លោក Han Zheng ជួបពិភាក្សាជាមួយ ប្រធានគណៈកម្មាធិការអូឡាំពិកអន្តរជាតិ

July 29, 2024 spean Comment(0)

នារសៀលថ្ងៃទី ២៧ ខែកក្កដា តាមម៉ោងក្នុងតំបន់ លោក Han Zheng តំណាងពិសេសរបស់លោកប្រធានរដ្ឋចិន Xi Jinping និងជាអនុប្រធានរដ្ឋចិនបានជួបពិភាក្សាជាមួយលោក Bach ប្រធានគណៈកម្មាធិការអូឡាំពិកអន្តរជាតិនៅទីក្រុងប៉ារីស។

ថ្លែងក្នុងកិច្ចជំនួប លោក Han Zheng បានផ្ញើការសួរសុខទុក្ខយ៉ាងស្និទ្ធស្នាលរបស់លោក Xi Jinping ប្រធានរដ្ឋចិនទៅកាន់លោក Bach ហើយបានថ្លែងថា ពិធីបើកការប្រកួតកីឡាអូឡាំពិកទីក្រុងប៉ារីសមានភាពអស្ចារ្យ ភាគីចិនសូមសម្តែងការអបអរសាទរយ៉ាងកក់ក្តៅចំពោះរឿងនេះ។ ក្នុងបរិបទអន្តរជាតិពេលបច្ចុប្បន្ននេះ គួរតែផ្សព្វផ្សាយស្មារតីកីឡាអូឡាំពិក ដូច្នេះព្រឹត្តិការណ៍កីឡាអូឡាំពិកលើកនេះមានសារៈសំខាន់ពិសេស។ ប្រទេសចិននឹងធ្វើជាម្ចាស់ផ្ទះរៀបចំការប្រកួតកីឡារដូវរងាអាស៊ីនៅឆ្នាំក្រោយ ប្រទេសចិនរីករាយបន្តពង្រីកកិច្ចសហប្រតិបត្តិការមិត្តភាពកម្រិតខ្ពស់យ៉ាងស៊ីជម្រៅជាមួយគណៈកម្មាធិការអូឡាំពិកអន្តរជាតិ។

ជាការឆ្លើយតប លោក Bach បានផ្តាំផ្ញើលោក Han Zheng ពាំនាំការសួរសុខទុក្ខដ៏ស្មោះត្រង់របស់លោកជូនចំពោះលោក Xi Jinping ប្រធានរដ្ឋចិន ហើយបានថ្លែងថា ប្រទេសចិនបានទទួលជោគជ័យក្នុងការធ្វើជាម្ចាស់ផ្ទះរៀបចំព្រឹត្តិការណ៍កីឡាអូឡាំពិករដូវរងានៅទីក្រុងប៉េកាំងឆ្នាំ ២០២២ ក្នុងបរិបទជំងឺកូវីដ១៩ ដែលបានផ្តល់នូវបទពិសោធដ៏សំខាន់សម្រាប់ប្រទេសជុំវិញពិភពលោកធ្វើជាម្ចាស់ផ្ទះរៀបចំព្រឹត្តិការណ៍កីឡាអូឡាំពិកដោយជោគជ័យ។ ខ្ញុំជឿជាក់ថា ការសម្តែងដ៏ឆ្នើមរបស់គណៈប្រតិភូកីឡាចិននឹងរួមចំណែកយ៉ាងសំខាន់ដល់ការរៀបចំព្រឹត្តិការណ៍កីឡាអូឡាំពិកលើកនេះដោយជោគជ័យ៕

spean

ព័ត៌មានអន្តរជាតិ

ព្រះមហាក្សត្រម៉ាឡេស៊ី ប្រកាសដាក់ ប្រទេសក្នុងគ្រាអាសន្ន ដើម្បីទប់ស្កាត់ ការឆ្លងរាតត្បាត ជំងឺកូវីដ១៩

January 12, 2021 spean

អន្តរជាតិ ៖ សេចក្តីថ្លែងការណ៍មួយពីព្រះបរមរាជវាំងបាននិយាយថា ព្រះមហាក្សត្រម៉ាឡេស៊ី ព្រះចៅស៊ុលតង់ Al-Sultan Abdullah នៅថ្ងៃអង្គារនេះបានប្រកាសដាក់ប្រទេសទាំងមូលក្នុងគ្រាមានអាសន្ន ដើម្បីទប់ស្កាត់ការឆ្លងរាតត្បាតជំងឺកូវីដ១៩។ នេះបើយោងតាមប្រភពពីសារព័ត៌មាន CNA ។ សេចក្តីប្រកាសដាក់ប្រទេសក្នុងគ្រាអាសន្ននេះ នឹងមានសុពលភាពរហូតដល់ថ្ងៃទី០១ ខែសីហា ឆ្នាំ២០២១ ឬក៏អាច លឿនជាងនេះអាស្រ័យទៅលើស្ថានភាពកូវីដ១៩។ ការសម្រេចចិត្តនេះត្រូវបានធ្វើឡើងបន្ទាប់ពីព្រះចៅស៊ុលតង់ Al-Sultan Abdullah បានជួបពិភាក្សាជាមួយនាយករដ្ឋមន្ត្រីលោក Muhyiddin Yassin នៅវិមានជាតិកាលពីថ្ងៃចន្ទម្សិលមិញ បានប្រកាសដាក់ចេញចាត់វិនការរឹតបន្តឹងលើការធ្វើដំណើរ ចាប់ពីថ្ងៃពុធ ទី១៣ ខែមករា ដើម្បីទប់ស្កាត់ការឆ្លងរីករាលដាលនៃជំងឺ COVID-19 ដែលកំពុងរីករាលដាលយ៉ាងឆាប់រហ័ស នៅក្នុងប្រទេសអាស៊ានមួយនេះ។ ក្នុងអំឡុងពេលនៃការប្រជុំគ្នារយៈពេល៤៥នាទី ព្រះមហាក្សត្រម៉ាឡេស៊ី បានអនុញ្ញាតឱ្យរដ្ឋាភិបាលម៉ាឡេស៊ី បង្កើតគណៈកម្មាធិការឯករាជ្យមួយ ដែលមានសមាសភាពនៃមន្ត្រីរដ្ឋាភិបាល និងសមាជិកសភាមកពីគណបក្សប្រឆាំង រួមទាំងអ្នកជំនាញសុខាភិបាល ដើម្បីគ្រប់គ្រងស្ថានការណ៍កូវីដ១៩។បន្ថែមពីលើនេះ ព្រះអង្គក៏បានស្នើឱ្យប្រជាជនម៉ាឡេស៊ី រក្សាភាពស្ងៀមស្ងាត់ និងអត់ធ្មត់ផងដែរ កំឡុងការអនុវត្តវិធានការដាក់ប្រទេសក្នុងគ្រាអាសន្ននេះ។ បើតាមគេហទំព័រ worldometers គិតត្រឹមព្រឹកនេះម៉ាឡេស៊ីមានករណីឆ្លង COVID-19 សរុប ១៣៨,២២៤ករណី ក្នុងនោះមានអ្នកស្លាប់សរុប ៥៥៥នាក់ និងជាសះស្បើយឡើងវិញ ១០៩,១១៥នាក់៕

ព័ត៌មានអន្តរជាតិ

អតីតប្រធានាធិបតីអាមេរិក TRUMP បដិសេធ ការចោទប្រកាន់ទាំងអស់ ក្នុងសវនាការ

April 6, 2023 spean

អន្តរជាតិ ៖ អតីតប្រធានាធិបតីអាមេរិក លោក Donald Trump មិនបានសារភាពទោសកំហុសលើបទចោទប្រកាន់ឧក្រិដ្ឋកម្មទាំង ៣៤ ប្រឆាំងនឹងរូបលោក បន្ទាប់ពីលោកបានប្រគល់ខ្លួនក្នុងសវនាការនៅក្នុងសំណុំរឿងនៅទីក្រុងញូវយ៉ក ដែលផ្តើមចេញពីការចោទប្រកាន់របស់គាត់កាលពីឆ្នាំ ២០១៦ ចំពោះការបង់ប្រាក់សម្រាប់ការបំបិទមាត់ទៅឱ្យតារាសិច Stormy Daniels ។ លោក Trump អាយុ ៧៦ ឆ្នាំត្រូវបានតុលាការកាត់ទោសកាលពីថ្ងៃអង្គារនៅក្នុងបន្ទប់សវនាការនៅ Manhattan ដោយក្លាយជាប្រធានាធិបតីដំបូងគេក្នុងប្រវត្តិសាស្ត្រអាមេរិកដែលប្រឈមមុខនឹងការកាត់ទោសព្រហ្មទណ្ឌ។ មេធាវីរបស់គាត់បានថ្កោលទោសការចោទប្រកាន់នេះថាជា” ការប្រមាញ់របស់មេធ្មប់”ក្រោមហេតុផលនយោបាយដែលប្រព្រឹត្តដោយមេធាវីស្រុក Alvin Bragg ដែលជាអ្នកប្រជាធិបតេយ្យ ដែលបានឈរឈ្មោះសម្រាប់តំណែងប្រធានាធិបតី ដោយគេបានសន្យាថានឹងកាត់ទោសអតីតប្រធានាធិបតីTrump។ មេធាវីលោកTramp ថែមទាំងអះអាងថា យុទ្ធនាការបង្ខូចឈ្មោះលោកTramp នេះត្រូវបានផ្តល់មូលនិធិយ៉ាងច្រើនដោយសកម្មជនមហាសេដ្ឋី George Soros ។ តាមសេចក្តីរាយការណ៍ថា លោក Trump បានអង្គុយជាមួយនឹងដៃរបស់គាត់ ដែលបត់នៅខាងមុខដោយមេធាវីរបស់គាត់ ខណៈដែលគាត់បាននិយាយថា លោកមិនមានកំហុសនោះទេ។ មុនពេលសវនាការ លោក Tramp បានគ្រវីដៃទៅកាន់ហ្វូងមនុស្សដែលបានប្រមូលផ្តុំគ្នានៅខាងក្រៅតុលាការ បន្ទាប់ពីលោកត្រូវបានធ្វើដំណើរដោយម៉ូតូពីផ្ទះរបស់គាត់នៅឯអគារ Trump Tower ក្នុងទីក្រុង Manhattan ។ គាត់បានលើកកណ្តាប់ដៃរបស់គាត់ទៅលើអាកាស […]

ព័ត៌មានអន្តរជាតិ

ពន្ធនាគារមួយកន្លែង នៅឥណ្ឌូណេស៊ី មានមនុស្សជាច្រើននាក់ ស្លាប់និងរងរបួស ដោយអគ្គិភ័យឆាបឆេះ

September 8, 2021 spean

អន្តរជាតិ ៖ ប៉ូលីសកំពុងស៊ើបអង្កេតរកមូលហេតុនៃការឆាបឆេះពន្ធធនាគារតាន់ហ្គ្រេង (Tangerang) ដែលមនុស្សយ៉ាងហោចណាស់ ៤១ នាក់បានស្លាប់និង ៧៣ នាក់ផ្សេងទៀតបានរងរបួស។ អ្នកនាំពាក្យរដ្ឋាភិបាលនិងរបាយការណ៍ប្រាប់ប្រព័ន្ធផ្សព្វផ្សាយថាមានអគ្គិភ័យមួយបានឆាបឆេះប្លុកដែលមានមនុស្សច្រើនកុះករនៅក្នុងពន្ធនាគារមួយនៅខេត្ត Banten ភាគខាងលិចប្រទេសឥណ្ឌូណេស៊ីដោយបានសម្លាប់មនុស្សយ៉ាងតិច ៤១ នាក់និងរាប់សិបនាក់ទៀតរងរបួស។ លោកស្រី Rika Aprianti អ្នកនាំពាក្យនាយកដ្ឋានកែតម្រូវបាននិយាយថា ភ្លើងដែលបានឆាប់ឆេះឡើងនៅចន្លោះម៉ោង ១ ដល់ម៉ោង ២ រំលងអាធ្រាត្រនោះគឺបានផ្ទុះឡើងនៅប្លុក C នៃពន្ធនាគារតាន់ហ្គ្រេង (Tangerang) ដែលត្រូវបានអាជ្ញាធរកំពុងពន្លត់នឹង ជម្លៀសមនុស្សចេញពីកន្លែងនោះ។ ក្រុមអ្នកស៊ើបអង្កេតមកពីនាយកដ្ឋានពន្លត់អគ្គីភ័យបាននិយាយថាពួកគេក៏កំពុងពិនិត្យមើលខ្សែភ្លើងដែលខូចដែលជាប្រភពនៃការឆេះនេះផងដែរ។ លោកស្រី Rika មិនបានបញ្ជាក់ថាមានមនុស្សប៉ុន្មាននាក់នៅក្នុងមណ្ឌលនោះទេនៅពេលអគ្គិភ័យបានឆាបឆេះ ប៉ុន្តែបានបញ្ជាក់ថាពន្ធនាគារនោះមានមនុស្សច្រើនកុះករ។ យោងតាមគេហទំព័រព័ត៌មាន Beritasatu បានឱ្យដឹងថាអ្នកដែលរងរបួសត្រូវបានគេបញ្ជូនទៅមន្ទីរពេទ្យពីរនៅតាន់ហ្គឺង (Tangerang) ខណៈអ្នកដែលមិនមានរបួសត្រូវបានបញ្ជូនទៅកន្លែងផ្សេងនៅក្នុងបរិវេណពន្ធនាគារ៕