កងកម្លាំងប្រដាប់អាវុធចិន បានធ្វើសមយុទ្ធយោធាមួយ នៅជិតកោះតៃវ៉ាន់ ដែលជាការផ្គើន ទៅដល់ សហរដ្ឋអាមេរិក

May 26, 2022 spean Comment(0)

អន្តរជាតិ ៖ នេះបើយោងតាមបញ្ជាការដ្ឋានភាគខាងកើតរបស់កងទ័ពរំដោះប្រជាជនចិន បានឲ្យដឹង នៅថ្ងៃពុធនេះ កងកម្លាំងប្រដាប់អាវុធចិន បានរៀបចំធ្វើសមយុទ្ធយោធាមួយ នៅជិតកោះតៃវ៉ាន់ ដែលជាការផ្គើនទៅដល់សហរដ្ឋអាមេរិក វិញ។

យោធារបស់ទីក្រុងប៉េកាំង បាននិយាយ នៅក្នុងសេចក្តីថ្លែងការណ៍មួយថា កងទ័ពរំដោះប្រជាជនចិន បានរៀបចំការល្បាតត្រៀមប្រយុទ្ធរួមគ្នា និងសមយុទ្ធយោធា នៅក្នុងសមុទ្រ និងលំហអាកាសជុំវិញកោះតៃវ៉ាន់ ហើយបញ្ជាក់ថានេះគឺជាការព្រមានដ៏ធ្ងន់ធ្ងរមួយចំពោះទង្វើរបស់អាមេរិក ដែលលូកដៃចូលក្នុងរឿងតៃវ៉ាន់។

ទន្ទឹមនោះ អ្នកនាំពាក្យក្រសួងការបរទេសចិនលោក Wang Wenbin បានឆ្លើយតបវិញថា ឲ្យអាមេរិក ប្រយ័ត្នខ្លួន ដែលហ៊ានលូកដៃចូលជួយតៃវ៉ាន់នេះ ហើយថា ទីក្រុងប៉េកាំង នឹងចាត់វិធានការខ្លាំងក្លា ដើម្បីការពារអធិបតេយ្យភាព និងផលប្រយោជន៍សន្តិសុខរបស់ខ្លួន។

គួរបញ្ជាក់ថា ភាពតានតឹងរវាងចិន និងតៃវ៉ាន់ កើតឡើងបន្ទាប់ពីយន្តហោះចម្បាំងរបស់ទីក្រុងប៉េកាំង ហោះចូលដែនការពារអាកាសទីក្រុងតៃប៉ិ ដោយគ្មានការអនុញ្ញាត៕

spean

ព័ត៌មានអន្តរជាតិ

ក្រុមប្រឹក្សាសន្តិសុខ អង្គការសហប្រជាជាតិ អនុម័តឲ្យលោក Guterres អគ្គលេខាធិការ បន្តកាន់អាណត្តិទី២

June 9, 2021 spean

អន្តរជាតិ ៖ ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃអង្គារ បានសម្រេចទទួលយកលោកអគ្គលេខាធិការ Antonio Guterres កាន់អាណត្តិទី២ មានរយៈពេល ៥ឆ្នាំបន្តទៀត ។ ឯកអគ្គរដ្ឋទូតអេស្តូនី លោក Sven Jurgenson របស់អង្គការសហប្រជាជាតិ ក្នុងនាមជាប្រធានក្រុមប្រឹក្សាសន្តិសុខសម្រាប់ខែមិថុនា បានប្រកាសយល់ព្រមបន្ទាប់ពីកិច្ចប្រជុំសម្ងាត់មួយរបស់ក្រុមប្រឹក្សានេះ។ លោកបាននិយាយថា នៅក្នុងកិច្ចប្រជុំសម្ងាត់របស់ខ្លួន ក្រុមប្រឹក្សាសន្តិសុខបានអនុម័តសេចក្ដីសម្រេចមួយ ដោយការលើកសរសើរអគ្គលេខាធិការរូបនេះ។ ក្រុមប្រឹក្សាសន្តិសុខដែលបានពិចារណា លើបញ្ហាផ្ដល់អនុសាសន៍សម្រាប់ការតែងតាំងអគ្គលេខាធិការអង្គការសហប្រជាជាតិ បានផ្តល់អនុសាសន៍ដល់មហាសន្និបាតថា លោក Antonio Guterres ត្រូវបានតែងតាំងជាអគ្គលេខាធិការអង្គការសហប្រជាជាតិ សម្រាប់អាណត្តិទី២ ចាប់ពីថ្ងៃទី ១ ខែមករា ឆ្នាំ២០២២ ដល់ថ្ងៃទី៣១ ខែធ្នូ ឆ្នាំ២០២៦ ដោយអានសេចក្តីសម្រេចលេខ ២៥៨០។ លោក Jurgenson បាននិយាយថា លោក Guterres គឺជាបេក្ខជនផ្លូវការតែមួយគត់ ខណៈដែលគ្មានរដ្ឋណាមួយបានតែងតាំងបេក្ខភាពរូបណាផ្សេងឡើយ។ លោកបន្ថែមថា លោក Guterres បានបង្ហាញពីភាពសក្ដិសមនៃតំណែងជាអគ្គលេខាធិការ ជាមួយនឹងការបំពេញការងាររបស់លោកក្នុងរយៈពេលជិត ៥ឆ្នាំនៅក្នុងតំណែង៕

ព័ត៌មានអន្តរជាតិ

កំពូលអ្នកប្រដាល់ ម៉ានី ប៉ាក់គីអៅ Pacquiao ក្លាយជា ប្រធានគណបក្សកាន់អំណាច នៅប្រទេសហ្វីលីពីន

December 4, 2020 spean

អន្តរជាតិ ៖ កំពូលអ្នកប្រដាល់អន្តរជាតិ និងជាសមាជិកព្រឹទ្ធសភា លោក ម៉ានី ប៉ាក់គីអៅ ត្រូវបានជ្រើសរើសឱ្យក្លាយជាប្រធានគណបក្សកាន់អំណាច (PDP-Laban) ស្របពេលដែលមានសេចក្ដីរាយការណ៍ថា លោកនឹងឈរឈ្មោះបោះឆ្នោតនៅឆ្នាំ២០២២ ដើម្បីក្លាយជាប្រធានាធិបតីហ្វីលីពីន។ លោក Ron Munsayac នាយប្រតិបត្តិនៃគណបក្ស PDP-Laban បានបញ្ជាក់ថា លោក ប៉ាក់គីអៅ បានក្លាយជាប្រធានបក្ស កាលពីយប់ថ្ងៃពុធ ទី០២ ខែធ្នូ ឆ្នាំ២០២០។ ប៉ាក់គីអៅ បានស្បថចូលកាន់តំណែងថ្មី នៅក្នុងព្រឹត្តិការណ៍ដែលរៀបចំដោយគណបក្ស PDP-Laban នៅទីក្រុង Quezon។ អាណត្តិរយៈពេល៦ឆ្នាំក្នុងតំណែងជាសមាជិកព្រឹទ្ធសភារបស់ ប៉ាក់គីអៅ នឹងត្រូវបញ្ចប់នៅឆ្នាំ២០២២ ដូច្នេះ គាត់អាចឈរឈ្មោះក្នុងអាណត្តិថ្មី ឬឈរឈ្មោះប្រជែងតំណែងកាន់តែធំជាងមុន។ ទោះបីជាអ្នកវិភាគជាច្រើននៅហ្វីលីពីន បានលើកឡើងថា លោក Manny Pacquiao ទំនងជាកំពុងឈានទៅរកតំណែង ជាប្រធានាធិបតិអាណត្តិថ្មីក្តី ក៏លោក Pacquiao ផ្ទាល់បានបកស្រាយថា «វាលឿនពេកហើយដែលត្រូវមកនិយាយ អំពីការបោះឆ្នោតប្រធានាធិបតីនោះ»៕

ព័ត៌មានអន្តរជាតិ

ប្រជាជនថៃ ប្រមាណ ៩៩.៧% នៅរដ្ឋធានីបាងកក អនុវត្តការពាក់ម៉ាស់ បានត្រឹមត្រូ វហើយជំរុញឲ្យ អ្នកដែលរស់នៅ តាមបណ្តាខេត្ត ឱ្យអនុវត្តតាម

September 13, 2021 spean

អន្តរជាតិ ៖ មជ្ឈមណ្ឌលគ្រប់គ្រង Covid-19 (CCSA) បាននិយាយកាលពីថ្ងៃសុក្រថា ប្រជាជនដែលរស់នៅទីក្រុងបាងកកស្ទើរតែទាំងអស់បានអនុវត្តការពាក់ម៉ាស់បានត្រឹមត្រូវហើយក៏ជំរុញឲ្យអ្នកដែលរស់នៅតាមបណ្តាខេត្តឱ្យអនុវត្តតាមផងដែរ។ តាមការបញ្ជាក់របស់ លោកវេជ្ជបណ្ឌិត Taweesilp Visanuyothin អ្នកនាំពាក្យ CCSA បាននិយាយថាមនុស្សប្រមាណ ៩៩,៧% ដែលត្រូវបានស្ទង់សិត្ថិនៅទីក្រុងបាងកកដោយអង្គការ “ AI Mask” របស់ក្រសួងស្រាវជ្រាវវិទ្យាសាស្ត្រ ត្រូវបានគេសង្កេតឃើញថាការពាក់ម៉ាស់របស់ពួកគេគឺបានត្រឹមត្រូវទៅតាមស្ដង់ដាសុវត្តិភាព។ យោងតាមការស្ទង់សិត្ថិដែលបានអនុវត្តជាប្រចាំសប្តាហ៍បានបង្ហាញថាប្រជាជនប្រមាណ ០,២៦% ដែលពាក់ម៉ាស់មិនបានត្រឹមត្រូវនិង ០.០២% មិនគោរពតាមវិធានការត្រួតពិនិត្យសុខភាព។ ការស្ទង់មតិនេះត្រូវបានធ្វើឡើងនៅក្នុងស្រុកចំនួន ២៩ ដោយប្រើប្រាស់មនុស្សចំនួន ៦១៣០ នាក់។ លោកក៏បានបន្ថែមទៀតផងដែរថា “ប្រជាជនដែលរស់នៅតាមបណ្ដាខេត្តផ្សេងៗ គួរតែយកគំរូអ្នករស់នៅក្នុងក្រុង ទើបជាការល្អ”៕ ប្រភព៖ Bangkok Post