អន្តរជាតិ ៖ ភ្លៀងធ្លាក់ដ៏អាក្រក់បានធ្វើឲ្យផ្អាកប្រព័ន្ធផ្លូវក្រោមដីរបស់ទីក្រុង បន្សល់ទុកអ្នកដំណើរជាច្រើននាក់ជាប់ដែលមានទឹកកម្ពស់ត្រឹមចង្កេះ នៅទីក្រុង Zhengzhou ដែលកម្រិតទឹកជាង២០សង់ទីម៉ែត្រវាយប្រហាររយៈពេលមួយម៉ោងកាលពីថ្ងៃអង្គារ៍ ។ នេះតាមការចេញផ្សាយរបស់ទីភ្នាក់ងារសារព័ត៌មានរដ្ឋចិនស៊ិនហួរ បានផ្សាយនៅថ្ងៃពុធនេះថា ភ្លៀងធ្លាក់ខ្លាំងខុសពីធម្មតា បង្កជាទឹកជំនន់បានវាយប្រហារខេត្ត Henan ភាគកណ្ដាសប្រទេសចិន បណ្ដាលឲ្យមនុស្ស១២នាក់ស្លាប់និងមនុស្សប្រហែល១០ម៉ឺននាក់ត្រូវបានជម្លៀសទៅកាន់ទីសុវត្ថិភាព ។
ខេត្ត Henan ភ្លៀងបានចាប់ផ្តើមធ្លាក់ខ្លាំងកាលពីថ្ងៃទី១៧ ខែកក្កដា។ នៅថ្ងៃអង្គារ៍កន្លងទៅ អាជ្ញាធរអាកាសធាតុបានចេញសេចក្តីព្រមានពីកម្រិតទឹកខ្ពស់បំផុតរបស់ខេត្ត ហើយការព្យាករណ៍អាកាសធាតុចិនថា នឹងមានភ្លៀងធ្លាក់កាន់តែខ្លាំងថែមទៀត។
ចាប់ពីថ្ងៃសៅរ៍ដល់អង្គារ៍ ស្ថានីយ៍ឧតុនិយម៣៥៣៥កន្លែងនៅខេត្ត Henan ដែលជាខេត្តមួយមានប្រជាជនច្រើនបំផុតរបស់ចិនគឺប្រមាណ៩៤លាននាក់ត្រូវបានរាយការណ៍ថា មានភ្លៀងធ្លាក់ទូទាំងខេត្តលើសពី៥សង់ទីម៉ែត្រ។ ក្នុងចំណោមនោះ មានស្ថានីយ៍ចំនួន១៦១៤មានកម្រិតទឹកលើស១០សង់ទីម៉ែត្រ និង១៥១កន្លែងមានកម្រិត២៥សង់ទីម៉ែត្រ។
ទឹកជំនន់ជាករណីធម្មតានៅក្នុងរដូវធ្លាក់ភ្លៀងនៅប្រទេសចិន ប៉ុន្តែផលប៉ះពាល់កាន់តែអាក្រក់ៗទៅអស់រយៈពេលជាច្រើនទសវត្សរ៍ហើយ ដោយផ្នែកជាច្រើននៃការអភិវឌ្ឍនគរូបនីយកម្មយ៉ាងឆាប់រហ័សរបស់ចិន និងវិបត្តិអាកាសធាតុសកល។
ស្ថានភាពអាកាសធាតុដ៏អាក្រក់បានកើតមានឡើងនៅតាមផ្នែកជាច្រើននៅប្រទេសចិនក្នុងរដូវក្តៅនេះ។ មនុស្សរាប់លាននាក់នៅខេត្ត Sichuan ត្រូវបានផ្លាស់ទីលំនៅក្នុងខែនេះដោយសារទឹកឡើងខ្ពស់ និងរអិលបាក់ដី៕