ខេត្តឧត្តរមានជ័យ ៖ មន្ត្រីសាលាដំបូងខេត្តឧត្តរមានជ័យ បានចុះអនុវត្តដីកាសម្រេចរក្សាការពារលេខ ៣៩.រ ក លើសំណុំរឿងក្រមនិតិវិធីរដ្ឋប្បវេណីលេខ៤០៩/២២ ចុះថ្ងៃ១៦ ខែកញ្ញា ឆ្នាំ២០២២ របស់ចៅក្រម និងក្រឡាបញ្ជី នៃសាលាដំបូងខេត្តឧត្តរមានជ័យបានដកហូតអចលនវត្ថុត្រាក់ទ័រមួយគ្រឿង ពីកសិករម្នាក់ ស្ថិតនៅភូមិអាតោ ក៏ភ្លេរ ឃុំចុងកាល់ ស្រុកចុងកាល់ យកមករក្សាទុកនៅសាលាដំបូងខេត្ត នៅថ្ងៃទី២២ ខែធ្នូ ឆ្នាំ២០២២ សង្ស័យភ័ន្តច្រឡំ ដោយម្ចាស់ផ្ទះមិននៅ នេះបើតាមការអះអាងពីម្ចាស់ត្រាក់ទ័រ។
លោក ម៉ុក សាវ៉េន វ័យ៣១ឆ្នាំ ជាកសិកររស់នៅភូមិឃុំស្រុកខាងលើ បានអះអាងថា នៅថ្ងៃតុលាការសាលាដំបូងខេត្តដឹកនាំដោយ លោកប៉េង ម៉េងគ័ង ព្រះរាជអាជ្ញារងរូមមន្ត្រីពាក់ព័ន្ធចុះអនុវត្តដីកាសម្រេរក្សាការពារអចនវត្ថុដកហូតត្រាក់ទ័រមួយគ្រឿងដែលជាកម្មសិទ្ធរបស់លោកស្របច្បាប់យកមករក្សាទុកនៅសាលាដំបូងខេត្តនោះ រូបលោកមិនបានដឹងមូលហេតុពាក់ព័ន្ធសំណុំរឿងអ្វីនោះទេ ខណ:រូបលោកក៏មិនបាននៅផ្ទះ ស្រាប់តែធ្វើការដកហូតដូច្នេះ។លោកអះអាងបន្តថា ត្រាក់ទ័រម៉ាកហ្វត(FORD)៦៦១០ពណ៌ខៀវ លេខតួBD៣៦៦៩០លេខម៉ាស៊ីនE៣៨១២២២ បានទិញក្នុងតម្លៃ១៧០០០ដុល្លាអាមេរិកមានលិខិតលក់ទិញត្រឹមត្រូវ។
ពាក់ព័ន្ធករណីដែលសង្ស័យមន្ត្រីតុលាការសាលាដំបូងខេត្តឧត្តរមានជ័យ ដឹកនាំមន្ត្រីចុះអនុវត្តដីកាសម្រេចរក្សាការពារ ដែលមានការសង្ស័យភ័ន្តច្រឡំខាងលើ លោក ប៉េង ម៉េងគ័ង ព្រះរាជអាជ្ញារងសាលាដំបូងខេត្តឧត្តរមានជ័យ បានឧ្យដឹងថា ការចុះអនុវត្តគឺតាមដីកាសម្រេចរក្សាការពាររបស់សាលាដំបូងខេត្ត បើភាគីម្ចាស់ត្រាក់ទ័រកើតទុក្ខមិនសុខចិត្តនិងមិនមានពាក់ព័ន្ធទេនោះ សូមដាក់បណ្តឹងតវ៉ាជំទាស់មកសាលាដំបូងខេត្តមក៕