រថយន្តហ៊ីយ៉ាន់ដាយ និងម៉ូតូ បុកគ្នាពេញទំហ៊ឹង ធ្វើឱ្យភាគីខាងម៉ូតូស្លាប់ និងអ្នកបើកបររថយន្ត រងរបួសស្រាល

October 28, 2021 spean Comment(0)

ខេត្តស្វាយរៀង ៖ នៅថ្ងៃទី ២៧ ខែតុលា ឆ្នាំ ២០២១ វេលាម៉ោង ៧ និង១០នាទីយប់ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្ដ និង ម៉ូតូ លើផ្លូវជាតិលេខ ១៣ Km ០២/០៣ ស្ថិតក្នុងភូមិព្រះទន្លេ សង្កាត់សង្ឃ័រ ក្រុងស្វាយរៀង ។

បើតាមសមត្ថកិច្ចបានឲ្យដឹងថា អ្នកបើកបររថយន្ដម៉ាក្ស ហ៊ីយ៉ានដាយ ពណ៏ ស ពាក់ផ្លាក់លេខ ក៧១៥៤.ភព៣ បើកបរដោយឈ្មោះ សៀក សាម័យ ភេទប្រុស អាយុ ៤១ ឆ្នាំ មុខរបរ បើកបរ រស់នៅភូមិគោកមន ឃុំដំដែក ស្រុកសៀមរាប ខេត្តសៀមរាប បើកបរពីជើងទៅត្បូង អ្នកបើកបរគ្មានរបួស រថយន្ដខូចខាតស្រាល ។
រីឯអ្នកបើកបរម៉ូតូម៉ាក Wave ពណ៏ខៅ្ម គ្មានពាក់ផ្លាកលេខ បើកបរដោយឈ្មោះ សួន ស៊ីចូច ភេទប្រុស អាយុ ២៥ ឆ្នាំ មុខរបរ កម្មករសំណង់ រស់នៅភូមិចក ឃុំកំពង់ចក ស្រុករំដូល ខេត្តស្វាយរៀង បើកបរពីត្បូងទៅជើង មិនពាក់់មួកសុវត្ថិភាព ទើបបណ្ដាលឱ្យដួលបោកក្បាលទៅនឹងថ្នល់ស្លាប់នៅនៅនឹងកន្លែងកើតហេតុ ហើយម៉ូតូខូចខាតធ្ងន់ ។

រថយន្តនិងម៉ូតូត្រូវបានសមត្ថកិច្ចយកមករក្សាទុកនៅអធិការដ្ឋានក្រុងស្វាយរៀង ។
ហើយសមត្ថកិច្ចក៏បានពិនិត្យសពជនរងគ្រោះរួចក៏ប្រគល់ឱ្យទៅក្រុមគ្រួសារយកទៅធ្វើបុណ្យតាមប្រពៃណី៕

spean

ព័ត៌មានសន្តិសុខសង្គម

ពុទ្ធោអើយ គ្រោះថ្នាក់ចរាចរណ៏ ដ៏រន្ធត់មួយ ស្លាប់៥នាក់ របួស០១នាក់ ទាំងព្រឹកនៅស្រុកមោងឫស្សី

October 28, 2021 spean

ខេត្តបាត់ដំបង ៖ នៅព្រឹកនៅថ្ងៃទី២៨ ខែតុលា ឆ្នាំ២០២១ យ៉ាងហោចណាស់មនុស្ស៥នាក់ស្លាប់បាត់ជីវិត និងរបួស០១នាក់ក្នុងហេតុការណ៍គ្រោះថ្នាក់ចរាចរណ៍យ៉ាងរន្ធត់ ។ហេតុការណ៍នេះកើតឡើងនៅលើកំណាត់ផ្លូវជាតិលេខ៥ ដែលកំពុងស្ថាបនា ស្ថិតនៅចំណុចក្រុមទី៧ ភូមិមោង ឃុំមោង ស្រុកមោងឫស្សី ខេត្តបាត់ដំបង ។ ប្រភពពីកន្លែងកើតហេតុបានឲ្យដឹងថាហេតុការណ៍គ្រោះថ្នាក់ដ៍រន្ធត់ខាងលើនេះកើតឡើងរវាងរថយន្តគ្រឿងម៉ាកហ៊ីណូ ធុនដឹកជញ្ជូនពាក់ស្លាកលេខ កំពង់ឆ្នាំង 3A-1566 អ្នកបើកបរមិនស្គាល់អត្តសញ្ញាណ(រត់គេចខ្លួន) បើកបរក្នុងទិសដៅពីកើតទៅលិច លុះពេលមកដល់ចំណុចកើតហេតុខាងលើ បានបុកនឹងរថយន្ត១គ្រឿងម៉ាក នីសសាន់ ធុនដឹកទំនិញ ពាក់ស្លាកលេខ បាត់ដំបង 2B-2211អ្នកបើកបរ មិនស្គាល់អត្តសញ្ញាណ (ស្លាប់) ដែលកំពុងបើកបរច្រាស់ទិសគ្នា។ ក្រោយកើតហេតុអ្នកបើកបររដយន្តធុនធំរត់គេចខ្លួនបាត់ស្រមោល ចំណែកឯអ្នកបើកបររថយន្តនីសាន់ស្លាប់បាត់បងជីវិត។ យោងតាមសមត្ថកិច្ចចុះពិនិត្យទីតាំងកើតហេតុគឺមានមនុស្សស្លាប់ចំនួន៥នាក់ប្រុស ដោយកៀបជាប់ក្នុងរថយន្តទាំងអស់ និងរងរបួសធ្ងន់១នាក់ ប្រុស បានបញ្ជូនទៅមន្ទីរពេទ្យបង្អែកស្រុកមោងឬស្សីហើយ ។ កម្លាំងការិយាល័យចរាចរណ៍ខេត្ត កំពុងចុះទៅអន្តរាគមន៍ដោយសារតែសពមនុស្សទាំង៥នាក់ ត្រូវគាបជាប់មិនទាន់យកចេញបាននៅឡើយ៕

ព័ត៌មានសន្តិសុខសង្គម

គួរអាណិតណាស់ មេធាវីម្នាក់ បានលង់ទឹកស្លាប់ នៅឆ្នេរអូរត្រេះ១ ក្រុងព្រះសីហនុ ពេលមានរលកធំ ខណៈចុះលេងទឹក ជាមួយមិត្តភ័ក្រ្ត

August 4, 2021 spean

ខេត្តព្រះសីហនុ ៖ សាកសពមេធាវីវ័យក្មេង ដែលបានលង់ទឹកស្លាប់ កាលពីរសៀលថ្ងៃទី០៣ ខែសីហា កន្លងមក ត្រូវបានរកឃើញហើយ នៅចម្ងាយពីកន្លែងកើតហេតុ ជិតពីរគីឡូម៉ែត្រ ស្ថិតក្នុងភូមិប្រាំមួយ សង្កាត់៤ ក្រុងនិងខេត្តព្រះសីហនុ នៅវេលាម៉ោង៦និង១០នាទីព្រឹកថ្ងៃទី០៤ ខែសីហា ឆ្នាំ២០២១នេះ។ ជនរងគ្រោះលោកមេធាវីខាងលើ ត្រូវបានអាជ្ញាធរមានសមត្ថកិច្ចឲ្យដឹងថា លោកមេធាវីខាងលើមានឈ្មោះ ជូ ជាគុយ ភេទប្រុស អាយុ ២៩ ឆ្នាំ ជនជាតិខ្មែរ មានមុខរបរជាមេធាវី ទីលំនៅរាជធានីភ្នំពេញ បានមកក្រុងព្រះសីហនុ ក្នុងបេសកកម្មការងារ និងទេសចរណ៍។ ជនរងគ្រោះ នាវេលា រសៀល ថ្ងៃទី០៣ ខែសីហា ឆ្នាំ ២០២១ រូមនិងមិត្តភ័ក្រ មានគ្នាចំនួន ០៤នាក់ គឺជាភ្ញៀវទេសចរជនជាតិខ្មែរ មកពីរាជធានីភ្នំពេញ បាននាំគ្នាចុះទៅលេងទឹកសមុទ្រ នៅត្រង់ចំណុចឆ្នេរអូរត្រេះ១ ស្ថិតក្នុងភូមិលេខ៦ សង្កាត់លេខ៤ ក្រុងព្រះសីហនុ ។ ជនរងគ្រោះ ចុះទៅលេងទឹកពេលមានរលកបោកបក់ខ្លាំង ជាហេតុធ្វើឲ្យជនរងគ្រោះបានបាត់ខ្លួនក្នុងពេលនោះតែម្តង ។ […]

ព័ត៌មានសន្តិសុខសង្គម

យោធាស័ក្តិ៣ម្នាក់ ដេកស្លាប់លើអង្រឹង នៅកន្លែង ប៉ុស្តិ៍យាម ទប់ស្កាត់ពលករឆ្លងដែនខុសច្បាប់ នៅព្រំប្រទល់ ខេត្តបន្ទាយមានជ័យ និងខេត្តឧត្តរមានជ័យ

July 22, 2021 spean

ខេត្តបន្ទាយមានជ័យ ៖ កាលពីវេលាម៉ោង៦និង៣០នាទីព្រឹកថ្ងៃទី២១ខែកក្កដា ឆ្នាំ២០២១ មានមន្ត្រីយោធាម្នាក់បានដេកស្លាប់នៅក្នុងអង្រឹងនៅកន្លែងប៉ុស្តិ៍យាមទប់ស្កាត់ពលករឆ្លងដែនខុសច្បាប់នៅព្រំប្រទល់ ខេត្តបន្ទាយមានជ័យ និងខេត្តឧត្តរមានជ័យ។ ជនរងគ្រោះ ឈ្មោះជិន ឈុត ឋានន្តរស័ក្តិអនុសេនីយ៍ឯក(ស័ក្តិ៣) ឋានៈជាមេបញ្ជាការរង កងអនុសេនាធំទី២ កងឯកភាពតំបន់ប្រតិបត្តិការសឹករងបន្ទាយមានជ័យ។ តាមព័ត៌មានបានបញ្ជាក់ឲ្យដឹងថានៅវេលាម៉ោង៦និង៣០នាទីព្រឹកថ្ងៃទី២១គេប្រទះឃើញគាត់ដេកស្លាប់លើអង្រឹងនៅកន្លែងប៉ុស្តិ៍យាមត្រួពិនិត្យទប់ស្កាត់ពលករឆ្លងដែនខុសច្បាប់ នៅព្រំប្រទល់ខេត្តបន្ទាយមានជ័យនិងខេត្តឧត្តរមានជ័យ ក្នុងនោះមានកងកម្លាំងនគរបាលវរសេនាតូចកការពារព្រំដែនគោកលេខ៨០៧និងកម្លាំងយោធា៦នាក់នៅជាមួយផងដែរ ។ ករណីមន្ត្រីយោធាដេកស្លាប់គ្មានអ្នកណាបានដឹងនោះបើតាមការអះអាងឲ្យដឹងពីក្រុមគ្រួសារសព មុនពេលស្លាប់ប្តីរបស់គាត់បានទៅផ្ទះហើយប្រាប់ថាមិនស្រួលខ្លួនមានអាការៈឈឺក្បាល បន្ទាប់មកគាត់បានកោសខ្យល់ឲ្យ រួចក៏ត្រឡប់មកកន្លែងធ្វើការវិញ លុះព្រឹកឡើងទទួលដំណឹងថាប្តីគាត់ស្លាប់តែម្តង។ មន្ត្រីនគរបាលជំនាញ ក៏ដូចជាគ្រូពេទ្យបានចុះពិនិត្យសាកសព ។ប៉ុន្តែអវិជ្ជមានកូវីដ១៩។ទន្ទឹមនោះ បើពិនិត្យលើដងខ្លួនសព ពុំឃើញមានស្លាកស្នាមអ្វីពាក់ព័ន្ធនឹងបទល្មើសទេតាម ការអះអាងរបស់គ្រូពេទ្យ បញ្ជាក់ថា មន្ត្រីយោធាដែលស្លាប់នេះគាត់កើតជម្ងឺខ្វះជាតិស្កសពត្រូវបានប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណីហើយផងដែរ ៕