក់ផលិតផលខូចគុណភាព សមត្ថកិច្ចសូមជម្រាបដល់បងប្អូនប្រជាពលរដ្ឋ ត្រូវពិនិត្យកាលបរិច្ឆេទផុតកំណត់ មុនពេលទិញ និងប្រើប្រាស់។ បងប្អូនគួរចៀសវាងការបរិភោគផលិតផលដែលអាចប៉ះពាល់ដល់សុខភាព ហើយប្រសិនបើមានព័ត៌មានអំពីផលិតផលខូចគុណភាពសូមជូនដំណឹងសមត្ថកិច្ចឱ្យអន្តរាគមន៍។

លោក សាយ វាសនា, ព្រះរាជអាជ្ញារងអមសាលាដំបូងខេត្តកំពង់ធំ បានដឹកនាំការសម្របសម្រួលការចុះបង្រាប និងដុតបំផ្លាញផលិតផលខូចគុណភាពនេះ ដើម្បី រក្សាសុវត្ថិភាពចំណីអាហារ និងការពារសុខភាពប្រជាពលរដ្ឋនៅក្នុងមូលដ្ឋាន៕

spean

ព័ត៌មានជាតិ

សម្តេចតេជោ ហ៊ុន សែន ៖ ពាក្យស្លោក “អរគុណសន្តិភាព អរគុណនយោបាយ ឈ្នះ ឈ្នះ» បានក្លាយជា ស្មារតីនៃសង្គមជាតិ ដ៏ខ្លាំងក្លារស់រវើក ក្នុងដំណើរកសាងនិ ងការពារមាតុភូមិ

January 8, 2023 spean

រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្តីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានគូសបញ្ជាក់ថា ពាក្យស្លោក «អរគុណសន្តិភាព អរគុណនយោបាយ ឈ្នះ ឈ្នះ» បានក្លាយជាស្មារតីនៃសង្គមជាតិដ៏ខ្លាំងក្លារស់រវើកនៅក្នុងដំណើរកសាង និងការពារមាតុភូមិ ហើយបើយើងរក្សាសន្តិភាពមិនបានយើងពិតជាមិនអាចទទួលសមិទ្ធផលគ្រប់យ៉ាងនៅថ្ងៃនេះបានឡើយ ។ ក្នុងពិធីមីទ្ទីងរម្លឹកខួបលើកទី៤៤នៃទិវាជ័យជម្នះ ៧ មករា(០៧.០១.១៩៧៩-០៧.០១.២០២៣) នាព្រឹកថ្ងៃទី០៧ ខែមករា ឆ្នាំ២០២៣ នៅខាងមុខសាលមហោស្រពកោះពេជ្រ សម្តេចតេជោនាយករដ្ឋមន្រ្តី ហ៊ុន សែន បានថ្លែងថា៖ «ពាក្យស្លោក អរគុណសន្តិភាព អរគុណនយោបាយ ឈ្នះ ឈ្នះ បានលាន់រន្ទឺពាសពេញប្រទេស និងបានក្លាយជាស្មារតីនៃសង្គមជាតិដ៏ខ្លាំងក្លាយរស់រវើកនៅក្នុងដំណើរកសាងនិងការពារមាតុភូមិ ។ បើយើងរក្សាសន្តិភាពមិនបានយើងពិតជាមិនអាចទទួលសមិទ្ធផលគ្រប់យ៉ាងនៅថ្ងៃនេះបានឡើយ»។ សម្តេចតេជោបានបញ្ជាក់ថា មកដល់ពេលនេះយើងបានឈានចូលឆ្នាំ២០២៣ ហើយដែលជាឆ្នាំទី៥ នៃការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី ៤ របស់រាជរដ្ឋាភិបាលនីតិកាលទី៦នៃរដ្ឋសភា ។ នៅក្នុងឆ្នាំ ២០២២ ដែលទើបតែកន្លងផុតទៅនេះកម្ពុជាបានសម្រេចសមិទ្ធផលថ្មីៗទៀតលើមាគ៌ានៃការអភិវឌ្ឍរបស់ខ្លួន ទោះបីជំងឺកូវីដ-១៩ មិនទាន់ត្រូវបានលប់បំបាត់ទាំងស្រុងនិងត្រូវទទួលរងឥទ្ធិពលពីការវិវត្តដ៏ស្មុគស្មាញនៃសភាពការណ៍អន្តរជាតិក្ដី។ សម្ដេចតេជោអះអាងថា សន្តិភាព ស្ថិរភាពនយោបាយ និង សន្តិសុខដែលជាមូលដ្ឋានគ្រឹះសម្រាប់ការអភិវឌ្ឍ […]

ព័ត៌មានជាតិ

ឯកឧត្តម បណ្ឌិតសភាចារ្យ រដ្ឋមន្ត្រី ហង់ជួន ណារ៉ុន អញ្ជើញបើក ហឹបវិញ្ញាសារ នៅមណ្ឌលប្រឡង

November 6, 2023 spean

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញផ្តល់កិត្តិយសបើកហឹបវិញ្ញាសានៅតាមបន្ទប់ប្រឡងសម្រាប់ព្រឹកថ្ងៃទី១ នៃដំណើរការសំណេរការប្រឡងសញ្ញាបត្រមធ្យមសិក្សាទុតិយភូមិ នៅតាមមណ្ឌលប្រឡងវិទ្យាល័យព្រះស៊ីសុវត្ថិ ក្រោមការត្រួតពិនិត្យដោយអង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា និងអ្នកពាក់ព័ន្ធចូលរួម ដើម្បីពិនិត្យភាពបិទជិត មានបិទស្កុត និងត្រាស្រោមប្រធានវិញ្ញាសា នៅចំពោះមុខបេក្ខជន។ តាមប្រភពព័ត៌មានពីក្រសួងអប់រំ យុវជន និងកិឡា បានឲ្យដឹងថា វិញ្ញាសាទាំងអស់ត្រូវបានជ្រើសរើស តាក់តែង រៀបចំ និងគ្រប់គ្រងដោយក្រសួងអប់រំ យុវជន និងកីឡា។ ប្រភពដដែល បានបន្តថា វិញ្ញាសាប្រឡងត្រូវបានកំណត់សម្រាប់ថ្នាក់វិទ្យាសាស្ត្រ និងសម្រាប់ថ្នាក់វិទ្យាសាស្ត្រសង្គម។ ទម្រង់វិញ្ញាសា ត្រូវបានរៀបចំជាពីរ គឺទម្រង់វិញ្ញាសាចម្លងដាក់លើក្តារខៀន និងទម្រង់វិញ្ញាសាដា សន្លឹកក្រដាសចែកជូនបេក្ខជន៕ប្រភពអាកាប៉េ

ព័ត៌មានជាតិ

ក្រុមការងារ ខេត្តកំពង់ធំ ចុះត្រួតពិនិត្យស្ថានភាព ដីនៅតំបន់៣ និងមានវិធានការ ទប់ស្កាត់បង្ក្រាប ការកាប់ព្រៃលិចទឹក ទន្រ្ទានដី បឹងទន្លេសាប

December 1, 2021 spean

ខេត្តកំពង់ធំ ៖ នៅព្រឹកថ្ងៃទី២៩ ខែវិច្ឆិកា ឆ្នាំ២០២១ ដោយអនុវត្តតាមបទបញ្ជាយ៉ាងម៉ឺងម៉ាត់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឯកឧត្តម ងួន រតនៈ អភិបាលខេត្តកំពង់ធំ បានដឹកនាំអភិបាលរងខេត្ត ថ្នាក់ដឹកនាំមន្ទីរអង្គភាពជំនាញ កងកម្លាំងប្រដាប់អាវុធទាំង៣ និងអាជ្ញាធរពាក់ព័ន្ធ អញ្ជើញចូលរួមចុះត្រួតពិនិត្យស្ថានភាពដីនៅតំបន់៣ ស្តីពីវិធានការទប់ស្កាត់ និងបង្ក្រាបជាបន្ទាន់នូវការកាប់ព្រៃលិចទឹក និងការទន្រ្ទានដីបឹងទន្លេសាប ស្ថិតនៅឃុំកំពង់គោ ស្រុកកំពង់ស្វាយ ខេត្តកំពង់ធំ ។ គួរបញ្ជាក់ថាឯកឧត្តម ងួន រតនៈ អភិបាលខេត្តកំពង់ធំ ចុះត្រួតពិនិត្យជាបន្ទាន់ដើម្បីជួយដោះស្រាយដល់បងប្អូនប្រជាពលរដ្ឋ ក្នុងនោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជា បានដាក់ចេញនូវបទបញ្ជាយ៉ាងម៉ឺងម៉ាត់មួយ ឲ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើការទប់ស្កាត់ និងបង្រ្កាបជាបន្ទាន់ចំពោះការលួចកាប់ព្រៃលិចទឹក និងវាទទីយកដីនៅតំបន់បឹងទន្លេសាប។ ឯកឧត្តមក៏បានសំណូមពរដល់អាជ្ញាធរមូលដ្ឋានត្រូវតែជួយការពារទប់ស្កាត់ការទន្ទ្រានទៅលើដីនៅតំបន់៣នេះ សូមខិតខំជួយការពារឲ្យបានគង់វង្ស។ក្នុងនោះផងដែរប្រសិនបើជនខិលខូចនៅតែបន្តការឈូសឆាយមិនស្ដាប់តាមការណែនាំទេក្រុមការងារនឹងចុះទៅដល់គោលដៅដើម្បីអនុវត្តច្បាប់ឲ្យបានម៉ឺងម៉ាត់បំផុត៕