ខេត្តឧត្តរមានជ័យ ៖ នៅរសៀលថ្ងៃទី៣១ ខែសីហា ឆ្នាំ២០២ លោក សៀវ រ៉ា អនុប្រធានរដ្ឋបាលព្រៃឈើ តំណាងឯកឧត្តម បណ្ឌិត កែវ អូម៉ាលីស្ស ប្រតិភូរាជរដ្ឋាភិបាលកម្ពុជាទទួល បន្ទុកជាប្រធានរដ្ឋបាលព្រៃឈើ បានដឹកនាំក្រុមការងារប្រតិភូជំនាញរដ្ឋបាលព្រៃឈើ ដោយសហការជាមួយមន្ត្រីរដ្ឋបាលព្រៃឈើខេត្តឧត្តរមានជ័យចុះពិនិត្យស្ថានភាពប្រឈមនានាក្នុងដីស្ថានីយផ្សាព្វផ្សាយ និងស្ថានីយ៍ស្តារព្រៃឈើ ទាំងបីទីតាំង សំរោង កូនក្រៀល ពង្រ ស្ថិតនៅក្រុងសំរោង ស្រុកចុងកាល់ ខេត្តឧត្តរមានជ័យ ដើម្បីចុះពង្រឹងការអនុវត្តច្បាប់ នៅរសៀលថ្ងៃទី៣១ ខែសីហា ឆ្នាំ២០២១។
លោក អឹម សៅរ៍រិទ្ធិ ខណ្ឌរដ្ឋបាលព្រៃឈើឧត្តរមានជ័យ បានថ្លែងប្រាប់ប្រតិភូ ទទួលបន្ទុក រដ្ឋបាលព្រៃឈើ ពីសកម្មភាពការងារ ក្នុងការចុះប្រតិបត្តិការណ៍និងចុះសម្របសម្រួល ណែនាំជាប្រជាពលរដ្ខ មួយចំនួនដែលចូលទៅឈូសឆាយ រុសរាន ហ៊ុមព័ទ្ធ និងចូលទៅ អាស្រ័យផលក្នុងតំបន់ដីរដ្ឋជាច្រើនលើកច្រើនសារដែរ ប៉ុន្តែក្រុមប្រជាពលរដ្ឋមួយចំនួនតូចនៅតែចូលទៅធ្វើសកម្មភាពសង់ខ្ទម ធ្វើស្រែ កាប់រុករានឈូសឆាយហ៊ុមព័ទ្ធ និងលើកគ្នាមកតវ៉ារារាំងក្រុមហ៊ុន សាន ហ៊ាង ដែលបានទទួលសិទ្ធិស្របច្បាប់ពីរាជរដ្ឋាភិបាល ក្នុងការធ្វើការ ដាំដុះដំណាំកសិ .ឧស្សាហកម្ម និងដាំឈើដៃគូរសហការរវាងក្រសួងកសិកម្មរុក្ខាប្រមាញ់និងនេសាទ។
ក្នុងឪកាសនោះដែល លោក សៀ រ៉ា អនុប្រធានរដ្ឋបាលព្រៃឈើ បានធ្វើការកោតសរសើរចំពោះមន្ត្រីរដ្ឋបាលព្រៃឈើ ខេត្តឧត្តរមានជ័យ រួមទាំងអាជ្ញាធរមូលដ្ឋានកងកម្លាំងយោធាពាក់ពន្ធ័ដែលបានសហការគ្នាក្នុងការថែរក្សាការពារដីរបស់រដ្ឋ ដែលមានប្លង់រឹង ដែល បច្ចុប្បន្នគ្រប់គ្រងថែរក្សាដោយក្រសួងកសិកម្មរុក្ខាប្រមាញ់និងនេសាទ។ ពាក់ព័ន្ធករណីនេះលោកនិងត្រឡប់ទៅវិញរាយការណ៍ជូនប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានរដ្ឋបាលព្រៃឈើ និងរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទដើម្បី ជូនជ្រាបជាផ្លូវការ៕
