ក្រុម Hezbollah ដែលមានមូលដ្ឋាននៅលីបង់ បានអះអាងថា ខ្លួនបានចាប់ផ្តើម ការវាយប្រហារដ៏ធំលើ អ៊ីស្រាអែល

August 26, 2024 spean Comment(0)

អន្តរជាតិ ៖ ក្រុម Hezbollah ដែលមានមូលដ្ឋាននៅលីបង់ បានអះអាងថា ខ្លួនបានចាប់ផ្តើមការវាយប្រហារដ៏ធំលើអ៊ីស្រាអែល។ ក្រុម Hezbollah បានប្រកាសពីការវាយប្រហារនេះនៅក្នុងសេចក្តីថ្លែងការណ៍មួយដែលបានចេញផ្សាយកាលពីថ្ងៃអាទិត្យ។

ក្រុមហេសបូឡា បាននិយាយថា ខ្លួនបានបាញ់រ៉ុក្កែតជាង ៣២០ គ្រាប់ប្រឆាំងនឹងមូលដ្ឋានអ៊ីស្រាអែល និងគោលដៅយោធាផ្សេងៗជាច្រើនទៀត។ ក្រុមនេះបានពន្យល់ថា ការវាយប្រហារនេះគឺដើម្បីឆ្លើយតបទៅនឹងការសម្លាប់មេបញ្ជាការជាន់ខ្ពស់របស់ខ្លួនដោយការវាយប្រហារតាមអាកាសរបស់អ៊ីស្រាអែលនៅទីក្រុង Beirut កាលពីខែកក្កដា។

រដ្ឋមន្ត្រីការពារជាតិអ៊ីស្រាអែល លោក Yoav Gallant បានប្រកាសពី ស្ថានភាពពិសេសដោយអំពាវនាវឱ្យអ្នកស្រុកអនុវត្តតាមការណែនាំពីអាជ្ញាធរ។ អាកាសយានដ្ឋានអន្តរជាតិនៅជិតទីក្រុងពាណិជ្ជកម្មដ៏ធំបំផុតរបស់អ៊ីស្រាអែល Tel Aviv ត្រូវបានបិទជាបណ្តោះអាសន្នផងដែរ។

យោធាអ៊ីស្រាអែលបានប្រកាសមុននេះថា ខ្លួនបានធ្វើការវាយប្រហារតាមអាកាសប្រឆាំងនឹងគោលដៅរបស់ក្រុមហេសបូឡា ដោយលើកឡើងពីសញ្ញាខ្លះៗ នៃការត្រៀមរៀបចំសម្រាប់ការវាយប្រហារទ្រង់ទ្រាយធំ។ អ្នកនាំពាក្យរបស់ខ្លួន លោក Daniel Hagari បាននិយាយថា យោធាបានកំណត់អត្តសញ្ញាណក្រុមហេសបូឡា រៀបចំបាញ់មីស៊ីល និងគ្រាប់រ៉ុក្កែត ឆ្ពោះទៅកាន់ទឹកដីអ៊ីស្រាអែល។ លោកបានបន្ថែមថា ខ្លួនកំពុងវាយប្រហារគោលដៅក្នុងប្រទេសលីបង់ ក្នុងទង្វើការពារខ្លួនដើម្បីលុបបំបាត់ការគំរាមកំហែងទាំងនេះជាបន្តបន្ទាប់ហើយដែរ៕

spean

ព័ត៌មានអន្តរជាតិ

ប្រធានាធិបតីអ៊ុយក្រែន Zelenskiy រំពឹងថានឹងទទួលបាន អាវុធបន្ថែម ពីសម្ព័ន្ធមិត្ត ខណការប្រយុទ្ធគ្នា នៅភាគខាងកើត កាន់តែខ្លាំងក្លា

June 3, 2022 spean

អន្តរជាតិ ៖ ប្រធានាធិបតីអ៊ុយក្រែន លោក Volodymyr Zelenskiy បាននិយាយថា យើងរំពឹងថានឹងទទួលបានអាវុធបន្ថែមទៀតពីសម្ព័ន្ធមិត្ត បន្ទាប់ពីការសន្យាថ្មីរបស់សហរដ្ឋអាមេរិក សម្រាប់ជំនួយ។ លោក Zelenskiy បានបញ្ជាក់ថា ការប្រយុទ្ធគ្នានៅភាគខាងកើតអ៊ុយក្រែន បានអូសបន្លាយរយៈពេលសង្គ្រាមដល់ ១០០ ថ្ងៃហើយ។ ទន្ទឹមនោះ លោក ក៏បានឱ្យដឹងផងដែរថា កងកម្លាំងរុស្ស៊ី ឥឡូវនេះកាន់កាប់ប្រហែល ២០ ភាគរយនៃទឹកដីទាំងមូលរបស់អ៊ុយក្រែន ដោយបន្ថែមថា យោធារបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន កំពុងផ្តោតលើតំបន់ Donbas (.ភ្នំពេញថ្មី.) និងទីក្រុងឧស្សាហកម្ម ដែលរួមមាន Luhansk និង Donetsk ។ គួរបញ្ជាក់ថា កងកម្លាំងរុស្ស៊ី កំពុងព្យាយាមបង្កើនការវាយលុកខ្លាំងនៅតំបន់ភាគខាងកើតរបស់អ៊ុយក្រែន ជាពិសេសលើតំបន់ Donbas និងទីក្រុងសំខាន់ៗ ផ្សេងទៀត៕

ព័ត៌មានអន្តរជាតិ

លោក ចូ បៃដិន ប្រធានាធិបតីអាមេរិក នឹងធ្វើទស្សនកិច្ចទៅកាន់អ៉ីស្រាអែល នៅថ្ងៃពុធសប្ដាហ៍នេះ

October 18, 2023 spean

អន្តរជាតិ ៖ លោក ចូ បៃដិន ប្រធានាធិបតីអាមេរិក នឹងបំពេញទស្សនកិច្ចដើម្បីបង្ហាញសាមគ្គីភាពទៅកាន់ប្រទេសអ៉ីស្រាអែលនៅថ្ងៃពុធសប្ដាហ៍នេះ ស្របពេលអ៉ីស្រាអែលបានយល់ព្រមសហការលើជំនួយស៊ីវិលសម្រាប់តំបន់ហ្កាហ្សា។ នេះបើយោងតាមការចេញផ្សាយដោយសារព័ត៌មាន Reuters។ លោក Antony Blinken រដ្ឋមន្ត្រីការបរទេសអាមេរិកធ្វើការកត់សម្គាល់បែបនេះ ក្រោយរូបលោកបានចំណាយពេលជិត ៨ ម៉ោងក្នុងជំនួបពិភាក្សាជាមួយលោក Benjamin Netanyahu នាយករដ្ឋមន្ត្រីអ៉ីស្រាអែលនាឱកាសបំពេញទស្សនកិច្ចនៅអ៉ីស្រាអែល ជាលើកទី២ ចាប់តាំងពីមានការវាយប្រហាររបស់ក្រុមហាម៉ាសកាលពីថ្ងៃទី៧ ខែតុលាមក។ នៅព្រឹកថ្ងៃអង្គារនេះលោក Blinken ក្នុងដំណើរទស្សនកិច្ចនៅអ៉ីស្រាអែលបាននិយាយថា លោក ចូ បៃដិន នឹងអះអាងឡើងវិញពីសាមគ្គីភាពរបស់សហរដ្ឋអាមេរិក ជាមួយអ៉ីស្រាអែលរួមទាំងការប្ដេជ្ញាចិត្តរឹងដូចដែកថែបចំពោះសន្តិសុខរបស់អ៉ីស្រាអែល។ លោក បៃដិន នឹងស្ដាប់អ្វីដែលអ៉ីស្រាអែលត្រូវការដើម្បីការពារប្រជាជនរបស់ខ្លួន ខណៈយើងកំពុងបន្តធ្វើកិច្ចការជាមួយសភានូវបញ្ហាទាំងនោះ”។ លោក John Kirby អ្នកនាំពាក្យក្រុមប្រឹក្សាសន្តិសុខជាតិសេតវិមានក៏បានឱ្យដឹងដូចគ្នាថាលោក បៃដិន នឹងធ្វើទស្សនកិច្ចទៅកាន់ទីក្រុង Tel Aviv ប្រទេសអ៉ីស្រាអែល ហើយលោក បៃដិន ក៏គ្រោងបន្តធ្វើដំណើរទៅកាន់ប្រទេសហ្ស៊កដានី និងប្រទេសអេហ្ស៉ីបដែរ៕ប្រភពក្រសួងព័ត៌មាន

ព័ត៌មានអន្តរជាតិ

ធ្លាក់យន្តហោះយោធា នៅភាគខាងត្បូង ប្រទេសហ្វីលីពីន បណ្តាលឲ្យមាន អ្នកស្លាប់កើនដល់ ៥០នាក់ហើយ

July 5, 2021 spean

អន្តរជាតិ ៖ យន្តហោះយោធាមួយគ្រឿងដែលបានធ្លាក់នៅភាគខាងត្បូងប្រទេសហ្វីលីពីន បានធ្វើឲ្យចំនួនអ្នកស្លាប់កើនឡើងដល់៥០នាក់ហើយ ខណៈបុគ្គលិកយោធាចំនួន៤៩នាក់ រងរបួស។ យោងតាមប្រភពពីសារព័ត៌មាន BBC។ យន្តហោះ Lockheed C-130 កំពុងដឹកមនុស្សចំនួន ៩៦ នាក់ដែលភាគច្រើនជាកងទ័ព នៅពេលវាចុះខុសផ្លូវនៅអាកាសយានដ្ឋាន Jolo ក្នុងខេត្ត Sulu។ ទាហានទាំងនោះស្ថិតក្នុងចំណោមកម្លាំងជំនួយដែលត្រូវបានបញ្ជូនទៅប្រយុទ្ធនឹងក្រុមសកម្មប្រយុទ្ធអ៊ីស្លាមដូចជាក្រុម Abu Sayyaf ជាដើម។ ក្រសួងការពារជាតិហ្វីលីពីន បាននិយាយថា អ្នកស្លាប់ភាគច្រើនជាបុគ្គលិកយោធា ប៉ុន្តែជនស៊ីវិល ៣ នាក់នៅលើដីក៏បានស្លាប់ផងដែរ៕