អ៊ីស្រាអែល បន្តបើកកាវាយប្រហារ ទៅលើតំបន់សុវត្ថិភាព បណ្តាលឲ្យស្លាប់ ជនជាតិប៉ាឡេស្ទីន ក្នុងតំបន់សុវត្ថិភាព

June 8, 2024 spean Comment(0)

អន្តរជាតិ ៖ ប្រជាពលរដ្ឋក្នុងតំបន់បានប្រាប់ឲ្យដឹងថា មុនពេលកើតហេតុ គ្មានសញ្ញាសម្រាប់ការព្រមានវាយប្រហារលើជំរុំជនភៀសខ្លួន Bureij និង Maghazi នោះទេ ខណដែលតំបន់សុវត្ថិភាពទាំង២នេះ កងកម្លាំងអ៊ីស្រាអែល ជាអ្ក្នកបង្កើតឡើងចាប់តាំងពីជម្លោះ។

អ៊ីស្រាអែល បានបើកការវាយប្រហារពេញមួយយប់លើតំបន់សុវត្ថិភាពទាំង ២ ដោយសម្លាប់មនុស្ស ១៥ នាក់ ខណចំនួនអ្នករបួសមិនទាន់បញ្ជាក់នៅឡើយ។

សារព័ត៌មាន Al Jazeera បានរាយការណ៍ថា តំបន់ទាំងនេះមានការកើនឡើងភាពតានតឹងនៃការវាយប្រហារក្នុងរយៈពេល ៤៨ ម៉ោងកន្លងមកនេះ ជាពិសេសនៅតំបន់ដែលមានប្រជាជនរស់នៅច្រើន។

គួរបញ្ជាក់ថា កាលពីថ្ងៃព្រហស្បតិ៍ អ៊ីស្រាអែល បានប្រើផ្លូវអាកាសវាយប្រហារលើសាលារៀនមួយ នៅជំរុំភៀសខ្លួនកណ្ដាលហ្គាហ្សា ដោយសម្លាប់មនុស្ស ជាង ៣០ នាក់ និងរាប់រយនាក់រងរបួស ៕

spean

ព័ត៌មានអន្តរជាតិ

ប្រទេសវៀតណាម បន្តរកឃើញ អ្នកឆ្លងកូវីដ១៩ ចំនួន ៣,៥៩៥ ករណីទៀត និងស្លាប់៦៤នាក់

October 27, 2021 spean

អន្តរជាតិ ៖ ក្រសួងសុខាភិបាលវៀតណាមនៅថ្ងៃអង្គារម្សិលមិញ បានប្រកាសបន្តរកឃើញករណីឆ្លងជំងឺកូវីដ១៩ ចំនួន៣,៥៩៥ករណី និងអ្នកស្លាប់ថ្មី ដោយសារជំងឺដ៏កាចសាហាវនេះចំនួន៦៤នាក់បន្ថែមទៀត ក្នុងរយៈពេល២៤ម៉ោងចុងក្រោយនេះ។ នេះបើតាមតាមការចេញផ្សាយ ដោយទីភ្នាក់ងារសារព័ត៌មាន Viet Nam News។ បើតាមក្រសួងសុខាភិបាលវៀតណាមបញ្ជាក់ថា ក្នុងចំណោមករណីឆ្លងថ្មីៗខាងលើ មាន០៣ករណីជាករណីនាំចូល ក្រៅពីនោះជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលនៃជំងឺនេះមានចំនួន៧៨៣នាក់។ សូមជម្រាបថា គិតត្រឹមយប់ថ្ងៃទី២៦ ខែតុលា ឆ្នាំ២០២១នេះ វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៨៩៦,១៧៤នាក់ ក្នុងនោះអ្នកជំងឺជាសះស្បើយចំនួន ៨១០,២៩០នាក់ ចំណែកចំនួនអ្នកស្លាប់សរុបចំនួន ២១,៨០២នាក់៕

ព័ត៌មានអន្តរជាតិ

លោក Xi មេដឹកនាំចិន ជំរុញឱ្យ ប្រទេសអាស៊ីកណ្តាល រួមគ្នាប្រឆាំង បដិវត្តន៍ពណ៌

May 20, 2023 spean

អន្តរជាតិ ៖ មេដឹកនាំចិនលោក Xi Jinping បាននិយាយ នៅថ្ងៃសុក្រនេះថា ប្រទេសចិន កំពុងអំពាវនាវឱ្យអាស៊ីកណ្តាលប្រឆាំងនឹងការជ្រៀតជ្រែកពីខាងក្រៅ និងការប៉ុនប៉ង ដើម្បីញុះញង់បដិវត្តន៍ពណ៌។ លោក បានបន្ថែមថា វាជារឿងសំខាន់ដែលយើងត្រូវធ្វើសកម្មភាពលើគំនិតផ្តួចផ្តើមសន្តិសុខសកល ហើយឈរយ៉ាងម៉ឺងម៉ាត់ប្រឆាំងនឹងការប៉ុនប៉ងពីខាងក្រៅ ដើម្បីជ្រៀតជ្រែកកិច្ចការផ្ទៃក្នុងរបស់ប្រទេសក្នុងតំបន់ ឬញុះញង់ឱ្យមានបដិវត្តន៍ពណ៌។ យើងគួរតែរក្សាការមិនអត់ឱនចំពោះកងកម្លាំងទាំង ៣ នៃភេរវកម្ម ការបំបែកខ្លួន និងជ្រុលនិយម ក៏ដូចជាកិច្ចខិតខំដោះស្រាយបញ្ហាសន្តិសុខក្នុងតំបន់។ មេដឹកនាំចិនរូបនេះ ក៏បានស្នើឱ្យធ្វើការរួមគ្នា ដើម្បីធានាថាសហគមន៍របស់យើងមានលក្ខណៈគ្មានជម្លោះ និងសន្តិភាពយូរអង្វែង។ លោក បន្តថា ប្រទេសចិន បានត្រៀមខ្លួនរួចជាស្រេចដើម្បីជួយបណ្តាប្រទេសអាស៊ីកណ្តាលពង្រឹងការពង្រឹងសមត្ថភាពលើការអនុវត្តច្បាប់ សន្តិសុខ និងការពារជាតិ៕

ព័ត៌មានអន្តរជាតិ

ទីបំផុត លោក ពូទីន ចេញមុខចូលរួមរំលែកទុក្ខ ចំពោះឧបទ្ទវហេតុ ធ្លាក់យន្តហោះរបស់ក្រុម Wagner ក្បែរក្រុងមូស្គូ

August 25, 2023 spean

អន្តរជាតិ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចូលរួមរំលែកទុក្ខចំពោះឧបទ្ទវហេតុធ្លាក់យន្តហោះ ដែលរបាយការណ៍សារព័ត៌មានបញ្ជាក់ថា មេក្រុមទាហានស៊ីឈ្នួល Wagner លោក Yevgeny Prigozhin និងសមាជិកជាន់ខ្ពស់ផ្សេងទៀតស្ថិតនៅលើនោះ។ នៅក្នុងការអត្ថាធិប្បាយតាមទូរទស្សន៍ លោក ពូទីន បានសម្ដែងការរំលែកទុក្ខដ៏ស្មោះស្ម័គ្ររបស់លោក ទៅកាន់ក្រុមគ្រួសារនៃជនរងគ្រោះទាំងអស់ ដោយពណ៌នាការធ្លាក់យន្តហោះថាជាសោកនាដកម្ម។ ហេតុការណ៍ធ្លាក់យន្តហោះ កាលពីល្ងាចថ្ងៃពុធ បានកើតឡើង បន្ទាប់ពីលោក Prigozhin បានដឹកនាំការបះបោរប្រឆាំងនឹងលំដាប់យោធាកំពូលរបស់ទីក្រុងមូស្គូ ខណដែលអ្នកសង្កេតការណ៍មួយចំនួន ចាប់ទុកថាវាជាការព្រមានដ៏ធំបំផុតរបស់លោកពូទីន ចំពោះជនក្បត់ជាតិ។ គួរបញ្ជាក់ថា បើតាមរបាយការណ៍សារព័ត៌មាន បញ្ជាក់ថា យន្តហោះនេះបានធ្លាក់ អំឡុងពេលធ្វើដំណើរចេញពីទីក្រុងមូស្គូ ឆ្ពោះទៅកាន់ទីក្រុង St Petersburg ដោយសម្លាប់អ្នកដំណើរទាំងអស់ ដោយបន្ថែមថា នៅលើនោះមានមនុស្សសរុប ៧ នាក់ និងអ្នកបើក ៣ នាក់ ហើយសន្មត់ថា មានវត្តមានរបស់ លោក Prigozhin ផងដែរ៕