អន្តរជាតិ ៖ នៅព្រឹកថ្ងៃច័ន្ទនេះ ក្រសួងសុខាភិបាលថៃ បានរាយការណ៍ថា មានអ្នកស្លាប់ដោយសារជំងឺកូវីដ ១៩ ថ្មីចំនួន ១៧៨ នាក់និ ងករណីថ្មីចំនួន ១៧.៩៧០ ករណី ក្នុងរយៈពេល ២៤ ម៉ោងចុងក្រោយនេះ។
អាជ្ញាធរថៃ បាននិយាយថា ក្នុងចំណោមករណីឆ្លងថ្មីខាងលើ គឺមាន ១៧.៧៩៥ ករណីជាប្រជាជនទូទៅនិង ១៧៥ ករណីទៀតជាអ្នកទោសក្នុងពន្ធនាគារ។
ចាប់តាំងពីថ្ងៃទី ១ ខែមេសា នៅពេលផ្ទុះឡើងរលកទី ៣ នៃកូវីដ ១៩ មានអ្នកឆ្លងសរុបចំនួន ៦០៤.៤២១ នាក់ក្នុងនោះ ៣៩១.៨១៥ នាក់បានជាសះស្បើយ។
ចាប់តាំងពីជំងឺរាតត្បាតនេះបានផ្ទុះឡើងកាលពីដើមឆ្នាំមុន មានករណីឆ្លងជំងឺកូវីដ ១៩ សរុបចំនួន ៦៣៣.២៨៤ ករណីក្នុងនោះ ៤១៩.២៤១ នាក់បានជាសះស្បើយ។ ចំនួនអ្នកស្លាប់មានចំនួន ៥.០៧៧ នាក់នៅក្នុងរលកទី ៣ នាំឲ្យចំនួនអ្នកស្លាប់សរុបកើនឡើងដល់ ៥.១៦៨ នាក់ចាប់តាំងពីការផ្ទុះឡើងនៃជំងឺរាតត្បាតកាលពីដើមឆ្នាំមុន៕