ខេត្តឧត្តរមានជ័យ ៖នៅថ្ងៃទី ០៩ ខែមិថុនា ឆ្នាំ២០២១ ក្នុងពិធីរៀបចំទិវាបរិស្ថានជាតិនិងបរិស្ថានពិភពលោក ៥ មិថុនាឆ្នាំ២០២១ ក្រោមប្រធានបទ (អភិរក្សជីវៈចម្រុះដើម្បីយើងទាំងអស់គ្នា) នៅក្នុងនោះមានការអញ្ជើញចូលរួមពីបណ្តាអង្គភាព មន្ទីរជំនាញ កងកម្លាំងប្រដាប់អាវុធ សហភាពសហព័ន្ធយុវជនកម្ពុជាខេត្តឧត្តរមានជ័យ ព្រឹត្តិការណ៍នេះប្រារព្ធធ្វើឡើងនៅមុខសួនច្បារសាលាខេត្តឧត្តរមានជ័យ និងតាមរយៈការដាំកូនក្ងោកចំនួនជាង៣០០ដើម។
អភិបាលខេត្តឧត្តរមានជ័យ ឯកឧត្តម ប៉ែន កុសល្យ បានជំរុញឱ្យមន្ត្រីរាជការស៊ីវិល យុវជននិងប្រជាពលរដ្ឋឲ្យចូលរួមក្នុង ម្នាក់ៗដាំដើមឈើអោយបានច្រើនដើមនិងចូលរួមក្នុងការផ្សព្វផ្សាយអំពីបញ្ហាបរិស្ថានការប្រែប្រួលអាកាសធាតុការអភិរក្សជីវៈចម្រុះនិងធនធានធម្មជាតិ ធ្វើយ៉ាងណាលើកកម្ពស់ការស្រឡាញ់បរិស្ថាននិងចេះថែរក្សាអនាម័យនៅតាមភូមិឋានរបស់ខ្លួន ជាពិសេសនិងចូលរួមការពារ ការរីករាលដាលនៃជំងឺកូវីដ ១៩ ផងដែរ។
នៅថ្ងៃទី ០៩ ខែមិថុនា ឆ្នាំ២០២១ ក្នុងពិធីរៀបចំទិវាបរិស្ថានជាតិនិងបរិស្ថានពិភពលោក ៥ មិថុនាឆ្នាំ២០២១ ក្រោមប្រធានបទ (អភិរក្សជីវៈចម្រុះដើម្បីយើងទាំងអស់គ្នា) នៅក្នុងនោះមានការអញ្ជើញចូលរួមពីបណ្តាអង្គភាព មន្ទីរជំនាញ កងកម្លាំងប្រដាប់អាវុធ សហភាពសហព័ន្ធយុវជនកម្ពុជាខេត្តឧត្តរមានជ័យ ព្រឹត្តិការណ៍នេះប្រារព្ធធ្វើឡើងនៅមុខសួនច្បារសាលាខេត្តឧត្តរមានជ័យ និងតាមរយៈការដាំកូនក្ងោកចំនួនជាង៣០០ដើម។
ឯកឧត្តម ប៉ែន កុសល្យ បានថ្លែងបន្តថា ទិវាបរិស្ថានឆ្នាំនេះមិនមានការជួបប្រជុំគ្នាដូចបណ្តាឆ្នាំមុនៗទេ គឺក្រសួងរៀបចំតាមរយៈ ប្រព័ន្ធអន ឡាញតែប៉ុណ្ណោះ ដោយសាតែកម្ពុជា ក៏ដូចជាពិភពលោក ក្នុងរយៈពេល ២ឆ្នាំ ជាប់ៗគ្នានេះ កំពុងប្រយុទ្ធប្រឆាំងនឹងជំងឺកូវីដ ១៩។ ឯកឧត្តមថា ទិវាបរិស្ថាននេះ មានសារៈសំខាន់ខ្លាំងណាស់ ដើម្បីលើកកម្ពស់ ការយល់ដឹងពីបរិស្ថាននៅកម្ពុជា ឱ្យកាន់តែល្អប្រសើរ បន្ថែមទៀត៖ «ការប្រារព្ធទិវាបរិស្ថានជាតិ និងពិភពលោកនេះ គឺទី ១ គឺ យើងផ្តោតសំខាន់ទៅលើការផ្សព្វផ្សាយកិច្ចការងារ ការពារ និងអភិរក្សធនធាន ធម្មជាតិ ក៏ដូចជាមួយហ្នឹងពាក់ព័ន្ធកិច្ចគាំពារបរិស្ថាន ។ និយាយជារួម គឺដើម្បីផ្ដល់នូវចំណេះដឹងក៏ដូចជាព័ត៌មានផ្សេងៗ អំពីបរិស្ថានជូនដល់ ប្រជាពលរដ្ឋ ហើយកែប្រែឥរិយាបថ របស់ពលរដ្ឋ ឱ្យចូលរួមក្នុងកិច្ចការពារបរិស្ថាន»៕
