ខេត្តបាត់ដំបង ៖ សេចក្តីរាយការណ៏ពីសម្ថកិច្ចមូលដ្ធានបានឲ្យដឹងថា ជនសង្ស័យចំនួន៦នាក់បានធ្វើសកម្មភាពឆក់ទ្រព្យសម្បត្តិតាមដងផ្លូវសាធារ ខណៈ ចេញដំណើរ ពីរាជធានីភ្នំពេញ ត្រូវសមត្ថកិច្ចនគរបាលនៃអធិការដ្ឋាននគរបាលស្រុកមោងឫស្សី ធ្វើការបង្រ្កាបនិងឃាត់ខ្លួនបានចំនួន០៦នាក់ ដែលក្រុមនេះជិះម៉ូតូចំនួន០៣គ្រឿង ធ្វើសកម្មភាពឆក់ទ្រព្យសម្បត្តិប្រជាពលរដ្ឋនៅតាមដងផ្លូវនៅចំណុចឃុំឫស្សីក្រាំង ស្រុកមោងឫស្សី ខេត្តបាត់ដំបង ។ ប្រភពពីសម្ថកិច្ចមូលដ្ធានបានឲ្យដឹងនៅព្រឹកថ្ងៃទី១៩ ខែវិច្ឆកា ឆ្នាំ២០២០ថា ករណីខាងលើនេះ បានកើតឡើងនាវេលាម៉ោង១៥និង១០នាទី រសៀលថ្ងៃទី១៨ ខែវិច្ឆិកា ឆ្នាំ២០២០ នៅខាងលិចស្ពានដើមក្រសាំង ក្នុងក្រុមទី០១ ភូមិថ្នល់បត់ ឃុំឫស្សីក្រាំង ស្រុកមោងឫស្សី ខេត្តបាត់ដំបង ដោយជនសង័្សយប្រើប្រាស់ម៉ូតូចំនួន ០៣គ្រឿង មនុស្សចំនួន ០៦នាក់ ធ្វើសកម្មភាព ឆក់យកប្រាក់របស់ប្រជាពលរដ្ឋឈ្មោះ ភេន ផល ភេទប្រុស អាយុ ៤២ឆ្នាំ រស់នៅឃុំឫស្សីក្រាំង ស្រុកមោងឫស្សី ខេត្តបាត់ដំបង នៅពេលដែលជនរងគ្រោះកំពុងធ្វើដំណើរនៅលើផ្លូវជាតិ ក្នុងនោះពួកគេយកបានប្រាក់រៀលចំនួន១.១៩ ៥. ០០០រៀល(មួយលាននិងដប់ប្រាំម៉ឺនរៀល)រួចជិះគេចខ្លួនបាត់ ។ ប្រភពពីសម្ថកិច្ចដដែលបានបន្តឲ្យដឹងទៀតថាក្រោយពេលទទួលបានព័ត៌មាននេះភ្លាមលោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានរាយការណ៍ជូនលោកឧត្តមសេនីយ៍ត្រី សាត គឹមសាន […]
ព័ត៌មានសន្តិសុខសង្គម
ទីបំផុត តុលាការខេត្តសៀមរាប សម្រេចឃុំខ្លួន ជនសង្សយ័ជា នាយកទីចាត់ការ អន្តរវិស័យ សាលាខេត្តកំពង់ធំ ជាបណ្តោះអាសន្ន ក្រោមបទចោទ ប៉ុនប៉ងឃាតកម្ម លើព្រះរាជអាជ្ញារងម្នាក់ នៃខេត្តកំពង់ធំ
ខេត្តសៀមរាប ៖ ចៅក្រមស៊ើបសួរ នៃសាលាដំបូងខេត្តសៀមរាប លោក នូ វាសនា បានសម្រេចចេញដីកាបង្គាប់ឲ្យនាំខ្លួន នាយកទីចាត់ការអន្តរវិស័យសាលាខេត្តកំពង់ធំ លោក ម៉ៅ ប៊ុនធូ ទៅកាន់ពន្ធនាគារខេត្តសៀមរាប ដើម្បីឃុំខ្លួនជាបណ្តោះអាសន្ន នៅថ្ងៃទី១៨ វិច្ឆិកា ឆ្នាំ២០២០ ក្រោមការចោទពីបទ «ប៉ុនប៉ងឃាតកម្ម» លើព្រះរាជអាជ្ញារងខេត្តកំពង់ធំ លោក សាយ វាសនា ក្រោយការយកកាំបិតចុងស្រួចចាក់បំពង់ក ប៉ងផ្តាច់ជីវិតជនរងគ្រោះ ក្នុងការកើតក្តីគុំគួនគ្នា រវាងបុគ្គល និងបុគ្គល កាលពីពេលកន្លងទៅនេះ។ ប្រភពព័ត៌មានបានឲ្យដឹងថា ជនសង្ស័យឈ្មោះ ម៉ៅ ប៊ុនធូ អតីតនាយកទីចាត់ការអន្តរវិស័យសាលាខេត្តកំពង់ធំ បានរងការចោទពីបទ «ប៉ុនប៉ងឃាតកម្ម» មកលើព្រះរាជអាជ្ញារងខេត្តកំពង់ធំ លោក សាយ វាសនា តាមមាត្រា២៧ និងមាត្រា១៩៩ នៃក្រមព្រហ្មទណ្ឌ ប្រព្រឹត្តនៅចំណុចក្នុងភោជនីយដ្ឋានជ្រោះពេជ្រចិន្តា ស្ថិតនៅភូមិបល្ល័ង្កលិច សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ នាវេលាម៉ោង ៩ និង១៣នាទីយប់ ថ្ងៃទី១៦ ខែវិច្ឆិកា ឆ្នាំ២០២០។ […]
សមត្ថកិច្ចចម្រុះ ស្ទាក់ចាប់ រថយន្តយីឌុបភ្លៅ៥មួយគ្រឿង ដឹកឈើចម្រុះ លាក់បង្កប់ក្នុង ឈើផ្ទះចាស់ ដោយគ្មានលិខិតអនុញ្ញាត លើផ្លូវជាតិលេខ៥
ខេត្តកំពង់ឆ្នាំង ៖ នៅព្រឹកថ្ងៃទី 19 ខែវិច្ឆិកា ឆ្នាំ 2020 នេះ ដោយមានការសម្របសម្រួលពីលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង សមត្ថកិច្ចចម្រុះរួមមាន ៖ កងរាជអាវុធហត្ថលើផ្ទៃប្រទេស ,កងរាជអាវុធហត្ថស្រុក និងមន្ត្រីផ្នែករដ្ឋបាលព្រៃឈើ កំពង់ត្រឡាច បានស្ទាក់ចាប់បានរថយន្តយីឌុប ភ្លៅ៥មួយគ្រឿង កាលពីវេលាម៉ោង៩និង៣០នាទីយប់ ថ្ងៃទី១៨ ខែវិច្ឆិកា ឆ្នាំ២០២០ នៅតាមបណ្តោយផ្លូវជាតិលេខ៥ ត្រង់ចំណុចភូមិតាអក ឃុំពានី ស្រុកកំពង់ត្រឡាច ខេត្តកំពង់ឆ្នាំង ខណៈដែលរថយន្តធន់ធ្ងន់ខាងលើ ដឹកឈើអារចម្រុះ បង្កប់លាក់ក្នុងគំនរឈើផ្ទះចាស់ ធ្វើចរាចរលើផ្លូវជាតិ ដោយគ្មានច្បាប់អនុញាត្តិ ។ ក្នុងពេលនោះដែរ ក្រុមអ្នកដឹកឈើ ទាំង នោះ នាំគ្នាគេចខ្លួនអស់ មិនឃើញមាននរណាម្នាក់មកទទួលខុសត្រូវឡើយ ។ លោក ឯម វិចិត្រ នាយផ្នែករដ្ឋបាលព្រៃ ឈើ កំពង់ត្រឡាច បានបញ្ជាក់ឲ្យដឹងថា៖ តាមការពិត ឈើមួយ រថយន្ត ហ៊ីណូ ពណ៌ខៀវពាក់ស្លាកលេខ […]
គ្រោះថ្នាក់ចរាចរណ៍ រវាងរថយន្ត ដឹកអ្នកដំណើរ ក្រុមហ៊ុនកាពីតូល និងរថយន្តស្ទូច ធ្វើអោយមនុស្ស៤នាក់ បានគាបជាប់ ក្នុងរថយន្ត រងរបួសធ្ងន់ស្រាល
រាជធានីភ្នំពេញ ៖ រថយន្តដឹកអ្នកដំណើររបស់ក្រុមហ៊ុនកាពីតូលបានបើកបុកពីក្រោយរថយន្តស្ទូចបណ្តាលឲ្យមនុស្ស៤នាក់គាបក្នុងរថយន្តរងរបួសធ្ងន់ស្រាលត្រូវបាន បញ្ជូនទៅសង្គ្រោះភ្លាមៗ ។ ហេតុការណ៍នេះ បានកើតឡើងនៅម៉ោង ១១ និង ៣០នាទី យប់ថ្ងៃទី ១៨ ខែវិច្ឆិកា ឆ្នាំ២០២០ ស្ថិតនៅតាមបណ្ដោយ ផ្លូវជាតិលេខ ៦ ក្នុងសង្កាត់ ព្រែកលៀប ខណ្ឌជ្រោយចង្វា រាជធានីភ្នំពេញ ។ ប្រភពព័ត៌មានពីប្រជាពលរដ្ឋនៅកន្លែងកើតហេតុ បានឲ្យដឹងថា ដំបូងឡើយគេឃើញរថយន្តដឹកអ្នកដំណើរ វី អាយ ភី របស់ក្រុមហ៊ុនកាពីតូល មួយគ្រឿង ពាក់ស្លាកលេខ ភ្នំពេញ 2AC-0590 ធ្វើដំណើរតាមផ្លូវជាតិលេខ៦ ក្នុងទិសពីកើតមកលិច ខណះមកដល់ ចំណុចកើតហេតុក៏មានរថយន្តស្ទូចមួយគ្រឿង អត់មានស្លាកលេខ ធ្វើដំណើរតាមផ្លូវជាតិលេខ៦ ក្នុងទិសដៅស្របគ្នា បម្រុងនឹងបត់ចូលបុរី ក៏ជ្រុល ទៅបុកពីក្រោយពេញទំហឹង បណ្តាលឲ្យផ្ទប់គាបជាប់មនុស្ស ប្រុស ស្រី ៤ នាក់ រងរបួសធ្ងន់ស្រាល នៅក្នុងរថយន្ត ត្រូវប្រជាពលរដ្ឋ និងសមត្ថកិច្ច ជួយ គាស់យកចេញទៅសង្គ្រោះបន្ទាន់ភ្លាមៗ ។ […]
ទីតាំងបើកល្បែង ស៊ីសងជល់មាន់ ត្រូវបានបង្រ្កាប ឃាត់ខ្លួន មនុស្ស៩នាក់ និងវត្ថុតាងមួយចំនួន នៅស្រុកព្រៃឈរ
ខេត្តកំពង់ចាម ៖ នៅថ្ងៃទី១៨ ខែវិច្ឆិកា ឆ្នាំ២០២០នេះ សមត្ថកិច្ចបានបើកប្រតិបត្តិការបង្ក្រាបទីតាំងបើកល្បែងស៉ីសងជល់មាន់ខុសច្បាប់មួយកន្លែង នៅស្រុកព្រៃឈរ ឃាត់ខ្លួនមនុស្ស៩នាក់ និងវត្ថុតាងមួយចំនួន។ ប្រតិបត្តិការនេះធ្វើឡើងដោយកម្លាំងការិយាល័យព្រហ្មទណ្ឌកម្រិតស្រាល ដឹកនាំដោយលោកវរសេនីយ៍ឯក ថាញ់ សុខវុន នាយការិយាល័យ សហការជាមួយកម្លាំងជំនាញរបស់អធិការដ្ឋាននគរបាលស្រុកព្រៃឈរ និងអាជ្ញាធរមូលដ្ឋាន ក្រោមការដឹកនាំសម្របសម្រួលបញ្ជាផ្ទាល់ពីលោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម។ ប្រតិបត្តិការនេះ កម្លាំងជំនាញឃាត់ខ្លួនបានមនុស្ស៩នាក់ និងដកហូតវត្ថុតាងបាន ទូរស័ព្ទដៃ ចំនួន០៤គ្រឿង, ម៉ូតូ ចំនួន០៦គ្រឿង, ស្កុតរំជើងមាន់ប្រើរួច០៣គូរ, ប្រាក់រៀល ចំនួន១០០,០០០រៀល និងប្រាក់ដុល្លារចំនួន ១០០ដុល្លារ។ ជនសង្ស័យ រួមនឹងវត្ថុតាងខាងលើ ត្រូវបានបញ្ជូនទៅកាន់ស្នងការដ្ឋាននគរបាលខេត្តកំពង់ចាម ដើម្បីសាកសួរ និងកសាងសំណុំរឿងតាមនីតិវិធី តាមបញ្ជារបស់លោកព្រះរាជអាជ្ញារង សុធា ពិសិដ្ឋ៕
ពលរដ្ឋ ជាង១០០គ្រួសារ ទាមទាររកយុត្តិធម៌ ក្រោយតុលាការអនុវត្ត សាលក្រមរុះរើ លំនៅដ្ឋាន
ខេត្តបន្ទាយមានជ័យ ៖ ប្រជាពលរដ្ឋជាង១០០គ្រួសារនៅភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បាននាំគ្នាលើកបដាស្រែកតវ៉ាទាមទាររកយុត្តិធម៌ ដោយពួកគាត់អះអាងថា រស់នៅរាប់ឆ្នាំ ហើយបែរជាមានគេប្រុងអនុវត្តរុះរើលំនៅដ្ឋានរបស់ពួកគាត់ទៅវិញ ។ ការជួបជុំគ្នាលើកបដាតវ៉ាខាងលើនេះ គឺធ្វើឡើងបន្ទាប់ពីពួកគាត់ទទួលព័ត៌មានថា ៖ នាព្រឹកថ្ងៃទី១៣ វិច្ឆិកា ឆ្នាំ២០២០ នេះ គេនឹងចុះអនុវត្ត សាលក្រមរុះរើលំនៅដ្ឋានរបស់ពួកគាត់ ។ទោះបីជាបែបណាមកទល់នឹងវេលាម៉ោងជាង ៩ព្រឹក ថ្ងៃដដែល គេមិនទាន់ឃើញមានមន្ត្រី ឬសមត្ថកិច្ច ឬ ខាងតុលាការចុះមកដល់ចំណុចកើតហេតុនៅឡើយទេ ៕
នគបាល ឃាត់ខ្លួនបុរសម្នាក់ ពីបទឆបោក មានស្ថានទម្ងន់ទោស និងនាំចេញ មនុស្សឆ្លងដែន មិនស្របច្បាប់ ប្រព្រឹត្តនៅ រាជធានីភ្នំពេញ
ខេត្តកំពង់ឆ្នាំង ៖ សមត្ថកិច្ចក្រសួងមហាផ្ទៃសហការនិងសមត្ថកិច្ចខេត្តកំពង់ឆ្នាំង ផែនប្រឆាំងការជួញដូរមនុស្សនិងការពារអនីតិជន បានឃាត់ខ្លួនបុរសម្នាក់ ។ នៅថ្ងៃទី១១ ខែវិច្ឆិកា ឆ្នាំ២០២០ វេលាម៉ោង១២និង៣០នាទី លោកស្រីឧត្តមសេនីយ៍ត្រី មាស សុម៉ាលី ស្នងការរង ផែនប្រឆាំងការជួញដូរមនុស្សនិងការពារអនីតិជន នៃស្នងការដ្ឋាននគរបាលខេត្តកំពង់ឆ្នាំង បានចុះអនុវត្តដីកាបង្គាប់ឲ្យចាប់ខ្លួនលេខ ៧៩២ របស់ លោក លី សុខលេង ចៅក្រមស៊ើបសួរ សាលាដំបូងរាជធានីភ្នំពេញ បង្គាប់អោយចាប់ខ្លួនឈ្មោះ រឿន រដ្ឋា ភេទប្រុស អាយុ ៣១ ឆ្នាំ សញ្ជាតិខ្មែរ រស់នៅភូមិថ្មី ឃុំពោធិ៍ ស្រុកកំពង់លែង ខេត្តកំពង់ឆ្នាំង ពីបទឆបោកមានស្ថានទម្ងន់ទោស និងនាំចេញមនុស្សឆ្លងដែនមិនស្របច្បាប់ ប្រព្រឹត្តនៅរាជធានីភ្នំពេញ ។ លទ្ធផល ឃាត់ខ្លួនជនសង្ស័យខាងលើបាន បញ្ជូនទៅកាន់នាយកដ្ឋាននគរបាលប្រឆាំងការជួញដូរមនុស្ស និងការពារអនីតិជន ៕
អាជ្ញាធរក្រុងក្រចេះ ដឹកនាំមន្រ្តីជំនាញ និងសមត្ថកិច្ច ចុះឃាត់រថយន្ដដឹកខ្សាច់ ដែលបិតបាំងមិនជិតបណ្ដាលឲ្យជ្រុះហុយ ប៉ះពាល់បរិស្ថាន
ខេត្តក្រចេះ ៖ អាជ្ញាធរក្រុងក្រចេះ នៅព្រឹកថ្ងៃទី១៣ ខែវិច្ឆកា ឆ្នាំ២០២០ បានដឹកនាំមន្រ្តីមន្ទីរជំនាញ និងសម្បត្ដិកិច្ច ចុះឃាតរថយន្ដដឹកខ្សាច់ដែលខុសលក្ខណះបច្ចេកទេស ដែលបិតបាំងមិនបានល្អ បណ្ដាលឲ្យជ្រុះហើយប៉ះពាល់ដល់បរិស្ថាន និងប៉ះពាល់ដល់អ្នកធ្វើដំណើររួមផ្លូវជាមួយ ដើម្បីធ្វើកិច្ចសន្យាបញ្ឍប់ការដឹកខុសលក្ខណះបច្ចេកទេស។ បើតាមការបញ្ជាក់ពីមន្រ្តីជំនាញបានឲ្យដឹងថា ការឃាត់រថយន្ដទាំងនេះគឺហៅពួកគាត់ឲ្យធ្វើកិច្ចសន្យា ឲ្យបញ្ឍប់ការដឹងដឹកជញ្ជូនផ្ទុកលើសទម្ងន់ ការដឹកជញ្ជូន បិតបាំងមិនបានល្អបណ្ដាលឲ្យជ្រុះហុយប៉ះពាល់បរិស្ដាន និងបណ្ដាលឲ្យប៉ះពាល់ដល់សុខភាពអ្នកដំណើរលើដងផ្លូវជាមួយ។ មន្រ្តីជំនាញបញ្ជាក់ទៀតថា ក្រោយពីធ្វើកិច្ចសន្យាបញ្ឍប់ហើយបើសិនជាពួកគាត់នៅតែបន្តដឹកជញ្ជូន មិនបានវេចខ្ចប់ឲ្យបានត្រឹមត្រូវតាមលក្ខណះបច្ចេកទេសនោះទេមន្ទីរជំនាញ និងអនុវត្តតាមផ្លូវច្បាប់ ។ សូមបញ្ជាក់ថា នាពេលកន្លងមក គេពិនិត្យឃើញមានរថយន្ដ ដឹកខ្សាច់ ធំៗជាច្រើនគ្រឿងខុសលក្ខណះបច្ចេកទេសមិនបានវេចខ្ចប់ត្រឹមត្រូវ បានធ្វើសកម្មភាពដឹកខ្សាច់ជ្រុះពាសពេញផ្លូវ ជាពិសេសរថយន្ដខ្នាត់យក្យ ដឹកខ្សាច់ ចេញពីចំនុចភូមិក្រគរ និង ភូមិរឬស្សីចារ បានដឹកខ្សាច់ឆ្លងកាត់ឃុំគោលាប់ ស្រុកចិត្របុរី បន្តទៅស្រុកស្នួល ដោយដឹកផ្ទុកទម្ងន់ជាច្រើនតោន បណ្ដាលឲ្យផ្លូវលំ១ខ្សែ ស្ថិតនៅសង្កាត់ក្រគរ និងឃុំគោលាប់ទទួលរងការខួចខាតយ៉ាងតំណុំ ពាក់ពន្ឋ័និងការដឹកខ្សាច់ពីសំណាក់រថយន្តធំៗទាំងនេះ ប្រជាពលរដ្ឋក្នុងខេត្តក្រចេះក៍បានស្នើរអោយអជ្ញាធត្រូវចាត់វិធានវិធានការអោយបានតឹងរឹងទៅលើរថយន្តទាំងនេះផងជាសវាងបង្ករអោយមានករណីរណីគ្រោះថ្នាក់ចរាចរណ៍និងបង្ករការខួចខាតខាត់ផ្លូវស្ពានដែលជាសម្បត្តិសាធារណះផងដែរ ៕
ឈើស្រឡៅ ជាច្រើនកំណាត់ ត្រូវប៉ូលិសសេដ្ឋកិច្ច ចុះបង្ក្រាប និងរឹបអូស
ខេត្តរតនគិរី ៖ កម្លាំងការិយាល័យនគរបាលប្រឆាំងបទល្មើសសេដ្ឋកិច្ចខេត្ត បានចុះបង្ក្រាបនិងរឹបអូសឈើប្រភេទស្រឡៅបានជាច្រើនកំណាត់ ក្រោយពីក្រុមឈ្មួញបានដឹកជញ្ជូនយកមកលាក់ទុករង់ចាំពេលវេលាល្អនិងដឹកបន្តទៅប្រទេសវៀតណាម លួចចូលតាមច្រករបៀងមួយចំនួនជាប់ព្រំដែន។ ប្រតិបត្តិការចុះបង្រ្កាបបទល្មើសធនធានធម្មជាតិមួយកន្លែង នៅវេលាម៉ោង៩និង៥នាទីព្រឹក កាលពីថ្ងៃទី១២ ខែវិច្ឆិកា ឆ្នាំ២០២០ ត្រង់ចំណុចក្នុងចម្ការស្វាយចន្ទីរ ស្ថិតនៅក្នុងភូមិឡុំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។ សមត្ថកិច្ចនគរបាលដែលចុះបង្ក្រាបបានឲ្យដឹងថា ការចុះបង្ក្រាបឈើនេះមានកម្លាំងនគរបាលសេដ្ឋកិច្ចខេត្ត សហការជាមួយកម្លាំងអធិការនគរបាលស្រុកអូរយ៉ាដាវ កម្លាំងបញ្ជាការផ្នែកសឹករងស្រុកអូរយ៉ាដាវ ក្នុងនោះដោយមានការសម្របសម្រួលពីលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្តរតនគិរី បានធ្វើការចុះបង្រ្កាបបទល្មើសធនធានធម្មជាតិនិងបានរឹបអូសឈើប្រភេទស្រឡៅបានជាច្រើនកំណាត់ផងដែរ។ បច្ចុប្បន្នវត្ថុតាងត្រូវបានដឹកជញ្ជូនយកមករក្សាទុកនៅផ្នែករដ្ឋបាលព្រៃឈើស្រុកអូរយ៉ាដាវ ដើម្បីធ្វើកាវាស់វែងនិងចាត់បន្តតាមនីតិវិធីច្បាប់៕
អុសកំពុងតែត្រូវប៉ាន់ ពួកឈ្មួញនាំគ្នា សំរុកកាប់ឈើ ព្រៃភ្នំ កាត់កង់ៗ ខ្លី ដឹកធ្វើជាអុស
ខេត្តកំពង់ធំ ៖ នៅថ្ងៃទី១២ ខែវិច្ឆិកា ឆ្មាំ២០២០ មានសេចក្ដីរាយការណ៍ពីប្រជាពលរដ្ធមកថា នៅចំណុចភូមិរវៀង ឃុំងន ស្រុកសណ្ដាន់ ខេត្តកំពង់ធំ មានសកម្មភាពកាប់បំផ្លាញព្រៃឈើយ៉ាងវិនាសកម្ម ដោយមានការឃុបឃិតគ្នាជាប្រព័ន្ធ សកម្មភាពនេះធ្វើទៅបានដោយរលូនគ្មានការបង្ក្រាប ពីសំណាក់សមត្ថកិច្ចជំនាញនឹងអាផ្ញាធរដែនដីនោះ ។ ប្រជាពលរដ្ឋបានបន្តទៀតថា សកម្មភាពកាប់បំផ្លាញព្រៃឈើខាងលើនេះ គឺមានយូរណាស់មកហើយ ក៏ប៉ុន្តែគ្មានឃើញសមត្ថកិច្ចពាក់ព័ន្ធនិង ស្ថាប័នណាចុះមកបង្ក្រាបនោះទេ រីឯអាជ្ញាធរវិញនៅពេលដែលអ្នកសារព័ត៌មានតេទូរស័ព្ទទៅរាយការណ៍ជូនអំពីករណីកាប់បំផ្លាញព្រៃឈើយកមកធ្វើអុសដាក់ជាគំនរៗនៅតាមដងផ្លូវនៅចំណុចភូមិឃុំខាងលើ តែគួរអោយសោកស្ដាយអាផ្ញាធរបានឆ្លើយថាអុសនោះជាដើមស្វាយចន្ទីទេ។ ជាក់ស្ដែងសុទ្ធតែដើមឈើព្រៃចម្រុះមានតាំងពីដើមកកោះនិងដើមឈើគ្រប់មុខទៀតដែលឈ្មួញកំពុងតែដឹកជញ្ជូនចេញពីព្រៃយកមកស្តុកទុក ឡើងឡាន នៅក្នុងភូមិរវៀង ឃុំងន ស្រុកសណ្ដាន់ ខេត្តកំពង់ធំ នេះជាសកម្មភាពដែលប្រជាពលរដ្ឋ កំពុងតែមានការសោកស្ដាយយ៉ាងខ្លាំង ចំពោះព្រៃឈើចម្រុះកំពុងតែលើកដាក់លើឡានខ្នាតយក្សៗ (វេអង) គឺបំផ្លាញទាំងព្រៃឈើ បំផ្លាញទាំងផ្លូវថ្នល់ផងដែរ ព្រោះផ្ទុកមិនក្រោមពី៧០ទៅ៨០តោនទេ។ ជុំវិញនឹងបញ្ហាខាងលើនេះ បងប្អូនប្រជាពលរដ្ឋ សូមសំណូមពរទៅឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ សូមឯកឧត្តមមេត្តាចាត់វិធានការ មកលើមន្ត្រីដែលមានការពាក់ព័ន្ធជាមួយនឹងបទល្មើសព្រៃឈើនៅក្នុងស្រុកសណ្ដាន់ផងទាន ៕