រថយន្ត ១គ្រឿង ដឹកប្រហិតចម្រុះ ខូចគុណភាពជាង ២តោន នាំចូលពីប្រទេសថៃ ត្រូវបាន សមត្ថកិច្ចបង្រ្កាប

July 4, 2022 spean Comment(0)

ខេត្តបាត់ដំបង ៖ កាលពីថ្ងៃទី០២ ខែកក្កដា ឆ្នាំ២០២២ នៅចំណុចភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបង កម្លាំងនគរបាលស្រុកកំរៀង បានឃាត់រថយន្ត ០១គ្រឿង ម៉ាកសាំយ៉ុង ពណ៌ទឹកប្រាក់ ពាក់ស្លាកលេខកំពង់ចាម 2A-0087 បើកបរដោយឈ្មោះ សុខ ចាន់ ភេទប្រុសអាយុ៣៤ឆ្នាំ រស់នៅភូមិប្រគាប ឃុំរូងជ្រៃ ស្រុកថ្មគោល ខេត្តបាត់ដំបង ។

កម្លាំងសមត្ថកិច្ចបានត្រួតពិនិត្យលើរថយន្តឃើញមានប្រហិតចម្រុះខូចគុណភាពប្រមាណជាង ២,០០០គីឡូក្រាម ដែលផ្ទុកពេញរថយន្ត ។

ករណីនេះ សមត្ថកិច្ចនគរបាលស្រុកបានបញ្ជូនទាំងម្ចាស់ និងប្រហិតចម្រុះទាំងនេះមកកាន់ការិយាល័យជំនាញនៅស្នងការដ្ឋាននគរបាលខេត្ត ដើម្បីអនុវត្តបន្តតាមនីតិវិធីច្បាប់ ៕

spean

ព័ត៌មានសន្តិសុខសង្គម

សមត្ថកិច្ច តាមចាប់ខ្លួន គ្រូសីល ឧកញ៉ា អ៊ឹម ប្រុស ពីបទឆបោក ដកហូតកាំភ្លើង៥ដើម និងគ្រាប់ជាង២០០គ្រាប់

March 8, 2023 spean

ខេត្តកំពង់ចាម ៖ សមត្ថកិច្ចបានចាប់ខ្លួន ឧកញ៉ា អ៊ឹម ប្រុស ហៅគ្រូសីល ខណដែលការចាប់ខ្លួននោះ ដោយអនុវត្តតាមដីកាស្ថាពររបស់សាលាឧទ្ធរណ៍ខេត្តត្បូងឃ្មុំ ពីបទ «ឆបោក» ហើយការចាប់ខ្លួននេះ ធ្វើឡើង ភូមិអណ្តូងច្រុះ ឃុំអំពិល ស្រុកកំពង់សៀម ខេត្តកំពង់ចាម។ តាមមន្ត្រីនគរបាលបានឲ្យដឹងថា នៅវេលាម៉ោង ១១៖៣០នាទីថ្ងៃទី៧ ខែមីនា ឆ្នាំ២០២៣ កម្លាំងនគរបាលខេត្តកំពង់ចាម ដឹកនាំដោយលោកឧត្តមសេនីយ៍ត្រី អ៉ិត ដារ៉ា ស្នងការរងទទួលផែនការងារព្រហ្មទណ្ឌ ក្រោមការដឹកនាំសម្របសម្រួលផ្ទាល់ពីលោក តូច ឧត្តម និងលោក តារា វិទូ ព្រះរាជអាជ្ញារង នៃអយ្យការអមសាលាដំបូងខេត្ត បានដឹកនាំចុះអនុវត្តសាលដីកាស្ថាពររបស់សាលាឧទ្ធរណ៍ត្បូងឃ្មុំ បង្គាប់ឲ្យចាប់ខ្លួនទណ្ឌិតឈ្មោះ អ៊ឹម ប្រុស ហៅ គ្រូសីល ងារជា ឧកញ៉ា អាយុ៥៦ឆ្នាំ មានទីលំនៅភូមិអណ្តូងច្រុះ ឃុំអំពិល ស្រុកកំពង់សៀម ពីបទ «ឆបោក» ប្រព្រឹត្តនៅភូមិអណ្តូងច្រុះ ឃុំអំពិល ស្រុកកំពង់សៀម កាលពីកំឡុងឆ្នាំ២០១៥ […]

ព័ត៌មានសន្តិសុខសង្គម

ក្រុមជនពាល លួចដាំដើមកញ្ឆា នៅតំបន់ព្រៃភ្នំ ស្រុកវាលវែង ត្រូវបាន កម្លាំងសមត្ថកិច្ចចម្រុះ ធ្វើការបង្ក្រាប ដកកាប់និង ដុតកម្ទេចចោល

December 16, 2020 spean

ខេត្តពោធិ៍សាត់ ៖ ដើមកញ្ឆា១៤២៦ដើមដែលក្រុមជនល្មើសលបលួចដាំនៅក្នុងភូមិសាស្ត្រព្រៃភ្នំក្នុងស្រុកវាលវែងត្រូវបានកម្លាំងសមត្ថកិច្ចចម្រុះធ្វើការបង្ក្រាបដកកាប់និងដុតកម្ទេចចោលនៅហ្នឹងកន្លែង ។ កិច្ចប្រតិបត្តិការបង្រ្កាបដកកាប់និងដុតបំផ្លាញចោលដើមកញ្ឆារាប់ពានដើមនេះធ្វើឡើងនៅវេលាម៉ោង៩និង៣០នាទីព្រឹកថ្ងៃទី១៥ធ្នូ៣០២០នៅចំណុចឃ្លាំងជីមួយកន្លែងដែលស្ថិតក្នុងសំណាញ់ ឃុំក្រពើ២ ក្នុងស្រុកវាលវែងខេត្តពោធិសាត់ ។ កិច្ចប្រតិបត្តិការបង្ក្រាបកាប់ដកដុតបំផ្លាញចោលដើមកញ្ឆាជាច្រើនពាន់ដើមដឹកនាំដោយអភិបាលរងខេត្តពោធិ៍សាត់លោក អ៉ឹងគឹមលាង កម្លាំងរួមមានអធិការថានគរបាលស្រុកវាលវែងកម្លាំងប៉ុស្តិ៍រដ្ឋបាលកម្លាំងកងរាជអាវុធហត្ថខេត្តស្រុកកម្លាំងបរិស្ថានប្រធានមន្ទីសង្គមកិច្ចអតិតបាលស្រុកអាជ្ញាធរឃុំប្រជាការពារសរុប 49 នាក់ ។ អធិការនគរបាលស្រុកវាលវែងលោកវរសេនីយ៍ឯក ធាងឡេងបានអោយដឹងតាមរយះទូរសព្ទនៅវេលាម៉ោង៣និង៥៣នាទីថ្ងៃទី១៥ ធ្នូ ២០២០នេះ មុនឈានដល់ការបង្ក្រាបកម្លាំងរបស់លោកបានធ្វើការស្រាវជ្រាវរកទីតាំងជាយូរទើបជួបប្រទះហើយក៏បានរៀបចំផែនការចុះធ្វើការបង្ក្រាបនៅចំណុចខាងលើដែលសម្បូរទៅដោយព្រៃភ្នំហើយមានស្ថានភាពលំបាកក្នុងការធ្វើដំណើរឆ្លងកាត់ព្រៃភ្នំឆ្លងអូដែលធ្វើអោយពួកមុខសញ្ញាជនល្មើសរត់គេចខ្លួនបាត់ ។ អធិការនគរបាលស្រុកវាលវែងបានឲ្យដឹងទៀតថានៅក្នុងកិច្ចប្រតិបត្តិការខាងលើនេះសមត្ថកិច្ចបានធ្វើការដកនិងដុតកម្ទេចចោលដើមកញ្ឆាទាំង 1426 ដើមនៅនឹងកន្លែងតែម្តង ។លោកថានៅក្នុងកិច្ចប្រតិបត្តិការខាងលើនេះសមត្ថកិច្ចដកហូតបានវត្ថុតាងរួមមានជញ្ជីងថ្លឹងកិច្ចការចំនួន 1 គ្រឿងជីសចំនួន 1 ផងទៅមុន 30គីឡូក្រាមខោអាវផងដែរ ។បច្ចុប្បន្ននេះសមត្ថកិច្ចកំពុងតែធ្វើការស្រាវជ្រាវស្វែងរកមុខសញ្ញាជនសង្ស័យពាក់ព័ន្ធនឹងករណីដាំដើមកញ្ឆាខាងលើនេះដើម្បីចាត់ការតាមនីតិវិធីផងដែរ ។ សូមបញ្ជាក់ផងដែរថាការបង្ក្រាបករណីដាំកញ្ឆាលួចលាក់ក្នុងព្រៃភ្នំនៃស្រុកវាលវែងត្រូវបានសមត្ថកិច្ចធ្វើការបង្ក្រាបនិងដុតបំផ្លាញម្ដងរួចហើយផងដែរ ៕

ព័ត៌មានសន្តិសុខសង្គម

អាសូរណាស់ បុរសម្នាក់ រងរបួសធ្ងន់ធ្ងរ ករណីផ្ទុះមីន ខណៈដែលកំពុងដើរ បោចផ្តៅក្នុងព្រៃ

October 26, 2021 spean

ខេត្តឧត្តរមានជ័យ ៖យោងតាមផេកអាជ្ញាធរមីន បានឲ្យដឹងថា នៅថ្ងៃទី២៤ ខែតុលា ឆ្នាំ២០២១ វេលាម៉ោង ១២.០០នាទីថ្ងៃត្រង់ មានករណីគ្រោះថ្នាក់ដោយសារមីនប្រឆាំងមនុស្ស ដែលបានបណ្តាលឱ្យប្រជាពលរដ្ឋម្នាក់ ឈ្មោះ រឿន ថន អាយុ២៥ឆ្នាំ រស់នៅភូមិខ្ទុំ សង្កាត់កូនក្រៀល ក្រុងសំរោង ខេត្តឧត្តរមានជ័យ បានរងរបួសដាច់ជើងម្ខាង និងរបួសដៃម្ខាង នៅពេលដែលគាត់កំពុងដើរបោចផ្តៅក្នុងព្រៃ នៅចំនុចដងទង់ ក្នុងភូមិដងទង់ សង្កាត់កូនក្រៀល ក្រុងសំរោង ខេត្តឧត្តរមានជ័យ។ បច្ចុប្បន្នជនរងគ្រោះត្រូវបានបញ្ជូនមកព្យាបាលនៅមន្ទីរពេទ្យបង្អែកខេត្តសៀមរាប។ អាជ្ញាធរមីនក៏បានអំពាវនាវដល់បងប្អូនប្រជាពលរដ្ឋទាំងអស់ត្រូវសាកសួរអាជ្ញាធរមូលដ្ឋាន ឬអ្នកដែលដឹងច្បាស់អំពីព័ត៌មាន មុនពេលចូលតំបន់ណាដែលមិនទាន់បានធ្វើការបោសសម្អាតមីន និងគ្រាប់មិនទាន់ផ្ទុះ។ សូមកុំប៉ះពាល់នៅពេលឃើញគ្រាប់ទាំងនោះហើយត្រូវរាយការណ៍ជាបន្ទាន់ដល់អាជ្ញាធរមានសមត្ថកិច្ច និងប្រតិបត្តិករបោសសម្អាតមីនដែលនៅជិតទីនោះដើម្បីយកគ្រាប់ទាំងនោះទៅកំទេចចោល៕