ព្យុះត្រូពិច Nalgae បោកបក់ នៅហ្វីលីពីន បណ្តាលឲ្យអ្នកស្លាប់ កើនដល់ ៧២ នាក់

October 29, 2022 spean Comment(0)

អន្តរជាតិ ៖ ក្រុមមន្ត្រី បានឲ្យដឹងថា ប្រទេសហ្វីលីពីន បានកត់ត្រាជាផ្លូវការនៃចំនួនអ្នកស្លាប់ ដោយសារព្យុះត្រូពិច Nalgae ដែលកើនឡើងដល់ ៧២ នាក់។

ព្យុះត្រូពិច ដែលមានកម្លាំងខ្យល់អតិបរមា ៩៥ គីឡូម៉ែត្រ (៥៩ ម៉ាយក្នុងមួយម៉ោង) និងខ្យល់បក់រហូតដល់ ១៦០ គីឡូម៉ែត្រក្នុងមួយម៉ោង (៩៩.៤ ម៉ាយក្នុងមួយម៉ោង) បានបោកបក់នៅក្នុងខេត្ត Catanduanes ភាគខាងកើត កាលពីព្រឹកថ្ងៃសៅរ៍។

ប្រធានការពារជនស៊ីវិលជាតិ លោក Rafaelito Alejandro បាននិយាយ នៅក្នុងសន្និសីទសារព័ត៌មានមួយក្នុងទីក្រុងម៉ានីលថា តំបន់ភាគខាងត្បូងនៃកោះមីនដាណាវ គឺជាតំបន់រងគ្រោះខ្លាំងបំផុត ដោយសាកសពចំនួន ៤០ នាក់ ត្រូវបានរកឃើញនៅទីនោះ។

គួរបញ្ជាក់ថា ព្យុះត្រូពិច Nalgae នេះ បានបោកបក់លើប្រទេសហ្វីលីពីន ក្នុងសប្ដាហ៍នេះ ដោយក្នុងល្បឿន ៩៥ គីឡូម៉ែត្រក្នុងមួយម៉ោង ៕

spean

ព័ត៌មានអន្តរជាតិ

ឯកឧត្តម រដ្ឋមន្ត្រីក្រសួងព័ត៌មាន អញ្ជើញថ្លែងសុន្ទរកថា ក្នុងកិច្ចប្រជុំកំពូល ប្រព័ន្ធផ្សព្វផ្សាយអាស៊ីប៉ាស៊ីហ្វិក លើកទី១៨ នៅប្រទេសឥណ្ឌូនេស៊ី

May 23, 2023 spean

អន្តរជាតិ ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន អញ្ជើញថ្លែងសុន្ទរកថា ក្រោមប្រធានបទ៖ ”តួនាទីប្រព័ន្ធផ្សព្វផ្សាយក្នុងការស្តារសេដ្ឋកិច្ចឡើងវិញ” ក្នុងកិច្ចប្រជុំកំពូលប្រព័ន្ធផ្សព្វផ្សាយអាស៊ីប៉ាស៊ីហ្វិក លើកទី១៨ ឆ្នាំ២០២៣ នាព្រឹកថ្ងៃទី២៣ ខែឧសភា ឆ្នាំ២០២៣ នៅសណ្ឋាគារ Grand Hayatt កោះបាលី ប្រទេសឥណ្ឌូនេស៊ី ដែលនៅក្នុងកិច្ចប្រជុំនោះ ក៏មានការអញ្ជើញថ្លែងសុន្ទរកថាពីរដ្ឋមន្ត្រីក្រសួងព័ត៌មាន នៃសហភាពមីយ៉ាន់ម៉ា រដ្ឋមន្ត្រីក្រសួងទំនាក់ទំនង ព័ត៌មាន និងបច្ចេកវិទ្យា នៃប្រទេស Samoa រដ្ឋមន្ត្រីក្រសួងព័ត៌មាន និងផ្សព្វផ្សាយ ប្រទេសបង់ក្លាដេស និងជំនួយការរដ្ឋមន្ត្រី នៃការិយាល័យនាយករដ្ឋមន្ត្រីប្រទេសហ្វីជី៕ដកស្រង់ពីអាកាប៉េ

ព័ត៌មានអន្តរជាតិ

នៅប្រទេសអាល្លឺម៉ង់ កើតមានការបាញ់ប្រហារ នៅក្នុងផ្សារទំនើបមួយ ស្លាប់មនុស្ស២នាក់

June 8, 2022 spean

អន្តរជាតិ ៖ កាលពីថ្ងៃអង្គារ ទី៧ ខែមិថុនា មនុស្សពីរនាក់បានស្លាប់ បន្ទាប់ពីមានការបាញ់ប្រហារនៅក្នុងផ្សារទំនើបមួយ ស្ថិតភាគកណ្តាលប្រទេសអាល្លឺម៉ង់ ។ នគរបាលបានឱ្យដឹងថា ការបាញ់ប្រហារនេះបានកើតឡើងនៅម៉ោងប្រហែល ១រសៀល នៅក្នុងតំបន់ Schwalmstadt-Treysa ដែលជាទីក្រុងមួយដែលមានមនុស្សប្រហែល ៨,៥០០នាក់រស់នៅស្ថិតភាគឦសាន នៃរដ្ឋធានីហិរញ្ញវត្ថុ Frankfurt របស់ប្រទេសអាល្លឺម៉ង់។ ប្រភពដដែលនេះបានបន្តថា មិនទាន់ដឹងថាមានអ្វីកើតឡើងឲ្យច្បាស់នោះទេ។ ប៉ុន្តែកាសែតក្នុងតំបន់ HNA បានដកស្រង់សាក្សីដែលឃើញផ្ទាល់ភ្នែកថា បុរសម្នាក់បានបាញ់សម្លាប់ស្ត្រីម្នាក់ ហើយបន្ទាប់មកក៏បានសម្លាប់ខ្លួនឯងក្នុងហាងលក់សម្លៀកបំពាក់ Aldi៕

ព័ត៌មានអន្តរជាតិ

ប្រទេសវៀតណាម បន្តរកឃើញ អ្នកឆ្លងកូវីដ១៩ ចំនួន ៣,៦១៩ករណី និងស្លាប់១១៥នាក់

October 12, 2021 spean

អន្តរជាតិ ៖ ក្រសួងសុខាភិបាលវៀតណាមកាលពីម្សិលម៉ិញ បានប្រកាសរកឃើញករណីឆ្លងថ្មីៗ នៃជំងឺកូវីដ១៩ ចំនួន ៣,៦១៩ករណីបន្ថែមទៀត ក្នុងរយៈពេល២៤ម៉ោងចុងក្រោយនេះ ។ នេះបើតាមតាមការចេញផ្សាយ ដោយទីភ្នាក់ងារសារព័ត៌មាន Viet Nam News ។ ក្នុងចំណោមករណីឆ្លងថ្មីៗខាងលើ មាន០២ករណីជាករណីនាំចូល ក្រៅពីនោះសុទ្ធតែជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលនៃជំងឺនេះបានរ៉ាប់រងករណីឆ្លងថ្មីតែឯងរហូតដល់ ១,៥២៧នាក់។ក្នុងរបាយការណ៍ថ្ងៃចន្ទនេះដែរ ក្រសួងសុខាភិបាលវៀតណាមក៏បានប្រកាសពីករណីអ្នកស្លាប់ថ្មី ដោយសារជំងឺដ៏កាចសាហាវនេះទេចំនួន១១៥នាក់បន្ថែមទៀតផងដែរ។ សូមជម្រាបថា គិតត្រឹមយប់ថ្ងៃទី១១ ខែតុលា ឆ្នាំ២០២១នេះ វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៨៤៣,២៨១នាក់ ក្នុងនោះអ្នកជំងឺជាសះស្បើយចំនួន ៧៨៤,៧៤៨នាក់ ចំណែកចំនួនអ្នកស្លាប់សរុបចំនួន ២០,៦៧០នាក់៕