ខេត្តកំពង់ឆ្នាំង ៖ លោកលី ឡា នាយខណ្ឌរដ្ឋបាលជលផលកំពង់ឆ្នាំងឲ្យដឹងថា៖ សម្រាស់រួមផ្សំកំប្លោកចំនួន០២ករណី ៤៧កន្លែង ស្មើនិង២៣៥០ម៉ែត្រការ៉េ មែកសម្រាស់ចំនួន១៤១០មែក បង្គោលចំនួន៧០៥ដើម ខ្សែចងប្រវែង២០គីឡូក្រាម រួមជាមួយរបាំងស្បៃមុង០១ករណី ស្មើនឹង១១កន្លែង ប្រវែង២៥០ម៉ែត្រ លូស្បៃមុងចំនួន១១គ្រឿង បង្គោលចំនួន២០០ដើម ត្រូវបានសមត្ថកិច្ចចំរុះខេត្តកំពង់ឆ្នាំង ធ្វើការបង្ក្រាបរើកម្ទេចចោល នៅនឹងកន្លែង ក្នុងនោះចាក់លែងត្រីចំរុះចំនួន៥០គីឡូក្រាមក្នុងដែននេសាទវិញផងដែរ។ ប្រតិបត្តិការនេះនៅថ្ងៃទី២៣ ខែមករា ឆ្នាំ២០២៤ នៅចំណុចព្រែកតាសួស ភូមិពាមឆ្កោក,ចំណុចព្រែកក្បាលកន្លង់ ក្នុងភូមិក្បាលកន្លង់ ឃុំពាមឆ្កោក ស្រុកជលគិរី និងមួយទីតាំងទៀតនៅចំណុចព្រែកកោះរ៉ង,ចំណុចចុងតាគង់, ភូមិកោះតាម៉ូវ ឃុំកំពង់ព្រះគគីរ ស្រុកបរិបូណ៌ ខេត្តកំពង់ឆ្នាំង។ គួរបញ្ជាក់ផងដែរ ប្រតិបត្តិការខាងលើនេះ ប្រើប្រាស់កម្លាំងសរុប២១នាក់ និងមធ្យោបាយបាឡាស្មាច់០៥ គ្រឿង ដឹកនាំដោយ លោក អ៊ឹង ជឺប៉ោ នាយរងខណ្ឋរដ្ឋបាលជលផលកំពង់ឆ្នាំង៕
ព័ត៌មានសន្តិសុខសង្គម
បុគ្គលឹកអគ្គិសនី ខេត្តកំពង់ឆ្នាំងម្នាក់ ត្រូវបានឆក់ស្លាប់ ខណៈកំពុងបំពេញការងារ
ខេត្តកំពង់ឆ្នាំង ៖ បុគ្គលឹកអគ្គីសនីម្នាក់បានឡើងបង្គោលដោះខ្សែភ្លើងចេញដើម្បីរំកិលបង្គោលចេញ តែសង្ស័យខុសបច្ចេកទេស បណ្តាលឲ្យឆក់ទើនៅផ្ទៃខាងលើបង្គោលភ្លើង តែជាអកុសល ត្រូវបានស្លាប់ពេលបញ្ជូនដល់មន្ទីរពេទ្យ។ ហេតុការនេះនៅម៉ោងប្រមាណ១០និង១០នាទីព្រឹកថ្ងៃទី១៩ ខែមករា ឆ្នាំ២០២៤ នៅចំណុចព្រែកល្វា ស្ថិតក្នុងភូមិភូមិតាមល់លើ ឃុំកោះថ្កូវ ស្រុកជលគិរី ខេត្តកំពង់ឆ្នាំង។ សាក្សីនៅទីនោះឲ្យដឹងថា៖ មុនកើតហេតុជនរងគ្រោះឡើងទៅលើបង្គោលភ្លើងដើម្បីដោះខ្សែភ្លើងរំកិលបង្គោលចេញកុំឲ្យទើសផ្លូវប្រជាពលរដ្ឋបើកបរឆ្លងកាត់ ពេលនោះជនរងគ្រោះបានឡើងទៅលើបង្គោល បានប៉ះខ្សែភ្លើងបណ្ដាលឲ្យឆក់ជនរងគ្រោះសន្លប់បាត់មាត់ឈឹងនៅលើបង្គោល។ពេលនោះក្រុមការងារខាងអគ្គិសនីឃើញដូច្នេះ បាននាំគ្នាឡើងទៅយកជនរងគ្រោះចុះមកដីរួចបានលើកជនរងគ្រោះដាក់លើរថយន្តដឹកយកទៅសង្គ្រោះនៅមន្ទីរពេទ្យបង្អែកខេត្តកំពង់ឆ្នាំង ពេលទៅដល់មន្ទីរពេទ្យជាអកុសលជនរងគ្រោះបានស្លាប់បាត់ទៅហើយ។ ប្រភពសមត្ថកិច្ចមូលដ្ឋានឲ្យដឹងថា៖ ជនរងគ្រោះមានឈ្មោះ សុខ តេង ភេទប្រុស អាយុ៣៦ឆ្នាំ ជនជាតិខ្មែរ ជាក្រុមការងារ អគ្គិសនីខេត្តកំពង់ឆ្នាំង រស់នៅភូមិទឹកល្អក់ ឃុំក្រាំងលាវ ស្រុករលាប្អៀរ ខេត្តកំពង់ឆ្នាំង។ ក្រោយពេលធ្វើការពិនិត្យសាកសពរួចរាល់ហើយត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីផងដែរ៕
សង្វេគណាស់! គ្រួសារមួយក្រីក្រ ហើយភ្លើងឆេះផ្ទះខ្ទេច គ្មានសល់ទៀត សល់តែសំលៀកបំពាក់មួយចង្កេះជាប់ខ្លួន
ខេត្តកំពង់ឆ្នាំង ៖ ផ្ទះធ្វើអំពីសរសរឈើប្រក់ស្លឹកទំហំ៣x៤ មួយខ្នង ត្រូវភ្លើង ភ្លើងឆេះផ្ទះខ្ទេចគ្មានសល់ ខណៈគ្រួសារនេះកំពុងមានជីវភាពខ្វះខាត រកទីពំនាក់គ្មាន។ ហេតុការនេះកើតឡើងនៅវេលាម៉ោងប្រមាណ១៦និង១៥នាទីល្ងាចថ្ងៃទី១៧ ខែមករា ឆ្នាំ២០២៤នេះ ស្ថិតនៅភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង។ ប្រភពនៅទីនោះបញ្ចាក់ថា៖ជនរងគ្រោះប្ដីឈ្មោះ ចាប ចំរើន ប្រពន្ធឈ្មោះ កា ភាព មានកូនចំនួន៤នាក់ នៅក្នុងបន្ទុក ហើយជាគ្រួសារក្រីក្រ សុំដីរបស់គេដើម្បីសង់ផ្ទះតូចមួយរស់នៅបណ្ដោះអាសន្ន។ ករណីនេះមិនទាន់ដឹងពីមូលហេតុនោះទេ ដោយមិនមានមនុស្សនៅលើផ្ទះ ហើយគាត់និងប្រពន្ធព្រមទាំងកូន រវល់ចុះទៅធ្វើការស៊ីឈ្នួលកម្មករគេនៅមាត់ទន្លេ នៅក្នុងភូមិសង្កាត់ ដែលកើតហេតុខាងលើ ។ អគ្គិភ័យនេះឆេះផ្ទះអស់ទាំងស្រុង រួមទាំងសម្ភារៈ មួយចំនួនដូចជា៖ សម្លៀកបំពាក់ មុង ភួយ ខ្នើយក ន្ទេល ឆ្នាំង ចាន ឯកសារសៀវភៅគ្រួសារ អត្តសញ្ញាណ ប័ណ្ណសំបុត្រកំណើត ជាពិសេសគឺប័ណ្ណក្រីក្ររបស់គ្រួសារគាត់ ។ ដូចនេះពួកគាត់ សូមអំពាវនាវ សប្បុរសជន ឯកឧត្តម លោកជំទាវ ថ្នាក់ដឹកនាំ ទាំងអស់ សូមមេត្តាជួយគាត់ផង […]
អធិការដ្ឋាន នគរបាល ស្រុកកំពង់ត្រឡាច ចុះអប់រំសិស្សសាលា ចំនួន២០នាក់ និងធ្វើកិច្ចសន្យា បញ្ឈប់ការគេចសាលា
ខេត្តកំពង់ឆ្នាំង ៖ កម្លាំងអធិការដ្ឋាននគរបាលស្រុកកំពង់ត្រឡាច ជំនាញព្រហ្មទណ្ឌ គ្រឿងញៀន ចរាចរណ៍ សហការជាមួយកម្លាំងប៉ុស្តិ៍នគរបាលរដ្ឋបាលអូរឬស្សី និង កម្លាំងប៉ុស្តិ៍នគរបាលរដ្ឋបាលថ្មឥដ្ឋ ចុះអប់រំ ធ្វើកិច្ចសន្យាចំពោះសិស្សប្រមូលផ្ដុំ(គេចម៉ោងសិក្សា)បានមួយចំនួន។ លោកពេជ្រ សុផានី អធិការរងទទួលផែនព្រហ្មទណ្ឌស្រុកកំពង់ត្រឡាចបញ្ជាក់ថា៖ ការអនុវត្តនេះធ្វើឡើងនៅថ្ងៃទី១៥ ខែមករា ឆ្នាំ២០២៤ តាមហាងលក់ភេសជ្ជ:ចំនួន ០២ទីតាំង ស្ថិតក្នុងឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង ជាលទ្ធផល៖ ឃាត់ម៉ូតូចំនួន១១គ្រឿង រួមទាំងមនុស្សបានចំនួន២០នាក់ និងស្រី២នាក់ មកពីសាលាផ្សេងៗគ្នាក្នុងស្រុកកំពង់ត្រឡាច។ ក្រោយធ្វើការអប់រំ ធ្វើកិច្ចសន្សាបញ្ឈប់ការគេចសាលា ក្នុងនោះបានណែនាំបន្ថែមមិនឲ្យមានការប្រមូលផ្តុំ ធ្វើសកម្មភាពប្រាស់ចាកផ្សេងៗដែលសង្គមស្អប់ខ្ពើម ជាពិសេសសូមឲ្យប្អូនៗជាសិស្សានុសិស្សជៀសឲ្យឆ្ងាយពីគ្រឿងញៀន។ ក្រោយណែនាំរួចអាណាព្យាបាលបានមកធានាឲ្យត្រឡប់ទៅមូលដ្ឋានវិញផងដែរ ៕
បញ្ជូនខ្លួនជនសង្ស័យ២នាក់ ទៅតុលាការ ពាក់ព័ន្ធករណីគ្រឿងញៀន
ខេត្តកំពង់ឆ្នាំង ៖ ជនសង្ស័យ២នាក់ត្រូវបានកម្លាំងជំនាញ កសាងសំណុំរឿងបញ្ជូនទៅសាលាដំបូងខេត្តកំពង់ឆ្នាំង នៅវេលាម៉ោង៨:០០ព្រឹក ថ្ងៃទី់១៦ ខែមករា ឆ្នាំ២០២៤ ដើម្បីចាត់ការតាមនីតិវិធី។ ប្រភពសមត្ថកិច្ចឲ្យដឹងថា៖នៅម៉ោងប្រមាណ១៨និង៤០នាទី ល្ងាចថ្ងៃទី១៤ ខែមករា ឆ្នាំ២០២៤ កម្លាំងជំនាញកងរាជអាវុធហត្ថខេត្ត សហការជាមួយកម្លាំងមូលដ្ឋានកងរាជអាវុធហត្ថក្រុងកំពង់ឆ្នាំង ដឹកនាំដោយលោកវរសេនីយ៍ឯក ហង្ស សុជាតិ មេបញ្ជាការរង កងរាជអាវុធហត្ថខេត្ត ទទួលជំនាញផែនការប្រតិបត្តិការនិងហ្វឹកហ្វឺននិងជំនាញស្រាវជ្រាវ បង្ក្រាបបទល្មើស បានចុះបង្រ្កាបបទល្មើស រក្សាទុក និងជួញដូរដោយខុសច្បាប់នូវសារធាតុញៀន នៅចំណុចផ្ទះសំណាក់សុបិន្តល្អ ស្ថិតក្នុងភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង។ ជាលទ្ធផល៖ ធ្វើការឃាត់ខ្លួនជនសង្ស័យបាន ចំនួន០២នាក់ ៖១/ឈ្មោះ ចែម មេសា ភេទប្រុស អាយុ៣២ឆ្នាំ ជនជាតិខ្មែរ មានទីលំនៅភូមិទី៤ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង មុខរបរមិនពិតប្រាកដ។ ២/ឈ្មោះ សំរឹទ្ធ ចាន់ភារក្ស ភេទប្រុស អាយុ២៤ឆ្នាំ ជនជាតិខ្មែរ រស់នៅភូមិទី៨ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង […]
បើកបរត្រូវប្រយត្ន័ ស្លាប់់និងរបួសម្នាក់ ក្នុងករណីគ្រោះថ្នាក់ចរាចរណ៍ នៅស្រុករលាប្អៀរ
ខេត្តកំពង់ឆ្នាំង ៖ បុរសម្នាក់បានស្លាប់នៅមន្ទីរពេទ្យ ខណៈបញ្ជូនទៅសង្គ្រោះ និងស្ត្រីម្នាក់ទៀតរងរបួសធ្ងន់ ក្នុងករណី គ្រោះថ្នាក់ចរារណ៍រវាងម៉ូតូ និងរថយន្ត។ ហេតុការណ៍នេះកើតឡើង នៅថ្ងៃទី១៣ ខែមករា ឆ្នាំ២០២៤ វេលាម៉ោងប្រមាណ១៤និង៥៥នាទី លើផ្លូវជាតិលេខ៥ ចន្លោះគីឡូម៉ែត្រលេខ៨៦-៨៧ ត្រង់ចំណុចផ្លូវបំបែកជាបួន ស្ថិតក្នុងភូមិត្រោកលិច ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។ ប្រភពសមត្ថកិច្ចឲ្យដឹងថា៖គ្រោះថ្នាក់នេះកើតឡើង រវាងម៉ូតូ១គ្រឿង ម៉ាកHONDA C125 ពណ៌ខ្មៅ ពាក់ផ្លាកលេខ ភ្នំពេញ1AP-0098 បើកបរដោយឈ្មោះ អូក ស៊ុន ភេទប្រុស អាយុ៧៩ឆ្នាំ រស់នៅភូមិអង្គរាំង ឃុំបឹងត្រាញ ស្រុកសំរោង ខេត្តតាកែវ និងមានឌុបប្រពន្ធ ឈ្មោះ ឈូក ថន ភេទស្រី អាយុ៦៦ ឆ្នាំ បើកពីទិសខាងជើង ទៅទិសខាងត្បូង ពេលមកដល់ចំណុចខាងលើ បានបុករថយន្តមួយគ្រឿងម៉ាក Toyota Tacoma ពណ៌ទឹកប្រាក់ ពាក់ផ្លាកលេខរដ្ឋ17 -2-0466 បើកបរដោយឈ្មោះ ឈួន សារឿន […]
បើកបរត្រូវគោរពច្បាប់ចរាចរណ៏ មនុស្ស២នាក់របួសធ្ងន់ ករណីគ្រោះថ្នាក់ចរាចរណ៏ បុកបន្តបន្ទាប់ ក្នុងទិសដៅស្របគ្នា
ខេត្តកំពង់ឆ្នាំង ៖ យ៉ាងហោចណាស់មានមនុស្ស២នាក់រងរបួសធ្ងន់ ខណៈរថយន្ត២គ្រឿងបុកគ្នា និង បន្តកៀរម៉ូតូមួយគ្រឿង និងរ៉ឺម៉កមួយគ្រឿងទៀត ក្នុងទិសដៅស្របគ្នា។ ហេតុការណ៍នេះកើតឡើងនៅម៉ោងប្រមាណ០៦និង១១នាទីព្រឹកថ្ងៃទី១១ ខែមករា ឆ្នាំ២០២៤ នៅចំណុច ខាងជើងរូបសំណាកព្រះគោព្រះកែវ លើផ្លូវជាតិលេខ៥ ចន្លោះបង្គោលគីឡូម៉ែត្រលេខ៣៩-៤០ ស្ថិតក្នុងភូមិផ្សារត្រាច ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។ យោងតាមរបាយការណ៍របស់ស្នងការរង ទទួលបន្ទុកចរាចរណ៍ផ្លូវគោកខេត្តកំពង់ឆ្នាំង លោក កេត យ៉ុង បញ្ជាក់ថា៖ ករណីនេះកើតឡើងរវាងរថយន្ត០១គ្រឿង ម៉ាកHyundai Mighty ពណ៌ស ពាក់ផ្លាកលេខ កំពង់ធំ3A-0819 អ្នកបើកបរឈ្មោះ ងួន សុធា ភេទប្រុស អាយុ ៤២ឆ្នាំ ជនជាតិខ្មែរ រស់នៅភូមិដងក្ដារ ឃុំត្រយា ស្រុកសន្ទុក ខេត្តកំពង់ធំ បើកពីទិសខាងត្បូង ឆ្ពោះទៅទិសខាងជើង។ ពេលមកដល់ចំណុចខាងលើ ក៏បានគៀរជាមួយនិងរថយន្ត០១គ្រឿង ម៉ាកស៊ីណា ពណ៌ស ពាក់ផ្លាកលេខភ្នំពេញ2AK-5788 អ្នកបើកបរឈ្មោះ សាង គង់ ភេទ ប្រុស អាយុ […]
ជនជាតិវៀតណាម៤នាក់ ខួងយករ៉ែ ដោយគ្មានច្បាប់អនុញ្ញាតិ ត្រូវបាន អាវុធហត្ថខេត្តឃាត់ខ្លួន បញ្ជូនទៅតុលាការ
ខេត្តស្ទឹងត្រែង ៖ នារសៀលថ្ងៃទី៧ ខែមករា ឆ្នាំ២០២៣ កម្លាំងកងរាជអាវុធហត្ថខេត្តស្ទឹងត្រែង ក្រោមការបញ្ជាផ្ទាល់ពីលោកឧត្តមសេនីយ៍ត្រី អៀង វ៉ាន់ឌី មេបញ្ជាការអាវុធហត្ថខេត្តស្ទឹងត្រែង និងមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្តស្ទឹងត្រែង បានចុះឃាត់ខ្លួនជនជាតិវៀតណាមចំនួន៤នាក់ ពាក់ព័ន្ធករណីខួងយករ៉ែដោយគ្មានច្បាប់អនុញ្ញាតិ និងបានបញ្ជូនខ្លួនទៅកាន់តុលាការ។ ជនសង្ស័យជាជនជាតិវៀតណាមចំនួន ៤នាក់ ត្រូវបានកម្លាំងអាវុធហត្ថឃាត់ខ្លួនកាលពីថ្ងៃទី៥ ខែមករា ឆ្នាំ២០២៤ ត្រង់ចំណុចភ្នំដាច់ ស្ថិតនៅក្នុងភូមិផ្អាវ ឃុំអន្លង់ភេ ស្រុកថាឡាបរិវ៉ាត់ ខេត្តស្ទឹងត្រែង។ លោកឧត្ដមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង បានដឹងថា ដោយមានការដឹកនាំសម្របសម្រួលនីតិវិធីដោយលោក នៅ យូណារិទ្ធ ព្រះរាជអាជ្ញារងនៃអយ្យការអមសាលាដំបូងខេត្តស្ទឹងត្រែង ព្រមទាំងមានការចូលរួមពីអាជ្ញាធរមូលដ្ឋាន (មេភូមិ) ចុះបង្ក្រាបករណីការធ្វើប្រតិបត្តិការខួងយករ៉ែដោយគ្មានអាជ្ញាបណ្ណធនធានរ៉ែ ចំនួន២ទីតាំង នៅចំណុចខាងលើនេះ។ លោកមេបញ្ជាការអាវុធហត្ថបានបញ្ជាក់បន្ថែមថា ក្នុងប្រតិបត្តិការនេះយើងបានឃាត់ខ្លួនជនសង្ស័យជាជនវៀតជាតិវៀតណាមចំនួន ៤នាក់ ១-ឈ្មោះ TRAN TRONGTANG ភេទប្រុស អាយុ៤៦ឆ្នាំ ជនជាតិវៀតណាម មុខរបរជំនាញសិក្សាដីរុករករ៉ែ មានទីលំនៅក្រុងហាណូយ ប្រទេសវៀតណាម។ ២-ឈ្មោះ ចឹង ថាយយឿង ភេទប្រុស អាយុ២៧ឆ្នាំ […]
អគ្គីភ័យ បានលេបត្របាក់ ផ្ទះមួយខ្នង ឆេះក្លាយជាផេះ ខណ:ម្ចាស់រវល់ទៅហូបអី នៅទំនប់ទឹកស្អាត
ខេត្តកំពង់ធំ ៖ អគ្គីភ័យបានលេបត្របាក់យ៉ាងសន្ធោសន្ធៅបណ្តាលឲ្យផ្ទះមួយខ្នងឆេះក្លាយជាផេះ សង្ស័យទុសេខ្សែភ្លើង។ ហេតុការណ៍គួរឲ្យសោកស្តាយនេះបានកើតឡើង នៅវេលា៦និង៣០នាទីល្ងាច ថ្ងៃទី២ ខែមករា ឆ្នាំ២០២៤ ស្ថិតនៅភូមិ ឃ្លៃ ឃុំកំពង់ថ្ម ស្រុកសន្ទុក ខេត្តកំពង់ធំ។ ជនរងគ្រោះដែលជាម្ចាស់ផ្ទះ ឈ្មោះ ជួន.ធាង អាយុ៤១ឆ្នាំ ប្រពន្ធឈ្មោះ គាត ស៊ីណា អាយុ៣៨ឆ្នាំ កូននៅក្នុងបន្ទុកគ្រួសារចំនួន៤នាក់ ប្រុស១ ស្រី៣។ លោក ជួន ធាង ត្រូវជាម្ចាស់ផ្ទះបានឲ្យដឹងថា ៖ មុនពេលកើតហេតុលោកបាននាំប្រពន្ធកូនទៅហូបអីនៅទំនប់១មករា ម្តុំទឹកស្អាត ដោយចាក់សោផ្ទះចោល។ កំពុងតែហូបអីបានមួយសន្ទុះក្រោយមកស្រាប់មានគេទូរស័ព្ទមកថា ភ្លើងកំពុងតែឆេះផ្ទះបង។ពេលលោកដល់ផ្ទះ ភ្លើងឆេះយ៉ាងសន្ធោសន្ធៅ ហើយឃើញអ្នកភូមិមកជួយយ៉ាងច្រើនកុះករដែរ តែដោយសារអំណាចនៃអណ្តាតភ្លើងឆេះខ្លាំងពេកមិនអាចជួយពន្លត់ឈ្នះក៏ឆេះក្លាយជាផេះផង់តែម្តង។ចំណែករូបលោកបានត្រឹមតែអង្គុយយំទាំងប្តីទាំងប្រពន្ធ សម្ភា:រ:ទ្រព្យសប្បត្តិដែលភ្លើឆេះអស់រួមមាន៖ឆេះផ្ទះ១ខ្នង ស្មើរ6×9 ដំបូលប្រក់សង្កសីជញ្ជាំងក្តា លុយដូល្លា១៧០០ដូល្លា លុយខ្មែរ២លានរៀល.ស្រូវ១ជង្រុកស្មើរ២តោន ទា១ទ្រុង ម៉ូតូ១គ្រឿង កង់៣គ្រឿង គ្រឿងសង្ហារឹមមួយចំនួនធំ និងសម្ភារ:ជាច្រើនទៀ។ ជាចុងក្រោយ ជនរងដោយសារភ្លើងឆេះផ្ទះបានអំពាវនាវទៅដល់សប្បុរសជនទាំងក្នុងនិងក្រៅប្រទេស មេត្តាជួយឧប្បត្ថមទៅដល់ពួកគាត់តាមសទ្ធា ព្រោះពេលនេះពួកគាត់អស់រលីងហើយ៕
ក្មេងទំនើង៧នាក់ដែលយកកាំបិតដេញកាប់ និងគប់បុរសម្នាក់ឲ្យរងរបួសធ្ងន់ត្រូវបានសមត្ថកិច្ចឃាត់ខ្លួន
រាជធានីភ្នំពេញ ៖ សមត្ថកិច្ចជំនាញ នៃអធិការដ្ឋាននគរបាលខណ្ឌដង្កោ សហការជាមួយសមត្ថកិច្ចប៉ុស្ត៍នគរបានពងទឹក បានធ្វើការស្រាវជ្រាវ ឃាត់ខ្លូនជនសង្ស័យជាក្មេងទំនើងចំនួន៧នាក់ បន្ទាប់ពីពួកគេបានធ្វើសកម្មភាព យកកាំបិត ដេញកាប់និងគប់ បុរសម្នាក់ បណ្តាលឲ្យរបួសធ្ងន់ ដេររាប់សិបថ្នេរ កាលពីវេលាម៉ោង១១ និង២០នាទីយប់ ថ្ងៃទី១ ខែមករា ឆ្នាំ២០២៤ ត្រង់ចំណុចដីវាល ស្ថិតនៅភូមិត្រពាំងសាលា សង្កាត់ពងទឺក ខណ្ឌដង្កោ ៕