ប្រទេសវៀតណាម នោតែបន្តរកឃើញ អ្នកឆ្លងកូវីដ១៩ ចំនួន២៣៦ករណីទៀត

June 8, 2021 spean Comment(0)

អន្តរជាតិ ៖ ក្រសួងសុខាភិបាលប្រទេសវៀតណាម បានប្រកាសរកឃើញករណីឆ្លងថ្មីៗ នៃជំងឺកូវីដ-១៩ ចំនួន ២៣៦ករណីបន្ថែមទៀត ក្នុងនោះ ២១១នាក់ជាករណីឆ្លងក្នុងសហគមន៍។ នេះបើតាមតាមការចេញផ្សាយដោយ ទីភ្នាក់ងារសារព័ត៌មាន Viet Nam News ។

អាជ្ញាធរសុខាភិបាលវៀតណាម បានគូសបញ្ជាក់ថា ក្នុងចំណោមករណីឆ្លងសហគមន៍ថ្មីៗខាងលើ មាន១២២ករណី ត្រូវបានរកឃើញនៅខេត្ត Bac Giang ដែលជាចំណុចកណ្តាល នៃការឆ្លងរាលដាលជំងឺកូវីដ១៩ នាពេលបច្ចុប្បន្ន, ២៩ករណីនៅខេត្ត Bac Ninh និង៤៦ករណីនៅទីក្រុងហូជីមិញ ហើយក្រៅពីនោះ នៅតាមខេត្តមួយចំនួនផ្សេងទៀត។

គួរបញ្ជាក់ថា សរុបមកវិញ វៀតណាមមានករណីឆ្លងកូវីដ-១៩ សរុបនៅទូទាំងប្រទេសកើនដល់ចំនួន ៨,៩៨៣នាក់ ក្នុងនោះស្លាប់ ៥៣នាក់ និងជាសះស្បើយ៣,៤០៤នាក់៕

spean

ព័ត៌មានអន្តរជាតិ

ថៃ រំលាយសភា មុនការបោះឆ្នោតជាសកល នៅក្នុងខែឧសភាខាងមុខ

March 21, 2023 spean

អន្តរជាតិ ៖ កាលពីថ្ងៃទី២០ ខែឧសភា ព្រះមហាក្សត្រថៃ ព្រះអង្គម្ចាស់ មហា វ៉ាជីរ៉ាឡុងកន (Maha Vajiralongkorn) បានចេញព្រះរាជក្រឹត្យស្តីពីការរំលាយសភារបស់ប្រទេសថៃ ដោយត្រួសត្រាយផ្លូវសម្រាប់ការបោះឆ្នោតជាសកលដែលនឹងប្រព្រឹត្តទៅនៅក្នុងខែឧសភាខាងមខ។ ក្រឹត្យនេះចូលជាធរមាននៅថ្ងៃនោះតែម្តង។ យោងតាមរដ្ឋធម្មនុញ្ញថៃ ការបោះឆ្នោតត្រូវធ្វើឡើងនៅចន្លោះពី ៤៥ថ្ងៃទៅ ៦០ថ្ងៃបន្ទាប់ពីការរំលាយសភា។ កាលបរិច្ឆេទពិតប្រាកដនៃការបោះឆ្នោតនឹងត្រូវប្រកាសដោយគណៈកម្មាធិការរៀបចំការបោះឆ្នោត ហើយត្រូវបានចុះផ្សាយក្នុងរាជកិច្ចសារព័ត៌មាន។ ទោះបីជាកាលបរិច្ឆេទនៃការបោះឆ្នោតមិនទាន់ត្រូវបានកំណត់ក៏ដោយ ប៉ុន្តែឧបនាយករដ្ឋមន្ត្រីថៃ លោក វីសានុ គ្រាង៉ាម (Wissanu Krea-ngam) បាននិយាយកាលពីពេលថ្មីៗនេះថា ការបោះឆ្នោតនាពេលខាងមុខទំនងជានឹងប្រព្រឹត្តទៅនៅថ្ងៃទី១៤ ខែឧសភា។ ការបោះឆ្នោតនេះនឹងក្លាយជាការប្រកួតប្រជែងដ៏ខ្លាំងក្លាមួយរវាងគណបក្សភឿថៃរបស់លោកស្រី ពែតុងតាន (Paetongtarn) និងសម្ព័ន្ធគណបក្សដែលកំពុងកាន់អំណាចនាពេលបច្ចុប្បន្ន។ នាយករដ្ឋមន្ត្រីថៃ លោក ប្រាយុធ ចាន់អូចា (Prayuth Chan-o-cha) បានធ្លាក់ដោយស្ថិតពីក្រោយគូប្រជែងការបោះឆ្នោតដ៏សំខាន់របស់លោក គឺលោកស្រី ពែតុងតាន ស៊ីណាវ៉ាត្រា (Paetongtarn Shinawatra) ដែលជាកូនស្រីរបស់អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា នៅក្នុងការស្ទង់មតិថ្មីមួយ៕ប្រភព អាកាប៉េ

ព័ត៌មានអន្តរជាតិ

ប្រទេសថៃ មានករណីឆ្លង កូវីដថ្មីចំនួន ១២.៧០៩ និងមានអ្នកស្លាប់ ចំនួន ១០៦ នាក់

September 20, 2021 spean

អន្តរជាតិ ៖ ក្រសួងសុខាភិបាលថៃបានប្រកាសនៅព្រឹកថ្ងៃច័ន្ទនេះថា ប្រទេសថៃបានរកឃើញករណីឆ្លងថ្មីនៃជំងឺកូវីដ ១៩ ចំនួន ១២.៧០៩ នាក់និងមានអ្នកស្លាប់ចំនួន ១០៦ នាក់បន្ថែមទៀតក្នុងរយៈពេល ២៤ ម៉ោងមុននេះ។ ដោយឡែកក្នុងចំនួនឆ្លងខាងលើនេះគឺមានចំនួន ១១.៨៥១ សម្រាប់ប្រជាជនទូទៅនិង ៨៥៨ ករណីដែលជាអ្នកទោសក្នុងពន្ធនាគារ។ទន្ទឹមនឹងនេះនៅថ្ងៃអាទិត្យម្សិលមិញអ្នកជំងឺកូវីដ -១៩ ចំនួន ១១.១២៥ នាក់ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីបានជាសះស្បើយ។ គួរបញ្ជាក់ថា ចាប់តាំងពីថ្ងៃទី ១ ខែមេសានៅពេលដែលរលកទី ៣ នៃជំងឺកូវីដ ១៩ បានចាប់ផ្តើម ប្រទេសថៃបានព្យាបាលអ្នកជំងឺកូវីដ ១៩ ចំនួន ១.៤៦០.៣២៣ នាក់ដែលក្នុងនោះ ១.៣១៣.៧៨១ នាក់បានជាសះស្បើយ។ចំណែកចំនួនអ្នកស្លាប់មានចំនួន ១៥.៣៧៥ នាក់ក្នុងកំឡុងពេលរលកទី ៣ និង ១៥.៤៦៩ នាក់ចាប់តាំងពីការចាប់ផ្តើមនៃជំងឺរាតត្បាតនេះ។.

ព័ត៌មានអន្តរជាតិ

ប្រធានាធិបតី និងរដ្ឋមន្ត្រីការបរទេសអ៊ីរ៉ង់ បានទទួលមរណភាពហើយ ក្នុងឧប្បត្តិហេតុធ្លាក់ឧទ្ធម្ភាគចក្រ នៅក្បែរតំបន់ព្រំដែន ជាមួយអាស៊ែបៃហ្សង់

May 20, 2024 spean

អន្តរជាតិ ៖ ប្រធានសមាគមអឌ្ឍចន្ទក្រហមអ៊ីរ៉ង់ លោក Pir Hossein Kolivand បានប្រកាសថា អ្នកដំណើរទាំងអស់ និងនាវិកនៃឧទ្ធម្ភាគចក្ររបស់ប្រធានាធិបតីអ៊ីរ៉ង់ លោក Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រ។ លោកបាននិយាយនៅលើប៉ុស្តិ៍ទូរទស្សន៍ IRIB ថា “គ្មានសញ្ញានៃអ្នកដំណើរដែលនៅរស់ត្រូវបានរកឃើញទេ បន្ទាប់ពីការរកឃើញទីតាំងឧទ្ធម្ភាគចក្រដែលបានធ្លាក់នោះ។ តាមមន្ត្រីអ៉ីរ៉ង់ម្នាក់ ប្រាប់ទីភ្នាក់ងារសារព័ត៌មាន Reutersថា ប្រធានាធិបតីអ៉ីរ៉ង់ លោក Ebrahim Raisiនិងរដ្ឋមន្ត្រីការបរទេសរបស់លោក បានទទួលមរណភាពហើយ បន្ទាប់ពីឧទ្ធម្ភាគចក្ររបស់លោកបានធ្លាក់ នៅពេល ហោះឆ្លងកាត់តំបន់ព្រៃភ្នំមួយស្ថិតនៅក្បែរតំបន់ព្រំដែនជាមួយអាស៊ែបៃហ្សង់ កាលពីថ្ងៃអាទិត្យ ទី១៩ ខែឧសភា។ លោក រ៉ៃស៊ី និងក្រុមមន្ត្រីអមដំណើររូបលោកបានធ្វើដំណើរត្រឡប់មកពីធ្វើទស្សនកិច្ចនៅឯតំបន់ព្រំដែនអ៉ីរ៉ង់ជាមួយ អាស៊ែបៃហ្សង់ កាលពីថ្ងៃអាទិត្យ ដើម្បីចូលរួមសម្ពោធទំនប់ទឹកមួយកន្លែងជាមួយប្រធានាធិបតីអាស៊ែបៃហ្សង់ លោក Ilham Aliyev។ ប្រព័ន្ធផ្សព្វផ្សាយអ៉ីរ៉ង់ IRNA បានឱ្យដឹងទៀតថា ឧទ្ធម្ភាគចក្រដែលលោក រ៉ៃស៊ី ជិះគឺជាឧទ្ធម្ភាគចក្រប្រភេទ Bell 212 ផលិតដោយសហរដ្ឋអាមេរិក រីឯមូលហេតុធ្លាក់ត្រូវបានអះអាងជាបឋមថាមកពីអាកាសធាតុអាក្រក់៕