រាជធានីភ្នំពេញ ៖ ក្រសួងសុខាភិបាល នៅថ្ងៃនេះ បានចេញសេចក្តីជូនព័ត៌មាន ស្តីពីការរកឃើញវីរុសកូវីដ-១៩ បំប្លែងថ្មី B.1.617.2 (Delta) ចំនួន ៣៦ ករណី នៅថ្ងៃទី០៣ ខែសីហា ឆ្នាំ២០២១ ម្សិលមិញ។
នៅក្នុងសេចក្តីជូនព័ត៌មាននោះ ក្រសួងសុខាភិបាល បញ្ជាក់ថា ក្នុងចំណោម៣៦ ករណី គឺមាន ៥នាក់នៅរាជធានីភ្នំពេញ ,៩នាក់នៅខេត្តឧត្តរមានជ័យ, ១៨នាក់នៅខេត្តសៀមរាប និង៤នាក់នៅខេត្តកំពង់ធំ ៕
Related Articles
មន្ទីរកសិកម្ម ខេត្តកំពង់ឆ្នាំង ប្រគល់ថ្នាំ និងសម្ភារៈប្រើប្រាស់ មួយចំនួន ដល់បណ្ដាពេទ្យសត្វស្រុក.ក្រុងទាំង៨
ខេត្តកំពង់ឆ្នាំង ៖ នៅថ្ងៃទី២៤ ខែមករា ឆ្នាំ២០២២ នេះ លោក ក្រឹង សំអាត ប្រធានការិយាល័យផលិតកម្ម និងបសុព្យាបាលខេត្តកំពង់ឆ្នាំង រួមនឹងក្រុមការងារបានរៀបចំពិធីប្រគល់ទទួល ថ្នាំនិងសម្ភារៈពេទ្យសត្វ ក្រោមអធិបតីភាពលោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង ក្នុងនោះរួមមានថ្នាំវ៉ាក់សាំងដុំពកស្បែក ថ្នាំព្យាបាល និងសម្ភារ: បសុពេទ្យមួយចំនួនប្រគល់ជូនដល់ពេទ្យសត្វក្រុង- ស្រុកទាំង៨ផងដែរ។ នៅក្នុងឱកាសនោះផងដែរលោក ងិន ហ៊ុន ក៏បានសំណេះសំណាលជាមួយមន្រ្តីការិយាល័យ ពេទ្យសត្វក្រុង.ស្រុកទាំង៨ដើម្បី-ពង្រឹងការងារជំនាញដល់មន្ត្រីនៅតាមបណ្តាក្រុង.ស្រុកអោយកាន់តែមានប្រសិទ្ធភាពខ្ពស់។ ក្នុងនោះលោក ងិន ហ៊ុន ក៏សូមផ្ដាំផ្ញើដល់ក្រុមការងារមន្ត្រីជំនាញទាំងអស់នៅតាមបណ្ដាក្រុងស្រុកត្រូវយកចិត្តទុកដាក់នឹងចុះផ្សព្វ ផ្សាយនិងយកព័ត៌មានឲ្យបានច្បាស់លាស់អំពីបញ្ហាសត្វឈឺនៅតាមមូលដ្ឋានរបស់បងប្អូនប្រជាពលរដ្ឋ ដើម្បីរាយការណ៍បន្ទាន់មកការិយាល័យនិងមន្ទីរ ដើម្បីចាត់កម្លាំងជំនាញចុះព្យាបាលជូនដល់ប្រជាពលរដ្ឋឱ្យបានទាន់ពេលវេលា។ ជាចុងក្រោយលោក ងិន ហ៊ុន ក៏សូមថ្លែងអំណរគុណយ៉ាងជ្រាលជ្រៅបំផុតដល់មន្ត្រីជំនាញទាំងអស់ដែលបានខិតខំធ្វើការងារកន្លងមកបានល្អប្រសើរ និងសូមជូនពុទ្ធពរទាំងបួនប្រការគឺអាយុវណ្ណៈសុខៈពលៈកុំបីឃ្លាងឃ្លាតឡើយនិងទទួលជោគជ័យគ្រប់ភារកិច្ច៕
ឯកឧត្តម ខូយ រីដា អភិបាលខេត្តពោធិ៍សាត់ ជួបសំណេះសំណាលជាមួយ បងប្អូនប្រជាពលរដ្ឋ អាជីវករផ្សារសាមគ្គីក្រគរ
ខេត្តពោធិសាត់ ៖ នៅថ្ងៃទី១៨ តុលា ២០២៣ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ រួមដំណើរដោយលោកអភិបាលរងខេត្ត មន្ទីរពាក់ព័ន្ធ លោកអភិបាលស្រុកក្រគរ នាយករងរដ្ឋបាលសាលាខេត្ត គណៈកម្មការគ្រប់គ្រងផ្សារនិងអ្នកទទួលបន្ទុកភាស៊ី បានអញ្ជើញចុះជួបសំណេះសំណាលសួរសុខទុក្ខបងប្អូនអាជីវករ ដែលបាននឹងកំពុងធ្វើអាជីវកម្មលក់ដូរទំនិញ ជាពិសេសចំពោះអ្នកលក់ដូរ កញ្ជើ កញ្ច្រែងបន្តិចបន្តួច មិនឱ្យយកភាស៊ីនិងក្តាប់នូវរាល់បញ្ហាមួយចំនួនក៏ដូចបង្កើតនូវភាពស្និទ្ធស្នាលនៅផ្សារសាមគ្គីក្រគរ។ ការចុះជួបសំណេះសំណាលនេះ ឯកឧត្តម ខូយ រីដា អភិបាលនៃគណៈអភិបាលខេត្តបានជួបផ្ទាល់ជាមួយអ្នកលក់ដូរកញ្ជើ កញ្ច្រែងបន្លែបន្តិចបន្តួចជាមនុស្សចាស់ៗប្រមាណជាង១០នាក់ដែលកន្លងមកតែងតែបង់ភាស៊ីប្រចាំនោះ ពេលនេះអភិបាលខេត្តបានស្នើឱ្យម្ចាស់ភាស៊ីក៏ដូចមន្ត្រីមន្ទីរសេដ្ឋកិច្ចនិងហិរញ្ញវត្ថុខេត្ត រួមទាំងអ្នកពាក់ព័ន្ធបញ្ឈប់ក្នុងការបង់ភាស៊ី។ ការអនុវត្តបែបនេះ ក្នុងគោលបំណងចូលរួមចំណែកជួយផ្តល់ទីកន្លែងលក់ដូរសម្រាប់រកទទួលទានប្រចាំថ្ងៃនិងជួយលើកស្ទួយ ជីវភាពដល់ពួកគាត់កាន់តែប្រសើរឡើងហើយជាមួយគ្នានោះសូមឱ្យអ្នកទទួលបន្ទុកភាស៊ី និងរដ្ឋបាលស្រុកត្រូវរួមសហការរៀបចំទីតាំងលក់ដូរឱ្យមានរបៀបរាបរយសណ្តាប់ធ្នាប់ល្អទៅតាមទីតាំងបានកំណត់ឬតាមបែបអណាធិបតេយ្យបង្កការប៉ះពាល់ដល់អ្នកដំណើរ។ ចំពោះសមត្ថកិច្ចមូលដ្ឋាន គណៈកម្មការផ្សារនិងសន្តិសុខត្រូវទទួលខុសត្រូវខ្ពស់លើការងារសន្តិសុខ សណ្តាប់ធ្នាប់ សុវត្ថិភាពនៅក្នុងនិងជុំវិញទីផ្សារព្រមទាំងបង្កើនការយកចិត្តទុកដាក់ក្នុងការគ្រប់គ្រងរាល់សំរាម កាកសំណល់រឹង រាវ ទីផ្សារនិងប្រព័ន្ធបង្ហូរទឹកជុំវិញផ្សារជាពិសេសបរិវេណមុខផ្សារឱ្យបានស្អាតល្អនិងមានសោភ័ណ្ឌភាពដើម្បីធានាដល់ចរន្តទឹកហូរបានទាន់ពេលវេលា មិនបង្កឱ្យមានការកកស្ទះហើយក៏ជាមុខមាត់របស់ផ្សារនិងរដ្ឋបាលស្រុកក្រគរយើង។ ឯកឧត្តមក៏បានលើកឡើងផងដែរថា ផ្សារក្រគរ រហូតមកដល់ពេលនេះពិនិត្យឃើញថា កាន់តែមានរបៀបរាបរយនិងមានសោភណ្ឌភាពល្អច្រើននេះគឺដោយសារការយកចិត្តទុកដាក់ពីសំណាក់ក្រុមការងាររាជរដ្ឋាភិបាលចុះជួយស្រុកក្រគរនិងស្រុកកណ្តៀងសហការជាមួយអាជ្ញាធរស្រុកឃុំ គណៈ កម្មការផ្សារនិងមានការចូលរួមពីបងប្អូនអាជីវករនោះទើបធ្វើផ្សារមួយនេះកាន់តែមានភាពទាក់ទាញពីគ្រប់មជ្ឈដ្ឋាន។ តែទោះជាយ៉ាងនេះក៏ដោយសូមឱ្យរដ្ឋបាលស្រុកក្រគរ គណកម្មការផ្សារត្រូវពិនិត្យតាមដានជាប់ជាប្រចាំដើម្បីក្តាប់បាននូវរាល់បញ្ហាប្រឈម នានាដែលកើតមាន ជៀសវាងបង្កការថ្នាំងថ្នាក់ពីសំណាក់បងប្អូនអាជីវករមកលើថ្នាក់ដឹកនាំ។ នៅពេលអញ្ជើញចុះជួបបងប្អូនអាជីវករនៅក្នុងផ្សារសាមគ្គីក្រគរនោះឯកឧត្តម អភិបាលនៃគណៈអភិបាលខេត្ត រួមជាមួយក្រុមការងារបានអញ្ជើញពិសារអាហារបបរ គុយទាវមានសភាពសាមញ្ញនិងបង្កើតនូវភាពស្និទ្ធស្នាលជាមួយបងប្អូនអាជីវករដោយក្តីរីករាយបំផុត៕
ថ្នាក់ដឹកនាំ ចុះពិនិត្យ កងកម្លាំង ឈរជើងនៅតាម បន្ទាត់ព្រំដែន ក្នុងភូមិសាស្ត្រ ខេត្តបន្ទាយមានជ័យ ដើម្បីធានាបាន គ្មានការលួចឆ្លងដែន ចូលមកកម្ពុជា ដោយមិនបានធើ្វចត្តាឡីស័ក
ខេត្តបន្ទាយមានជ័យ ៖ ដើម្បីធានាបាន គ្មានការលួចឆ្លងដែនចូលមកកម្ពុជា ពីសំណាក់ប្រជាពលរដ្ឋខ្មែរ ដោយមិនបានធើ្វចត្តាឡីស័ក ឲ្យបានត្រឹមត្រូវតាមការណែនាំរបស់ក្រសួងសុខាភិបាល ដើម្បីបញ្ជៀសការឆ្លងរីករាលដាលនូវជំងឺកូវីដ១៩ ក្នុងសហកមន៍ និងក្រោយពីទទួលសារណែនាំពីប្រមុខរាជរដ្ឋាភិបាលកម្ពុជា ដើម្បីធ្វើការពង្រឹងការត្រួតពិនិត្យ និងទប់ស្កាត់ពលករចំណាក់ស្រុកខុសច្បាប់នោះ លោកឧត្តមសេនីយ៍ទោ សេង ធារិន មេបញ្ជាការស្តីទី យោធភូមិភាគទី៥ រួមដំណើរដោយលោកអភិបាលរងខេត្ត លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្ត លោកឧត្តមសេនីយ៍ត្រី បញ្ជាការកងរាជអាវុធហត្ថខេត្ត លោកមេបញ្ជាការ កងពលតូចថ្មើរជើងលេខ៥១ លោកអភិបាលក្រុងប៉ោយប៉ែត អញ្ជើញចុះត្រួតពិនិត្យពង្រឹងកងកម្លាំងអន្តរាគមន៍ របស់កងពលតូចថ្មើរជើងលេខ៥១ ដែលកំពុងឈរជើង សហការជាមួយកម្លាំងចម្រុះនៅតាមខ្សែបន្ទាត់ព្រំដែនកម្ពុជា-ថៃ។ លោក ង៉ោ ម៉េងជ្រួន អភិបាលរងខេត្តបន្ទាយមានជ័យ បានមានប្រសាសន៍ថា៖ការចុះពិនិត្យនៅច្រកទ្វារព្រំដែនអន្តរជាតិប៉ោយប៉ែតនេះ ដោយបានសហកាជាមួយកងកម្លាំងបីរួមមានៈកងកម្លាំងយោធា កម្លាំងកងរាជអាវុធហត្ថ កម្លាំងនគរបាល គឺធ្វើទៅតាកកិច្ចព្រមព្រៀងរវាងភាគីទាំងពីរនាពេលកន្លងមក ពោលគឺធ្វើការត្រួតពិនិត្យកំដៅលើតៃកុងរថយន្ត និងធ្វើការពិនិត្យលើទ្រុងរថយន្ត ដែលបានដាក់ទំនិញ ដើម្បីការពារក្រែងមានការលួចបង្កប់ពលករឆ្លងដែនខុសច្បាប់។ ជាមួយគ្នានោះដែរលោកឧត្តមសេនីយ៍ទោ សេង ធារិន មេបញ្ជាការស្តីទី យោធភូមិភាគទី៥ បានដាក់បទបញ្ជាដាច់ខាតដល់កងកម្លាំងទាំងអស់ ត្រូវអនុវត្តបទបញ្ជាថ្នាក់លើ ម៉ឺងម៉ាត់បំផុត ដើម្បីធានាបានគ្មានការលួចឆ្លងដែនចូលដោយមិនបានធើ្វចត្តាឡីស័ក គ្រប់បណ្តាគោលដៅ […]