ទីបំផុត លោក ពូទីន ចេញមុខចូលរួមរំលែកទុក្ខ ចំពោះឧបទ្ទវហេតុ ធ្លាក់យន្តហោះរបស់ក្រុម Wagner ក្បែរក្រុងមូស្គូ

August 25, 2023 spean Comment(0)

អន្តរជាតិ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចូលរួមរំលែកទុក្ខចំពោះឧបទ្ទវហេតុធ្លាក់យន្តហោះ ដែលរបាយការណ៍សារព័ត៌មានបញ្ជាក់ថា មេក្រុមទាហានស៊ីឈ្នួល Wagner លោក Yevgeny Prigozhin និងសមាជិកជាន់ខ្ពស់ផ្សេងទៀតស្ថិតនៅលើនោះ។

នៅក្នុងការអត្ថាធិប្បាយតាមទូរទស្សន៍ លោក ពូទីន បានសម្ដែងការរំលែកទុក្ខដ៏ស្មោះស្ម័គ្ររបស់លោក ទៅកាន់ក្រុមគ្រួសារនៃជនរងគ្រោះទាំងអស់ ដោយពណ៌នាការធ្លាក់យន្តហោះថាជាសោកនាដកម្ម។

ហេតុការណ៍ធ្លាក់យន្តហោះ កាលពីល្ងាចថ្ងៃពុធ បានកើតឡើង បន្ទាប់ពីលោក Prigozhin បានដឹកនាំការបះបោរប្រឆាំងនឹងលំដាប់យោធាកំពូលរបស់ទីក្រុងមូស្គូ ខណដែលអ្នកសង្កេតការណ៍មួយចំនួន ចាប់ទុកថាវាជាការព្រមានដ៏ធំបំផុតរបស់លោកពូទីន ចំពោះជនក្បត់ជាតិ។

គួរបញ្ជាក់ថា បើតាមរបាយការណ៍សារព័ត៌មាន បញ្ជាក់ថា យន្តហោះនេះបានធ្លាក់ អំឡុងពេលធ្វើដំណើរចេញពីទីក្រុងមូស្គូ ឆ្ពោះទៅកាន់ទីក្រុង St Petersburg ដោយសម្លាប់អ្នកដំណើរទាំងអស់ ដោយបន្ថែមថា នៅលើនោះមានមនុស្សសរុប ៧ នាក់ និងអ្នកបើក ៣ នាក់ ហើយសន្មត់ថា មានវត្តមានរបស់ លោក Prigozhin ផងដែរ៕

spean

ព័ត៌មានអន្តរជាតិ

ក្រុម Hezbollah ដែលមានមូលដ្ឋាននៅលីបង់ បានអះអាងថា ខ្លួនបានចាប់ផ្តើម ការវាយប្រហារដ៏ធំលើ អ៊ីស្រាអែល

August 26, 2024 spean

អន្តរជាតិ ៖ ក្រុម Hezbollah ដែលមានមូលដ្ឋាននៅលីបង់ បានអះអាងថា ខ្លួនបានចាប់ផ្តើមការវាយប្រហារដ៏ធំលើអ៊ីស្រាអែល។ ក្រុម Hezbollah បានប្រកាសពីការវាយប្រហារនេះនៅក្នុងសេចក្តីថ្លែងការណ៍មួយដែលបានចេញផ្សាយកាលពីថ្ងៃអាទិត្យ។ ក្រុមហេសបូឡា បាននិយាយថា ខ្លួនបានបាញ់រ៉ុក្កែតជាង ៣២០ គ្រាប់ប្រឆាំងនឹងមូលដ្ឋានអ៊ីស្រាអែល និងគោលដៅយោធាផ្សេងៗជាច្រើនទៀត។ ក្រុមនេះបានពន្យល់ថា ការវាយប្រហារនេះគឺដើម្បីឆ្លើយតបទៅនឹងការសម្លាប់មេបញ្ជាការជាន់ខ្ពស់របស់ខ្លួនដោយការវាយប្រហារតាមអាកាសរបស់អ៊ីស្រាអែលនៅទីក្រុង Beirut កាលពីខែកក្កដា។ រដ្ឋមន្ត្រីការពារជាតិអ៊ីស្រាអែល លោក Yoav Gallant បានប្រកាសពី ស្ថានភាពពិសេសដោយអំពាវនាវឱ្យអ្នកស្រុកអនុវត្តតាមការណែនាំពីអាជ្ញាធរ។ អាកាសយានដ្ឋានអន្តរជាតិនៅជិតទីក្រុងពាណិជ្ជកម្មដ៏ធំបំផុតរបស់អ៊ីស្រាអែល Tel Aviv ត្រូវបានបិទជាបណ្តោះអាសន្នផងដែរ។ យោធាអ៊ីស្រាអែលបានប្រកាសមុននេះថា ខ្លួនបានធ្វើការវាយប្រហារតាមអាកាសប្រឆាំងនឹងគោលដៅរបស់ក្រុមហេសបូឡា ដោយលើកឡើងពីសញ្ញាខ្លះៗ នៃការត្រៀមរៀបចំសម្រាប់ការវាយប្រហារទ្រង់ទ្រាយធំ។ អ្នកនាំពាក្យរបស់ខ្លួន លោក Daniel Hagari បាននិយាយថា យោធាបានកំណត់អត្តសញ្ញាណក្រុមហេសបូឡា រៀបចំបាញ់មីស៊ីល និងគ្រាប់រ៉ុក្កែត ឆ្ពោះទៅកាន់ទឹកដីអ៊ីស្រាអែល។ លោកបានបន្ថែមថា ខ្លួនកំពុងវាយប្រហារគោលដៅក្នុងប្រទេសលីបង់ ក្នុងទង្វើការពារខ្លួនដើម្បីលុបបំបាត់ការគំរាមកំហែងទាំងនេះជាបន្តបន្ទាប់ហើយដែរ៕

ព័ត៌មានអន្តរជាតិ

អតីតប្រធានាធិបតីអាមេរិក TRUMP បដិសេធ ការចោទប្រកាន់ទាំងអស់ ក្នុងសវនាការ

April 6, 2023 spean

អន្តរជាតិ ៖ អតីតប្រធានាធិបតីអាមេរិក លោក Donald Trump មិនបានសារភាពទោសកំហុសលើបទចោទប្រកាន់ឧក្រិដ្ឋកម្មទាំង ៣៤ ប្រឆាំងនឹងរូបលោក បន្ទាប់ពីលោកបានប្រគល់ខ្លួនក្នុងសវនាការនៅក្នុងសំណុំរឿងនៅទីក្រុងញូវយ៉ក ដែលផ្តើមចេញពីការចោទប្រកាន់របស់គាត់កាលពីឆ្នាំ ២០១៦ ចំពោះការបង់ប្រាក់សម្រាប់ការបំបិទមាត់ទៅឱ្យតារាសិច Stormy Daniels ។ លោក Trump អាយុ ៧៦ ឆ្នាំត្រូវបានតុលាការកាត់ទោសកាលពីថ្ងៃអង្គារនៅក្នុងបន្ទប់សវនាការនៅ Manhattan ដោយក្លាយជាប្រធានាធិបតីដំបូងគេក្នុងប្រវត្តិសាស្ត្រអាមេរិកដែលប្រឈមមុខនឹងការកាត់ទោសព្រហ្មទណ្ឌ។ មេធាវីរបស់គាត់បានថ្កោលទោសការចោទប្រកាន់នេះថាជា” ការប្រមាញ់របស់មេធ្មប់”ក្រោមហេតុផលនយោបាយដែលប្រព្រឹត្តដោយមេធាវីស្រុក Alvin Bragg ដែលជាអ្នកប្រជាធិបតេយ្យ ដែលបានឈរឈ្មោះសម្រាប់តំណែងប្រធានាធិបតី ដោយគេបានសន្យាថានឹងកាត់ទោសអតីតប្រធានាធិបតីTrump។ មេធាវីលោកTramp ថែមទាំងអះអាងថា យុទ្ធនាការបង្ខូចឈ្មោះលោកTramp នេះត្រូវបានផ្តល់មូលនិធិយ៉ាងច្រើនដោយសកម្មជនមហាសេដ្ឋី George Soros ។ តាមសេចក្តីរាយការណ៍ថា លោក Trump បានអង្គុយជាមួយនឹងដៃរបស់គាត់ ដែលបត់នៅខាងមុខដោយមេធាវីរបស់គាត់ ខណៈដែលគាត់បាននិយាយថា លោកមិនមានកំហុសនោះទេ។ មុនពេលសវនាការ លោក Tramp បានគ្រវីដៃទៅកាន់ហ្វូងមនុស្សដែលបានប្រមូលផ្តុំគ្នានៅខាងក្រៅតុលាការ បន្ទាប់ពីលោកត្រូវបានធ្វើដំណើរដោយម៉ូតូពីផ្ទះរបស់គាត់នៅឯអគារ Trump Tower ក្នុងទីក្រុង Manhattan ។ គាត់បានលើកកណ្តាប់ដៃរបស់គាត់ទៅលើអាកាស […]

ព័ត៌មានអន្តរជាតិ

មូលដ្ឋានយោធាអាមេរិក មួយកន្លែងនៅ ភាគឦសាន ប្រទេសស៊ីរី រងការវាយប្រហារ ដោយគ្រាប់មីស៊ីល

January 2, 2024 spean

អន្តរជាតិ ៖ ប្រភពពត៌មានក្នុងតំបន់បានប្រាប់សារពត៌មាន Anadolu ថា វាមិនត្រូវបានគេដឹងថាតើមានអ្នកស្លាប់និងរបួសនៅក្នុងការវាយប្រហារលើមូលដ្ឋានយោធាអាមេរិកមួយកន្លែងនៅទីក្រុង Al-Shaddad ក្នុងការគ្រប់គ្រងរបស់ Al-Hasakah ដែរឬទេ? ខណដែលសហរដ្ឋអាមេរិកក៏មិនបានធ្វើសេចក្តីថ្លែងការណ៍ណាមួយអំពីឧបទ្ទវហេតុនោះដែរ ។ យ៉ាងណាក៏ដោយ នាពេលថ្មីៗនេះ មានការវាយប្រហារមួយត្រូវកើតធ្វើឡើងលើមូលដ្ឋានយោធាអាមេរិកក្នុងតំបន់ Tenef ស្រុក Malikiyye ក្បែរព្រំដែនអ៊ីរ៉ាក់ ស្រុក Shaddadi ក្នុងខេត្ត Hasakah និងខេត្ត Deir ez-Zor ដោយសត្រូវបានប្រើយន្តហោះគ្មានមនុស្សបើក និងអាវុធផ្លោងពីដី ខណមិនស្គាល់ប្រភពដើមនៃការវាយប្រហារនោះទ្បើយ។ ទឹកដីនៅ Deir ez-Zor ភាគខាងកើតនៃទន្លេ Euphrates គឺស្ថិតនៅក្រោមការកាន់កាប់របស់ក្រុមភេរវករ PKK/YPG ខណៈដែលមជ្ឈមណ្ឌលខេត្ត និងតំបន់ជនបទផ្សេងទៀតស្ថិតនៅក្រោមការគ្រប់គ្រងរបស់របប Bashar al-Assad និងក្រុមគាំទ្រដោយអ៊ីរ៉ង់។ . ក្រុមដែលគាំទ្រដោយអ៊ីរ៉ង់ម្តងម្កាលបានបើកការវាយប្រហារដោយគ្រាប់រ៉ុក្កែត និងយន្តហោះគ្មានមនុស្សបើកលើមូលដ្ឋានទ័ពអាមេរិកនៅលើច្រាំងខាងកើតនៃ Euphrates ។ កាលពីថ្ងៃទី ១៩ ខែតុលា ឆ្នាំ២០២៣ កន្លងទៅ ទូរទស្សន៍រដ្ឋអ៊ីរ៉ង់បានចាក់ផ្សាយរបាយការណ៍ព័ត៌មានដែលពន្យល់ពីរបៀបប្រសិនបើការវាយប្រហាររបស់អ៊ីស្រាអែលលើតំបន់ហ្គាហ្សាមិនបញ្ឈប់ សម្ព័ន្ធមិត្តក្នុងតំបន់របស់ទីក្រុងតេអេរ៉ង់ដែលហៅថា កងកម្លាំងតស៊ូ អាចបើកការវាយប្រហារក្នុងពេលដំណាលគ្នាដោយប្រើកាំជ្រួចនិងយន្តហោះគ្មានមនុស្សបើកពីក្រុមហេសបូឡានៅភាគខាងជើង […]