អន្តរជាតិ ៖ អ៊ីស្រាអែល បានបង្ហាញហេតុផលថា កងកម្លាំងទ័ពអាកាសរបស់ខ្លួនធ្វើការវាយប្រហារយ៉ាងជាក់លាក់មួយនៅទីក្រុង Rafah កាលពីថ្ងៃអាទិត្យ គឺដើម្បីកម្ចាត់មេដឹកនាំជាន់ខ្ពស់របស់ក្រុមហាម៉ាស ២ នាក់ ខណដែលមន្ត្រីសុខាភិបាលក្នុងតំបន់ រាយការណ៍ពីការស្លាប់នៃជនស៊ីវិលយ៉ាងច្រើននាក់។
ការទម្លាក់គ្រាប់បែករបស់ IDF បានវាយប្រហារលើតំបន់ Tel Al-Sultan នៃក្រុង Rafah ដោយសម្លាប់មនុស្សយ៉ាងហោចណាស់ ៣៥ នាក់ និងរាប់សិបនាក់រងរបួស ដែលភាគច្រើនជាស្ត្រី និងកុមារ។ នេះបើយោងតាមក្រសួងសុខាភិបាលនៃក្រុមហាម៉ាស់ដែលគ្រប់គ្រងដោយប៉ាឡេស្ទីន។
វីដេអូដែលត្រូវយកមកផ្សព្វផ្សាយក្នុងបណ្ដាញសង្គម បង្ហាញថាអ៊ីស្រាអែល បានវាយប្រហារដោយកំណត់លើតំបន់សុវត្ថិភាពជនស៊ីវិល ដែលរត់ភៀសខ្លួន ។
ទន្ទឹមនោះ អ្នកនាំពាក្យរបស់សមាគមអឌ្ឍចន្ទក្រហមប៉ាឡេស្ទីន បានព្រមានថា ចំនួនអ្នកស្លាប់ អាចបន្តកើនឡើង ខណមនុស្សជាច្រើនជាប់នៅក្នុងកំទេចកំទីដែលបែកបាក់។
គួរបញ្ជាក់ថា ការវាយប្រហារនេះ អាជ្ញាធរ នៅមិនទាន់កំណត់ចំនួនអ្នកស្លាប់ និងរបួស ឲ្យច្បាស់លាស់នៅឡើយនោះទេ ប៉ុន្តែសន្មត់ថាអាចនឹងមានច្រើន ៕
