កងកម្លាំងការពារអ៊ីស្រាអែល ទម្លាក់គ្រាប់បែក កណ្ដាលតំបន់ហ្គាហ្សា សម្លាប់កុមារទៀតហើយ

July 14, 2024 spean Comment(0)

អន្តរជាតិ ៖ កុមារ ៤ នាក់ ត្រូវបានសម្លាប់ ក្រោយប្រតិបត្តិការវាយប្រហាររបស់កងកម្លាំងការពារអ៊ីស្រាអែល (IDF) ដោយទម្លាក់គ្រាប់បែកលើជំរុំជនភៀសខ្លួន Nuseirat នៅផ្នែកកណ្តាលនៃតំបន់ហ្គាហ្សាស្ទ្រីប។ នេះបើយោងតាមទូរទស្សន៍ Al Jazeera បានរាយការណ៍ ។

យោងតាមរបាយការណ៍ បានឲ្យដឹងថា ក្រៅពីកុមារ ៤ នាក់ស្លាប់ ក៏មានមនុស្សប្រហែល ១០ នាក់ រងរបួស ផងដែរ ។

ប៉ុស្តិ៍ទូរទស្សន៍នេះ បានបញ្ជាក់ផងដែរថា អ៊ីស្រាអែល កំពុងបន្តបាញ់ផ្លោងលើជំរុំជនភៀសខ្លួន Nuseirat, Bureij និង Al-Mughraqa ។

គួរបញ្ជាក់ថា ភាពតានតឹងបានផ្ទុះឡើងម្តងទៀតនៅមជ្ឈិមបូព៌ានៅថ្ងៃទី ៧ ខែតុលាឆ្នាំ ២០២៣ នៅពេលដែលពួកសកម្មប្រយុទ្ធមកពីចលនាប៉ាឡេស្ទីនរ៉ាឌីកាល់ដែលមានមូលដ្ឋាននៅហ្គាហ្សាស្ទ្រីបហាម៉ាស ធ្វើការវាយប្រហារដ៏គួរឱ្យភ្ញាក់ផ្អើលមួយលើទឹកដីអ៊ីស្រាអែលពីតំបន់ហ្គាហ្សាដោយសម្លាប់អ្នករស់នៅតាមព្រំដែនអ៊ីស្រាអែល និងចាប់ចំណាប់ខ្មាំង ៕

spean

ព័ត៌មានអន្តរជាតិ

លោក គីម ជុងអ៊ុន បណ្តេញមេបញ្ជាការយោធាទី ២ ដ៏មានឥទ្ធិពល របស់ប្រទេសកូរ៉េខាងជើង ចេញពីតំណែង

January 4, 2023 spean

អន្តរជាតិ ៖ ប្រព័ន្ធផ្សព្វផ្សាយរដ្ឋ KCNA បានរាយការណ៍ថា មេដឹកនាំកូរ៉េខាងជើង លោក គីម ជុងអ៊ុន បានបណ្តេញមេបញ្ជាការទី ២ នៃយោធារបស់ប្រទេសចេញពីតំណែង។ លោក Pak ដែលបម្រើការជាអនុប្រធានគណៈកម្មការយោធាមជ្ឈិមនៃគណបក្សពលករកំពុងកាន់អំណាច និងជាលេខានៃគណៈកម្មាធិការមជ្ឈិមបក្សត្រូវបានដកចេញពីតំណែង ហើយដាក់ជំនួសវិញដោយលោក Ri Yong-gil ។ ទីភ្នាក់ងារ KCNA បានបញ្ជាក់ថា ការសម្រេចចិត្តនេះត្រូវបានធ្វើឡើងនៅក្នុងកិច្ចប្រជុំប្រចាំឆ្នាំរបស់គណៈកម្មាធិការ កាលពីសប្តាហ៍មុននេះ៕

ព័ត៌មានអន្តរជាតិ

អ្នកចម្រៀងនីហ្សេរីយ៉ាម្នាក់ ដ៏មានប្រជាប្រិយភាព ត្រូវកាត់ទោសប្រហារជីវិត

August 22, 2020 admin

អន្តរជាតិ៖កន្លងទៅថ្មីៗនេះអ្នកចម្រៀងដ៏មានប្រជាប្រិយភាពម្នាក់នៅក្នុងប្រទេសនីហ្សេរីយ៉ាលោកយ៉ាហាយ៉ាសារីហ្វអាមីនូត្រូវតុលាការសាសនាShariaក្នុងទីក្រុងHausawaFilinកាត់ទោសប្រហារជីវិតពីបទប្រមាថសាសនានៅក្នុងរដ្ឋKano។ លោកអាមីនូ អាយុ២២ឆ្នាំត្រូវបានតុលាការរកឃើញថាបានច្រៀងចម្រៀងបង្ហោះតាម WhatsApp កាលពីខែមិនាដែលមានន័យជាការប្រមាថដល់សាសនា។ថ្វីបើរូបគាត់ត្រូវបានកាត់ទោសប្រហារជីវិតដោយព្យួរកពិតមែន។ប៉ុន្តែលោកអាមីនូមិនបានបដិសេធន៍ការចោទប្រកាន់នោះទេ។ តុលាការក៏បានទុកឱកាសឱ្យគាត់ប្តឹងឧទ្ធរណ៍ផងដែរ។បណ្តារដ្ឋទាំងអស់នៅភាគខាងជើងនៃប្រទេសនីហ្សេរីយ៉ាដែលកាន់សាសនាមូស្លីមដ៏ច្រើនលើសលប់តែងតែប្រើច្បាប់ទាំង២គឺសេគូឡានិងច្បាប់Sharia។ដែលជាច្បាប់សាសនាដ៏តឹងរ៉ឹងបំផុតសម្រាប់អ្នកកាន់សាសនាអ៊ិស្លាមនៅទីនោះគោរពប្រតិបត្តិ ។ប៉ុន្តែច្បាប់នេះមិនអនុវត្តន៍សម្រាប់អ្នកណាដែលមិនកាន់សាសនាអ៊ិស្លាមឡើយ។ ក្រុមអ្នកតវ៉ាបានចេញមកដោយកំហឹងនិងបានដុតផ្ទះរបស់ក្រុមគ្រួសារអ្នកចម្រៀងអាមីនូឆេះខ្ទេចអស់។ពួកគេក៏បានធ្វើដំណើរទៅកាន់ស្ថានីយ៍ប៉ូលិអ៊ិស្លាមទាមទារឱ្យមានការប្រឆាំងគាត់ឱ្យខ្លាំងបំផុតទៅតាមទោសរបស់គាត់៕

ព័ត៌មានអន្តរជាតិ

ប្រធានាធិបតី និងរដ្ឋមន្ត្រីការបរទេសអ៊ីរ៉ង់ បានទទួលមរណភាពហើយ ក្នុងឧប្បត្តិហេតុធ្លាក់ឧទ្ធម្ភាគចក្រ នៅក្បែរតំបន់ព្រំដែន ជាមួយអាស៊ែបៃហ្សង់

May 20, 2024 spean

អន្តរជាតិ ៖ ប្រធានសមាគមអឌ្ឍចន្ទក្រហមអ៊ីរ៉ង់ លោក Pir Hossein Kolivand បានប្រកាសថា អ្នកដំណើរទាំងអស់ និងនាវិកនៃឧទ្ធម្ភាគចក្ររបស់ប្រធានាធិបតីអ៊ីរ៉ង់ លោក Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រ។ លោកបាននិយាយនៅលើប៉ុស្តិ៍ទូរទស្សន៍ IRIB ថា “គ្មានសញ្ញានៃអ្នកដំណើរដែលនៅរស់ត្រូវបានរកឃើញទេ បន្ទាប់ពីការរកឃើញទីតាំងឧទ្ធម្ភាគចក្រដែលបានធ្លាក់នោះ។ តាមមន្ត្រីអ៉ីរ៉ង់ម្នាក់ ប្រាប់ទីភ្នាក់ងារសារព័ត៌មាន Reutersថា ប្រធានាធិបតីអ៉ីរ៉ង់ លោក Ebrahim Raisiនិងរដ្ឋមន្ត្រីការបរទេសរបស់លោក បានទទួលមរណភាពហើយ បន្ទាប់ពីឧទ្ធម្ភាគចក្ររបស់លោកបានធ្លាក់ នៅពេល ហោះឆ្លងកាត់តំបន់ព្រៃភ្នំមួយស្ថិតនៅក្បែរតំបន់ព្រំដែនជាមួយអាស៊ែបៃហ្សង់ កាលពីថ្ងៃអាទិត្យ ទី១៩ ខែឧសភា។ លោក រ៉ៃស៊ី និងក្រុមមន្ត្រីអមដំណើររូបលោកបានធ្វើដំណើរត្រឡប់មកពីធ្វើទស្សនកិច្ចនៅឯតំបន់ព្រំដែនអ៉ីរ៉ង់ជាមួយ អាស៊ែបៃហ្សង់ កាលពីថ្ងៃអាទិត្យ ដើម្បីចូលរួមសម្ពោធទំនប់ទឹកមួយកន្លែងជាមួយប្រធានាធិបតីអាស៊ែបៃហ្សង់ លោក Ilham Aliyev។ ប្រព័ន្ធផ្សព្វផ្សាយអ៉ីរ៉ង់ IRNA បានឱ្យដឹងទៀតថា ឧទ្ធម្ភាគចក្រដែលលោក រ៉ៃស៊ី ជិះគឺជាឧទ្ធម្ភាគចក្រប្រភេទ Bell 212 ផលិតដោយសហរដ្ឋអាមេរិក រីឯមូលហេតុធ្លាក់ត្រូវបានអះអាងជាបឋមថាមកពីអាកាសធាតុអាក្រក់៕