November 12, 2024 – Speanmeas

ព័ត៌មានជាតិ

ព្រះករុណា ព្រះមហាក្សត្រ ស្តេចយាងជា ព្រះរាជាធិបតី ពិធីពន្លត់ភ្លើងជ័យ នៃពិធីបុណ្យឯករាជ្យជាតិ ៩ វិច្ឆិកា ខួបលើកទី៧១

រាជធានីភ្នំពេញ ៖ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្តេចសព្វព្រះរាជហឫទ័យយាងជាព្រះរាជាធិបតីពិធីពន្លត់ភ្លើងជ័យ អបអរសាទរខួបអនុស្សាវរីយ៍ លើកទី៧១ នៃទិវាបុណ្យឯករាជ្យជាតិ ៩ វិច្ឆិកា (៩ វិច្ឆិកា ១៩៥៣ - ៩ វិច្ឆិកា ២០២៤) និងទិវាកំណើតកងយោធពលខេមរភូមិន្ទ នៅវិមានឯករាជ្យ រាជធានីភ្នំពេញ នារសៀលថ្ងៃទី១១ ខែវិច្ឆិកា ឆ្នាំ២០២៤។ អញ្ជើញចូលរួមក្នុងពិធីនេះ មានវត្តមានថ្នាក់ដឹកនាំព្រឹទ្ធសភា រដ្ឋសភា រាជរដ្ឋាភិបាល បណ្តាអង្គទូតបរទេសប្រចាំនៅកម្ពុជា មន្រ្តីរាជការ និងសិស្សានុសិស្សជាច្រើនរូប។ប្រភពអាកាប៉េ

ព័ត៌មានសន្តិសុខសង្គម

ជនសង្ស័យ ២ នាក់ជាចោរ ឆក់ទូរស័ព្ទភ័យ រត់បាត់ស្រមោល ទុកម៉ូតូចោល

ខេត្តកំពង់ឆ្នាំង ៖ កម្លាំងនគរបាលខេត្តកំពង់ឆ្នាំង បានបង្ក្រាបសកម្មភាពឆក់ទូរស័ព្ទដែលកើតឡើងនៅព្រឹកថ្ងៃទី ១១ ខែវិច្ឆិកា ឆ្នាំ ២០២៤ នៅចំណុចសរសរតាឡង់ ផ្លូវលេខ ១៥៣ ភូមិពានី ឃុំពានី ស្រុកកំពង់ត្រឡាច។ ក្នុងឳកាសនេះ ជនសង្ស័យចំនួន ២ នាក់ បានជិះម៉ូតូ ធ្វើសកម្មភាពឆក់ទូរស័ព្ទពីយុវតីម្នាក់បានសម្រេច។ ទោះជាយ៉ាងណា ពួកគេមានកាភ័យខ្លាំងបានលះបង់ម៉ូតូ ហើយរត់គេចខ្លួនបាត់។ យោងតាមរបាយការណ៍របស់លោកអធិការរងនគរបាលស្រុកកំពង់ត្រឡាច បានឲ្យដឹងថា ជនរងគ្រោះមានឈ្មោះ ហេង សុបិន្ត អាយុ ១៩ ឆ្នាំ រស់នៅភូមិស្ពានដែក ឃុំធ្លកវៀន ស្រុកសាមគ្គីមានជ័យ។ សម្ភារៈដែលបានបាត់បង់មានទូរស័ព្ទដៃម៉ាកអាយហ្វូន ១១ ពណ៌ខ្មៅចំនួន ០១ គ្រឿង។ បន្ទាប់ពីទទួលបានពាក្យបណ្តឹង លោកវរសេនីយ៍ឯក នន ស៊ីណាត អធិការនគរបាលស្រុកកំពង់ត្រឡាច បានដឹកនាំកម្លាំងធ្វើការព្រាលស្ទាក់។ ជាមួយនឹងការសហការណ៍ពីជំនាញព្រហ្មទណ្ឌស្រុកពញាឮ ខេត្តកណ្ដាល កម្លាំងនគរបាលបានឃាត់បានម៉ូតូមួយគ្រឿងពណ៌ខ្មៅ ខណៈដែលជនសង្ស័យទាំង ២ នាក់បានរត់គេចខ្លួន៕

ព័ត៌មានសន្តិសុខសង្គម

ទីតាំងជល់មាន់ខុសច្បាប់ នៅក្នុងព្រៃចន្ទី ត្រូវបានកម្លាំងនគរបាល ស្រុកតាំងគោកបង្រ្កាប

ខេត្តកំពង់ធំ ÷ កម្លាំងនគរបាលស្រុកតាំងគោក បានបង្ក្រាបទីតាំងល្បែងជល់មាន់ខុសច្បាប់ ដែលមានទីតាំងក្នុងតំបន់ព្រៃចន្ទី ក្រោមការដឹកនាំដោយឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងអគ្គស្នងការនគរបាលជាតិ ឯកឧត្ដមនាយឧត្តមសេនីយ៍ ស ថេត។ កិច្ចប្រតិបត្តិការនេះធ្វើឡើងក្នុងសហការណ៍របស់ឯកឧត្តម នួន ផារ័ត្ន អភិបាលខេត្ត និងជាប្រធានគណៈបញ្ជាការរដ្ឋបាលខេត្ត។ ឧត្ដមសេនីយ៍ត្រី ទិត សំណាង ស្នងការរងផែនការងារនគរបាលព្រហ្មទណ្ឌ បានប្រាប់ថា កិច្ចប្រតិបត្តិការនេះបានប្រព្រឹត្តទៅកាលពីថ្ងៃទី៩ ខែវិច្ឆិកា ឆ្នាំ២០២៤ វេលាម៉ោង១៣ និង០០នាទី ដោយកម្លាំងនគរបាលស្រុកតាំងគោក ដឹកនាំដោយលោកវរសេនីយ៍ឯក សន តាល់។ ក្រុមប្រតិបត្តិការបានចូលបង្ក្រាបទីតាំងជល់មាន់ ខុសច្បាប់នៅចំណុចក្នុងព្រៃចំការស្វាយចន្ទី តំបន់អូរក្បាលហុង ដែលស្ថិតនៅក្នុងភូមិសាស្រ្តភូមិជីវភាព ឃុំអណ្តូងពោធិ៍ ស្រុកតាំងគោក ខេត្តកំពង់ធំ។ ជាលទ្ធផលនៃកិច្ចប្រតិបត្តិការ កម្លាំងនគរបាលបានដកហូតវត្ថុតាងប្រមាណ ២០ ម៉ូតូម៉ាកឌ្រីម និងមាន់ជល់ចំនួន ៥ក្បាល រួមជាមួយសម្ភារៈផ្សេងៗទៀត។ សម្រាប់អ្នកដែលចូលរួមល្បែងស៊ីសងបានរត់គេចខ្លួនពីកន្លែងកើតហេតុ ហើយកម្លាំងសមត្ថកិច្ចកំពុងសហការសម្រាប់ចាត់ការតាមនីតិវិធីបន្ត។

ព័ត៌មានអន្តរជាតិ

ប្រជាជនហ្វីលីពីន រាប់ពាន់នាក់ បង្ខំចិត្តភៀសខ្លួន ចេញពីលំនៅដ្ឋាន ដោយសារព្យុះទីហ្វុង វាយប្រហាបោកបក់ជាលើកទីបួន

អន្តរជាតិ ៖ មន្ត្រីក្នុងតំបន់បានឲ្យដឹងថា មនុស្សរាប់ពាន់នាក់ កំពុងផ្លាស់ទីលំនៅស្វែងរកទីជម្រកសុវត្ថិភាព ខណកំពង់ផែមួយចំនួនត្រូវបិទនៅក្នុងប្រទេសហ្វីលីពីន បន្ទាប់ពីការវាយប្រហារដោយព្យុះទីហ្វុងជាលើកទីបួនក្នុងរយៈពេលតិចជាងមួយខែ។ ទីភ្នាក់ងារអាកាសធាតុជាតិ រាយការណ៍ថា ព្យុះទីហ្វុង Toraji បានបោកបក់នៅជិតទីក្រុង Dilasag ប្រហែល ២២០ គីឡូម៉ែត្រភាគឦសាននៃរដ្ឋធានីម៉ានីល ។ លោក Merwina Pableo ប្រធានការពារជនស៊ីវិលនៃក្រុង Dinalungan ក្បែរទីក្រុង Dilasag បញ្ជាក់ថា ដើមឈើមួយចំនួនត្រូវបានរំលំ និងគ្មានអគ្គិសនី ចាប់តាំងពីម្សិលមិញ ដោយសារខ្យល់បក់ខ្លាំង និងភ្លៀងធ្លាក់ខ្លាំង ។ ក្រុមអ្នកជួយសង្គ្រោះ បាននិយាយថា មនុស្សប្រហែល ៧,០០០ នាក់ ត្រូវជម្លៀសចេញពីតំបន់ឆ្នេរ ក៏ដូចជាតំបន់ដែលងាយរងគ្រោះដោយទឹកជំនន់ និងការរអិលបាក់ដីនៅ Aurora និង Isabela ដែលជាខេត្តពីរដំបូងដែលរងការវាយប្រហារ មុនគេ ។ គួរបញ្ជាក់ថា រដ្ឋាភិបាល បានបញ្ជាឱ្យជម្លៀសពលរដ្ឋចំនួន ២,៥០០ នាក់ កាលពីថ្ងៃអាទិត្យ ទោះបីជាការិយាល័យគ្រោះមហន្តរាយជាតិ មិនមានចំនួនសរុបនៃអ្នកជម្លៀសក៏ដោយ គិតត្រឹមថ្ងៃចន្ទនេះ […]

Day: November 12, 2024

ជនសង្ស័យ ២ នាក់ជាចោរ ឆក់ទូរស័ព្ទភ័យ រត់បាត់ស្រមោល ទុកម៉ូតូចោល

ទីតាំងជល់មាន់ខុសច្បាប់ នៅក្នុងព្រៃចន្ទី ត្រូវបានកម្លាំងនគរបាល ស្រុកតាំងគោកបង្រ្កាប

មាតិការ

ទំានាក់ទំនង