ព័ត៌មានជាតិ

លទ្ធផលនៃ សន្និបាតរបស់ គណ:កម្មាធិការកណ្តាល លើកទី ៤៣

December 25, 2021 spean Comment(0)

រាជធានីភ្នំពេញ ៖ គណបក្សប្រជាជនកម្ពុជាបានបង្ហាញនូវលទ្ធផលនៃសន្និបាតរបស់គណ:កម្មាធិការកណ្តាលលើកទី ៤៣ ដោយបានសម្រេចដូចខាងក្រោម ៖

១. ជ្រើសតាំងសម្តេចពិជ័យសេនា ទៀ បាញ់ និងលោកជំទាវកិត្តិសង្គហបណ្ឌិត ម៉ែន សំអន ជាអនុប្រធានគណបក្ស ។

២. បន្តគាំទ្រសម្តេចតេជោ ហ៊ុន សែន ជាបេក្ខភាពនាយករដ្ឋមន្ត្រី និងគាំទ្រជាឯកច្ឆ័ន្ទ ជ្រើសតាំងឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី នាពេលអនាគត។

៣. ពិភាក្សាអំពិកិច្ចការមួយចំនួនស្តីពីការអនុវត្តផែនការរួមឆ្ពោះទៅកាន់ការបោះឆ្នោតក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២។

៤. អង្គសន្និបាតបានយល់ជ្រួតជ្រាបស៊ីជម្រៅអំពីខ្លឹមសារនៃទស្សន:សភាពការណ៏ឆ្នាំ ២០២១ និងទិសដៅភារកិច្ចសំខាន់ៗរបស់គណបក្សក្នុងឆ្នាំ២០២២៕

spean

ព័ត៌មានជាតិ

សម្ដេចធិបតី ហ៊ុន ម៉ាណែត ថ្លែងថា ៖ ថ្នាក់ក្រោមទទួលសិទ្ធិហើយ ត្រូវមានម្ចាស់ការដោះស្រាយ ទៅតាមលទ្ធភាព កុំរង់ចាំបទបញ្ជា

November 6, 2023 spean

រាជធានីភ្នំពេញ ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានថ្លែងបញ្ជាក់ថា មន្ត្រីថ្នាក់ក្រោមជាតិ មានខេត្ត ស្រុក ក្រុង ឃុំ សង្កាត់ ទទួលបានសិទ្ធិធ្វើការងារហើយ ត្រូវមានម្ចាស់ការដោះស្រាយទៅតាមលទ្ធភាព កុំរង់ចាំបទបញ្ជាពីថ្នាក់លើ។ ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារថ្មី នៃទីស្តីការក្រសួងមហាផ្ទៃ នាព្រឹកថ្ងៃទី៦ ខែវិច្ឆិកា ឆ្នាំ២០២៣នេះ សម្តេចធិបតី បានស្នើឱ្យថ្នាក់មូលដ្ឋានក្ដាប់បញ្ហាឱ្យជាប់ សម្រួលបញ្ហាឱ្យអស់លទ្ធភាព ចំណែកថ្នាក់លើបើដោះស្រាយបញ្ហាចប់ហើយ ត្រូវជូនដំណឺងឱ្យបានទូលំទូលាយទៅថ្នាក់ក្រោមនិងប្រជាពលរដ្ឋ ចៀសវាងពួកគាត់មិនដឹង នាំគ្នាលើកបដាតវ៉ាមកលើ ខណៈបញ្ហាបានធ្វើរួចរាល់ស្រេចបាច់អស់ហើយនោះ។ សម្ដេចធិបតីថ្លែងម្ដងហើយម្ដងទៀត« ម្ចាស់ការដោះស្រាយទៅតាមលទ្ធភាព កុំរង់ចាំបទបញ្ជា វិមជ្ឈការនេះគឺការប្រគល់សិទ្ធិ ចឹងប្រគល់សិទ្ធត្រូវការដោះស្រាយ មិនមែនតែទំនាស់រឿងនោះទេ ប៉ុន្តែបញ្ហាផ្ដល់សេវារដ្ឋបាលផ្សេងៗ ម្ចាស់ការដោះស្រាយ កុំចាំបាទ បើឱ្យសិទ្ធិហើយចាំទទួល ចាំសួរលើសិន ពេលណាខ្ញុំដោះ អាហ្នឹងវាផ្ដើមចេញពីការកំណត់ឱ្យច្បាស់»។ សម្ដេចធិបតី បានជំរុញឱ្យ ក្រសួង ស្ថាប័ននីមួយៗ ត្រូវចេញណែនាំឱ្យច្បាស់នូវគោលការណ៍ណែនាំបច្ចេកទេសឱ្យច្បាស់ បទដ្ឋានការងារឱ្យច្បាស់ថា សិទ្ធិអ្វី ដែលមូលដ្ឋានកម្រិតណាមានសិទ្ធិដោះ កុំឱ្យគាត់អត់ច្បាស់ មិនហ៊ានធ្វើ ប្រគល់សិទ្ធិហើយបំពាក់បំប៉នគាត់ ហើយប្រគល់សិទ្ធិឱ្យគាត់ យើងផ្ដល់ការគាំទ្រ។ […]

ព័ត៌មានជាតិ

អភិបាលខេត្តកំពង់ឆ្នាំង សម្រេចបញ្ជូនគ្រឿងចក្រ ចំនួន២គ្រឿង ជីកប្រឡាយ សង្គ្រោះស្រូវប្រាំង ប្រជាកសិករ នៅស្រុកបរិបូរណ៍

January 29, 2024 spean

ខេត្តកំពង់ឆ្នាំង ៖ ស្រូវប្រាំងរបស់ប្រជាកសិករចំនួនជាង៧០០ហិកតា ក្នុងភូមិសាស្រ្តឃុំខុនរ៉ង់ ស្រុកបរិបូណ៌ ខេត្តកំពង់ឆ្នាំង ដែលកំពុងជួបប្រទះនូវការក្រៀមស្វិតដោយសារតែគ្មានទឹកស្រាចស្រព ខណៈនេះត្រូវបានឯកឧត្តម អភិបាលខេត្ត និងមន្ទីរធនធានទឹក រួមទាំងក្រុមការងារអាជ្ញាធរមូលដ្ឋាន កំពុងមមាញឹកក្នុងការចុះពិនិត្យ ដាក់គ្រឿងចក្រជីកកាយប្រឡាយបង្ហូរទឹក និងដាក់ម៉ាស៊ីនបូមទឹកខ្នាតធំ នៅតាមបណ្ដាទីតាំង ដើម្បីសង្គ្រោះស្រូវប្រាំងខាងលើនេះឲ្យបានទាន់ពេលវេលា។ ក្នុងនោះឯកឩត្តម ស៊ុន សុវណ្ណរិទ្ធិ អភិបាលខេត្តកំពង់ឆ្នាំង សម្រេចបញ្ជូនគ្រឿងចក្រចំនួន២គ្រឿងជីកប្រឡាយមួយខ្សែដែលមានប្រវែងជាង៣ពាន់ម៉ែត្រ និងដាក់ម៉ាស៊ីនបូមទឹកធុនធំ ដើម្បីនាំទឹកពីទន្លេ យកមកស្រោចស្រពស្រូវប្រាំងរបស់ប្រជាពលរដ្ឋដែលរងការក្រៀមស្វិតចំនួនជាង៧០០ហិកតា ស្ថិតនៅភូមិសាស្រ្តខាងលើនេះ៕

ព័ត៌មានជាតិ

បើកការដ្ឋាន ជួសជុលឡើងវិញ ផ្លូវជាតិលេខ៧៨-៥ ប្រវែង១៦៥០ម៉ែត្រ ក្នុងក្រុងបានលុង

February 23, 2021 spean

ខេត្តរតនគីរី ៖ កាលពីថ្ងៃទី២៣ ខែកុម្ភៈ ឆ្នាំ២០២១ មានប្រារព្វពិធីសម្ពោធបើកការដ្ឋានជួសជុលកំណាត់ផ្លូវជាតិលេខ៧៨-៥ ប្រវែង១៦៥០ម៉ែត្រ ទទឹង១៤ម៉ែត្រ ចាប់ពីចំណុចមុខផ្សារទំនើបស៊ីត្រា ដល់ចំណុចមុខសណ្ឋាគារSN បឹងកំសាន្ត ស្ថិតនៅសង្កាត់បឹងកន្សែង ក្នុងក្រុងបានលុង ក្រោមអធិបតីភាព ឯកឧត្តម ថង សាវុន អភិបាលនៃគណៈអភិបាលខេត្តរតនគិរី។ លោក សាយ សាមាន ប្រធានមន្ទីរសាធារណការ និងដឹកជញ្ជូនខេត្តរតនគិរីបានលើកឡើងថា ការជួសជុលផ្លូវនេះជាប្រភេទគ្រឹះថ្មម៉ិច និងក្រាលកៅស៊ូពីរជាន់(DBST) ដោយប្រើប្រាស់កញ្ចប់ថវិកាជាតិ តាមរយៈក្រសួងសាធារណការ និងដឹកជញ្ជូន និងក្រសួងសេដ្ឋកិច្ច និងហិរញ្ញវត្ថុ អនុវត្តគម្រោងជួសជុលឡើងវិញដោយមន្ទីរសាធារណការ និងដឹកជញ្ជូនខេត្តរតនគិរី។ លោក សាយ សាមានបន្តថាផ្លូវជាតិលេខ ៧៨-៥ ជាផ្លូវមួយយ៉ាងសំខាន់សំរាប់ការអភិវឌ្ឍន៍សេដ្ឋកិច្ចក្នុងក្រុងបានលុង ហើយបានតភ្ជាប់ឆ្ពោះទៅ បណ្ដាស្រុកអូរជុំ , វើនសៃ និងស្រុកតាវែង ដែលមានចរាចរណ៍យ៉ាងមមារញឹក។ លោកប្រធានមន្ទីរបានស្នើអោយប្រជាពលរដ្ឋក្នុងក្រុងបានលុងជាពិសេសអ្នកដែលរស់នៅតាមបណ្តោយផ្លូវ៧៨-៥ទាំងអស់ ចូលរួមបង្កលក្ខណៈងាយស្រួល និងផ្តល់កិច្ចសហការជាមួយ មន្ទីរសាធារណការ និងដឹកជញ្ជូនខេត្តដើម្បីជំរុញឲ្យគម្រោងជួសជុលនេះ អាចដំណើរការបានដោយរលូន និងសំរេចជោគជ័យតាមការគ្រោងទុក ។ មានប្រសាសន៍សំណេះសំណាលនាឱកាសនេះឯកឧត្តម ថង សាវុន […]