ខេត្តកោះកុង ៖ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង និងជាប្រធានអនុគណៈកម្មការចំពោះកិច្ចចាក់វ៉ាក់សាំងកូវីដ-១៩ បានអញ្ជើញជាអធិបតី បើកយុទ្ធនាការចាក់វ៉ាក់សាំង AstraZeneca ដូសទី៣ (ជាដូសជំរុញ) ជូនដល់ថ្នាក់ដឹកនាំ ក្រុមគ្រូពេទ្យ និងមន្ត្រីជួរមុខ ដែលប្រឈមនឹងហានិភ័យនៃការឆ្លងជំងឺកូវីដ-១៩ បំប្លែងថ្មី Delta ដើម្បីបង្កើតប្រព័ន្ធការពារដ៏រឹងមាំថែមទៀត នៅក្នុងខ្លួនមនុស្ស ជាពិសេសឆ្លើយតបនឹងវត្តមានមេរោគកូវីដ-១៩ បំប្លែងខ្លួនថ្មី ដែលកំពុងតែរីករាលដាលនៅក្នុងតំបន់ កាលពីថ្ងៃទី៨ ខែសីហា ឆ្នាំ២០២១ ម្សិលមិញ។ ក្នុងឱកាសនោះ លោកជំទាវ មិថុនា ភូថង បានគោរពថ្លែងអំណរគុណ ជូនចំពោះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានផ្តល់វ៉ាក់សាំង AstraZeneca សម្រាប់ចាក់ដូសទី៣បន្ថែម ដើម្បីជំរុញឱ្យមានអង្គបក្ខដិបក្ខក្នុងខ្លួន ប្រឆាំងនឹងជំងឺកូវីដ-១៩ បំប្លែងថ្មី ជូនដល់មន្ត្រីជួរមុខរួមមាន៖ ថ្នាក់ដឹកនាំ ក្រុមគ្រូពេទ្យ ក្រុមយុវជន ក្រុមប្រឹក្សាឃុំ មេភូមិ អនុភូមិ មន្ត្រីរាជការ និងកងកម្លាំងជួរមុខ នៅក្នុងខេត្ត ជាបន្តបន្ទាប់ផងដែរ។ […]
Month: August 2021
សម្ដេចតេជោ ហ៊ុន សែន អញ្ជើញទទួល វ៉ាក់សាំងបង្ការ ជំងឺកូវីដ១៩ ដែលជាជំនួយរបស់ ប្រជាជន និងរដ្ឋាភិបាល ចក្រភពអង់គ្លេស
រាជធានីភ្នំពេញ ៖ នៅរសៀលថ្ងៃព្រហស្បតិ៍ ១២រោច ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៥ ខែសីហា ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញក្នុងពិធីប្រគល់-ទទួលវ៉ាក់សាំងបង្ការជំងឺកូវី-១៩ ដែលជាជំនួយរបស់ប្រជាពលរដ្ឋ និងរដ្ឋាភិបាលចក្រភពអង់គ្លេសចំនួន ៤១៥,០០០ ដូស។ ឯកអគ្គរាជទូតស្តីទីអង់គ្លេសប្រចាំនៅកម្ពុជា បានលើកឡើងថា ជំងឺរាតត្បាតកូវីដ-១៩ ជាបញ្ហារបស់សកលលោកដែលទាមទារ ឱ្យមានដំណោះស្រាយជាសកល។ ដូច្នេះហើយបានជាចក្រភពអង់គ្លេសកំពុងរួមចំណែកយ៉ាងសំខាន់ក្នុងការប្រយុទ្ធជាសកលប្រឆាំងនឹងជំងឺកូវីដ១៩។ លោកបានគូសបញ្ជាក់ថា លោកពិតជារីករាយចំពោះការធ្វើការយ៉ាងជិតស្និទ្ធជាមួយរាជរដ្ឋាភិបាលកម្ពុជា ដើម្បីប្រយុទ្ធប្រឆាំងនឹងជំងឺកូវីដ-១៩។ លោកបានបង្ហាញការរំពឹងថា វ៉ាក់សាំងជាជំនួយនេះ នឹងជួយពង្រីក និងពន្លឿនកម្មវិធីចាក់វ៉ាក់សាំងរបស់ប្រទេសកម្ពុជា។ លោកឯកអគ្គរាជទូតស្តីទីអង់គ្លេសប្រចាំនៅកម្ពុជាបានថ្លែងបន្តថា វ៉ាក់សាំងជំនួយរបស់អង់គ្លេសនេះ នឹងជួយដល់សហគមន៍ក្នុងមូលដ្ឋាន ដើម្បីចាប់ផ្តើមអាជីវកម្ម ការពារសេវាកម្មសុខភាព និងស្តារជីវភាពរស់នៅរបស់ប្រជាជនកម្ពុជាឡើងវិញ។ សម្ដេចតេជោ នាយករដ្ឋមន្ត្រី បានស្វាគមន៍និងអរគុណចំពោះរដ្ឋាភិបាល និងប្រជាពលរដ្ឋនៃចក្រភពអង់គ្លេសដែលបានផ្ដល់វ៉ាក់សាំងបង្ការជំងឺកូវី-១៩ ជូនដល់រាជរដ្ឋាភិបាលនិងប្រជាពលរដ្ឋកម្ពុជាចំនួន៤១៥,០០០ដូស ប្រភេទវ៉ាក់សាំង Astra Zeneca ដែលជាជំនួយសប្បុរសធម៌ដ៏ថ្លៃថ្លា និងជាសន្តានចិត្តជួយគ្នាក្នុងគ្រាលំបាកក្នុងបរិការណ៍ដែលវ៉ាក់សាំងគឺជាទំនិញយុទ្ធសាស្ត្រគន្លឹះ និងមានតម្រូវការខ្ពស់ក្នុងសមរភូមិប្រយុទ្ធ នឹងការឆ្លងរាលដាលនៃជំងឺកូវីដ-១៩ នៅគ្រប់ទិសទីនៃពិភពលោក។ […]
សមត្ថកិច្ចដោះស្រាយ ករណីជម្លោះរវាង ឈ្មួញស្រូវដណ្តើម ផែទូក កាណូត ផ្ទេរស្រូវ លក់ឲ្យឈ្មួញវៀតណាម នៅប្រឡាយទាហាន
ខេត្តស្វាយរៀង ៖ មានករណីឈ្មួញស្រូវបានផ្ទុះជម្លោះ ឈ្លោះដណ្តើមបេន ផែ ទូកកាណូតគ្នា ដោយម្ខាងយកទូកកាណូតដាក់ត្រួតគ្នា បិទព្រែកមិនឲ្យ ទូកកាណូតភាគីម្ខាងទៀតចូលមកដឹកស្រូវធ្វើឲ្យជម្លោះផ្ទុះឡើង ចំណែកអ្នកមានបេនរថយន្តនៅដើមផ្លូវយករថយន្តដឹកស្រូវដាក់បិទផ្លូវរថយន្តមិនឲ្យរថយន្តភាគីខាងចុងផ្លូវចូលរថយន្តទៅបេន ផែកាណូត វិញ បង្កឲ្យមានការកកស្ទះរថយន្តពេញដងផ្លូវរយៈពេល១២ម៉ោង តាំងពីវេលាម៉ោង ៧ ព្រឹក រហូតដល់ម៉ោង ២រសៀល ថ្ងៃទី ៤ ខែសីហា ឆ្នាំ ២០២១ នៅចំណុចប្រឡាយទាហាន ស្ថិតនៅភូមិព្រៃវល្លិ៍ ឃុំថ្មី ស្រុកកំពង់រោទិ៍ ជិតច្រកទ្វារព្រំដែនអន្តរជាតិព្រៃវល្លិ៍ ។ បើតាមសមត្ថកិច្ចនគរបាលប៉ុស្ត៍រដ្ឋបាលឃុំថ្មី បានឲ្យដឹងថា ករណីជម្លោះរវាងឈ្មួញស្រូវ និងឈ្មួញស្រូវនេះ គឺដណ្តើមផែទូក កាណូត ផ្ទេរស្រូវលក់ឲ្យ ម៉ូយវៀតណាម ។ មុនពេលកើតហេតុ គឺឈ្មោះ ឡុង លាភ ភេទប្រុស អាយុ២៥ឆ្នាំ និងឪពុក មានស្រុកកំណើតនៅខេត្តព្រៃវែងបានមកទិញដីធ្វើបេន ចំណតរថយន្ត ជាប់ប្រឡាយទាហាន ក្បែរព្រែកព្រៃវល្លិ៍ ជាប់ព្រំដែន ហើយនៅព្រឹកកើតហេតុ ២នាក់ឪពុកនិងកូន បានឲ្យវៀតណាមចតទូកពេញប្រឡាយ ចត […]
គួរអាណិតណាស់ មេធាវីម្នាក់ បានលង់ទឹកស្លាប់ នៅឆ្នេរអូរត្រេះ១ ក្រុងព្រះសីហនុ ពេលមានរលកធំ ខណៈចុះលេងទឹក ជាមួយមិត្តភ័ក្រ្ត
ខេត្តព្រះសីហនុ ៖ សាកសពមេធាវីវ័យក្មេង ដែលបានលង់ទឹកស្លាប់ កាលពីរសៀលថ្ងៃទី០៣ ខែសីហា កន្លងមក ត្រូវបានរកឃើញហើយ នៅចម្ងាយពីកន្លែងកើតហេតុ ជិតពីរគីឡូម៉ែត្រ ស្ថិតក្នុងភូមិប្រាំមួយ សង្កាត់៤ ក្រុងនិងខេត្តព្រះសីហនុ នៅវេលាម៉ោង៦និង១០នាទីព្រឹកថ្ងៃទី០៤ ខែសីហា ឆ្នាំ២០២១នេះ។ ជនរងគ្រោះលោកមេធាវីខាងលើ ត្រូវបានអាជ្ញាធរមានសមត្ថកិច្ចឲ្យដឹងថា លោកមេធាវីខាងលើមានឈ្មោះ ជូ ជាគុយ ភេទប្រុស អាយុ ២៩ ឆ្នាំ ជនជាតិខ្មែរ មានមុខរបរជាមេធាវី ទីលំនៅរាជធានីភ្នំពេញ បានមកក្រុងព្រះសីហនុ ក្នុងបេសកកម្មការងារ និងទេសចរណ៍។ ជនរងគ្រោះ នាវេលា រសៀល ថ្ងៃទី០៣ ខែសីហា ឆ្នាំ ២០២១ រូមនិងមិត្តភ័ក្រ មានគ្នាចំនួន ០៤នាក់ គឺជាភ្ញៀវទេសចរជនជាតិខ្មែរ មកពីរាជធានីភ្នំពេញ បាននាំគ្នាចុះទៅលេងទឹកសមុទ្រ នៅត្រង់ចំណុចឆ្នេរអូរត្រេះ១ ស្ថិតក្នុងភូមិលេខ៦ សង្កាត់លេខ៤ ក្រុងព្រះសីហនុ ។ ជនរងគ្រោះ ចុះទៅលេងទឹកពេលមានរលកបោកបក់ខ្លាំង ជាហេតុធ្វើឲ្យជនរងគ្រោះបានបាត់ខ្លួនក្នុងពេលនោះតែម្តង ។ […]
ក្រសួងសុខាភិបាល ប្រកាសរកឃើញ វីរុសកូវីដ-១៩ បំប្លែងថ្មី Delta ចំនួន ៣៦ករណី បន្ថែមទៀត
រាជធានីភ្នំពេញ ៖ ក្រសួងសុខាភិបាល នៅថ្ងៃនេះ បានចេញសេចក្តីជូនព័ត៌មាន ស្តីពីការរកឃើញវីរុសកូវីដ-១៩ បំប្លែងថ្មី B.1.617.2 (Delta) ចំនួន ៣៦ ករណី នៅថ្ងៃទី០៣ ខែសីហា ឆ្នាំ២០២១ ម្សិលមិញ។ នៅក្នុងសេចក្តីជូនព័ត៌មាននោះ ក្រសួងសុខាភិបាល បញ្ជាក់ថា ក្នុងចំណោម៣៦ ករណី គឺមាន ៥នាក់នៅរាជធានីភ្នំពេញ ,៩នាក់នៅខេត្តឧត្តរមានជ័យ, ១៨នាក់នៅខេត្តសៀមរាប និង៤នាក់នៅខេត្តកំពង់ធំ ៕
ក្លិនសំណាកនៃ អ្នកជម្ងឺកូវីដ១៩ ត្រូវបានសុនខ៣ក្បាល ហិតរកឃើញ ប្រកបដោយជោគជ័យ ក្នុងដំណាក់កាល ហ្វឹកហ្វឺនបឋម
ខេត្តកំពង់ឆ្នាំង ៖ នៅវិទ្យាស្ថានបច្ចេកទេសសកម្មភាពកំចាត់មីន (ស៊ីម៉ាក់ខេត្តកំពង់ឆ្នាំង) មន្ត្រីស៊ីម៉ាក់បានចុះមកពិនិត្យនិងវាយតំលៃការងារសិក្សាស្រាវជ្រាវនិងអភិវឌ្ឍន៍បច្ចេកទេសសុនខ ហិតរកអ្នកផ្ទុកវីរុសកូវីដ-១៩ នាថ្ងៃចន្ទ័ ទី២ ខែសីហា ឆ្នាំ២០២១ នេះ។ ក្រោយពីបានទទួលសំណាកក្លិន(VOC)អ្នកជម្ងឺកូវីដ-១៩ចំនួន៤៨សំណាក ពីក្រុមការងារបច្ចេកទេសនៃសាកលវិទ្យាល័យវិទ្យាសាស្ត្រសុខាភិបាល ដែលសំណាកទាំង៤៨បានឆ្លងកាត់ត្រួតពិនិត្យPCR និងការបណ្តុះមេរោគ (cell culture)ដើម្បីធានាសុវត្ថិភាពសំណាកក្នុងការបំរើការងារហ្វឹកហ្វឺន ក្រុមជំនាញសុនខស៊ីម៉ាក់បានដំណើរការហ្វឹកហ្វឺនសុនខហិតក្លិនអ្នកផ្ទុកវីរុសកូវីដ+១៩នេះតាមផែនការ ។ សូមអបអរសាទរចំពោះសុនខក្រុមទី១ចំនួន៣ក្បាលដែលបានហិតរកឃើញក្លិនសំណាកនៃអ្នកជម្ងឺកូវីដ-១៩ប្រកបដោយជោគជ័យក្នុងដំណាក់កាលហ្វឹកហ្វឺនស្រាវជ្រាវបឋមនេះ។រីឯសុនខក្រុមទី២ចំនួន៧ក្បាលទៀត កំពុងមានវឌ្ឍនភាពគួរឱ្យកត់សំគាល់ ។ ជាលក្ខណ:បច្ចេកទេសសុនខអាចហិតរកឃើញក្លិនសំណាកក្នុងរយ:ពេលប្រមាណតែ១០-១៥វិនាទី។ ការប្រើប្រាស់សុនខហិតអ្នកផ្ទុកវីរុសកូវីដ-១៩មានប្រសិទ្ធភាពសំរាប់ហ្វូងមនុស្សប្រមូលផ្តុំច្រើនដូចជាព្រលានយន្តហោះ ច្រកទ្វារអន្តរជាតិ និងពហុកីឡាដ្ឋានជាដើម។ ជាមួយនេះដែរផ្អែកតាមអ្នកជំនាញ ឱ្យបានដឹងថា មិនទាន់មានភស្តុតាងផ្លូវការណាមួយបញ្ជាក់ថាមានការឆ្លងវីរុសកូវីដ-១៩ពីមនុស្សទៅសុនខឡើយ ៕
នគរបាល ចុះបង្ក្រាបទីតាំង ស្តុកទុកនិងចែកចាយ អាកុល-ម៉ាស់ របស់ជនជាតិវៀតណាម និងខ្មែរ ចំនួន១០កន្លែង ដែលគ្មានច្បាប់អនុញ្ញាត្ត
ខេត្តកណ្តាល ៖ ទីតាំងស្តុបទុកលក់ និងចែកចាយនូវអាកុល-ម៉ាស់របស់ជនជាតិវៀតណាម និងខ្មែរចំនួន10កន្លែង ដែលសង្ស័យគ្មានច្បាប់អនុញាតពីក្រសួងសុខាភិបាល ត្រូវបានកម្លាំងប៉ូលិសសេដ្ឋកិច្ចខេត្តកណ្តាល ដឹកនាំដោយលោកឧត្តមសេនីយ៍ត្រី លី សុជាតិ ស្នងការរងនគរបាលខេត្តកណ្តាល សហការជាមួយកម្លាំងគណៈបញ្ជាការឯកភាពស្រុកលើកដែក មានអភិបាលរងស្រុក សុខាភិបាលស្រុក មេឃុំ មេភូមិ ប៉ូលិស ប៉េអឹម ប្រជាការពារភូមិ ដឹកនាំដោយលោក ចាប ច័ន្ទវិទ្យា អភិបាលស្រុកលើកដែក ចុះបង្ក្រាបជាបន្តបន្ទាប់។ ប្រតិបត្តិការនេះធ្វើរយៈពេល3ថ្ងៃពេញ គឺចាប់ពីថ្ងៃទ31 ខែកក្កដា ដល់ថ្ងៃទី2 ខែសីហា ឆ្នាំ2021 នៅចំណុចភូមិស្ពានដែក និងភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្ដាល។ ដោយនៅភូមិស្ពានដែក មាន៧ទីតាំង ៖ ១-ផ្ទះឈ្មោះ ដង ធីសឿង ភេទស្រី អាយុ៥០ឆ្នាំ ជនជាតិវៀតណាម -ដកហូត អាកុល=៦៩កាន -ម៉ាស់=២១២កេស ២-ឈ្មោះ ង្វៀង ធីជាង ភេទស្រី អាយុ៣៩ឆ្នាំ ជនជាតិវៀតណាម -ដកហូត […]
អភិបាល នៃគណះអភិបាល ខេត្តកំពង់ឆ្នាំង អំពាវនាវ សូមបន្តអនុវត្ត ដោយយកចិត្តទុកដាក់ នូវវិធានការ ”៣ការពារ ៣កុំ” ដើម្បីការពារខ្លួនពីជំងឺកូវីដ-១៩
ខេត្តកំពង់ឆ្នាំង ៖ នៅថ្ងៃទី៣០ ខែកក្កដា ឆ្នាំ២០២១ ឯកឧត្តម ស៊ុន សុវណ្ណារិទ្ធិ អភិបាលនៃគណះអភិបាលខេត្តកំពង់ឆ្នាំង បានជួបប្រជុំការងារជាមួយ លោក ឆាត សុភាព នាយកអង្គការវ៉តធ័រអេតប្រចាំកម្ពុជា និងក្រុមការងារ ដើម្បីពិភាក្សា លើការងារអភិវឌ្ឍន៍ការប្រើប្រាស់បង្គន់អនាម័យនៅទីប្រជុំជន និងតាមជនបទក្នុងខេត្ត ដោយមានការអញ្ជើញចូលរួមពីអភិបាលរងខេត្ត និងប្រធានមន្ទីរអភិវឌ្ឍន៍ជនបទ ។ ក្នុងឱកាសនោះផងដែរ ឯកឧត្តម បានកោតសរសើរ និងវាយតម្លៃខ្ពស់ចំពោះក្រុមការងារអង្គការវ៉តធ័រអេតប្រចាំកម្ពុជា ដែលតែងបានចូលរួមយ៉ាងសកម្មក្នុងការជំរុញលើកកម្ពស់វិស័យទឹកស្អាត និងអនាម័យជនបទ នៅក្នុងខេត្តកំពង់ឆ្នាំង។ ឯកឧត្តម ក៏បានស្នើដល់លោកនាយកអង្គការ និងក្រុមការងារ សូមបន្តកិច្ចសហការល្អជាមួយរដ្ឋបាលខេត្ត មន្ទីរជំនាញ និងអាជ្ញាធរមូលដ្ឋាន ដើម្បីរួមគ្នាសម្រេចឲ្យបាននូវចក្ខុវិស័យរបស់រាជរដ្ឋាភិបាល ក្នុងការលើកកម្ពស់វិស័យទឹកស្អាត និងអនាម័យជនបទ ប្រជាពលរដ្ឋរស់នៅមានសុខភាពល្អ និងមានជីវភាពកាន់តែល្អប្រសើរ។ ឯកឧត្តមក៏សូមថ្លែងអំណរគុណផងដែរជូនចំពោះអង្គការវ៉តធ័រអេតប្រចាំកម្ពុជា ដែលបានចូលរួមឧបត្ថម្ភអំណោយជាស្បៀងអាហារ និងគ្រឿងបរិក្ខារមួយចំនួនដល់រដ្ឋបាលខេត្ត សម្រាប់ប្រយុទ្ធប្រឆាំងនឹងជំងឺកូវីដ-១៩ និងជួយដល់ប្រជាពលរដ្ឋងាយរងគ្រោះដោយគ្រោះមហន្តរាយផ្សេងៗ ។ ឆ្លៀតក្នុងឱកាសនេះ ក៏សូមអំពាវនាវដល់បងប្អូនប្រជាពលរដ្ឋនៅទូទាំងខេត្ត សូមបន្តយកចិត្តទុកដាក់រៀបចំអនាម័យភូមិដ្ឋានឲ្យបានស្អាត មានអនាម័យ បរិស្ថានល្អ […]
ប្រទេសថៃ មានអ្នកស្លាប់ ដោយកូវីដ ១៩ ចំនួន១៧៨នាក់ទៀត និងឆ្លងថ្មី ១៧.៩៧០ ករណី នៅថ្ងៃនេះ
អន្តរជាតិ ៖ នៅព្រឹកថ្ងៃច័ន្ទនេះ ក្រសួងសុខាភិបាលថៃ បានរាយការណ៍ថា មានអ្នកស្លាប់ដោយសារជំងឺកូវីដ ១៩ ថ្មីចំនួន ១៧៨ នាក់និ ងករណីថ្មីចំនួន ១៧.៩៧០ ករណី ក្នុងរយៈពេល ២៤ ម៉ោងចុងក្រោយនេះ។ អាជ្ញាធរថៃ បាននិយាយថា ក្នុងចំណោមករណីឆ្លងថ្មីខាងលើ គឺមាន ១៧.៧៩៥ ករណីជាប្រជាជនទូទៅនិង ១៧៥ ករណីទៀតជាអ្នកទោសក្នុងពន្ធនាគារ។ ចាប់តាំងពីថ្ងៃទី ១ ខែមេសា នៅពេលផ្ទុះឡើងរលកទី ៣ នៃកូវីដ ១៩ មានអ្នកឆ្លងសរុបចំនួន ៦០៤.៤២១ នាក់ក្នុងនោះ ៣៩១.៨១៥ នាក់បានជាសះស្បើយ។ ចាប់តាំងពីជំងឺរាតត្បាតនេះបានផ្ទុះឡើងកាលពីដើមឆ្នាំមុន មានករណីឆ្លងជំងឺកូវីដ ១៩ សរុបចំនួន ៦៣៣.២៨៤ ករណីក្នុងនោះ ៤១៩.២៤១ នាក់បានជាសះស្បើយ។ ចំនួនអ្នកស្លាប់មានចំនួន ៥.០៧៧ នាក់នៅក្នុងរលកទី ៣ នាំឲ្យចំនួនអ្នកស្លាប់សរុបកើនឡើងដល់ ៥.១៦៨ នាក់ចាប់តាំងពីការផ្ទុះឡើងនៃជំងឺរាតត្បាតកាលពីដើមឆ្នាំមុន៕