នៅព្រឹក ថ្ងៃទី១២ ខែកញ្ញា ឆ្នាំ២០២១ ក្នុងកម្មវិធីមហាសន្និបាតនៃក្តីសង្ឃឹមពិភពលោកលើកទី៧ ៖ ស្ថាប័នស្រាវជ្រាវឆ្នាំ២០២២ ក្រោមប្រធានបទ «សន្តិភាពនៅតំបន់អាស៊ីប៉ាស៊ីហ្វិក» សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទទួលបានមេដាយសហប្រធានកិច្ចប្រជុំកំពូលសន្តិភាពពិភពលោក2021 (World Summit Peace) ពីមហាសន្និបាតនៃក្តីសង្ឃឹមលើកទី៧ ក្រោមប្រធានបទស្តីពី “សន្តិភាពនៅតំបន់អាស៊ីប៉ាស៊ីហ្វិក”។ សម្តេចតេជោ ហ៊ុន សែន គឺជាស្ថាបនិកសន្តិភាពយ៉ាងពិតប្រាកដនៅកម្ពុជា និងជាមេដឹកនាំគំរូដ៏អស្ចារ្យមួយរូបក្នុងឧបទ្វីបអាស៉ី៕
Day: September 13, 2021
សម្តេចតេជោ ហ៊ុន សែន និងប្រមុខការទូតចិន អញ្ជើញក្នុង ពិធីប្រគល់-ទទួល ពហុកីឡដ្ឋានជាតិ មរតកតេជោ
រាជធានីភ្នំពេញ ៖ នៅរសៀល ថ្ងៃអាទិត្យ ៦កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១២ ខែកញ្ញា ឆ្នាំ២០២១ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង ឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេស នៃសាធារណរដ្ឋប្រជាមានិតចិន បានអញ្ជើញក្នុងពិធីប្រគល់-ទទួល ពហុកីឡដ្ឋានជាតិមរតកតេជោ ក្នុងឱកាសដែលឯកឧត្តមអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រកម្ពុជានៅថ្ងៃទី១២-១៣ ខែកញ្ញា ឆ្នាំ២០២១។ តាមអោយដឹងពី ឯកឧត្តម ថោង ខុន បានអោយដឹងថា ពហុកីឡដ្ឋានជាតិមរតកតេជោ នឹងក្លាយជាទីកន្លែងសំខាន់សម្រាប់ រៀបចំការប្រកួតកីឡាអាស៊ីអាគ្នេយ៍ នៅឆ្នាំ២០២៣ ដែលកម្ពុជានឹងត្រូវធ្វើជាម្ចាស់ផ្ទះ។ ពហុកីឡដ្ឋានលំដាប់អន្តរជាតិនេះ អាចផ្ទុកអ្នកទស្សនាបានប្រមាណ៦ម៉ឺននាក់ និងអាចជម្លៀសទស្សនិកជនត្រឹមរយៈពេល៧នាទីក្នុងករណីមានហេតុការណ៍មិនប្រក្រតីកើតឡើង។ ពហុកីឡដ្ឋានជាតិនេះ ក៏ជាកន្លែងសំខាន់មួយសម្រាប់រៀបចំពិព័រណ៍ពាណិជ្ជកម្ម ឬពិព័រណ៍ទេសចរណ៍ផងដែរ ក្រៅពីនោះក៏មានជាសណ្ឋាគារ និងផ្សារដែលសាងសង់ព្រមជាមួយគ្នាទៀតផង ។ ឯកឧត្តម វ៉ាង យី បានអបអរសាទរចំពោះកម្ពុជា […]
ប្រជាជនថៃ ប្រមាណ ៩៩.៧% នៅរដ្ឋធានីបាងកក អនុវត្តការពាក់ម៉ាស់ បានត្រឹមត្រូ វហើយជំរុញឲ្យ អ្នកដែលរស់នៅ តាមបណ្តាខេត្ត ឱ្យអនុវត្តតាម
អន្តរជាតិ ៖ មជ្ឈមណ្ឌលគ្រប់គ្រង Covid-19 (CCSA) បាននិយាយកាលពីថ្ងៃសុក្រថា ប្រជាជនដែលរស់នៅទីក្រុងបាងកកស្ទើរតែទាំងអស់បានអនុវត្តការពាក់ម៉ាស់បានត្រឹមត្រូវហើយក៏ជំរុញឲ្យអ្នកដែលរស់នៅតាមបណ្តាខេត្តឱ្យអនុវត្តតាមផងដែរ។ តាមការបញ្ជាក់របស់ លោកវេជ្ជបណ្ឌិត Taweesilp Visanuyothin អ្នកនាំពាក្យ CCSA បាននិយាយថាមនុស្សប្រមាណ ៩៩,៧% ដែលត្រូវបានស្ទង់សិត្ថិនៅទីក្រុងបាងកកដោយអង្គការ “ AI Mask” របស់ក្រសួងស្រាវជ្រាវវិទ្យាសាស្ត្រ ត្រូវបានគេសង្កេតឃើញថាការពាក់ម៉ាស់របស់ពួកគេគឺបានត្រឹមត្រូវទៅតាមស្ដង់ដាសុវត្តិភាព។ យោងតាមការស្ទង់សិត្ថិដែលបានអនុវត្តជាប្រចាំសប្តាហ៍បានបង្ហាញថាប្រជាជនប្រមាណ ០,២៦% ដែលពាក់ម៉ាស់មិនបានត្រឹមត្រូវនិង ០.០២% មិនគោរពតាមវិធានការត្រួតពិនិត្យសុខភាព។ ការស្ទង់មតិនេះត្រូវបានធ្វើឡើងនៅក្នុងស្រុកចំនួន ២៩ ដោយប្រើប្រាស់មនុស្សចំនួន ៦១៣០ នាក់។ លោកក៏បានបន្ថែមទៀតផងដែរថា “ប្រជាជនដែលរស់នៅតាមបណ្ដាខេត្តផ្សេងៗ គួរតែយកគំរូអ្នករស់នៅក្នុងក្រុង ទើបជាការល្អ”៕ ប្រភព៖ Bangkok Post
CMAC ដំណើរការ បោសសម្អាតមីន និងយុទ្ធភ័ណ្ឌ មិនទាន់ផ្ទុះ ជំហានដំបូង នៅតាមផ្លូវបុរាណ និងបរិវេណប្រាសាទតាម៉ែន ក្នុងរមណីយដ្ឋានប្រាសាទកោះកេរ
ខេត្តព្រះវិហារ ៖ នៅថ្ងៃទី១០ ខែកញ្ញា ឆ្នាំ២០២១ យោងតាមការស្នើសុំរបស់អាជ្ញាធរជាតិព្រះវិហារ និងតាមរយៈការចុះត្រួតពិនិត្យទីតាំងជាក់ស្តែងកាលពីថ្ងៃទី០២ ខែកញ្ញា ឆ្នាំ២០២១ តាមទីតាំងប្រាសាទសំខាន់ៗមួយចំនួនក្នុងរមណីយដ្ឋានប្រាសាទកោះកេរ ក្នុងគោលបំណងអភិរក្ស និងបើកផ្លូវទេសចរណ៍ចូលទៅកាន់ប្រាសាទទាំងនោះ ចាប់តាំងពីថ្ងៃទី០៧ ខែកញ្ញា ឆ្នាំ២០២១ កន្លងមកនេះ CMAC បាននឹងកំពុងដំណើរការបោសសម្អាតមីន និងយុទ្ធភ័ណ្ឌមិនទាន់ផ្ទុះជំហ៊ានដំបូងនៅតាមផ្លូវបុរាណ និងបរិវេណប្រាសាទតាម៉ែនលើផ្ទៃដីទំហំ ៤,៦៧ ហិចតា ស្ថិតនៅក្នុងតំបន់ការពារទី២ នៅថ្ងៃទី១០ ខែកញ្ញា ឆ្នាំ២០២១។ ក្នុងអំទ្បុងពេលដំណើរការបោសសម្អាតបានប្រទះឃើញស្រះបុរាណចំនួន៣ ដែលស្រះនីមួយៗមានទំហំ ប្រមាណ ២០ គុណ ៣០ម៉ែត្រ នៅក្នុងបរិវេណក្បែរប្រាសាទតាម៉ែន ព្រមទាំងប្រទះឃើញមានយុទ្ធភ័ណ្ឌមិនទាន់ផ្ទុះមួយចំនួនដែលបន្សល់ទុកពីសម័យសង្គ្រាម ៕