អន្តរជាតិ ៖ ក្រសួងការពារជាតិរុស្ស៊ីថា កងកម្លាំងរុស្ស៊ី បានបាញ់មីស៊ីល Kalibr ដើម្បីកម្ទេចឃ្លាំងដ៏ធំមួយដែលមានផ្ទុកអាវុធរបស់អាមេរិក និងអឺរ៉ុប ដែលផ្ដល់ដល់អ៊ុយក្រែន នៅក្នុងតំបន់ Ternopil។យោងតាម សារព័ត៌មាន Interfax បានរាយការណ៍ កាលពីថ្ងៃអាទិត្យ។
ក្រសួងដដែល បានបញ្ជាក់ថា កងកម្លាំងរុស្ស៊ី ក៏បានបាញ់ទម្លាក់យន្តហោះចម្បាំង SU-25 របស់អ៊ុយក្រែនចំនួន ៣ គ្រឿងផងដែរ នៅជិតទីក្រុង Donetsk និង Kharkiv ភាគខាងកើតអ៊ុយក្រែន។
គួរបញ្ជាក់ថា កន្លងមក ឃ្លាំងផ្ទុកអាវុធដែលជាជំនួយពិភពលោកផ្ដល់ដល់អ៊ុយក្រែន បានរងការកម្ទេចដោយមីស៊ីលរបស់កងកម្លាំងរុស្ស៊ី នៅតាមតំបន់នានាដែលជាគោលដៅជួរមុខ៕