គ្រាប់មិនទាន់ផ្ទុះ និងចាស់ៗ ចំនួន១៦គ្រាប់ នៅស្រុកកំពង់ត្រទ្បាច ត្រូវបានប្រគល់ជូន កម្លាំងCMAC យកមករក្សាទុក

July 21, 2021 spean Comment(0)

ខេត្តកំពង់ឆ្នាំង ៖ កាលពីម្សិលមិញ កម្លាំងអធិការដ្ឋាននគរបាលស្រុកកំពង់ត្រឡាច សហការជាមួយកម្លាំងស៊ីម៉ាកCMAC បានចុះយកគ្រាប់ចាស់ៗមិនទាន់ផ្ទុះចំនួន ១៦គ្រាប់ រួមមាន ៖ គ្រាប់៨២ម.ម ចំនួន ០២គ្រាប់, គ្រាប់M៧៩ម.ម ចំនួន ០៤គ្រាប់, គ្រាប់៦០ម.ម ចំនួន ០៦គ្រាប់, គ្រាប់១០៥ម.ម ចំនួន ០១គ្រាប់ និងគ្រាប់១០៧ម.ម ចំនួន ០៣គ្រាប់។

សូមជម្រាបថា គ្រាប់ទាំងអស់នោះត្រូវបានប្រជាពលរដ្ឋប្រទះឃើញនៅស្រុកកំពង់ត្រឡាច ខេត្តកំពង់ឆ្នាំង កាលពីថ្មីៗនេះ ហើយកម្លាំងស៊ីម៉ាក់បានចុះយកមករក្សាទុក ដើម្បីកុំឲ្យមានហានិភយ័ដែលអាចកើតមានជាយថាហេតុ៕

spean

ព័ត៌មានសន្តិសុខសង្គម

ទំនិញខូចគុណភាព ហួសកាលកំណត់ ជាង២តោន ដែលរឹបអូសទុក ត្រូវបានមន្ត្រីជំនាញ ក.ប.ប ខេត្តបន្ទាយមានជ័យ បំផ្លាញចោល

October 13, 2021 spean

ខេត្តបន្ទាយមានជ័យ ៖ ទំនិញខូចគុណភាព ,ហួសកាលកំណត់ប្រើប្រាស់ គ្មានស្តង់ដារដឹកជញ្ជូននិងវេចខ្ចប់ ជាច្រើនប្រភេទ សរុបទម្ងាន់ជាង២តោន ត្រូវបានមន្ត្រីជំនាញសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ឬ ក.ប.ប ខេត្តបន្ទាយមានជ័យ ដឹកនាំដោយលោក សាន វិជ្ជាសារ៉ាវុធ ប្រធានសាខា សហការជាមួយមន្ទីរពាណិជ្ជកម្មខេត្ត ដឹកនាំដោយលោក ដុំ វណ្ណឌី អនុប្រធាន ដុតកំទេចចោល ។ ការដុតកម្ទេចចោលនេះ បានធ្វើឡើងនៅក្បែរមន្ទីរពិសោធខា្នតតូច របស់មន្ត្រីជំនាញក.ប.ប នៅក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ហើយមានការសម្របសម្រួលនិតិវិធីពីលោកព្រះរាជអាជ្ញានៃអយ្យការអមសាលាដំបូងខេត្តបន្ទាយមានជ័យផងដែរ ។ និងក៏ក្រោយពីជំនាញបានអនុវត្តនិតិវិធីអោយម្ចាស់ទំនិញបង់ប្រាកផាកពិន័យរួចហើយដែរ ។ ទំនិញជាច្រើនមុខដែលត្រូវដុតកម្ទេចចោលរួមមានដូចជា៖ ១/នំធុងមានចំនួន ៦៨ធុង ស្មើ២៧២គីឡូក្រាម ២/ទឹកដោះគោហូឡង់Dutch Millមានចំនួន២.០៧០ដប ស្មើ១.៧១៨,១០គីឡូក្រាម ,៣/ទឹកដោះគោស្រស់ Maji មាន ចំនួន៣០០ដប ស្មើ ៦០០លីត្រ ,និង៤/យ៉ាអ៊ួរ Dutch Nata De Coco មានចំនួន ២១យួរ ស្មើ៦៥,៥២គីឡូក្រាម […]

ព័ត៌មានសន្តិសុខសង្គម

មន្ត្រីជំនាញ រកឃើញ ជាបន្តបន្ទាប់ និងដកហូត អាល់កុលក្លែងក្លាយ ជាង ០៦ តោន នៅស្រុកគីរីវង្ស

September 6, 2021 spean

ខេត្តតាកែវ ៖ មន្ត្រីជំនាញសាខាក.ប.ប.ខេត្តតាកែវ ក្រោមកិច្ចសម្របសម្រួលដោយព្រះរាជអាជ្ញាអមសាលាដំបូងខេត្តតាកែវ និងមានការចូលរួមពីសមត្ថកិច្ចពាក់ព័ន្ធនិងអាជ្ញាធរដែនដី បានចុះត្រួតពិនិត្យ និងឆែកឆេរឃ្លាំងស្តុកទំនិញមួយកន្លែង ដែលមានទីតាំងស្ថិតនៅភូមិផ្សារ ឃុំភ្នំដិន ស្រុកគីរីវង្ស ខេត្តតាកែវ នៅថ្ងៃទី០៦ ខែកញ្ញា ឆ្នាំ២០២១ ។ បន្ទាប់ពីបានត្រួតពិនិត្យ មន្ត្រីជំនាញបានរកឃើញសារធាតុមេតាណុល ចំនួន២៣០ប៊ីដុង ស្មើនឹង ៦,៩០០លីត្រ ដែលត្រូវបានស្តុកទុកដោយគ្មានលិខិតស្នាមពីស្ថាប័នពាក់ព័ន្ធ។ វត្ថុតាងទាំងអស់ត្រូវបានដកហូតមករក្សាទុក ដើម្បីអនុវត្តនីតិវិធីបន្ត។ សូមរំលឹកផងដែរថា កាលពីថ្ងៃទី០៥ ខែកញ្ញា ឆ្នាំ២០២១ មន្ត្រីជំនាញសាខា ក.ប.ប. ខេត្តតាកែវ ក៏បានចាប់ឃាត់ទុកសារធាតុមេតាណុលចំនួន៧១៤ ប៊ីដុង ស្មើនឹង ២១,៤២០លីត្រ នៅលើកំណាត់ផ្លូវជាតិលេខ ០២ ត្រង់ចំណុចឃុំភ្នំដិន ស្រុកគីរីវង្ស ខេត្តតាកែវ ខណៈដែលកំពុងត្រូវបានដឹកជញ្ជូនពីព្រំដែន ក្នុងបំណងយកមកចែកចាយនៅលើទីផ្សារប្រទេសកម្ពុជា៕

ព័ត៌មានសន្តិសុខសង្គម

រថយន្តសេរីទំនើបម៉ាក LEXUS.RX330 ពណ៌សមួយគ្រឿង បើកបរជ្រុលទៅ បុករង្វង់មូលយាយទេព និងបន្តបុក របងផ្ទះប្រជាពលរដ្ឋ ខូចខាតយ៉ាងដំណំ រងរបួសធ្ងន់ស្រាលបីនាក់

January 31, 2024 spean

ខេត្តបាត់ដំបង ៖ នៅវេលាម៉ោង ០៣និង០០នាទី ថ្ងៃទី៣០ ខែមករា ឆ្នាំ២០២៤ នៅតាមបណ្តោយផ្លូវជាតិលេខ៥ ត្រង់ចំណុចរង្វង់មូលយាយទេព ស្ថិតក្នុងភូមិអង់ សង្កាត់អូរចារ ក្រុងបាត់ដំបង មានមនុស្សប្រុសស្រីចំនួន០៣នាក់បានរងរបួសធ្ងន់ស្រាល នៅក្នុងហេតុការណ៍រថយន្តសេរីទំនើប០១គ្រឿងដែលបើកបរក្នុងល្បឿនលឿនជ្រុលទៅបុករង្វង់មូលយាយទេព និងបន្តបុករះរបងផ្ទះនិងដើមឈើរបស់ពលរដ្ឋ ។ ប្រភពនៅកន្លែងកើតហេតុបានប្រាប់ថា នៅមុនពេលកើតហេតុគេឃើញរថយន្តសេរីទំនើបម៉ាក LEXUS.RX330ពណ៌សមួយគ្រឿង ពាក់ផ្លាកលេខភ្នំពេញ 2P-6818 បើកបរដោយបុរសម្នាក់និងអ្នករួមដំណើរប្រុសស្រី០២នាក់ ក្នុងល្បឿនយ៉ាងលឿន ទិសដៅពីកើតទៅលិច លុះមកដល់ចំណុចកើតហេតុក៏ជ្រុលចង្កូតទៅបុករង្វង់មូលយាយទេព និងបន្តទៅបុករះរបងផ្ទះ និងដើមឈើប្រជាពលរដ្ឋបណ្តាលអោយដួលរលំ រងរបួសធ្ងន់ស្រាលទាំងបីនាក់ ចំណែករថយន្តខូចខាតយ៉ាងដំណំ។ ក្រោយពេលកើតហេតុ សមត្ថកិច្ចជំនាញបានចុះទៅដឹកជនរងគ្រោះទៅសង្រ្គោះព្យាបាលនៅមន្ទីរពេទ្យ ចំណែករថយន្តត្រូវបានធ្វើកំណត់ហេតុស្ទូចយកទៅរក្សាទុកនៅការិយាល័យចរាចរណ៍ផ្លូវគោកដើម្បីចាត់ការតាមនីតិវិធីច្បាប់។