រថយន្ត ១គ្រឿង ដឹកប្រហិតចម្រុះ ខូចគុណភាពជាង ២តោន នាំចូលពីប្រទេសថៃ ត្រូវបាន សមត្ថកិច្ចបង្រ្កាប

July 4, 2022 spean Comment(0)

ខេត្តបាត់ដំបង ៖ កាលពីថ្ងៃទី០២ ខែកក្កដា ឆ្នាំ២០២២ នៅចំណុចភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបង កម្លាំងនគរបាលស្រុកកំរៀង បានឃាត់រថយន្ត ០១គ្រឿង ម៉ាកសាំយ៉ុង ពណ៌ទឹកប្រាក់ ពាក់ស្លាកលេខកំពង់ចាម 2A-0087 បើកបរដោយឈ្មោះ សុខ ចាន់ ភេទប្រុសអាយុ៣៤ឆ្នាំ រស់នៅភូមិប្រគាប ឃុំរូងជ្រៃ ស្រុកថ្មគោល ខេត្តបាត់ដំបង ។

កម្លាំងសមត្ថកិច្ចបានត្រួតពិនិត្យលើរថយន្តឃើញមានប្រហិតចម្រុះខូចគុណភាពប្រមាណជាង ២,០០០គីឡូក្រាម ដែលផ្ទុកពេញរថយន្ត ។

ករណីនេះ សមត្ថកិច្ចនគរបាលស្រុកបានបញ្ជូនទាំងម្ចាស់ និងប្រហិតចម្រុះទាំងនេះមកកាន់ការិយាល័យជំនាញនៅស្នងការដ្ឋាននគរបាលខេត្ត ដើម្បីអនុវត្តបន្តតាមនីតិវិធីច្បាប់ ៕

spean

ព័ត៌មានសន្តិសុខសង្គម

អាជ្ញាធរខេត្ត បំផ្លាញចោលស្រាស ស្រាថ្នាំ រួមទាំងមេស្រា ចំនួន៣៨៩៥លីត្រ បន្ទាប់ពីមានផ្ទុះករណីពុលស្រាបណ្ដាលឱ្យមានមនុស្សស្លាប់ និងមានអាការៈពុលធ្ងន់ស្រាល នៅស្រុកទឹកផុស

December 18, 2020 spean

ខេត្តកំពង់ឆ្នាំង ៖ នៅព្រឹកថ្ងៃទី 17 ខែធ្នូឆ្នាំ 2020 ស្នងការនគរបាលខេត្តកំពង់ឆ្នាំងនិងអាជ្ញាធរខេត្ត បានរៀបចំពិធីបំផ្លាញចោលស្រាស ស្រាថ្នាំនិងមេស្រាដែលប្រមូលបានតាមតូបលក់ដូរស្រាសស្រាថ្នាំ និងនៅតាមសិប្បកម្មផលិតស្រាស មេស្រា នៅទូទាំងខេត្ត បានរាប់រយកាន ក្រោយពេលមានផ្ទុះករណីពុលស្រាដែលបង្ករឱ្យមនុស្សប្រុសស្រីស្លាប់ និងមានអាការៈពុលធ្ងន់ និងស្រាលកាលពីពេលកន្លងទៅនោះ។ ពិធីនេះប្រារព្ធធ្វើឡើងនៅជាប់ពន្ធនាគារថ្មីក្នុងភូមិត្រពាំងតាសុខក្នុងឃុំព្រៃមូលស្រុករលាប្អៀរ ខេត្តកំពង់ឆ្នាំង ក្រោមអធិបតីភាពឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងលោកឧត្តមសេនីយ៍ទោ ខូវ លី ស្នងការនគរបាលខេត្ត។ គួររំលឹកថា កាលពីថ្ងៃទី២៨ ខែវិច្ឆិកា ឆ្នាំ២០២០ នៅភូមិក្រោយវត្តក្នុងឃុំខ្លុងពពក ស្រុកទឹកផុស បានកើតមានករណីពុលស្រាស បង្ករឱ្យមានមនុស្សប្រុស ស្រីស្លាប់ចំនួន ០៨នាក់ និងមានអាការៈពុលធ្ងន់ និងស្រាល ជាង ១០០នាក់ បានដឹកមកសង្រ្គោះនៅមន្ទីរពេទ្យបង្អែកខេត្តកំពង់ឆ្នាំង និងយកទៅសង្គ្រោះនៅមន្ទីរពេទ្យរាជធានីភ្នំពេញផងដែរ។ ចំពោះស្រាដែលប្រជាពលរដ្ឋផឹកនោះត្រូវបានស្ថាប័នជំនាញបញ្ជាក់ថា មានមេតាណុលកម្រិតខ្ពស់និងការផលិតខុសបច្ចេកទេសដែលធ្វើឲ្យការផលិតស្រាគ្មានគុណភាព ៕

ព័ត៌មានសន្តិសុខសង្គម

ជនអនាមិក ជិះម៉ូតូបញ្ច្រាស់ទិស ពាក់មួកសុវត្ថិភាព គប់កញ្ចក់រថយន្ត របស់អ្នកសារព័ត៌មាន

November 9, 2020 spean

ខេត្តក្រចេះ ៖ នៅថ្ងៃអាទិត្យទី 8 ខែវិច្ឆិកា ឆ្នាំ 2020 វេលាម៉ោង 09:15 នាទី មានបងប្អូនប្រជាពលរដ្ឋបានផ្ដល់ដំណឹងថា មានការធ្វើសកម្មភាព គប់កញ្ចក់រថយន្ត របស់អ្នកសារព័ត៌មាន នៅស្រុកឆ្លូងខេត្តក្រចេះ៕ ករណីនេះ បានកើតឡើង ស្ថិតនៅមុខវត្តហាន់ជ័យលើឃុំហាន់ជ័យ ស្រុកឆ្លូង ខេត្ត ក្រចេះ មូលហេតុដែលបណ្ដាលអោយឈានដល់ការគប់កញ្ចក់រថយន្ត ក្រុមអ្នកសារព័ត៌មាន ។ នៅវេលាម៉ោង 09:15 ចំណុចភូមិរការខ្នុរ ឃុំរកាខ្នុរ ស្រុកក្រូចឆ្មា ខេត្តត្បូងឃ្មុំ ក្រុមអ្នកសារព័ត៌មានបានថតផ្តិតយករូបភាព បទល្មើសដឹកជញ្ជូនព្រៃឈើ ជាក់ស្ដែងដឹកចេញពីស្រុកឆ្លូង ខេត្តក្រចេះ ឆ្ពោះមកស្រុកក្រូចឆ្មារ ខេត្ដត្បូងឃ្មុំ ហើយក្រុមអ្នកសារព័ត៌មានបានរាយការណ៍ទៅលោក ជា នាយរងខណ្ឌរដ្ឋបាលព្រៃឈើ ស្រុកក្រូចឆ្មារ និងសមត្ថកិច្ចស្រុកក្រូចឆ្មារ ឲ្យចុះអនុវត្តនីតិវិធី ទៅតាមនីតិវិធី ច្បាប់រួចហើយ ពួកគាត់ធ្វើដំណើរ ទៅដល់ចំណុចភូមិហាន់ជ័យលើ ឃុំហាន់ជ័យ ស្រុកឆ្លូង ខេត្តក្រចេះ ក៏ស្រាប់តែមានជនអនាមិក ជិះម៉ូតូបញ្ច្រាស់ទិស ពាក់មួកសុវត្ថិភាព មកគប់កញ្ចក់រថយន្តរបស់អ្នកសារព័ត៌មាន ក្រោយមកក្រុមអ្នកសារព័ត៌មាន ក៏បានទៅដាក់ពាក្យបណ្ដឹងនៅប៉ុស្តិ៍នគរបាលឃុំហាន់ជ័យ […]

ព័ត៌មានសន្តិសុខសង្គម

ស្លាប់ម្នាក់ ខណមនុស្ស១០នាក់ទៀត ត្រូវបានជួយសង្គ្រោះ ករណីឆេះ ទូកដឹកបន្លែ នៅក្រុងកោះរ៉ុង

July 21, 2021 spean

ខេត្តព្រះសីហនុ ៖ ប្រភពពត៌មានពីមន្ត្រីនគរបាលខេត្តព្រះសីហនុបានឲ្យដឹងថា កាលពីវេលាម៉ោង ១០,២០នាទីព្រឹកថ្ងៃទី២១ ខែកក្កដា ឆ្នាំ២០២១ នៅចំណុចចន្លោះពីផែសហគមន៍ភូមិដើមថ្កូវ សង្កាត់កោះរ៉ុង ក្រុងកោះរ៉ុង ទៅផែ៥២ សង្កាត់១ ក្រុងព្រះសីហនុ មានករណីឆេះទូកដឹកបន្លែ០១គ្រឿង ដែលមានម្ចាស់ឈ្មោះ រ័ត្ន ឧត្តម ភេទប្រុស អាយុ២៦ឆ្នាំ ទីលំនៅបច្ចុប្បន្នភូមិកោះរ៉ុងសន្លឹម ។ ករណីនេះបណ្តាលឲ្យស្ត្រីម្នាក់ឈ្មោះ ហ៊ីង ស្រស់ អាយុ៥០ឆ្នាំស្លាប់ ក្នុងពេលដែលមនុស្សចំនួន១០នាក់ទៀតដែលរួមដំណើរជាមួយ ត្រូវបានកម្លាំងសមត្ថកិច្ចជួយសង្គ្រោះទាន់ពេលវេលា ។ មូលហេតុបណ្តាលឲ្យឆេះនោះគឺមកពីធ្លាយទុយោប្រេងហើយប៉ះនឹងបំពង់ស៊ីម៉ាំងបណ្តាលឲ្យឆេះសន្ធោសន្ធៅរហូតលិចតែម្តង។ នេះបើយោងតាមការរៀបរាប់របស់អ្នកបើកបរទូក ៕