ខេត្តសៀមរាប ៖ នៅថ្ងៃទីទី១២ ខែកក្កដា ឆ្នាំ២០២១ ក្រុមអ្នកជំនាញនៃមជ្ឈមណ្ឌលសកម្មភាពមីនកម្ពុជា (CMAC) ក្នុងកងឯកភាពកម្ចាត់មីនទី៤ បានបន្តរកឃើញគ្រាប់បែកដៃមិនទាន់ផ្ទុះបានចំនួន៨០គ្រាប់បន្ថែមទៀតហើយ នៅកណ្តាលក្រុងសៀមរាប ដែលធ្វើឱ្យចំនួននៃការរកឃើញគ្រាប់នេះ បានកើនឡើងដល់ ៤០៥គ្រាប់ ។
តាមមន្ត្រីជំនាញCMAC បានឱ្យដឹងថា គ្រាប់បែកដៃទាំង៤០៥គ្រាប់នោះជាគ្រាប់បែកចាស់បន្សល់ពីសមយ័សង្គ្រាមនិងជាគ្រាប់បែកផលិតនៅប្រទេសអង់គ្លេង ម៉ាក់(36 UK ) វាអាចបង្កគ្រោះថ្នាក់ដល់មនុស្ស ប្រសិនបើមានការប៉ះទង្គិចឬមិនបានប្រុងប្រយ័ត្នធ្វើជ្រុះធ្លាក់ទៅដី។
គ្រប់បែកដៃនោះ ត្រូវបានគេកប់ចោលជាច្រើនឆ្នាំមកហើយ ខណដែលនៅចំណុចនោះជាឃ្លាំងគ្រាប់មួយកន្លែងនៅក្នុងក្រុងសៀមរាបក្នុងសម័យសង្គ្រាមអំឡុងទសវត្សរ៍ទី៧០។
សូមជម្រាបថា គ្រាប់បែកទាំងនេះ គឺដំបូងឡើយប្រទះឃើញ ដោយក្រុមកម្មករនៃមន្ទីរប្រៃសណីយ៍ និងទូរគមនាគមន៍ខេត្តសៀមរាប ពេលកំពុងជីកដីកប់ប្រព័ន្ធខ្សែកាបក្រោមដី កាលពីថ្ងៃទី១០ខែកក្កដាឆ្នាំ២០២១កន្លងមកនេះ ។
បច្ចុប្បន្នគ្រាប់បែកទាំងនេះត្រូវបានយកទៅរក្សាទុកនៅទីបញ្ជាការកងឯកភាពកំចាត់មីនទី៤ ខេត្តសៀមរាបស្ថិតនៅឃុំត្រពាំងធំ ស្រុកប្រាសាទបាគង ខេត្ដសៀមរាប៕
